أول سنه كليه وتايه خش هنديك الزتونه

أول سنه كليه وتايه خش هنديك الزتونه كليــتك مستقبلك أعرف كليتك معانا :)

# مبــروك لطلبة وطالِبات ثانوي

# واللي جــاب مجموع قليل ميزعلش اكيد ربنا كاتبله الخير واكيد الكليه اللي هتجيله هي الكليه اللي هتناسبه ..

# المستقبل مش بيتقاس بالكليه المستقبل بيتقاس بأنت عرفت تستغل كليتك انك تحقق اهدافك ازاي

# ببساطه احنا فريق من اغلب الكليات
هنعرفك بالكلياات عامةً واقسامها ومميزاتها وعيوبها

وهنرد علي اي استفسار ليكم

^_^

06/05/2024

💈البرنامج الصيفي 2024 لمبادرة براعم مصر الرقمية💈
تُسعد إدارة مبادرة براعم مصر الرقمية عن طرح برنامج صيفي مكثف مدته 3 شهور متصلة (من يونيو إلى سبتمبر 2024) للتلاميذ من الصف الرابع إلى الصف السادس الابتدائي في هذا العام الدراسي (23/24)
◀️ محددات البرنامج الصيفي للبراعم:
1️⃣ برجاء الإطلاع على التفاصيل وشروط الالتحاق وكيفية التسجيل والمستندات المطلوبة من خلال الرابط في نهاية المنشور
2️⃣ الترشيح يكون إما من خلال قيام المدرسة / المديرية التعليمية بالترشيح أو من خلال قيام التلاميذ بالتقديم بشكل شخصي (غير مسموح بالتسجيل مرتين)
3️⃣ في حالة الترشيح من خلال المدرسة / مديرية التربية والتعليم فقط فسيكون للتلميذ الحق في التسجيل إما في البرنامج الصيفي 2024 أو طلب التسجيل في دفعة أكتوبر 2024 (غير مسموح بالتسجيل مرتين)
4️⃣ غير مسموح للتسجيل للتلاميذ الملتحقين بالفعل حالياً في الدفعة الأولى من مبادرة البراعم
5️⃣ لن يتم قبول التسجيل بدون المستندات المطلوبة
6️⃣ التسجيل متاح بأسبقية الحجز وحتى 31 مايو 2024
‼️ ملحوظة : التسجيل السنوي على الموقع الرسمي للمبادرة للبرنامج الأساسي الذي يبدأ تدريبه في اكتوبر 2024 سيكون في نهاية يونيو2024

رابط تفاصيل البرنامج الصيفي والتسجيل📌 : https://demi.gov.eg/Summer24
بالتوفيق لكل أولادنا وبناتنا إن شاء الله ...

رمضان كريم على الجميع وربنا يتقبل منا ومنكم صالح الأعمال وينصر اهلنا المجاهدين في غزه نصرا عزيزا مؤزرا
10/03/2024

رمضان كريم على الجميع وربنا يتقبل منا ومنكم صالح الأعمال
وينصر اهلنا المجاهدين في غزه نصرا عزيزا مؤزرا

25/01/2024

اليوم 111
اللهم سدد الرمي 🔻🇵🇸
و شدّ السواعد
و ثبت الأقدام

الانتقال من الثانوي للكلية بوست مهم جداً ^_^rshare========= # لازم قبل ما نكلمكم عن اي الكليه تكونو عارفين اصلاً اساسي...
19/08/2021

الانتقال من الثانوي للكلية بوست مهم جداً ^_^
rshare
=========

# لازم قبل ما نكلمكم عن اي الكليه تكونو
عارفين اصلاً اساسيات الكلياات عموماً ماشيه ازاي ^_^
# اولاً كده مبـــروك ليكم وكفّاره خلصتم الثــانوي بقرفها بروتينها الغبي بدروسها الخصوصية ربنــا يكـرمكم إن شــاء الله وكل واحد يدخل الكليه اللي نفسو فيها

# بص يا ريس ..بصي يا ريسه :D ثانوي كــنت المفروض بتروحوا المدرسه غصب عنكم الساعه 7 وتقف طابور والكلام ده (المفروض هه) :D .....ولازم تلبسو هدوم المدرسه

ولو كنت في #مدرسة عكسريه زي حلاتي كنت لازم تحلق دقنك وشعرك .... وكنــت تحضر حصص اجباري ويتأخد #غياب..... وممكن مدرس مش بيعرف يشرح بس تحضر معاه غصب عنك :/ وتقعد اليوم لأخره

