2023-2024 تنسيق الجامعات والمعاهد

16/08/2025

https://vt.tiktok.com/ZSAJnV2Yy/

شاهد الفيديو الذي أنشأه @حقوق اسكندريه 2025.

25/08/2024

25/08/2024

تقليل اغتراب وتحويل بين الكليات
🚨🚨الكلام ده مهم للناس اللي بتسأل يعني ايه تقليل اغتراب ويعني ايه تحويل لو جالك كليه بعيد أو كليه مش عايزها
بعد إعلان نتيجة المرحلة الثانية سيتم فتح باب التحويلات لطلاب المرحلة الأولي والثانية يعني بعد حوالي 72 ساعه
_______
تقليل الاغتراب بينقسم الي نوعين
1️⃣ تحويل مناظر //
وده بتحول من كليه في محافظة بعيده عنك إلي نفس الكليه في محافظة أقرب وليس العكس وليس شرطاً انك تكون جايب مجموع الكليه في محافظتك يعني لو أنت من سوهاج وجالك أداب أسوان تقدر تحول لأداب سوهاج حتي لو مش جايب مجموعها. بس مينفعش تحول من كليه في محافظتك الي محافظة أخري
2️⃣ تحويل غير مناظر//
وده بتحول من كليه لكليه تاني خالص يعني من أداب لتربيه مثلا وعشان تحول لازم -تكون جايب مجموع الكليه إلي عايز تحول ليها ولازم -تكون في محافظتك يعني لو من سوهاج وجالك كليه أداب سوهاج وعايز تحول لكليه تربيه لازم تكون جايب مجموع كليه التربيه في سوهاج يعني لو مش جايب مجموع تربيه سوهاج وجايب مجموع تربيه القاهره مينفعش تحول ليها
لازم لازم تكون جايب مجموع الكليه في محافظتك لو جايب مجموعها في أي محافظة تاني غير محافظتك مينفعش تحول ليها.
وعادي تحول لكليه أنت مش كنت كاتبها في الرغبات طالما جايب مجموعها في محافظتك.
بس خلي بالك⬇️⬇️
مينفعش تحول ما بين الجامعات دي القاهره وحلوان وعين شمس . يعني لو جاتلك كليه في حلوان مينفعش تحول القاهره او عين شمس والعكس .......
التحويل متاح ليك مكان واحد فقط تحول ليه يعني مش متاح ليك كذا رغبه زي التنسيق لا هي حاجه واحده فقط ......
لو هتحول من كليه في مكان ابعد إلي مكان أقرب بنسبه 90% التحويل بتاعك بيتقبل لو فرق الدرجات بين الكليتين قليل ......
باب التحويلات بيفتح مرتين مره بعد نتيجة المرحلة الثانية ومره بعد نتيجة المرحلة التالته
يعني لو التحويل بتاعك متقبلش هيكون متاح ليك التحويل بعد نتيجة المرحلة التالته بس تخلي بالك لو تحويلك متقبلش ولما تيجي تحول بعد نتيجة المرحلة التالته مينفعش تحول لنفس المكان الي حولت ليه في المره الأولي لأنه هيترفض برضوا هيكون متاح ليك التحويل بس لمكان غير الي حولت ليه في المره الأولي .....
مينفعش نهائياً التحويل لكليه خارج محافظتك حتي لو جايب مجموعها

18/08/2024

https://m.elwatannews.com/news/details/7498830

تعلن وزارة التعليم العالي اليوم اعلان نتيجة تنسيق المرحلة الأولى 2024 للطلاب المرشحين للمرحلة وفقا لضوابط والقواعد المعمول بها في هذا الشأن

