Faculty of Commerce English Section - Benha University - Obour Campus

19/12/2025

❤️

العرض المسرحي (بيت السماكي) "إهداء الى روح/ سامي محمود أحمد"
بطولة فريق تمثيل مسرح العبور ضمن فاعليات مهرجان الاكتفاء الذاتي

شكر خاص: حمزة خالد
رئيس فريق: جاسر وائل
دعاية واعلان: امير سامي
ملابس: روان خالد
مكياج: مايا المسلمي
ديكور: احمد تيفا
اضاءة: احمد امين
مخرجون مساعدون: امير سامي - مهاب صالح
مساعد مخرج وفكرة: سلمى امير
مخرج منفذ: فادي وهيب
تأليف: أحمد نور الدين
اعداد موسيقي وإخراج: زياد سامي

10/11/2025

إلى الجهات المعنيّة، وإلى جامعة بنها، ووزارة التعليم العالي، ووزارة الشباب والرياضة

احنا طلاب النشاط المسرحي بكلية التجارة – فرع العبور
بنكتب الكلام ده بعد أربع سنين من الصبر والمعاناة الحقيقية، في محاولة مننا نمارس نشاط طلابي هو أساسًا حق لينا كطلاب الجامعة زي كل طلاب جامعات مصر
كل تيرم وكل سنة كان الوضع في المسرح بيزداد سوء
كل مرة بنحاول نقدم عرض بسيط بنقابل صعوبة في تنفيذ أبسط الحاجات زي الملابس أو الديكور أو حتى المواصلات
لأن ببساطة مفيش دعم مادي حقيقي، وفي أوقات بيكون مفيش دعم مادي نهائي
ومع ذلك كنا بنكمل، بنصبر لأننا بنحب المسرح وبنحب الفن
كنا بنحاول نلاقي حلول، ونلم فلوس من بعض في كل تيرم علشان نغطي تكلفة العرض

ومع مرور الوقت، مفيش أي دعم حقيقي اتقدّم
لا وسيلة مواصلات تودينا العروض، ولا مكان نتمرن فيه، ولا حتى معاملة محترمة من بعض أفراد الأمن اللي بيتعاملوا معانا كأننا بنعمل حاجة غلط لمجرد إن النشاط فيه بنات وولاد
وفي مرة علشان العربية اللي وفرهالنا النشاط كانت صغيرة ومكفتش العدد، ناس مننا ركبت على عربية نص نقل بتاعة الديكور في التراب والغبار، وإحنا بنتنقل من العبور لطوخ، في مشهد لا يليق بطلاب جامعة

كل المصاريف على حسابنا الشخصي، من أول الديكور والملابس لحد المواصلات
ودلوقتي علينا ديون وصلت 45 ألف جنيه

ولما بنستعين بخبرات من برة الجامعة زي مخرجين أو فنيين أو مصممين مش بنقدر نديهم مستحقاتهم في الوقت المحدد
وده خلّى ناس كتير مبقتش حابة تتعامل معانا تاني، وسمعتنا اتأثرت رغم إننا مش السبب، لكن هما عندهم حق لأن مفيش أي دعم ولا التزام

كمان احنا مقدمين طلب ميزانية خاص بالمهرجان الكبير من شهر 5 ولسه لحد دلوقتي وإحنا في شهر 11 مفيش أي جديد
كل مرة بنروح لحد بيودينا لحد تاني وكله بيضيع في الكلام ومفيش نتيجة

حتى أبسط الحقوق اللي هي البدلات
المفروض يتصرفلنا 75 جنيه في اليوم لمدة 10 أيام بس رغم إننا فعليًا بنشتغل ونتدرّب 3 شهور
والـ750 جنيه دي أصلًا ما اتصرفتش آخر ترم ومحدش مهتم يعرف السبب

كمان بنعرض المسرحيات على مسرح شباب طوخ
وده المكان الوحيد المتاح لينا حاليًا، لكنه للأسف مسرح حالته صعبة جدًا
المكان مليان تراب والدنيا جواه مش نظيفة تمامًا
وكمان مفيش أي مكان البنات يقدروا يغيّروا فيه لبسهم أثناء العرض
باختصار إحنا بنعرض على خشبة بس، من غير أي تجهيزات أو ظروف آدمية تساعدنا نقدم فن محترم
والشيء الوحيد الكويس هناك هو الناس المسؤولين عن المسرح نفسهم اللي بيتعاملوا معانا باحترام وبيحاولوا يساعدونا قدر ما يقدروا

احنا معانا كل الصور والبيانات الموثّقة اللي تثبت كلامنا ومستعدين نقدّمها لأي جهة مسؤولة تطلبها
احنا مش بنطلب أكتر من حقنا الطبيعي كطلاب نشاط جامعي
عايزين نكمّل اللي بدأناه ونقدّم فن محترم يشرّف الجامعة بدل ما نحارب لوحدنا

وفيه كلام تاني كتير جدًا لو قعدنا نكتبه مش هيخلص
زي إننا بنقوم بأدوار موظفين عشان نخلّص أوراق وطلبات المفروض يتعملها دعم إداري
وإن في ناس مننا مبتاخدش أعمال السنة بسبب تواجدها المستمر في النشاط
وحاجات تانية كتير بتكفي لوحدها بوست تاني
بس كفاية إننا نقول إننا وصلنا لمرحلة تعبنا فيها من الصمت

Benha University
وزارة الشباب والرياضة - مصر
وزارة التعليم العالي والبحث العلمي المصرية

22/09/2024

🎭

21/05/2024

كاست مبدع ولسه عنده كتير يقدمه 😍❤️❤️❤️

الحمدلله كما ينبغي❤️🎭

حققنا نحن "كاست تجارة العبور" المركز الثاني 🥈 ضمن فعاليات مهرجان الكبري بجامعة بنها

وقد حصلنا ايضا علي جوائز اخري:
- مركز ثاني افضل مخرج: اسلام خالد
- ⁠مركز ثالث افضل استعراضات: محمد صلاح
- ⁠مركز اول افضل ملابس: فاطمة عبدربه
- ⁠مركز ثاني افضل ديكور: ورشة تجارة العبور

ليست النهاية ولكنها بالتأكيد البداية☝🏻🎭

21/12/2023

شرفتونا وتستاهلوا أكتر من كده
فوق التقييم والله ❤️❤️❤️❤️❤️

25/09/2023

تاني عشان بتوع السمر كورس

18/09/2023

ربنا يرحمها ويغفر لها ويسكنها الفردوس الأعلى ويصبر أهلها

يتقدم الاستاذ الدكتور عميد الكلية والسادة الوكلاء ورؤساء الاقسام واعضاء هيئة التدريس ومدير عام الكلية والهيئة المعاونة والعاملين بخالص العزاء والمواساة للدكتورة اميرة عقل احمد رئيس قسم الاقتصاد بالكلية والدكتورة دعاء عقل احمد مدير البرامج بكلية الادارة والاقتصاد بالجامعة الاهلية بالعبور في وفاة السيدة الفاضلة والدتهما
داعين المولى عز وجل ان يتغمدها بواسع رحمته وفسيح جناته

07/09/2023

الندم

20/07/2023

كليات التجارة في مصر يا إما تجارة عربي يا إما تجارة إنجليزي
بنات الدفعة عندنا :