وطبعاً غصب عنك كنت بتحفظ كمــيات غبيه من المناهج .....وتدفع اد كده في اد كده في الدروس الخصوصيه (مليش دعوه بالناس اللي كانت بتحط الفلوس في جيبها و مبتحضرش) :D

---------------------------------------------

الكلــيه بقي مختلفه عن كده
-------------------------------

# الحصص اللي بيدخل فيها المدرس يشرح ....... بقي أسمها #محاضرات ... المحــاضرات دي اللي بيديها بيكون دكتــور الماده يعني واخد دكتـوراه في الماده دي يعني حاجه كبيره

# حصص العملي اللي المفروض كنتو بتأخدوها...... بقي اسمها #سكاشن بس السكاشن .... السكــاشن دي اللي بيديها المعيد اللي هو طالب شاطر نجح وخلص كليه بتقدير عالي ....والسكــاشن مش مقتصره علي العملي فقط ولكن هي بتكــون تطبيق علي المحاضره :)

# الدروس الخصوصيه .....بقي اسمها #كورسات بيديها غالبا المعيد ولكن لو حضرت المحاضرة والسكشن مش هتحتاج كورسات

# امتــحانات الشهور ..... بقي امتــحان واحد اسمه او نصف الترم والامتــحان ده بيدخل في المجموع الكلي وامتحان مهم :) (في بعض الكليات مفيهاش )

# انــت مش مُلزم انك تحضر المحاضرات ولكن غالباً ملزم انك تحضر السكــاشن

# مفيش #يونيفورم للكليات روح بأي لِبس عادي :D وتقدر تربي شعرك ودقنك زي منتا عايز :D

# باب الكليه مبيتقفلش يعني ممكن تروح الساعه 9 قشطه الساعه 5 مفيش مشاكل :D وتقدر تطلع من الكليه وتدخل عادي

# مفيش طوابير كل واحد عارف هو رايح فين انا عندي محاضره في #مدرج كزه دلوقتي رايح علي المدرج عباس :D عنده محاضره في مدرج كزه في مبني كزه رايحله فوزيه :D عندها سكشن في صالة كزه رايحاله

# في الغالب مش هتشيل شنطه علي ضهرك مليانه كتب وبتاع بتكون عارف انت عندك مثلاً بكره محاضرتين وسكشن بتجيب كتـاب المحاضرتين و اسكتش عشان السكشن وغالباً محدش بيجيب كتــب بيجيب #اسكتش بس :D

# غالباً انت حر لو اتخنقت من المحاضره تقدر تمشــي منها عادي لكن غالباً في السكاشن مينفعش

# في الكليـــــه ( المفروض ) انك حر تأسس أسره أو فريق من الطلبه تعملو خدمات وكده وطبعاً من حقك تترشح ل

# الثانوي كان التقيم فيها بالنسبه المئويه والدرجات 95% وكده ..... في الكليه التقيم فيها بالتقدير
وهتستغرب لما اقولك
ان #الامتيااز من 85 % وطالع !!
وإن ً من 75% وطالع
وإن #الجيد من 65% وطالع
وإن #المقبول من 50% وطالع o.O
_____________________________________

طبعاً كلو دلوقتي شايف ان الكليه جنــه والدنيا حِلوه و كده بس للأسف الحلو ميكملش :/

العيوب
--------
# في الكلــيه بيكون في اعتمااد كبيــر علي نفسك اي نعم انت مش مجبر انك تحضر المحاضرات لكن انت هتحضرها عشان تعرف تزاكر وتنجح

# في بعض #الدكـاترة لازم تحضر محاضرتها لأنهم ممكن لو شافو حد حالل او كــاتب حاجه غير الكلام اللي قايله في المحاضره ينقصه كتـــير جداً وقد تصِِل انو يسقطه :/ (فئه قليله من الدكاتره)

# الدكــتور للأسف بأيده درجــاتك يعني لو كلمته وحش او عملت حاجه تزعله ممكن يلبسك و #المعيد طبعاً نفس الكلام

# في بعض الكليات هتبذل مجهود كبيــر انك تدور علي حاجه تزاكِر منها :D لأن ممكن الدكتــور ميشرحش كل حاجه في المحاضره وكمان مينزلش #كتــاب فهيبقي عليكم انكم تطلعو مكــاتب تدوروا علي النت وكده (مش كل الكليات)

