الله ربى والإسلام دينى

25/08/2025

مدير الإسعاف والطوارئ بغزة والشمال للجزيرة:
- النازحون لا يعلمون إلى أين يذهبون لانعدام المناطق الآمنة في القطاع

- الاحتلال يمنع دخول مركباتنا إلى المناطق المستهدفة لنجدة المدنيين

- المستشفيات تعاني من الدمار وتفتقر بشدة للمستلزمات والطواقم الطبية
Cpd رفعه

24/08/2025

22/08/2025

كلام للمتزوجين ...

عارف ايه النعمه بجد ؟

انك اول متتجوز ربنا يرزقكك علطول بذريه معافاه ، متحسش بالحرمان فتره عقبال ما تخلف ، او تتحرم خالص ، ولا الحنين انت وهي يقتلكم كل لحظه لحضن طفل ، ولا تضطر تسمع سخافات المحيطين بيك وهما بيمصمصوا شايفهم وبيسالوك كل شويه العيب من مين
، او انك تضطر تصرف اللي وراك وقدامك علي دكاتره وعلاج ، او تستلف علشان عمليات حقن مجهري وانابيب ويا تنجح يا تفشل ، وتبقي حياتك انت وزوجتك رتيبه مفهاش جديد ، وكل واحد فيكم بيداوي التاني وهو جواه بيموت ،

اسأل عن النعمه دي خد محروم من الخلفه صدقني هتعيط وهو بيكلمك

عارف ايه النعمه اللي اكبر من كده ،؟!
انك توفق لشريك صالح وغيرك دايخ بقاله سنين ، حد طيب شريف عمره ما هيخونك ولا هيكون ليه علاقات بغيرك ، نضيف من جوه وبيرضي بالقليل وعمره ما طلع سرك ولا كدب عليك ، تبقي مسافر وانت مطمن ان عمر جسمه ما هيلمس غيرك ، ولا عمر قلبه هيدق لغيرك مهما حصل

اسأل عن ده حد اتخان واتلعب بيه وخسر بيته وشرفه ؟!

انت ليه مش حاسس بنعمه الشريك الصالح والذريه الطيبه وبتضيعهم منك بغبائك وعنادك، محولتش تحافظ عليهم ولا تهتم بيهم ، وبدور علي غيرهم ، وديما بدور علي اللي ناقصك

عارف امتي هحس بوجودهم لما تفقدهم لقدر الله

اعرف حد محفظش علي شريكه الا ان مات وهو الان يبكي دم لانه عرف بعد موته انه لا شي بدونه وان الله عاقبه بموته لانه فرط فيه

اهتموا ، واحمدوا ربنا والله انتم في نعمه كبيره

الحمد لله

احمد بدر

20/08/2025

البقرة وآل عمران يأتيان يوم القيامة كأنَّهما غَمامَتانِ لصاحبهما في حر الموقف.

☁️☀️

11/08/2025

هذه وصيّتي، ورسالتي الأخيرة.
إن وصلَتكم كلماتي هذه، فاعلموا أن إسرائيل قد نجحت في قتلي وإسكات صوتي.
بداية السلام عليكم ورحمة الله وبركاته

يعلم الله أنني بذلت كل ما أملك من جهدٍ وقوة، لأكون سندًا وصوتًا لأبناء شعبي، مذ فتحت عيني على الحياة في أزقّة وحارات مخيّم جباليا للاجئين، وكان أملي أن يمدّ الله في عمري حتى أعود مع أهلي وأحبّتي إلى بلدتنا الأصلية عسقلان المحتلة "المجدل" لكن مشيئة الله كانت أسبق، وحكمه نافذ.
عشتُ الألم بكل تفاصيله، وذُقت الوجع والفقد مرارًا، ورغم ذلك لم أتوانَ يومًا عن نقل الحقيقة كما هي، بلا تزوير أو تحريف، عسى أن يكون الله شاهدًا على من سكتوا ومن قبلوا بقتلنا، ومن حاصروا أنفاسنا ولم تُحرّك أشلاء أطفالنا ونسائنا في قلوبهم ساكنًا ولم يُوقِفوا المذبحة التي يتعرّض لها شعبنا منذ أكثر من عام ونصف.

أوصيكم بفلسطين، درةَ تاجِ المسلمين، ونبضَ قلبِ كلِّ حرٍّ في هذا العالم.
أوصيكم بأهلها، وبأطفالها المظلومين الصغار، الذين لم يُمهلهم العُمرُ ليحلموا ويعيشوا في أمانٍ وسلام،
فقد سُحِقَت أجسادهم الطاهرة بآلاف الأطنان من القنابل والصواريخ الإسرائيلية، فتمزّقت، وتبعثرت أشلاؤهم على الجدران.

