عبدالوهاب محمد_Abdelwhab Mohammed

11/03/2023

فديو جديد ومهم جدا جدا جدا
بعتذر علي الارهاق

01/03/2023

بمناسبة شهر مارس وانا بحب الشهر ده
لاسباب كتيره طبعا علشان الشهر ده تنفست اول نفس في الحياه ليا فيه
ثانيا بحب الصيف وبعتبره بداية فصل الصيف
ثالثا بيكون شهر كده بعد معدي عليما شهرين من بداية السنه والطموح والدافع بتاع اول السنه بيبدا يقل فبحب استغله
وبناءا عليه بإذن الله اقوي شهر واكتر شهر هشرح فيه سيشنز وكورسيز السنادي فهو مارس باذن الله
ثانيا والاهم هرجع انشر محتوي مفيد في فديوز قصيره علي انستجرام وفيسبوك فتابعوني هنا وهناك
ومتنسوش انك دايما لو احتجتني فانا في الخدمه

27/02/2023

لو انت هنا حاسس انك مشتت بين اللي بنشره وده طبيعي لاني بستخدم فيسبوك ك مكان ترفيهي اكتر مهو للشغل وكده ف انصحك تتابعني علي لينكدن من هنا
https://www.linkedin.com/in/abdelwhab-mohamed-90846a200
او تتابعني علي البيدج دي
https://www.facebook.com/profile.php?id=100086547476696&mibextid=ZbWKwL

عرض ملف Abdelwhab Mohamed الشخصي على LinkedIn، أكبر شبكة للمحترفين في العالم. Abdelwhab لديه 13 وظيفة مدرجة على ملفهم الشخصي. عرض الملف الشخصي الكامل على LinkedIn واستكشف زملاء Abdelwhab والو....

28/11/2022

اقسم بالله يبني مفيش حاجه بتيجي بالساهل كده زي م انت مفكر
قولنا قبل كده ولسه بنقول وهنقول تاني لو النجاح سهل كان الكل نجح
لكن اللي جاي اقولهولك ان مفيش حاجه مستحيله بجد مفيش حاجه بعيده ابداااا مهما كانت الموضوع بس انت عندك صبر قد ايه
عارف انك هتتعب وبتتعب وكمان هيجي عليك اوقات مش هتنام حتي والله هتعيط كتيييير اووووي وهتحس ان خلاص الدنيا بتتقفل ف وشك ومش عايزاك وكل معاني الاحباط هتحط فيك مره وحده ساعتها امسك بنفسك وابدأ من تاني اوعي تمل واوعي تزهق طريقك طويــــــــــــــــــــــــل بجد
خلي شعارك من طول م فيا نفس مش همل وهعافر
افتكر دايما
لذة الوصول تنسيك مشقة الرحله

20/11/2022

هتلف وتروح وتيجي وتطحن نفسك في شغل وسفر ، هتعمل فلوس وتضيعها و تتزنق في فلوس مرة وتحوش تاني ، هتحب وتكره وتكون صداقات و معارف هنا وهناك و هتفارق..
بس مع الوقت هتكتشف إن السعادة موجوده في الحاجات العادية ، زي النوم بطريقة طبيعية ، ضحكة من القلب بجد، الشغل من غير ضغط نفسي ، الخروجات العاديه مع ناس مريحه كلامكم مع بعض من القلب ،لا متزوق ولا فيه وعود وضحك علي بعض ولا منظره علي بعض
هترتاح لما تبطل إنبهار بالناس و تتصالح مع فكرة إنك شخص عادي وصاحب عادي و مش لازم تكون الأول ولا الأشيك ولا الأهم ولا الأظرف
ساعتها هتقتنع إن أكبر نعم ربنا علي الإنسان إنه يعيش حياة عادية،هاديه و مستقره و إن اليوم لما يعدي عادي نعمه وراحه من عند الله🙏🏼

