إتحاد طلاب كلية الإعلام جامعة القاهرة

14/03/2013

تهنئة من القلب

11/03/2013

( إِنْ يَنْصُرْكُمُ اللَّهُ فَلَا غَالِبَ لَكُمْ )
الحمد لله الذى أقر أعيننا.. وأسعد قلوبنا.. بأن هزم جميع أفراد جماعة الإخوان المسلمين ومن تحالف معهم فى انتخابات اتحاد طلاب كلية الإعلام جامعة القاهرة، لتعطى إعلام للمرة الألف درسًا قاسيًّا لأى تيار أو جماعة تريد الاستحواذ على البلاد، بأن إعلام قلعة محصنة لا يدخلها إلا من خلصت نيته وسانده الله عز وجل.
ولقد توافرت عدة أسباب أدت إلى خسرانهم:
السبب الأول: هو توفيق الله عز وجل والذى استجاب لدعائنا.
السبب الثانى: هو قوة حملة حركة (إعلام بلا خرفان) وكشف ألاعيبهم.
السبب الثالث: هو الاحتقان الشعبى ضدهم نتيجة فشلهم فى إدارة البلاد.
السبب الرابع: هم الإخوان أنفسهم بأن أظهروا كذبهم وحقدهم علانية أمام جموع الطلاب، وأظهروا صدق وصفاء نية منافسيهم.
والحمد لله فلم ينجح منهم أحد، ليحافظ اتحاد طلاب كلية الإعلام على استقلاله وعدم انتمائه إلى تيار أو حزب أو جماعة كما كان وسيظل.
فتحية لمن وقف أمامهم... وتحية لمن لم يصوت لهم.. وتحية وشكرًا لله الموفق ... وتهنئة لكل من فاز عليهم... ونأمل أن يكونوا الأكفأ ويغيروا كليتنا نحو الأفضل... والذين ستدعمهم الحركة إذا أحسنوا وتقومهم إذا أخطأوا.

11/03/2013

الله أكبر.. الحمد لله الذى صدق وعده ونصر عبده وهزم "الإخوان" وحده... الإخوان المسلمين فى كلية الإعلام لم يحصلوا على أى مقعد فى الاتحاد
انتظروا بعد قليل (خطاب النصر) من حركة (إعلام بلا خرفان)

10/03/2013

أنا عارف إن الانتخابات بكرة وكل واحد على أعصابه، فمش هطول عليكم وهقول كلامى فى نقط مختصرة:

- بالنسبة لحركة (إعلام بلا خرفان)، الهدف الأساسى من إقامتها هو إننا نكشف قوائم طلاب الإخوان، اللى هما متبرين من جماعتهم، لأننا شوفنا ازاى سقطت مصر، فميصحش نسيب الكلية تسقط فى إيدهم، مع إننا منعرفش أغلبهم بس الإخوانى مبيفرق شخصيته أيا كان، تسقط مصر المهم الجماعة، يتاجر بشرف بنات الكلية (فيديو Fun Day) من أجل فوز الجماعة وتشويه معارضيها، وتقديم طعون فى المنافسين لإقصائهم، الحاجات دى كلها دفعتنا لتأسيس الحركة بالإضافة إلى (الكذب) وهو علامة مسجلة عند أى إخوانى وشئ أساسى كالماء والهواء.

- بالنسبة لطعنهم فى الذمة المالية لاتحاد زميلى (إسماعيل الخولى 2012)، فدا تطاول واتهام بدون دليل، أنا عارف إسماعيل كويس من أول يوم دخل الكلية، وعارف أسرته، ومش واحد زى إسماعيل بأخلاقه ومستواه الاجتماعى هيبص لشوية ملاليم، وكذلك باقى أعضاء الاتحاد اللى منهم ناس فى دفعة تانية كلهم شرفاء.

- بالنسبة للتطاول على الزميلين العزيزين أحمد فوزى (اللى اتخرج) وعمرو المغربى رؤساء فرق المسرح، فدا تطاول ينم عن الجهل البين عند صاحبه، لأن مسارح الكليات بتتأجر زيها زى اللى برة بالظبط، ومفيش حاجة اسمها عرض مسرحية فى القبة، والناس دى تعبت لحد ما طورت من فريق المسرح اللى بقينا بنفتخر بيه ليل نهار وبإنجازاته... فعيب الكلام فى حقهم.

