برنامج هندسة القوي والوقاية الكهربية بهندسة حلوان

14/09/2025

حرصًا على مواكبة التطورات العالمية في مجالات الطاقة والتحكم الكهربائي، ومع دخول عصر السيارات الكهربائية والحاجة المتزايدة إلى محطات الشحن، إلى جانب الاعتماد المتنامي على الأنظمة الذكية والشبكات الكهربائية الحديثة…

تم اعتماد تعديل لائحة البرنامج وتغيير اسمه من:
🔹 برنامج القوى والوقاية الكهربائية
إلى:
⚡ برنامج القوى والشبكات الكهربية الذكية

✨ هذا التطوير يفتح آفاقًا جديدة أمام الطلاب والخريجين، ويواكب متطلبات سوق العمل المحلي والدولي، مما يمنحهم ميزة تنافسية في مجالات الطاقة الحديثة، الشبكات الذكية، والتحكم المتقدم.

10/08/2024

رأي احد الطلاب في قسم قوي
"السلام عليكم يا شباب عاملين ايه ، دا تانى بوست عن الاقسام الجينرال ونزل الصبح بوست عن طبية والبوست دا هكلكم فيه عن قسم كهربا باور بحكم ان دا تخصصى وخلاص سنة وهتخرج ان شاء الله ♥️🙏
القسم الاعظم ف حلوان قسم الفولت العالى (كهربااا باور ) اقوى قسم كهربا ع مستوى الجمهوريه وبينافس بشده القاهره وعين شمس
(ميزه قسم كهربا باور حلوان انه بتدرس ع مدار 4 سنين واغلب كليات مصر ال فيها كهربا باور بتكون الدراسه سنتين تخصص بس ودا بيدى إضافه كبيره جدا لخريج هندسه حلون عن اى كليه تانيه )
_____________________________
البوست طويل شويه معلش والي عندو سؤال يتفضل ❤️✌️
دلوقتي اغلبيتكو بيسال كام سؤال بيدور في دماغو يعني ايه مهندس كهربا؟؟🤔
بنعمل ايه في حياتنا ودرستنا ؟؟💪
لما بنتخرج ايه مجالات العمل ؟؟🤔
اولا احب اقولكوا ان مهندس الكهربا او الكهربااا عمتا هي اساس كل حاجه واي حاجه مفيش مجال تاني يقدر يستغني عننا ميكانيكا مدني سيارات طيران اتصالات طبيه كيميا تعدين كلو احنا لازم نتدخل فيه..
بعد المقدمة دى تعالى بقى ببساطة نحاول نوضح معالم مهندس الكهرباء و أهم وظائف مهندسين كهرباء.و إيه مجالات عمل مهندس الكهرباء و طبيعة العمل
يعنى مهندس الكهرباء ممكن يشتغل فين؟ و إيه الدور اللى هيقوم بيه؟
وظائف مهندسين كهرباء تختلف حسب نوع الشركة أو الجهة اللى هيشتغل فيها و نفس الشركة ممكن يكون فيها اكثر من وظيفة مهندس كهرباء و ممكن نفس المسمى الوظيفى يكون موجود فى انواع مختلفة من الشركات.
طيب تعالى الأول نتكلم بشكل عام عن مجالات تطبيق الهندسة الكهربية أو العلم و المعرفة اللى بيحتاج مهندس الكهرباء يكون ملم بيها:
- عملية توليد الطاقة و إنتاج الكهرباء و نقلها و توزيعها و الجهد العالى و الجهد المتوسط
- كيفية عمل و تشغيل و صيانة الأجزاء الكهربية فى أى منظومة مثل المولدات و المحولات و المواتير و الماكينات و خطوط الإنتاج
- نظم الحماية الكهربية Electrical Power System Protection
- نظم الجهد المنخفض و نظم القوى الكهربية بالمنشآت سواء السكنية و التجارية و الصناعية.
- التحكم الآلى Automation و أهم أدواته مثل PLC و SCADA