# رغم ان المقبول من 50 % إلا أن في نـاس بتسقط في مــواد وده بيكون نتيجة الاستهتار بالماده
أو في بعض الكليات فيها نظام اللايحه
إن لو واحد جايب في امتحــان اقل من 30 % من الدرجه بيســقط حتــي لو في امتحان تاني مكمل ليه
بمعنـــي امتحان الميد ترم (نصف الترم) جبت اقل من 30 % من درجة الامتحان وجيت في الفاينال نجحت وجبت درجه كبيره لو اتجمعت حتي علي الميد ترم تنجح هيسقطك عشان راسب لايحه في الميد ترم :/ (بعض الكليات فقط تطبق اللايحه دي ) منهم كلية هندسه
____________________________________

نصائح للكليات عامةً
============

# ادخل كليتك بقلب جامد لو حاسس انك مش حاببها حبب نفسك فيها بأي طريقه كلم متخرجين من الكليه خليهم يحكولك عنها شوف فيديوهات علي النت تخص الكليه شوف مجالات #شغل الكليه

# مشــــــــــكله عويصه ومهمه والله العظيم مهمه !! صحــابك بتوع الكليه هما #صحاب عمرك كله
صحــابك هما اللي ممكن يطلعووك فوق وتجيب من اعلي التقديرات وهما اللي يخلوك تنزل تكنس البلاط :D
اختــار صحاب الكليه صحح

# هتلاقي في الكليه جمييع انواع النــاس هتلاقي في نــاس عايشين حياتهم علي الاخر ضحك هزار

لعب مش بيحضرو محاضرات ولا سكاشن و خروجات وبتااع وهتلاقي في ناس #دحيحه بغبااء مش بيعملو حاجه غير الدح :D وهتلاقي في ناس تايهه مش عارفه هي بتعمل ايه !

# انت خد من الدحيح حبه للمذاكره وذااكر وخد من اللي عايشين حياتهم انك متكونش حياتك كلها دح عيش حياتك بس متنسااش #هدفك ;)

# اتصاحب علي واحد اكبر منك يكون مش بيحبط واحد يكون بيخليك تتفائل

# احضر اول اسبوع كل المحاضرات وكل السكاشن ولو في ماده بيديها اكتر من دكتــور احضر لكل دكتــور ....نقي بعد كده اكتر دكتور ارتاتحت في شرحه واحضرله

# # # زاكر أول بأول بجد نصيحه وعارف محدش هيعمل بيها لأني انا نفسي معملتش بيها بس دي ** #النصيحه الذهبيه للي عايز يجيب تقدير محترم

# أسأل كتــير محدش بيتعلم غير لما يسأل بس لما تسأل اسأل حد عارف أسأل دكتـور أسأل معيد .... متتكسفش لو عايز تتعلم متتكسفش

# تجنب المشاكل بزات مع الدكاتره والمعيدين :/

نصيحه للحياه بقي ..
===========

طول منتا مش محدد #هدف عايز توصله مش هتعمل اي حاجه في حياتك حدد هدفك وافتكره دايماً

واسعي ليه

AMan Ahmed

18/08/2021

نصيحة للشباب اللي داخلين كليه ايا كانت
اشتغل على حاجه من دول مع الانجليزي

برمجه و فروعها
ماركتينج بفروعه
photo editing
video editing
motion graphics
الماني

لو حد عنده اسأله احنا موجودين 😍
بالتوفيق للجميع

20/11/2020

السلام عليكم

الحمد لله في ناس استفادت من الصفحة،
ومحتاجين ناس لسه متخرجة تكمل المسيرة
لو حد حابب يبقى ادمين يتواصل على رسايل الصفحة.

Aman

14/08/2016

بالنسبه لتنسيق كليه حقوق دا بره اختصاصنا نظرا لان موضوع التنسيق دا خاص بالثانويه العامه
احنا بنساعد الطلاب الي اتقبلوا في الكليه او الي بيفكروا يدخلوها...
اي سؤال داخل الكليه كليه حقوق بجميع التفاصيل احنا تحت امركم... شكرا

25/07/2015

اخباركم ايه

ايه اخبار الكليات

Address

Alexandria

Website

Alerts

Be the first to know and let us send you an email when أول سنه كليه وتايه خش هنديك الزتونه posts news and promotions. Your email address will not be used for any other purpose, and you can unsubscribe at any time.

Shortcuts

Share

Category