- بالنسبة للطعن فى إدارة رعاية الشباب (أثناء فترة اتحاد مصطفى سامى 2012)، وحوار الشيك والكلام الفاضى دا، مش أكتر من افتراء عارفين ليه؟ لأن العرف السائد فى رعاية الشباب (فى أى كلية) إن الشيك لأى نشاط بيطلع باسم الأخصائى الخاص بالنشاط، ولأن الشيك طلع متأخر قبل (حفلة استقبال طلبة دفعة أولى) بيومين وكان لابد من تجهيز الحفلة، فقام الأستاذ ربيعى على حسن بصرفه نيابة عن الأستاذ شادى (اللى كان فى أجازة) لتسيير العمل، ودى حاجة مش عيب ولا فساد ولا نيلة وبتحصل فى كل مكان، بدل ما كان طلبة أولى يجيوا ومصطفى سامى يستقبلهم على السلم برة بدون تجهيزات.

- بالنسبة للطالب المحترم (اللى نازل على قايمة شبابيك التابعة للإخوان المسلمين) اللى بيقول عميد الكلية فاسد وبيتستر على الفساد ولابد من إقالته، أولا يا حبيبى عميد الكلية عميد منتخب لا يجوز إقصائه إلا بانتخابات (بين الأساتذة) وملكش دعوة بيه، ثانيا ودا الأهم لو كان فى أى حاجة إدانة ليه مكنش أساتذة كلية (وأكثرهم فى غالية الاحترام والشرف) سكتوا وكانوا أصروا على إقالته... فالطعن فى شخصه قلة أدب.

- بعض شذاذ الأفاق وسقيمى الفكر.. هيقولك شوف بيدافع عن الفاسدين أصله زيهم، أقوله يا حبيبى استهدى بالله كدا وصلى على النبى، بشهادة الجميع ومنهم الاتحاد اللى جيه بعدينا إحنا كنا اتحاد مختلف، أنا جيت الكلية وكان فيها 4 أسر (منهم أسرة بقالها 10 سنين والتانية 7) كل 2 مع بعض، والانتخابات عبارة عن قايمتين فقط ولا يوجد شئ اسمه مرشح مستقل للاتحاد، حاولت أنا وتيار الاستقلال اللى معايا وكان على رأسه محمد عبد الناصر فى القضاء على هذه الظاهرة فى الفرقة التانية ونجحنا، والأسر الأربعة انسحبوا من الاتحاد خالص، وقررنا مننزلش انتخابات تانى عشان الطلبة الجداد يكون عندهم حرية اختيار وتعبير، ونشوف بعنينا ثمرة اللى زرعناه.

- وبالنسبة للى بيقولوا اتحادى (2011) معملش حاجة، أحب أقولهم: نتشرف إن اتحادنا أول اتحاد طلع 7 رحلات فى الكلية كل رحلة فيهم لا يتجاوز ثمنها 30 جنيهًا عشان الطالب المتوسط، فى حين إن الرحلات قبلينا كانت ب60 و70، نشرف إننا جبنا 3 مرشحين رئاسة فى شهر عشان الطلبة يسمعوا ليهم، وجبنا نائب رئيس المحكمة الدستورية لشرح أبعاد الإعلان الدستورى والدستور، وجبنا د. حسن نافعة لشرح ملابسات العمل السياسى بعد الثورة، نتشرف بإننا أول اتحاد جاب تدريب لكافة الأقسام فى المؤسسات الخارجية (صحافة - إذاعة – علاقات – صحافة إلكترونية – إنجلش)، نتشرف إن اتحادنا حصل على أمانة اللجنة الاجتماعية على مستوى الجامعة ومثل الكلية فى وضع اللائحة الطلابية (وكنت أنا واحد من 7 وضعوا تصورات اللائحة باسم جامعة القاهرة)، نتشرف إن اتحادنا مثل مصر والكلية فى المؤتمر الدولى السابع للإعلاميين العلميين بدولة قطر، والدكتور زويل أثنى على الوفد المصرى... واستقبلنا دفعة سنة تانية دلوقتى (اللى ظهر فيها الإخوان لأول مرة فى الكلية)، أحسن استقبال أتوبيسات لنقلهم للمستشفى، ويوم إرشادى، واحتفلنا بحرب أكتوبر قبل بداية الدراسة وخلناهم يشاركوا فى النشاط قبل ما الدراسة تبدأ، وشاركنا فى مارثون الجامعة لتنشيط السياحة فى الأهرامات ب170 طالب فى حين شاركت كل كلية ب50، نتشرف بإننا أول اتحاد عمل دورات كرة قدم مجانية فى الكلية (قبل كدا كانت بفلوس).. والله ما فاكر فى إيه تانى عملناه ... أسألوا وانتم هتعرفوا، واسألوا عن حال النشاط قبلنا واعرفوا الفرق، ودا كله فى ظروف كانت صعبة والكليات كلها مظاهرات واعتصامات.