17/08/2024

منقول منقول للافادة

هام جدا جدا

نركز اوى هنا

⚠️⚠️👇نصائح مهمه قبل ما نتيجة المرحلة الأولى للتنسيق تظهر :
*********************************************
1- أول ما ينزل إن نتائج المرحلة الأولي ظهرت هتدخل علي نفس الموقع زي ما دخلت أول مره لكتابه الرغبات بالرقم السري ورقم الجلوس وهيظهرلك نتيجتك.
2- أول ما هتدخل هتلاقي جمله " تم ترشيحك لكليه " معناها إن مكتب التنسيق قبلك في كليه من الكليات اللي سجلتها ، وقتها هيكون ناقصك تروح تقدم ملفك في الكليه.
3- لو قبلت بالكليه اللي جتلك هتطبع بطاقه الترشيح اللي فيها اسم الكليه اللي اترشحتلك ، هتكون من ضمن الورق اللي هتقدم بيه في الكلية وتنتظر لحين ما يتم الإعلان عن فتح باب التقديم بالجامعات
4- لو مش عايز الكليه اللي اترشحتلك من مكتب التنسيق وعايز تحول لكليه تانيه هتعمل ايه؟
* حقك تحول لأي كلية تانيه بس شرط تكون جايب مجموعها ، هتطبع وقتها بطاقه الترشيح احتياطي وتاخدها اسكرين وهتنتظر الموقع يفتح التحويلات وتقليل الاغتراب
- طب لو جتلك كلية عايزها بس في مكان بعيد شوية وعايز تدخل محافظتك !
* هتطبع بطاقه الترشيح وتاخدها اسكرين وتنتظر الموقع يفتح تقليل الاغتراب
- طب لو في حاله إنك عملت تقليل اغتراب واترفض !
* السنه اللي فاتت الموقع فتح أكتر من مره لناس كتير لو وقتها فتحلك تاني بعد رفض تقليل الاغتراب تقدر تعمل تحويل أو لو حابب الكلية يبقي مفيش حل غير إنك تقضي سنه في المكان اللي جالك بعيد وتحول بعد سنه
5- بعد ظهور نتيجة المرحله الأولي هنعرف بعض الكليات أخدت من كام وطالما عرفنا خدوا من كام مش هينزلوا مرحله تانيه وهيكتفوا من الأولي
6- خطوات كتابه وتنسيق رغبات المرحله التانيه هتكون نفس خطوات المرحله الأولي باختلاف قائمه الكليات هتقل لسبب إن في كليات هتكتفي من المرحله الأولي مش هتنزل مرحله تانية
7- التقديم ل الجامعات الأهلية والخاصه شغالين اختبارات عادي حاليا هتمشي في إجرائاتهم براحتك ، ولكن متنساش تنسق في تنسيق الحكومه ، ولو اتقبلت في كلتا الكليتين كلية حكومه وخاصه .. لازم تقرر هتدخل اي فيهم لان مينفعش تدرس كليتين في نفس الوقت

