ICPC HITU Community

27/10/2026

ARE YOU READY? 👀🔥
أخيرًا فتحنا التقديم في ECPC HITU Community💙

إيه هي الـ ECPC؟
الـ Egyptian Collegiate Programming Contest هي مسابقة في البرمجه التنافسية Competitive Programming، بتتنافس فيها Teams من جامعات مختلفة في حل Programming Problems باستخدام التفكير المنطقي والـ Algorithms، والفرق اللي تحقق ترتيب يؤهلها ممكن تنتقل لمستويات أكبر 🤩

هتتعلم إيه معانا؟

🔹Level 1 — الأساسيات
- C++ Basics: Data Types, If Statements, Loops & Arrays
- Thinking Techniques
- Number Theory

🔹 Level 2 — مستوى أعلى
- STL
- Binary & Ternary Search
- Recursion & Backtracking
- Bitmask
- Basic Graphs

💙لسه متعلمتش برمجة؟ عادي جدًا!
هتبدأ من الصفر وتتعلّم خطوة بخطوة، وتتمرّن على حل الـ Problems وتطوّر مهاراتك في الـ Problem-Solving.

ومعندكش Team؟ 👀 عندنا هتقابل ناس عندها نفس اهتمامك، هتتعلموا وتتدربوا مع بعض!
📩 التقديم مفتوح دلوقتي، شرط تكون من الجامعة، مستنينكم 💙
https://docs.google.com/forms/d/e/1FAIpQLSfmD24Aq5h-xae2oELmjQgTlsMdPmXSRAqnor047AfSbnRzgQ/viewform?usp=header

25/09/2026

مستنيين نقابلكم في حفل استقبال الطلبة بجامعة حلوان التكنولوجية الدولية!🤩

نفسك تكون بطل عالم؟
نفسك تدخل مسابقات، تنافس، تكسب، وتشوف اسمك في ال Rank؟ 👀🔥
بس لسه مش عارف يعني إيه مسابقات برمجة؟ أو حتى مش عندك أي مهارة؟

ولا يهمك! 🫡
إحنا هنا عشان نبدأ معاك من الصفر.

إحنا الـCommunity المسؤول عن البرمجة التنافسية في الجامعة، وهنا هتبدأ رحلتك معانا من أول خطوة لحد ما تدخل مسابقات البرمجة وتمثّل جامعتك! 🏆🔥

وفي الـTalk هنتكلم سوا ونفهم كل حاجة عن عالم المسابقات، إزاي تبدأ، وإيه اللي محتاج تتعلمه عشان تدخل المنافسة.

ومش هنتكلم وبس! 😃
مجهزين لكم
ألعاب وأنشطة
تحديات
منافسات
وتجارب كتير هتخليك تعيش أجواء المسابقات بنفسك!🎈

📍 القاعة الرئيسية – مبنى A
📅 يوم الأحد 27 سبتمبر 2026

مستنيينكم… ويمكن تكون دي أول خطوة ليك في رحلة بطل العالم الجاي ! 🏆🔥

26/08/2026

On the Airwaves! 📻

Our ECPC team hit the mic to talk about their competitive programming journey, key wins, and what drives their passion for problem-solving. We couldn't be prouder of how brilliantly they represented us! 🥳

Keep coding, keep achieving! 💻

🥇🥇

19/08/2026

"‏وَأَن لَّيْسَ لِلإِنسَانِ إِلاَّ مَا سَعَى , وَأَنَّ سَعْيَهُ سَوْفَ يُرَى , ثُمَّ يُجْزَاهُ الْجَزَاء الأَوْفَى" 💛💛💛🥳

الف مبروك لشبابنا اللى مثلوا جامعة جامعة حلوان التكنولوجية الدوليه في ECPC Qualifications بأداء مشرف، فخورين بيكم كلنا ❤️❤️👏🏻

مثال حي للسعي والاجتهاد، والقادم أفضل إن شاء الله 😀🔥"

🥳🔥

14/07/2026

The journey to ECPC 2026 has officially begun !🎉❤️
Stay tuned, and wish us luck! 🏆

25/03/2026

*بدأنا تسجيل كومينتي باسم جامعة حلوان التكنولوجية الدولية في مسابقة ال ECPC للعام 2026.*
و هي مسابقة في حل المشكلات البرمجية (Coding & Problem Solving)،
بيعتمد فيها المشاركون على الخوارزميات والتفكير المنطقي لحل مسائل خلال وقت محدد، الهدف منها تطوير مهارات البرمجة، التفكير، والعمل الجماعي.

المسابقة تتكون من 3 مراحل رئيسية:
1 🚉 ECPC (Egyptian Collegiate Programming Contest) 🇪🇬
📌 المرحلة الوطنية: المتأهلين من كل الجامعات هيتنافسوا في يوم واحد، والفائزين هيصعدوا لـ ACPC!
2 🚉 ACPC (Africa & Arab Collegiate Programming Contest) 🌍
📌 المرحلة الإقليمية: المتأهلين من ECPC بيتنافسوا على مستوى إفريقيا والوطن العربي!
»» وهنا بيتنافس فيها كل الفرق المتأهلة من مصر والوطن العربي وافريقيا.
3 🚉 ICPC (International Collegiate Programming Contest) 🌎
📌 المرحلة العالمية: المتأهلين من ACPC هينافسوا على مستوى العالم! 🔥
»» ودي اخر و اهم مرحلة وكلنا بنحلم نوصل لها♥️
--------------------------------------------
🔥 نظام المسابقة بيكون في شكل فرق...
👥 وكل فريق هيكون مكوّن من 3 أفراد من نفس الجامعة
💻 هيكون في جهاز واحد فقط لكل فريق
📜 هيتوزع ظرف فيه نسخة من الأسئلة لكل فرد في الفريق
❌ ممنوع دخول المسابقة بأي الكترونيات
--------------------------------------------
⏳ مدة المسابقة: 5 ساعات، مقسّمة إلى:
🔹 4 ساعات عادية: بتاخد بلونة 🎈 بلون السؤال اللي بتحله، ولو كنت أول فريق يحله، بتاخد بلونتين! 🎈🎈
🔹 آخر ساعة (Blind Hour): الترتيب بيتجمد وما بتعرفش مين حل الأسئلة! 😱🔥
❓ الأسئلة
📌 عدد الأسئلة: 12 - 15 سؤال 📝
📌 التوبيكس مختلفة، والمستويات متنوعة!
📌 الهدف: تحل أكبر عدد ممكن في أقل وقت! ⏳🚀
»» ترتيب الفرق في النتيجة بيكون حسب عدد البروبلمز والأسرع في حل المسائل بأقل عدد من المحاولات.
--------------------------------------------
📍 مكان ومعاد المسابقة:
📌 المكان هيكون في الأكاديمية العربية للعلوم والتكنولوجيا والنقل البحري - أبو قير، الإسكندرية 🏫🌊
📅 الموعد لم يتم تحديده بعد ولكن المعتاد بتكون في شهر 7.
📌 المصاريف 1500ج للفريق - 500ج للفرد الواحد

*المسابقة مخصصة للطلاب الجادين فقط، هيتم ملئ البيانات الأتيه في الفورم وبعدها عمل تصفيه من الأفراد الذين قاموا بالتقديم حتي الاستقرار علي الفرق التي ستمثل جامعة حلوان التكنولوجية الدولية للعام 2026* 🙏🏻

(Egyptian Collegiate Programming Contest) هي واحدة من أكبر مسابقات البرمجة التنافسية في مصر، المسابقة بتعتمد على حل مشكلات باستخدام التفكير المنطقي والخوارزميات، من خلال فريق مكون من...