- أنا فضلت لحد دلوقتى على علاقة طيبة بطلاب النشاط اللى كانوا أكبر منى وبتعلم منهم لأن لديهم خبرة، أما طلاب الإخوان ومن تحالف معاهم بيقلوا أدبهم علينا وبيطبشوا من غير خبرة، بقى اللى مش عارف ميزانية الاتحاد جاية منين ينفع يدخله؟ اللى مش عارف النشاط بيتعمل ازاى ينفع يدخله؟ أنا بشفق عليهم لإنهم محتاجين يتعلموا أصول النشاط لإن مهما كان مقرر النشاط الطلابى فى جماعة الإخوان بيعملهم فهذا ليس كافى.

- ختامًا إحنا النهاردة هنحترم الصمت الانتخابى، ومش هنقول حاجة (لإننا قولنا كل اللى ينفع يتقال)، بس رجاء خاص لطلبة الفرقتين الأولى والتانية: اختار اللى شايفه أصلح وهيفيديك ومش تصدق أى حد، وافتكر إن الإخوان (شابيك وصداع) مهما كان برامجهم فبرنامج رئيسهم كان أقوى وطلع سراب ... ولا أفكركم بمشروع النهضة؟

ربنا يعدى بكرة على خير ويولى الأصلح والاتحاد الجاى يعمل اللى إحنا مقدرناش نعمله... وشكرا للجميع

10/03/2013

بيان حاسم وقاطع من جبهة أحرار إعلام يثبت كذب الإخوان (شبابيك وصداع) للمرة الثالثة

بــــيـــــان
ـــــــــــــــــــــــــــــــــــــــــــــــــ
تنوه "جبهة أحرار إعلام" عن أنها لن تشارك في انتخابات الاتحادات الطلابية التى ستجرى،غدا ً، داخل جامعة القاهرة، وتؤكد على أن مشاركة أحد أعضاءها لا يعنى تمثيلها بالانتخابات وانما هو ممارسة لحقه فى خوض الانتخابات بصورة مستقلة بعيدا عن كيان الجبهة.
كما تؤكد على رفضها القاطع للدخول فى أى تحالف انتخابى مع طلاب جماعة الإخوان المسلمين؛ إعتراضا منها على سياسات الجماعة ونهجها في الحكم، مستنكرة في الوقت ذاته ممارسات بعض الطلاب ضد زملائهم من الإخوان المتعدية لحدود اللباقة والزمالة.
وتشير الجبهة إلى استمرارها في نهجها الثوري الذي يهدف إلى إحداث تغيير جذري فى أنشطة الكلية، متغاطية عن الاتهامات التي وجهت لها في الفترة الاخيرة والتي تعتبرها تفاهات لا ترقى إلى مستوى الرد.
وتود الجبهة ان تنفى صحة المعلومات المترددة حول ليبرالية توجهها، مشددة على انها تجمع داخل كيانها أعضاء يحملون ايدلوجيات مختلفة متغاضين عن ذلك فى سبيل تحقيق هدف الجبهة.

"جبهة أحرار إعلام"

10/03/2013

انتظروا أخطر بيان من المتحدث الرسمى لحركة (إعلام بلا خرفان) بعد قليل

09/03/2013

09/03/2013

مجبناش حاجة من عندنا
زى ما قولنا خطة الإخوان فى كليتنا
تشويه المعارضين (وقد فعلوها فى الكلية) ثم إذا لما يكفوا عن المعارضة الضرب واتخاذ خطة (قرصة ودن)

قسم أول المنصورة يمتنع عن تحرير محضر يثبت واقعة اعتداء طلاب الإخوان على طالب مرشح على قائمة التغيير في كلية أداب المنصورة والذي ثبت تعرضه للضرب وكدمة وخدوش بالوجه بعد اشتباكات بينهم، بحجة إعتصامهم
متابعة: محمد عبد الغفار

09/03/2013

فوائد انتخاب الطالب الإخوانى فى اتحاد الطلاب
-------------------------------------------------
1- هيفضل طول السنة يقنعك إنه مش إخوان بس بيحترمهم، وإن مش كل اللى معاه فى القايمة إخوان، وإن لا علاقة للجامعات بالسياسة (بأمارة اللايحة الطلابية).
2- هيوعدك وعود كتيييييييرة: هيكشف الفساد ويجيب موارد قناة السويس اللى الاتحاد بيسرقها ويحرر المسجد الأقصى، وطبعا لازم تصدقه (لأن رئيسه صدق فى وعوده قبل كدا).
3- تجيى تقوله يا راجل حرام عليك مش كفاية اللى قتلوهم جماعتك، يقولك: بطل تتاجر بدم الشهداء، قوله: وربنا أنا بقلد المرشد مش أكتر بأمارة (القصاص).
4- أول ما الرئيس المفدى قائد الثورة يطلع أى قرار (وأكيد مش هيرجع فيه) تلاقى اتحاد طلاب كلية الإعلام بيعلن مشاركته فى مليونية (...... والشريعة) قدام جنينة الحيوانات.
5- هيقولك حرام الاختلاط فى الرحلات نطلع الولاد لوحدهم والبنات لوحدهم، تقوله ماشى كدا تمام، تلاقيه يوم الرحلة الصبح جاى متأخر، ليه يا ابنى؟ أصله كان بيودع girlfriend بتاعته (يَأْمُرُونَ النَّاسَ بِالْبِرِّ وَيَنْسَوْنَ أَنْفُسَهُمْ).
6- هتلاقى كل قيادات الجماعة فى الكلية بالتناوب، يعملك يوم رياضى (يجيب المسؤل عن النشاط الرياضى فى الجماعة)، يوم سياسى (يجيب نائب المرشد للشؤون السياسية)، ولو أنت اتهفيت فى عقلك وعملت ندوة من وراه (يدخلوا الندوة ويشتموا الضيف زى ما عملوا فى كذا كلية قبل كدا).
لذلك لابد من انتخاب قوائم الإخوان
-------------------------------------
مع تحيات حركة (إعلام بلا خرفان)