التحويل وتقليل الاغتراب
- تقليل الاغتراب هيفتح امتي !
* هيفتح بعد ما المرحلة التانية للتنسيق تخلص ، هيكون تقليل الاغتراب والتحويل للمرحلة الاولى والمرحله التانيه مع بعض و ممكن يفتح قبل التانية حسب ما يتم الإعلان عنه والقرار ينزل.
- اي الفرق بين تقليل الاغتراب والتحويل !
* تقليل الاغتراب اسمه ( تحويل مناظر ) بمعنى بتحول من كلية موجوده فى مكان بعيد لنفس الكليه فى محافظتك
" مثال : لو جالك مرحله أولى هندسه أسيوط ، بس انت من المنصوره ، وقتها هتعمل تقليل اغتراب من أسيوط للمنصوره
- التحويل الغير مناظر هتحول من كلية لكليه تانيه ( داخل محافظتك ) بشرط تكون جايب مجموعها
" مثال : جالك تجاره بس انت مش عايزها تقدر تعمل وقتها تحويل من تجاره لآداب بس شرط تكون جايب مجموع آداب
* ( تجارة المنصوره >>>> آداب المنصوره ) ✅
(تجارة المنصورة >>>> اداب القاهره ) ❎
- هل ينفع أعمل تقليل اغتراب وتحويل فى نفس الوقت !
" مثال : انت جيبت آداب ومجموعك جايب آثار الفيوم وانت من القاهره
ينفع تعمل تحويل لآثار الفيوم ثم تقليل الاغتراب للقاهره ❎
* لا مينفعش ، الموقع مبيسمحش ليك إلا بإجراء عمليه واحده فقط إما تقليل اغتراب أو تحويل ( عملية واحدة فقط )
- تقليل الاغتراب بيقبل على أساس اى !
* تقليل الاغتراب بيقبل زياده عن الكلية ب 10% بمعنى لو هندسه المنصوره بتقبل عدد طلاب 100 طالب وتقليل الاغتراب جابلها 10 طلاب كمان ( اللى هما 10% من 100 ) يبقى كدا 110 طالب ، نفترض إن فى 20 طالب عاملين تقليل اغتراب للكليه وقتها الكليه هتقبل أعلى 10 فيهم من حيث المجموع
♦️ كل ما مجموعك كان قريب من تنسيق الكلية كانت فرصتك كبيره فى التحويل
- لو عملت تقليل اغتراب واترفض هتفضل فى المكان البعيد اللي اترشحت فيه !
* قدامك 3 حلول
" الحل الأول تحويل ورقى بين الجامعات ( التحويل دا مش كل الجامعات بتقبله للآسف )
" أو هتقدم التماس طبى فى الوزاره مرفق معاه شهاده طبيه إنك مريض ومينفعش ليك سفر ( و دا ممكن ميتقبلش برضو إلا لو ليك حظ )
" الحل الثالث هتفضل سنه فى الكلية وبعدين تحول ( الحل الأمثل والأسهل بالنسبه للباقي )

16/08/2024

https://www.almasryalyoum.com/news/details/3238949

تنسيق المرحلة الثانية 2024.. تصدرت أعلى محركات البحث على «جوجل» تزامنًا مع موعد إغلاق تنسيق المرحلة الأولى 2024مساء اليوم الجمعة، لذا يترقب الطلاب موعد انطلاق