19/11/2022

جاي بس اقولك كلمتين ركز فيهم لمدة دقيقه وكمل اللي بتعمله
مفيش سعي بيضيع مفيش تعب بيضيع هدر ربنا بيعوض علي فكره وعوض ربنا جميل بجد وعن تجربه
انت بس اعمل اللي عليك واسعي كده
أدّي عملك بإتقان لو انت طالب ركز علي دراستك وطور نفسك في مجالك علي قد متقدر عارف والله ان الموضوع مش سهل بس دايما خلي المقوله دي في دماغك
If it was easy, everyone would do it
لو كانت سهله كان الكل عمله
الهدف اللي بتسعي ليه يستاهل تعبك وجريك وسهرك وعياطك
بس عيط وانت شغال وعيط لنفسك مش لحد
فرحة الوصول تنسي تعب الطريق
سلام 💙

17/11/2022

حاجه بجد العقل نفسه ميستوعبهااااش يبني فووووووووق

بالمناسبه الفديو ده عايزه يلف علي كل شاب كده ويقوله فوووق بجد ي حبيبي

17/11/2022

إنت بقى مطلوب منك تعافر ضعف الجهد وتتضرع أكثر وتتذلل لله ربك وتكثف دعاءك، لأن هو ده السبيل الوحيد المتاح قدامك وهو بدوره اللي هيخليك تدفع عنك كل ابتلاء بعيدا عن كلام بتوع التنمية البشرية وإنك هتوصل والكلام عن قانون الجذب والتفاهات دي!
لأن دلوقتي مش كل الناس هتوصل ومش كل الناس هتعيش منعمة متهنية ومش كل الناس هتركب عربيات.
في خضم كل ده إنت عارف إنها دنيا زائلة بس بتنسى، فجدد التذكرة بكثرة التضرع والعبادة، والدنيا باتت ثقيلة على قلوب المؤمنين وكل شوية بيتوه فيها، فاصبر وتوكل على الله، والآخرة خير وأبقى.

15/11/2022

اكذوبة الشغل والدراسه

14/11/2022

بص يا صاحبي!
أنا زيك مقصر جدا جدا، ومش شرط إني بقولك اعمل كذا وكذا أبقى بعملهم وأنفذهم بالحرف.
ساعات بذكّر نفسي معاك في منشور أو اتنين.
لكن اللي أقدر أقولهولك إن فيه ناس قاطعة أشواط في العبادة عننا بمراحل، بينا وبينهم أميال.
ومش هتلاقيهم هنا أصلا على السوشيال، ولا حتى تكاد تشعر بوجودهم.
الناس دي تنبهت إن عبادات الخفاء هي أعظم عبادة، من قيام ليل وذكر واستغفار.
خلي بالك بقى!
الفيس بوك بينيّم، آه والله بيخليك خامل حتى لو قرأت منشورات عن العبادة كثيرة، إنت بدون أي فعل، إنت كده خامل.
ولذلك أنت محتاج تقلل وقتك جدا على هذا الأزرق وتلحق إخواتك اللي بيقطعوا كل يوم أميال ويبعدوا عنك أكتر وأكتر.
وسائل التواصل باتت ثِقَل كبير جدا على أكتاف الإنسان، فَمتتغرش بالمنشورات والسكرول اللي عمال تعمله على الفاضي.
العبادة فعل.
خد اللي يناسبك من المنشور وحققه على أرض الواقع.

13/11/2022

مساء الخير ...جاي اقولك إن اللي فات خلاص مش هتعرف تغيره ..قدامك طريقين يا تكمل ندم عليه يا تبص لقدام
القرار في ايدك انت ...كل لحظه بتمر عليك انت المسئول عنها ..ابدأ طريق جديد حتي لو لوحدك ...متستناش صديق يبدا معاك ولا حد يشجعك ...خد كل خطوه كأنها الاخيره وتخيل معايا لو الخطوه دي صابت فعلا وعديت ...افتكر يا حبيبي انت مطالب بالسعي لا بالنتيجة وافتكر قول الله تعالي " وان ليس للإنسان إلا ما سعي وان سعيه سوف يري "
قوم من الجحر اللي انت فيه واشرب كوبايه الشاي بالنعناع وفوق من الدوامه اللي انت فيها مستنيين انجازاتك 💙
مستنيين اقتراحتكم حابين نتكلم عن موضوع ايه فاللي جاي
قولولنا فالكومنتس او علي رسايل البيدج
دمتم في أمان 💙💙