أسرة النور بكلية طب قصر العينى

12/05/2016

13/04/2016

08/04/2016

منقول من Tamer Abdo AMin
- من سنتين جنب قسم المنتزه أول فـ إسكندرية تحديداً فـ شارع الجلاء كان فيه كشك بسيط بتاع ست غلبانة أسمها ( أُم إيمان ) .. أيام تعب والدى الله يرحمه وعشان المستشفى اللى هو كان محجوز فيها فـ وش الكشك بتاعها كنت بنزل بجيب العصير والميه من عندها يومياً وأدردش معاها .. عرفت منها إنها أرملة لـ زوج مات من 15 سنة وسابها هى وبنتين .. ولاد الحلال جابولها تصريح مـ المحافظة عشان تعمل الكشك ده تتقوت منه هى وعيالها .. ع مدار أسبوع كامل و مرة فـ مرة ومن خلال الـ 5 دقايق دردشة بتوع كل يوم دول بقينا أصحاب .. فـ مرة لما رحت لها كانت بتتخانق مع أمين شرطة لابس مدنى .. زعيق وشتايم هنا وهناك .. عرفت بعد كده إنه كان متعود يشكك منها وإنها مارضتش تديله المرة دى قبل ما يسدد القديم وقالت له : ( الراجل الحُر مايكلش بلاش ) .. شد معاها وهددها ( وشرف أمى هطربقهالك وهجيبلك عاليها واطيها ) ..بعد الخناقة قلت لها : طب إبقى خلى بالك منه بقى .. هزت كتفها بعدم إهتمام وقالت : هيعمل إيه يعنى ؟ مش هيعمل أكتر مـ اللى كاتبه ربنا .. سكتت شوية وشاورت لـ فوق وكملت : سيبها ع الله ؛ ياك أنت فاكر إنه بينضحك عليه ! والمصحف ما بينضحك عليه .. قلت : ربنا معاكى .. سألتنى السؤال المعتاد بتاعها : ماقولتليش أبوك عامل إيه النهاردة أُمال ؟ .. عدت الأيام .. اتوفى والدى الله يرحمه .. فـ نفس يوم وفاته و فـ دربكة إستخراج شهادة الوفاة والجرى رايح جاى ومن وسط الدموع والبُكا شفت مجموعة عساكر بيشيلوا الُكشك بتاع ( أُم إيمان ) ولمحتها قاعدة ع الرصيف ضامة بنتها لحضنها بتتفرج بحزن وهما بيشيلوا الكُشك ! .. بصراحة لا كان فيا دماغ ولا روح ولا الموقف أساساً كان مستحمل إنى أفكر إيه اللى حصل لها .. مرت الأيام واتقطعت علاقتى بالمكان والشارع ده كله لأنه ارتبط معايا بذكرى وفاة والدى .. يمكن نسيت ( أُم إيمان ) بس مانستش كلامها .. النهاردة كنت راكب ميكروباص وعدى بيا فـ منطقة فيكتوريا .. بطرف عينى شفت سوبر ماركت فـ حتة حلوة عليه يافطة كبيرة ( مينى ماركت أُم إيمان ) وشفتها من ضهرها واقفة فيه ! .. فرحت جداً إن ربنا فتحها عليها بـ حال أحسن مـ اللى فات وكان نفسى انزل وأسلم عليها .. انا معرفش إيه اللى حصل لها ولا لـ أمين الشرطة بس الأكيد إن ربنا جابلها حقها منه لأنه مرحمهاش .. بس كل اللى اعرفه إنى مستنى الصبح ييجى عشان أروح أسلم عليها واتكلم معاها تانى وأسمع منها .. من سنتين ولحد اللحظة دى لسه كلمتها بتتردد فـ دماغى : ( ياك أنت فاكر إنه بينضحك عليه ! والمصحف ما بينضحك عليه

07/04/2016

اللهم بلغنا رمضان ...

29/11/2015

نقيب الاطباء ... وعميد طب قصر العيني السابق :)

23/11/2015

إنا لله وإنا إليه راجعون
زميلنا دكتور احمد سلمي امتياز طب الأزهر
اتوفي النهاردة الصبح بعد فترة مرض ربنا يجعلها في ميزان حسناته....
اللهم اغفر له وارحمه واسكنه فسيح جناتك يارب
اللهم ارزق أهله الصبر واخلفهم خيراً

22/11/2015

The risk for MI in patients who quit smoking was reduced to that of non-smokers within 2 years of cessation. Regardless of how much or how long the patient smoked.