10/08/2024

https://www.almasryalyoum.com/news/details/3234179

تنسيق الكليات 2024 وتنسيق الدور الاول 2024 علمي علوم وأدبي.. يبحث

10/08/2024

https://www.almasryalyoum.com/news/details/3234586

تنسيق الكليات 2024 وتنسيق المرحلة الثانية 2024 علمي علوم وأدبي.. يبحث

10/08/2024

▫️كل ما يخص كليه حقوق▫️
🟥كليه حقوق
في البوست دا هتعرف اكثر عن حقوق

كليه حقوق من الكليات اللي يقدر تدخلها من
علمي رياضه
علمي علوم
ادبي
والكليه طبعا فيها انتساب وانتظام
بالنسبة للفرق بين #انتظام #وانتساب
ويعني اية #سكاشن.
•اولا انتظام: لما تكون جايب مجموع الكلية عادي فبتدخلها انتظام وبتحضر محاضرات وسكاشن عادي
•ثانيا انتساب موجه: اولا انتساب موجه دا الي هو احنا بنقول علية انتساب بس ، لكن هو اسمة "انتساب موجه" "الانتساب بس" دا حاجة تانية خالص مش لطلاب الثانوية العامة ،،،، اما بالنسبة لانتساب موجه: دا بيكون في حالة انك مش جايب مجموع الكلية فبتنتسب ليها ،وكل كلية بيكون ليها حد ادنى في الانتساب، بالنسبة للمحاضرات فبتحضر عادي زي انتظام ،اما بالنسبة للسكاشن فبتكون لانتظام بس + بتدفع مصاريف اكتر من انتظام "مش فرق كبير"
•السكاشن: حاجة كدا زي المحاضرة بس علي اصغر ، -بيتقسم فيها الطلبة مجموعات وكل مجموعة بتحضر في حاجة زي فصل كدا "مش المدرج" وبيكون معاهم معيد او مستشار بيشرح تطبيقات عملية لمادة من المواد التقيلة زي المدني .
•‏-في اولى هيكون ليك سيكشن ترم اول وسيكشن ترم تاني .
•‏-السكاشن عليها درجات بتنضاف علي المجموع الكلي كأعمال سنة بتزود التقدير العام .
•التحويل لانتظام: ممكن تحول من انتساب لإنتظام بعد اول سنة لو جيبت تقدير جيد او اكتر
•‏-وممكن تكمل في انتساب عادي لحد التخرج ، مش بينكتبلك انتساب في شهادة المؤهل ،بتاخد "نفس الشهادة"
•ثالثا انتساب: اما بالنسبة لانتساب بس كدا ف دي بتكون للطلبة الي معاهم مؤهلات عليا وعايزين ياخدوا كلية كمان ، يعني طالب معاه كلية وعايز ياخد كلية تانية فبينتسب ليه.
•‏🟥نتكلم بق عن لغات الدراسه وهي 3لغات

حقوق عربي
حقوق انجليزي
حقوق فرنساوي.
طب اي شروط كل كليه من دول.

1-حقوق عربي ملهاش اي شرط خالص غير ان تكون جيالك في التنسيق سوء كانت انتظام او انتساب.

2-حقوق انجلش

هنتكلم عن بتفصيل شوية و الفرق بينها وبين ومميزاتها وعيوبها.

•اولا بالنسبة للقبول في الكلية:-
•‏- عربي: بتقبل فيها علي حسب تنسيق كل محافظة سواء انتظام او انتساب موجه ومفيش ليها اي شروط او اختبارات
•‏- انجليزي: بتقبل بنفس مجموع عربي عادي بس بتشترط في معظم الجامعات حد ادني في درجة الانجليزي 80% فيما يعادل 40 درجة وساعات عين شمس بالتحديد بتطلب 84% يعني 42 درجة
•‏-والقبول بيكون عن طريق حاجة اسمها المجموع الاعتباري الي هو (مجموع الثانوية العامة+درجة الانجليزي)
•‏ف لو مثلا مقدم في الكلية 1000 طالب وهي احتياجها 600 فبتاخد اعلي 600 طالب في المجموع الاعتباري
•‏-وممكن ساعات تاخد اقل من40 في درجة الانجليزي لو الي مقدمين مش كتير او درجاتهم كلهم مش عالية ،وعلي العكس برضو ممكن تزيد عن ال40 ودا بيتوقف زي ما قولنا علي الي مقدمين معاك ومجاميعهم الاعتبارية.
•ثانيا الدراسة داخل الكلية والمناهج:-
•‏-عربي: بتدرس فروع القانون المعروفة عادي علي مدار الاربع سنين ( ودا هنشرحة ان شاء الله في بوست تاني)
•‏-انجليزي بتدرس نفس مواد عربي بس بالانجلش + مواد بالعربي، بس بيكون حد ادنى من الدراسة بالانجليزي 50% او 60% + بتدرس مادة زيادة عن عربي وهي القانون الامريكي
•‏- عربي بيتعمق شوية في دراسة القانون المصري علي عكس انجليزي بيكون دراستة ليه اخف شوية لان دراسة الانجليزي تقيلة وكمان بيدرسوا مادة زيادة ،فبيخففوا عليهم الدراسة شوية عشان يخلص المنهج في نفس السنة الدراسية.
•ثالثا الشغل بعد الكلية:-
•‏-انجليزي بيكون ليها اولوية في العمل في مجالات واماكن معينة زي "السفارات والقنصليات وبعض البنوك والشركات ال multi-national " الاماكن دي بتطلب خريجي انجليزي اكتر من عربي .
•‏-وممكن خريج عربي ياخد IELTS او TOEFL ويشتغل في بعض الاماكن دي عادي ، لكن في اماكن بيختص بيها خريجي انجليزي عشان دراستهم الزيادة للقانون الامريكي.
•‏-اما بالنسبة للنيابات وسلك القضاء ومجلس الدولة وهكذا فبتكون افضل لخريجي حقوق عربي لان زي ما قولنا هما الي متعمقين في القانون المصري ، وبيدخلهم خريجي انجليزي عادي
•‏ "ومع الواسطة كل المقاييس بتتغير طبعا "
•‏-ومن اهم مميزات انجليزي ان عددهم مش كبير لان مش كل الجامعات فيها انجليزي وكمان عددهم في الجامعة الواحدة قليل جدا مقارنة بعربي ، وبالتالي بيكون خريجي انجليزي مش كتير فبيكون ليهم فرص شغل افضل.
•رابعا مصاريف الدراسة:-
•‏انجليزي: بتختلف من كلية للتانية بس في الغالب بتكون من 10 ل15 الف وفي كليات اقل تقريبا وفي كليات تانية ازيد زي القاهرة كانت في ٢٠١٩ حوالي ٢٣٠٠٠
•‏عربي:-
•‏-انتظام بتكون مصاريف بسيطة كانت ارقام تحت الالف جنية بس مؤخرا بدأت تزيد بس غالبا هتكون في رينج 1500جنيه اقل حاجة بسيطة او اكتر
•‏ - انتساب بتكون ازيد من انتظام شوية بحوالي الف مثلا او اكتر
•‏• وبكدا نكون عرفنا معظم تفاصيل حقوق انجليزي وعيوبها ومميزاتها واتجاهاتها وتعرف تقرر هتدخلها ولا لاء علي حسب احتياجاتك.
•‏ولازم تعرف ان في كل الاحوال اللغة مهمه جدا ، ولازم تتمكن منها ، فلو متاح ليك تدخل حقوق انجليزي ادخلها عشان هتجبرك تدرس الانجليزي ومش هتسيبك لهواك ، لكن لو هتعرف تتحكم في نفسك وتدرس الانجليزي عادي وانت في عربي ، فساعتها ممكن تفكر تدخل انجليزي ولا عربي

