11/09/2025
بالنسبه لطلاب الدبلوم و
التقديم فى المعاهد..
نتيجه التنسيق بتتأخر وبتظهر
قبل الدراسه بأيام قليله
لو نتيجه التنسيق جابت ليك
مكان بعيد او مصاريف غاليه
ممكن نعمل ليك تحويل على مكان تانى
بشرط ان مجموعك يكون جايب المكان ده
مبدئيا 90% فأكثر كليه سياحه وفنادق
أقل من كده حتى 75% معهد عالى خاص او معهد حكومى متوسط داخل الجيزه والقاهره
أقل من كده وحتى 60% معاهد عليا اقاليم
لما بتختار معهد تدرس فيه علشان
تاخد بكالوريوس سياحه وفنادق
وبتعمل التنسيق او بتقدم فيه
تقديم مباشر لازم تعرف ان
الشهاده اللى بتاخدها من اى معهد فيهم معتمده من المجلس الاعلى للجامعات ووزاره التعليم العالى مفيش حاجه اسمها معتمده من جامعه كذا... مفيش اى معهد معتمد من اى جامعه لانه زيها بالظبط نفس الشهاده والاتنين المعهد والجامعه معتمدين من المجلس الاعلى للجامعات ووزاره التعليم العالى.
كل المعاهد زى بعضها نفس المواد الدراسيه و نفس مستوى التعليم
ونفس مستوى الطلبه
الاختلاف بس فى المكان والمصروفات اما المستوى التعليمى ده يرجع ليك أنت ومدى التزامك ومذكرتك وحضورك.
اما الناس اللى بتقول المعهد ده حلو ه معهد وحش ديه بتبقى وجهات نظر مش اكتر كل شهادات المعاهد زى بعضها
ناس تانيه بتقول الطلاب اللى فى المكان ده بيئه والطلاب اللى فى المكان التانى مستوى وكده
الكلام ده مش صح اى مكان مدرسه او معهد او جامعه فيه كل المستويات وانت اللى بتحدد تتعرف على مين وتقرب منه وتبعد عن مين
يعنى حسب تربيتك انت
فيا ريت لما تختار معهد تكمل فيه
يكون مصاريفه مناسبه وقريب منك
واذا كنت بتجمع بين الشغل والدراسه اختار المعهد اللى بيسمح ليك بكده.
من الاخر كل المعاهد زى بعضها
متخليش حد يضحك عليك ويورطك فى معهد مصاريفه كبيره وكل سنه بتزيد او مكانه بعيد او اللى مصعبها على طلابه فى التصحيح والامتحانات وصعب تنجح او تعدى فيه صافى بدون مواد.
