لقطات التربية النفسية ، Sayed Ghozy

04/05/2026

توثيق للحفظ
معرض ختام الأنشطة ، محافظة جنوب سيناء
2025/2026

27/02/2026

توثيق حفظ
سيد غزي

25/10/2025

https://youtu.be/cXrh1RAp-Ow?si=CCnRNbzNydUz2rgP.
لقطات في الطريق

الأخصائي النفسي مستر سيد طه غزي

23/10/2025

وسام جديد 😍💗

01/03/2025

https://youtu.be/4BbFoQrCnWA?si=yscq3lqH-iw-ArwN.

نشرة أخبار تقدر من غيرها
بمدرسة الشهيد ايمن عبد الحميد كتات الثانوية العسكرية
إدارة رأس سدر ع
الاخصائي النفسي
مستر سيد طه غزي

الاخصائي النفسي مستر سيد طه غزي ، مدرسة الشهيد ايمن عبد الحميد كتات الثانوية العسكرية ، إدارة رأس سدر التعليمية ، محافظة جنوب سيناء

25/02/2025

زيارة معالم مدينة رأس سدر
زيارة الأستاذ محمد عيد مدير إدارة رأس سدر التعليمية
زيارة قصر الثقافة
وعمل ندوة عن إخطار الإدمان للاستاذ / رأفت يوسف ، شاعر وأديب ، ومدرب معتمد لدي قصور الثقافة بوزارة الثقافة .
بمدرسة الشهيد ايمن عبد الحميد كتات الثانوية العسكرية
إدارة رأس سدر التعليمية .
الاخصائي النفسي
مستر سيد طه غزي