أوصيكم ألّا تُسكتكم القيود، ولا تُقعِدكم الحدود، وكونوا جسورًا نحو تحرير البلاد والعباد، حتى تشرق شمسُ الكرامة والحرية على بلادنا السليبة.
أُوصيكم بأهلي خيرًا،
أوصيكم بقُرّة عيني، ابنتي الحبيبة شام، التي لم تسعفني الأيّام لأراها تكبر كما كنتُ أحلم.

وأوصيكم بابني الغالي صلاح، الذي تمنيت أن أكون له عونًا ورفيق دربٍ حتى يشتدّ عوده، فيحمل عني الهمّ، ويُكمل الرسالة.

أوصيكم بوالدتي الحبيبة، التي ببركة دعائها وصلتُ لما وصلت إليه، وكانت دعواتها حصني، ونورها طريقي.
أدعو الله أن يُربط على قلبها، ويجزيها عنّي خير الجزاء.

وأوصيكم كذلك برفيقة العمر، زوجتي الحبيبة أم صلاح بيان، التي فرّقتنا الحرب لأيامٍ وشهورٍ طويلة، لكنها بقيت على العهد، ثابتة كجذع زيتونة لا ينحني، صابرة محتسبة، حملت الأمانة في غيابي بكلّ قوّة وإيمان.

أوصيكم أن تلتفوا حولهم، وأن تكونوا لهم سندًا بعد الله عز وجل.
إن متُّ، فإنني أموت ثابتًا على المبدأ، وأُشهد الله أني راضٍ بقضائه، مؤمنٌ بلقائه، ومتيقّن أن ما عند الله خيرٌ وأبقى.

اللهم تقبّلني في الشهداء، واغفر لي ما تقدّم من ذنبي وما تأخّر، واجعل دمي نورًا يُضيء درب الحرية لشعبي وأهلي.
سامحوني إن قصّرت، وادعوا لي بالرحمة، فإني مضيتُ على العهد، ولم أُغيّر ولم أُبدّل.

لا تنسوا غزة…
ولا تنسوني من صالح دعائكم بالمغفرة والقبول.
أنس جمال الشريف
06.04.2025

هذا ما أوصى بنشره الحبيب الغالي أنس عند استشهاده.
إدارة الصفحة

09/08/2025

06/08/2025

كنت بقول لماما الله يرحمها ويحسن اليها دايما تهتم بصحتها لان لو حصل لها حاجة انا اكيد همـ.ـوت بعدها على طول لاني مش هقدر استحمل! و اوقات كنت بهددها اني اعمل حاجة بشكل مقصود فاللي هو خلي بالك بلاش الهزار التقيل ده 😂

توفت و عيشت واستحملت بعدها اهو ١٩ سنة في فضل و رحمة و لطف من الله

١. زمان و لسنين طويلة كنت بحس ان لو كانت عايشة، حياتي كانت هتبقى احسن! بس في الواقع ده مش حقيقي ...

في الواقع مفيش اي حاجة لو كانت اتغيرت في حياتنا كانت هتبقى احسن!

ربنا يعلم الغيب ويعلم اللي فات وجاي
يعلم هنتعرض لايه وايه افضل شكل في حياتنا ومحتاجين ايه

كنت شوفت فيلم قبل كدة كان حد معتقد انه اساء الاختيار في ماضيه و عايز يغير وضعه وكان كل ما بيرجع بالزمن يغير حاجة فييجي يظبط الي عايزه يلاقي ان العواقب وكل الاحتمالات اسوأ بكتير من الي حصل من الاول وانه لا يقدر على تحملها ،

ودي الحقيقة في كل حياتنا كل الاحتمالات نتايجها مش الحل لان "والله يعلم وأنتم لا تعلمون"

سورة الكهف وانواع القدر ،
هل لو السفينة مكانتش اتخرمت كان اهلها هيبقوا احسن؟
هل لو الطفل مكانش مات كان هيبقى حياة اهله احسن؟
هل لو الطفلين مكانوش ايتام حياتهم كانت هتبقى احسن؟

سيدنا يوسف ، لو مكانش حصل معاه كل الي حصل من اخواته وامرأة العزيز حياته كانت هتبقى احسن؟

كل الاجابات هتبقى لا

فـ وانت عايش جوا القصة ، ادي نفسك فرصة تشوفها بعين شاملة شوية ، النهاية مش هنا ، و الله يعلم ، خد نفس كدة براحة

----

٢. اوقات الابتلاءات بتخليك تعرف حجمك الحقيقي و في نفس الوقت قدرتك الي مكنتش تتخيلها

كان عندي ١١ سنة و كنت شايفة نهاية العالم هتبقى في اللقطة دي ، مكانتش نهايته ولا حاجة!