3-حقوق فرنساوي
شعبة فرنساوی دی حکاية لوحدها
أولا شروطها في بعض جامعات انك تكون خريج مدارس لغات
فرنساوی
وتكون جايب مجموع حقوق انتظام ، وكمان تعدى من امتحان معین
بيتعمل في المركز الثقافي الفرنسي
طيب ليه كل الشروط دی ؟
الو هنتكلم عن حقوق القاهرة شعبة فرنساوي فانت بتتخرج منها معاك
لیسانس حقوق من جامعة القاهرة وكمان من جامعة السوربون في
فرنسا
وطول سنين الدراسة بيكون ليك ID من جامعة القاهرة وID من جامعة
السوربون ومتاح ليك
وانت بتدرس او بعد الدراسة انك تسافر تكمل دبلومة في فرنسا .
أما بالنسبة للمصروفات الخاصة بالقسم فبتدفع جزء منها لجامعة
القاهرة وجزء منها لجامعة الصوربون بردو .
كلية حقوق بتتقسم ل7 أقسام قسم القانون المدني
قسم القانون الخاص
قسم القانون العام
قسم القانون الدولي العام
قسم الشريعة
قسم القانون الجنائي
قسم القانون التجاري
📢 الوظائف الهامة التي تؤهلك لها كلية الحقوق :
_______________________________________