06/03/2024

جلسة نفسية إلكترونية ، ارشاد جمعي ، علي جروب طلاب مدرسة الشهيد ايمن عبد الحميد كتات الثانوية العسكرية إدارة رأس سدر التعليمية محافظة جنوب سيناء ، في ظل عكوف بعض الطلاب عن الحضور المنظم الي المدرسة
ابنائي الاعزاء
المدرسة مش منهج رياضة وفيزيا وكميا ومذاكرة بس .
المدرسة حياة .
المدرسة من أهم مصادر تشكيل الوعي للطلاب ، وبناء جزء هام في شخصيتهم.
المدرسة اكتساب خبرات حياتيه هتنفعك في مستقبلك.
المدرسة تبادل خبرات مع المعلمين والزملاء وأخذ المناسب والافضل تضيفه علي بناء شخصيتك ، لقيت حاجة حلوة في مدرس حاجة حلوة في زميل كانت نفصاك تكملها.
المدرسة تدريب علي تحمل المسئولية ، كونك تخرج من بيتك وتتحمل مسئولية نفسك ذهاب وعودة وممارسة يوم كامل بتعتمد فيه علي نفسك دا بيربي فيك المسئولية والاعتماد علي الذات مستقبلا .
المدرسة حياة لتمارس فيها أنشطة مختلفة ، كرة قدم ، طائرة ، تنس طاوله ، جيم ، إذاعة مدرسية ، قرأة قرآن ، إلقاء شعر ، مسابقات اتحادات الطلاب وغيرها من الأنشطة المفيدة اللي بتفرغ فيها طاقاتك الزيادة بشكل إيجابي وصحي بيفيدك في حياتك المستقبلية.
المدرسة بيئة خصبة لتكوين صداقات جادة وفرز الأصدقاء واختيار الافيد والانسب اللي هيسعدك في مستقبلك ، دائما حاول تصاحب اللي احسن منك في المستوي ، هتلاقي مستواك هيعلي زيه
شوف مدرسك بيفكر ازاي في حل المشكلات وحل الأسئلة والتعامل مع الامتحان واعتبره تدريب لامتحان اخر العام عشان تحقق امل اهلك فيك وتحقق المستقبل اللي بتحلم بيه .
المدرسة حياة فيها بتراجع أخطائك وبتصحح مسار حياتك وبتكمل اللي ناقصك عشان توصل لهدفك.
المدرسة نشاط وانضباط وقوانين لازم تتدرب نفسك عليها عشان لما تروح مكان اعلي سواء كلية أو جيش تكون متعود علي الالتزام والانضباط وميحصلكش مشكلات في حياتك المستقبلية.
المدرسة عسكرية والعسكرية المصرية شرف لاي بني آدم مصري ياربي ويتعلم ازاي يحافظ علي أرضه وعرضه وأهله .
المدرسة حياة عيشها بفرحة وسعادة في احلي فترات عمرك في قمة النشاط البدني والذهني ، اوعي تفتكرها عبء عليك ، دي فترة حاول تستمتع بيها اد ما تقدر
بكرة لما تكبر وتتكاثر عليك المسئوليات هتقول ولا يوم من ايام المدرسة والحرية والامسئولية والانطلاق .
المدرسة مفرخة العظماء لما تكبر وتبقي دكتور مرموق أو مهندس شاطر أو ضابط جيش أو شرطة ، أو تبقي زميل معلم تربيه الاجيال الجاية ساعتها هتعرف قيمة المدرسة .
المدرسة قدوة من اخواتك الكبار مديرين ووكلاء ومعلمين واخصائيين وزملاء ،، لو اتعلمت من كل واحد سلوك سوي هينفعك كتير في حياتك المستقبلية صدقني.
المدرسة بتاعتك ملكك اتعلم ازاي تحافظ علي املاكك ومتخربش فيها ولا تسمح لحد يخربها.
المدرسة ملكك ووقتك ، متسمحش لحد مستهتر يسرق وقتك ويضيع عليك حقك ويبوظ حصتك ويعطل المعلم أنه يوصل لك المعلومة اللي هتوسع مداركك وتنمي عقلك وتزود مهاراتك وقدراتك .
المدرسة روح تحافظ فيها علي روحك وعلي أرواح زمايلك ومعلمينك ، وتتعلم ازاي تساعد اللي محتاج لك .
المدرسة حياة والحياة مشاركة ، ومحدش يقدر يعيش في الحياة لوحده بدون ما يحتاج للآخرين ويحتاجوا له .
المدرسة حياة مصغرة للحياة الأكبر أن نجحت تعبرها بسلام ونجاح واقصي استفادة ، تأكد انك هتنجح في حياتك.
المدرسة صبر وتعاون حتي لو فيها حاجة مش عجباك حاول تتعاون وتصلحها واصبر علي مدرستك وشارك انها تكون الافضل دائما .
المدرسة أمانة في رقبتك انت مسئول عنها ، فخليك عنوان جيد لمدرستك ، وسيب اثر جيد ليك نفتكرك بيه لما تمشي .
المدرسة بيتك التاني بعد بيت أهلك ، هما مسئولين عن بناء جزء في حياتك وتربيتك ، واحنا مسئولين عن جزء آخر في التربية قبل التعليم.
المدرسة بيتك حافظ علي نظافتها والمنظر اللي متحبش تشوفه في بيتك في اوضتك في انتريهك في حمام بيتكم متقبلش بيه يكون في المدرسة .
المدرسة مقدسة زي المسجد والكنيسة ، اللي مترضاش تعمله في المسجد والكنيسة مينفعش تعمله في المدرسة.
المعلم والأستاذة زي امك وابوك ، اللي ميصحش تعمله معاهم ، ميصحش تعمله مع اساتذتك.
أنا لما بقول المدرسة حياة مش ببالغ لأننا مرينا بنفس ظروفكم وفترات عمركم السنية وعارفين طبيعتها كويس جدا ، وبننقل لك خبراتنا من باب أننا اكبر في السن والخبرات والتعليم .
فتأكد أن اكتر ناس عايزاك تبقي احسن منهم في كل حاجة
امك
ابوك
استأذك
وهما اكتر ناس ليكونوا فخورين بيكم لما تتخرجوا. مواطنين صالحين نافعين أنفسكم واهلكم ومجتمعكم وبلدكم ولية لاء تكونوا نافعين للبشرية كلها أن شاء الله .
المدرسة المكان الأنسب اللي هتتعلم فيها كل دا عن طريق مدرسينك وزمايلك ومش هتلاقي مكان امين تتربي وتتعلم فيه زي مدرستك بيتك وحصنك وحياتك المدرسة.
ساعدونا نعلمكم تبقوا احسن ناس في الدنيا ، وتحققوا أهدافكم ، وتحققوا امل اهاليكم فيكم ، وترفعوا رأس بلدكم ، لان انتم ابنائنا مستقبل بلادنا ، ونكون كلنا فخورين بيكم .
نتمني لكم حياة سعيدة ، وحياة دراسية اسعد ومستقبل مشرق ، فنحن جميعا جنود في وطن واحد ومصير واحد .
تحياتي مستر سيد غزي اخوكم الأكبر الاخصائي النفسي في المدرسة ، اللي في خدمتكم جميعا وتحت امر كل طالب ملتزم محترم في أي استفسار من اي نوع ، مكتبنا مفتوح ليكم طول الوقت وقلوبنا وعقولنا مفتوحة لكم بكل حب واخلاص وتعاون وكل ما نملك ملك لكم .
بالتوفيق اخوتنا الصغار إلي أن تكونوا كبار وتحملوا راية المسئولية كل في مكانه ونشوفكم ونشوف بلدنا احسن حاجة في الدنيا 😍.
تحياتي الأخصائي النفسي مستر سيد غزي .

06/03/2024

https://youtube.com/?si=KoJUym9IpUzz0qlB

قناة شخصية

09/04/2023

ما تم إنجازه من خطة العام الدراسي 2022/2023

24/12/2021

نموذج متغير المحتوي