اه حزنت وتألمت كتير جدا جدا جدا جدا ولازلت ، اه حسيت بضعف شديد ، و في نفس الوقت اكتشفت حاجات عن نفسي مكنتش اتخيلها ، وكله فتح و كرم ولطف من الله

وكلها بتصب في "لا حول ولا قوة الا بالله" و تنبيه مهم للغاية بنقوله كل يوم كل صلاة كل ركعة "إياك نعبد و إياك نستعين" مش هنعرف من غيره ،

احنا مش جامدين ، اختياراتنا مش صح ، احنا بردو مش وُهُون (جاية من الوَهَن يعني) ، بس الله كريم رحيم قوي عزيز معين لطيف ، ويعطيك الاختبار في الوقت والشكل والقدر اللي يعلم قدرتك عليه ، اللي يستخرج بيه افضل نسخة منك!

----

٣. كل انسان عنده اختباراته و سكته و طريقه في الدنيا

قصص البشر كلها متشابهة باشكال مختلفة ، انت مش لوحدك ، الشعور ده مش بتاعك لوحدك في غيرك ملايين

اولهم حبيبنا صلى الله عليه وسلم و انبياء وصالحين لو كان السلام والخير في عدم الابتلاء فكانوا هم اولى به منا

انت عندك طريقك و اختباراتك ، بنلتقي ببعض في النص نساعد بعض نوجه بعض نهون على بعض سواء بقصد او لا بشدة او يسر

اهلك و صحابك ومديرك في الشغل كلنا عندنا اختباراتنا و ممكن نبقى اختبارات لبعض ، احنا بنستقبل اختبار الله و نسعى و نستبشر بالخير وندعي بالبصيرة وحسن السعي ، بنخلص اختبارنا و نتوكل على الله خلاص احنا مش هنخلد في الدنيا

----

٤. الله قائم على حاجتك وعليك ولا تأخذه سنة ولا نوم هو مولاك

الله هو مصدر النعم فمهما كبرت عندك نعمة فالله هو اللي مصدرها هو الأصل، بيرزقك بيها بالقدر والوقت والشكل الاحسن ليك ، وجودها وعدمه الاتنين خير ليك احنا بس الي بصيرتنا و علمنا على قدنا غلابة ، فمحتاجين نحترم قدر الله و نحترم جهلنا ، الحمد لله

----

في النهاية;

"لكي لا تأسوا على ما فاتكم ولا تفرحوا بما آتاكم"
الله معاك ، الله كافيك ، الله وكيلك ، ثق بالله وخد نفس انت دلوقتي كويس وفي احسن شكل في حياتك ، محتاجين بس نصبر ونسعى اننا نحسن الفعل ونقرا الموقف ونفكر مفروض نطلع منه بأيه ونتعلم ايه ، ومنحولش الألم لمعاناة بأختيارنا ، طبيعي نتألم بس مش طبيعي نحوله لمعاناة و نعيش فيه بأختيارنا

وده مش معناه اكيد اننا مندعيش بالزيادة و الخير و كمان نطمع فندعي بالمستحيل، و كمان ندعي ان ربنا يعافينا و يبعد عنا كل ابتلاء وشر ولا يحملنا ما لا طاقة لنا به ويرزقنا خير ورزق وسعة الدنيا والاخرة عادي ،

لكن لو الحاجة الحلوة دي مجاتش مش بنزعل وبندعي ولو الابتلاء قعد شوية بنصبر ونسعى وندعي وفي الحالتين بنثق في الله ونشكره

واعلم ان الشيطان يمنيك بالمفقود لتفقد الموجود ، عايزك تفقد الأمل وتحزن "الشيطان يعدكم الفقر ويأمركم بالفحشاء والله يعدكم مغفرة منه وفضلا والله واسعٌ عليم"

والله واسعٌ عليم رحيييييم... ؛)

(متنسوش تدعوا لأمي واموات المسلمين معاكم والأحياء ولله كلنا محتاجين الدعاء الله ينور بصيرتنا و يرزقنا حسن السعي و يرسل علينا رحماته دنيا واخرة اضعاف بقدره وفضله وكرمه في عفو و عافية)

لميس الصيفي