- معيد بالكلية :
- ‏يجب أن تضع نفسك من أوائل الكلية لكي تتولي هذه الوظيفة.
- المحاماة :
- ‏لكل من حصل على ليسانس الحقوق حق الالتحاق بنقابة المحامين و التمتع بالمزايا التي يحصل عليها المحامي.
- كلية الشرطة :
- ‏لخريجي كلية الحقوق بتقدير عام مقبول كحد أدني حق التقديم للعمل كظابط شرطة بعد اجتياز الاختبارات.
- الشئون القانونية بالشركات و المؤسسات :
- ‏يفضل التقدير و يمكن أن تتولي هذة الوظيفة بعد اجتياز الاختبار بدون تقدير
- النيابة العامة :
- ‏يشترط الحصول على تقدير عام جيد كحد أدنى و حسن السير و السلوك و اجتياز الاختبارات.
- النيابة الإدارية :
- ‏يشترط الحصول على تقدير جيد كحد أدنى و حسن السير و السلوك و اجتاز الاختبارات.
- النيابة العسكرية :
- ‏يشترط الحصول على تقرير عام جيد كحد أدنى و حسن السير و السلوك و اجتياز الاختبارات.
- الرقابة الإدارية :
- ‏يشترط الحصول على تقدير عام جيد كحد أدنى و حسن السير و السلوك و اجتياز الاختبارات.
- مجلس الدولة :
- ‏يشترط الحصول على تقدير عام جيد كحد أدنى و حسن السير و السلوك و اجتياز الاختبارات
- هيئة قضايا الدولة :
- ‏ يشترط الحصول على تقدير عام جيد و حسن السير و السلوك بالإضافة إلي اجتياز الاختبار الخاص بوزارة الخارجية
- وأخيرا وليس آخرا وزارة الخارجية :
- ‏ يشترط الحصول على تقدير عام جيد و حسن السير و السلوك و يجيد اللغة و القانون الدولي و بالإضافة إلى اجتياز الاختبارات.
دي مجرد مجموعة من الوظايف الي بتأهلك ليها حقوق ، مع الوقت هنعرف وظايف اكتر بكتير ممكن تدخلها بعد حقوق ، لان تقريبا اي مكان كبير معتمد بيطلب دارسي قانون .

🟥هدف إنشاء أكاديمية الحقوق بعد الكلية
وكانت نقابة المحامين قررت إنشاء معهد للحقوق (أكاديمية للمحاماة) لتصبح فترة الدراسة بها عامين فقط، وذلك بعد أن يحصل الطالب على شهادة الكلية، وذلك بهدف تعليم الطلاب اللغة العربية وطريقة المرافعات والطب الشرعي، والعديد من الأمور التي تخص العاملين بمجال المحاماة فقط.

واشترطت النقابة لكي يتم تقييد الطالب بالأكاديمية اتمام الطالب الفترة المحددة للدراسة، وهي عامان دراسيان، والتي تم تحديدها على غرار معهد الدراسات القضائية والتي يدرس بها وكلاء النيابة الجدد.

🟥حقوق ٤ سنين ولا ٦ سنين

فيه كلام منتشر جداً علي الفيس بوك ان حقوق بقت ٦ سنين و مبدائياً ده كلام مغلوط تماما

لما تتخرجوا باذن الله و تقرروا انكم تشتغلوا في المحاماة هتمرو بتسلسل وظيفي فيها بداية من قيد جدول عام ثم قيد ابتدائي ثم قيد استئناف ثم اخيراً النقض

في بداية شغلك في المحاماة مش بتمسك قضايا مرة واحدة كدة علطول لا ده انت لازم تتدرب سنتين تحت ايد محامي وبعد السنتين دول يديك شهادة خبرة انك مؤهل انك تترقي من جدول عام ل ابتدائي هما بقي زودا حكاية المعهد ده بجانب التدريب مع محامي في خلال السنتين اللي بتدربهم مع محامي وبتشتغل عادي جداً بجانب الدراسة في المعهد اللي بيكون عبارة عن كورس مش جدول دراسة والكلام ده

و لو مقررتش انك تشتغل في المحاماة يبقي المعهد ده ملوش اي لازمة بالنسبة ليك ولا صلة بيك

