طلاب جامعة المنصورة

28/07/2023

جزء كبير من راحتك النفسية ورضاك عن حياتك بيتحقق بإنك تتقبل فكرة قلة حظك في جانب معين من جوانب حياتك، وتفهم إن ده شئ طبيعي ومنطقي جدًا. ودي حكمة ربنا في خلقه .. !!

مش الطبيعي يكون ليك حظ في كل جوانب حياتك سواء شغل، جواز، ولاد، صحاب، فلوس، صحة..
لازم تتقبل فكرة إن رزقك مش بالتساوي في كل النواحي ،فطبيعي تفقد ناحية أو اتنين.
كونك إنسان عايش في اختبار اسمه الدنيا بيتعارض مع فكرة الكمال وإلا كان زمانك عايش في الجنة من دلوقتي .

الرضا بالمقسوم عبادة .
الدنيا عمرها ما هتكون كاملة وهتفضل ناقصة
فـ ندعي ربنا يرزقنا البركة بالمتاح ،ويعوضنا خير عن كل نقص .🖤

09/07/2023

تلاقيك خلصت هندسه و خاربها خروجات وفسح وسهر....
الخروجات😂😂😂😂😂

03/06/2023

بالنيابه عن كل طالب خلص كليه هندسة ودخل الجيش :
ااااااااااااااااااااااااااااااااااااااااااااااااااااااااااااااااااه.

17/05/2023

لما تدخلت الجيش هتعرف إنك في عالم تاني مكنش بيجي في بالك ، في البداية هتكون مصدوم بس متحمس إن فيه مرحلة جديدة هتمر بيها في حياتك ، لغاية ما إتحول الموضوع ، هتكون دخلت عالم فيه كل الناس ندمانة ، كل الناس مركبة في وشها عقارب و شهور و أيام و ساعات ودقايق ، كله بيعد في الوقت ، بينام و يصحي يحسب ويقول فاضلي كذا وأخلص جيش ، لو قاعد و ماسك قلم هيكتب تاريخ نهاية خدمته ، لو ماسك زلطة هيحفر عالرملة تاريخ معاناته ، دايما شايف كل حاجة متأجلة لغاية ما يجي التاريخ ده ، الوقت اللي هنرجع فيه و نعانق حريتنا من جديد ، ناس كتير هتقولك عادي مش أول واحد و انت مكبر الموضوع ، وناس هتهون عليك ، بس محدش هيحس بيك إلا اللي عاش اللي انت بتشوفه وبتعيشه ، كفاية إنك بتفكر في جيشك ، وبتفكر إما تخلص جيشك هتعمل إيه و هتبدأ منين .
ربنا يهون علي كل راجل جدع ❤️

15/05/2023

اتعب في الكلية عشان لما تخلص ترتاح
لما اخلص الكلية

10/04/2023

رمضان في الجيش حاجه تانيه والسر في التفاصيل

25/12/2022

لا حول ولاقوة إلا بالله 💔🥲

حادث علي طريق جمصة اصطدام اتوبيس جامعة حورس بسيارة نقل وانباء عن إصابة عشرات الطلاب
وتواجد عدد كبير من سيارات الإسعاف ، وتم نقل المصابين الي مستشفي بلقاس

ربنا يسترها

11/12/2022

يا وجع القلب 💔😥
مصر ع " شاب ووالدته " أثناء ذهابهما بدراجة نارية لإلقاء نظرة الوداع على " الوالد " بمستشفى حورس بالأقصر.. اصطدما بسيارة ربع نقل وتوفيا في الحال.. "المستشفى بتتصل تبلغهم بوفاة الأب"، جاء الرد: "ماتوا هما كمان" .😭💔

11/11/2022

20/06/2022

عاجل صورة الطالبة نيرة أشرف احمد عبد القادر
من منطقة منشية البكري الشعبية بالمحلة الكبرى الذي لقت مصرعها علي يد زميلها يدعي محمد عادل محمد إسماعيل عوض الله من منطقة محب طعنا بسكين أمام كلية الآداب بجامعة المنصورة وتم إلقاء القبض على الجاني

نسالكم الدعاء لها بالرحمه والمغفره ويصبر اهلها الصبر والسلوان

20/06/2022

عاجل.. طالب بجامعة المنصورة يذبح زميلته بسكين امام بوابة توشكي بالدقهلية والأهالي تمسك به

14/06/2022

العثور على جثمان شاب غريق بعد صلاة فجر اليوم ... عثر اهالى عزبة ابو الداهش بمركز تمى الأمديد على جثمان شاب من قرية تاج العز ، غريق فى الترعة المقابله لترعة البوهيه، حيث كان الشاب يركب تروسيكل ، وجد الأهالى التروسيكل واقفا بكامل حالته على طريق البوهيه وبجوار التروسيكل الشبشب الذى كان يلبسه الشاب وعلى الفور حضرت قوة من مركز شرطة تمى الأمديد الى مكان الحادث.