11/07/2019
https://www.facebook.com/1586167551604954/posts/2488946301327070/?substory_index=0
INO KATAWAN KA INOMAPMBASA SO KATHARO (كعبة العلم*منبع العلم*قبلة المسلمين العلمية) KAABA O KAPAGILMO*BOWALAN O ILMO*QIBLAT A ILMO O MGA MUSLIM SA DONYA.
>>>BATIYA ANGKAYNI KA ANKA KATOKAWI!!!
***************************************
1- Ino katawan ka ! A minisampay so kapamemetes go kitataros a serbesyo a AL-AZHAR UNIVERSITY taman imanto sa sangibo ago patpolo ago walo ragon (1048yrs). Ikatlo a pinaka miyawna a University sa entire a donya.
2- Ino katawan ka! A AL-AZHAR UNIVERSITY na mapakamomoayan yan so 359 a Academic Program ko pimbarang a pagilmoan ko kaagama-i ago kadodoniya-i.
3- Ino katawan ka ! A AL-AZHAR UNIVERSITY a adn a tlo a main campus yan; isa sa Cairo City, isa sa (South Egypt) pagabagatan a Misir, isa sa (North Egypt) pagotaraan a Misir.
4- Ino katawan ka! A AL-AZHAR UNIVERSITY na mapakamomoayan yan so 87 kulliya (College) imanto a masa.
5- Ino katawan ka! A AL-AZHAR UNIVERSITY a adn a mga University Dormitory niyan 23; oman I satimanon na pkirampay sa pipira polo a building iyan go pipira ka andana, isawn a madinatil booths a para ko mga foreigner (Islamic Mission City).
6- Ino katawan ka! Aya kadakel a G**o (Professor) sa AL-AZHAR UNIVERSITY na sapolo ago pitongibo kataw a Ulama (17k).
7- Ino katawan ka! A aya kadakel a Empleyado a salakaw pn ko mga G**o sa AL-AZHAR UNIVERSITY na sapolo ago patngibo a gomagalebek a mga mama go mga babay(14k).
8- Ino katawan ka! A adn a lima University hospital a AL-AZHAR UNIVERSITY a matatago ko pimbarang a Provincia a Misir.
9- Ino katawan ka! A samanaya na ayakapapantagan a dii mamangadi sa AL-AZHAR UNIVERSITY a morit na minirampay so kadakl iran sa Nemgatos ago limapolongibo (650k) a morit. Ago kasosobraan so tlopolo ago tlongibo (33k) a mga morit a foreigners a makapopoon ko pimbarang a mga ingd sa donya, makapopoon siran ko 107 countries.
10- Ino katawan ka! A kandandan o mga colleges a AL-AZHAR UNIVERSITY na palayadn matatarima go ka si certifyan ko Officina a Governo a tomitikay ko Quality Education.
11- Ino katawan ka! A giya AL-AZHAR UNIVERSITY na lomalaolad go lomalagaday sa entire Engda Misir (Sedepan- Sebangan)ipoon sa Alexander city malalagoy roo dn sa Aswan province, sa knaba roo bo taman ka sii pn sa liyo a Misir na adn a mga sapakiyanon.
12-Ino katawan ka! A madakel ko mga Leader a Muslim sa donya a sii miyakapamangadi sa AL-AZHAR UNIVERSITY. Ibarat yan Sii sa ingd a Ranao naso mga loks tano a bolawan a lopa I katatagoan kiran go pagomanomanan o ALLAH so mga limo iyan kiran datar I AL-Ustad AL-A'lim Hashim salamat, Dr. Mahid Mutilan, AL-Ustad AL-A'lim Abdul-Aziz mimbantas, AL-Ustad AL-A'lim Ahmad Bashier, AL-Ustad AL-A'LIM Anwar Bashier. Ikalimo siran o ALLAH. Nagoso salakaw kiran a datano maaloy so mga ilano iran.
*****************
>>> Giyangka a AL-AZHAR UNIVERSITY na miyakalabidn Sanggibo ragon a kaplawi awn o mga Muslim sa donya a dii maganad sa linang a ilmo, miya kowa a basa a Qiblat a ilmo o mga muslim sa donya a ingd a Misir sabap ko katatagoon a giyangkai a mala a University.
>>> Opama ko ikararanon a poso o mga Muslim a Baitillahe alharam na diyaya mambo a AL-AZHAR ASHARIF UNIVERSITY e bantak a aqal iran a onga a pikiriran. Sa diyoto I kiyambasaawn a Kaabah o ilmo a AL-AZHAR UNIVERSITY.
>>> Katawan sa donya a aya pinaka madakl e Doctorate ko ilmo ko agama na diyaya a AL-AZHAR UNIVERSITY, aya karinawn na Majority ko mga Islamic University sa donya na adn a kassmbayan iran a Ulama a Azhariy. Maoona siran ko elmo ko loga arabiya, ilmo ko Tafsir, ilmo ko Hadis, ilmo ko Fiqh go ilmo ko osol, ilmo ko Aqeedah, ilmo ko kabatya sa qur'an,agoso mga pd san a ilmo...ayabo diron makatarima nasa dakiran makasima!. Giyoto I sabap a miyambasa so basa a BOWALAN O ILMO AL-AZHAR UNIVERSITY.
>>> Sa AL-AZHAR UNIVERSITY na requirementon so kimorizen ko Qur'an sa tarotop, andadn I kapaka Graduate o morit a Egyptian sa High School na minimorized yan so Quran sa tarotop, sa datar oto mambo sa College. Sa Daa khatoon ka a AZHARIY (Diynie) a bada maka memorized sa Qur'an sa tarotop.
******* > Giyanan so AZHAR tanu a masindaw a matanos I warna a malai bantogan. A odaron sabapn o ALLAH na diyakomagiyai-na ditano magiyaya- na diskaniyan magiyoto!. Odaron sabapn o ALLAH na mabaloy tano man a dikatawan ko masa, na dimaaloy o mga manosiya, nadimakilala o salakaw a nation. Odawn sabapn o ALLAH na makaphagintaw tano ko kalibotng o kadaa knal a kababarampang! Odawn sabapn o ALLAH Na ditano kasabotan so thitho a lalan ko kapagilmo na dirktano kalkaan so mga pamintoan o ilmo goso sabot a linang!.
~~~ Ya ALLAH siyapangka rkami AL-AZHAR UNIVERSITY goso mga Goro ron goso mga Moriton aya mala naso pakatatayaan a SHAIKHOL AZHAR goso kadandan o mga AZHARIY goso mga tao a pkhababaya sa AL-AZHAR UNIVERSITY...A'min A'min A'min.