تابعوا خلال اليوم هينزلكوا الاتي👇🏻
🔺 كل المعلومات التي تخص جميع كليات المرحله الاولي والثانيه من
▪️ طبيعه الدراسه
▪️ فرص العمل بعد التخرج
▪️ توضيح الاقسام بالكليات التي بها اقسام

_ اي سوال هنكون معاكوا في الكومنتات باذن الله🌸

09/08/2024

# ثانوية عامة 2024
# تنسيق الكليات 2024
#كلية الزراعة " كلية علوم الحياة ♥️🌎🔥"
التعريف بالكلية : كلية الزراعة هي من أهم الكليات العلمية الموجودة فى ساحة التعليم الجامعي واللى بتجمع فى دراستها بين كليتين .. كلية الطب البيطري وكلية العلوم ♥️ وتتميز بكثرة أقسامها ومجالاتها ♥️
عدد أقسام الكلية : الكلية بتضم 18 أو 19 قسم كا تاني اكبر كلية فى العالم من حيث عدد الاقسام مما يوفر فرص عمل كثيرة لخريجين كلية الزراعة ويجعلهم مستقبلهم فى التوظيف بمشيئة الله مضمون ♥️
نبذة مختصرة عن بعض اقسام الكلية:
اولا قسم علوم وتكنولوجيا الأغذية وده يا بشمهندس بتدرس فيه كل شىء يختص بالغذاء بداية من كيفية تصنيعه إلى فوائده وتأثيره على جسم الانسان " التغذية العلاجية" يعنى بمنتهي البساطة من خلال القسم ده تقدر تحلل اي منتج غذائي تشوفه قدامك وتعرف مكوناته وبيتعمل ازاي وكل حاجة عنه بمجرد النظر بس له وتعرف إذا كان صحي ولا لا قسم جامد ودراسته ممتعة جدا ♥️
طيب مجالات العمل بتاعته ايه !؟
خد عندك ممكن تشتغل مهندس جودة فى شركات الاغذيه زي شركة اوريو وچهينة وفرجلو وشركات الاندومي والزيوت وكل شركات المنتجات الغذائية كلها تقدر تشتغل فيها وانت اللى بتعمل المنتجات ديه على فكرة ♥️😇
2 مراقب جودة فى وزارة الصحة
3 مجال سلامة الغذاء
4 اخصائي تغذية انسان وتقدر تفتح مركز سمنة وتخسيس وكمان تشتغل فى المستشفيات والنوادي الرياضية والفنادق كا دكتور تغذية يا دكترة وبتكتب فى البطاقة اخصائي تغذية على فكرة يعني دكتور رسمي فهمي نظمي ♥️♥️😂😇
مش هطول عليك ونخش على العظمة التانية قسم الإنتاج الحيواني ♥️🐄🐮" بيطري لايت "
القسم ده اول ما بتدخله مبتحسش انك فى كلية زراعة بتحس انك فى كلية طب بيطري وبتدرس كل حاجة عن الحيوان ونيجي ل اهم نقطة وهي مجالات العمل
مهندس انتاج فى مزارع اللحوم والدواجن والأسماك وشركات الاعلاف بالإضافة إلى إمكانية عمل مشروعات من هذا القسم ب أقل راس مال
خلى بالك انت بيبقا دورك فى المزرعة كبير جدا وانت بتبقا المسئول عن التغذيه والرعاية والإشراف والرقابة والإدارة وكمان الشغل على الآلات اللى موجودة بيطري بيعالج فقط يعني انت الكل فى الكل يا هندسة ♥️😉 تاخد الكبيرة تقدر كمان تكمل فى كلية طب بيطري بعد
دول بس قسمين من اصل 18 قسم لعلمي علوم هتكلم عن الباقي فى بوستات تانية وقسم البايو تكنولوجي زراعةعظمة صح♥