09/03/2013

((نقف وقفه حازمة ضد المتاجرين بدماء الشهداء))
أخر سطر من بيان الإخوان
----------------------------
حد يقولهم إن اللى قتل الشهداء رئيسهم مش إحنا

09/03/2013

ما تم تنفيذه من الخطة التى نشرناها بمجرد وصولها لأعضاء جماعة الإخوان بالكلية، قبل أن ينفذوا منها أى شئ:
-----------------
1. عمل حملت تشكيك فى المعارضين، وضد حركتنا، وضد كل أعضاء الاتحادات السابقة، من خلال اختلاق أشياء واهية، وذلك لمحاولة تشويه أى معارض لهم من خلال بيان يصدروه تحت مسمى “لحظة الحقيقة”، وفى حالة عدم الاستجابة سيتم الاعتداء على المعارضين تحت مسمى “قرصة ودن”.
2. الزج بفتيات الجماعة المرشحات وغير المرشحات للقيام بعمليات استفزاز للشباب المعارض، بغرض الاستناد فيما بعض أن المعارضين لهم ذوى أخلاق سيئة وغير محترمين.
3. محاولة اختراق الصفحات والجروبات المناهضة لهم والتى تقوم بكشف خططهم.
4. تقوم فتيات الجماعة الظاهرات بالبكاء بين زميلاتهن ابتداء من مساء السبت داخل المدينة الجامعية، ومحاولة استعطافهن بأنهن مضهدات، ومحاولة تصوير شباب الجماعة بأنهم أحسن الناس أخلاقا حتى يكسبون بالتعاطف، وتقوم غير الظاهرات بالتأكيد على أن هؤلاء بنات محترمات ونحن ندافع عنهم، والجميع يخشى منهم لأنهم سيكشفون الفساد.
5. يقوم شباب الجماعة فى اليومين القادمين بعمل اجتماعات داخل المدينة الجامعة تحت مسمى “دورة كروية” أو ندوة، أو أى شئ المهم جمع الناس.
------------------.
والخطوات الباقية:
6.الذهاب إلى التصويت ثم الخروج والوقوف مرة خرى فى الصفوف بهدف تعطيلها، وإشعار أى طالب يحاول التصويت بالزهق فلا يصوت ويغادر (مثلنا حدث فى استفتاء الدستور).
7.يقوم ممثلى الجماعة الظاهرين وغير الظاهرين داخل لجنة الإشراف الطلابى على الانتخابات بمحاولة التزوير (وهو يعتبر جهاد فى سبيل الجماعة) من خلال رؤية اسم أى طالب منافس ولكن تمليته باسم طالب أخر من قوائم الجماعة حتى يكسب، وقد تم عمل ذلك فى جامعة عين شمس، وعند اكتشافه وفضحهم، قام طلاب الجماعة بطلب مدد من الكليات الأخرى واعتدوا على الطلاب بالجنازير والسنج داخل الحرم الجامعى.
فاحذروا غدر الإخوان وتحالفاتهم (شبابيك- صداع- صحبة)
--------------------------------
حركة إعلام بلا خرفان

09/03/2013

الحمد لله.. إخوان الكلية كل يوم يثبتوا إن كلامنا صح:
عاملين بكرة مؤتمر وبيجمعوا الناس... زى ما إحنا كشفنا امبارح فى خطة مكتب الإرشاد للسيطرة على الاتحاد.. إنهم هيحاولوا يجمعوا الطلبة بأى شكل من الأشكال وخصوصًا يوم الحد... شكرًا يا إخوان إنكم بتثبتوا للناس كل يوم إننا صادقين وعارفين ألاعيبكم
--------------------------
حركة إعلام بلا خرفان