- الإلمام بالمنتجات الكهربية مثل المحولات و المولدات و الكابلات و اللوحات و القواطع و أجهزة الإختبار و القياس....الخ و تصميمها و طرق تصنيعها و إختبارها و تشغيلها و صيانتها.
أهم البرامج لمهندس كهرباء:
Autodesk AutoCAD
Autodesk AutoCAD Electrical
Autodesk Revit MEP
ETAP
Dialux & Dialux Evo
Relux
Ecodial
Matlab & Simulink
Solidworks
ـــــــــــــــــــــــــــ
طيب إيه الأماكن اللى فيها وظائف مهندسين كهرباء؟
نقدر نقول ان وظائف مهندسين كهرباء متوفرة فى كل الأماكن و الشركات و الهيئات و المؤسسات.
يمكن لمهندس الكهرباء أنه يلاقى فرصة عمل فى الأماكن التالية:
- محطات إنتاج و توزيع الكهرباء
- شركات البترول
- المصانع بكل أنواعها
- شركات المقاولات
- المكاتب الإستشارية
- المستشفيات و الفنادق و القرى السياحية و المولات الكبرى و النوادى و البنوك
- جميع الهيئات الحكومية مثل الإسكان و الرى و البريد و التربية و التعليم و الصحة...الخ
ــــــــــــــــــــــــــــــــــــــ
طيب تعالى بقى نشوف بالظبط إيه الدور اللى ممكن يقوم بيه مهندس الكهرباء؟ يعنى هيشتغل إيه فى الأماكن دى كلها؟
- مهندس تصميم جهد منخفض Design Engineer (Low Voltage
غالبا مجال عمله فى المكاتب الإستشارية و يقوم بعمل حسابات الأحمال و التوزيع الكهربى لأنظمة الإنارة و الباور و التيار الخفيف.. هيقوم بعمل حسابات الكابلات و القواطع Circuit Breakers و حسابات الvoltage drop&short circuit يعنى هو اللى هيصمم شغل الكهرباء الخاص بالمنشأ قبل ما يتم تنفيذه. و غالبا بيدخل معاه أنظمة التيار الخفيف زى:
Fire alarm - sound system - CCTV - nurse calling - intercom - TV - telephone..etc
- إعداد الرسومات التنفيذية shopdrawing و رسومات ال As Built
و ده مجال عمله غالبا فى شركة المقاولات هيقوم باعداد رسومات الشوب دروينج التفصيلية اللى هيتم تنفيذ أعمال الكهرباء بناء عليها و رسومات ال As Built اللى بيتم اعدادها بعد الانتهاء من التنفيذ علشان توضح الأعمال كما تم تنفيذها بشكل نهائى و اللى بتكون مرجع لمهندس الصيانة بعد كده.
- أعمال الموقع
مهندس الموقع ممكن يشتغل فى شركة المقاولات و ده هيقوم بالإشراف على عملية تنفيذ أعمال الكهرباء و ممكن يشتغل مع الإستشارى و ده هيقوم بإستلام الأعمال من المقاول.
- أعمال حصر و حساب الكميات و التسعير
- مهندس الصيانة الكهربية:
و ده مجال واسع و يختلف حجم العلم و المهارة و الخبرة اللى بيحتاجها مهندس الصيانة حسب طبيعة و حجم المؤسسة اللى هيشتغل فيها...
يعنى مهندس الصيانة ممكن يشتغل فى شركة بترول كبرى أو محطات الكهرباء و دى طبعا بتكون منظومة كهربية كبرى و حيوية و خطيرة و الصيانة الكهربية بتكون من الأعمال الرئيسية و الخطيرة داخل المؤسسة.
و ممكن يشتغل فى المصانع فلا غنى عن أعمال الصيانة الكهربية داخل أى مصنع و يختلف حجم أعمال الصيانة و أهميته حسب حجم المصنع.
أيضا مهندس الصيانة يعمل بالمنشآت فى صيانة أنظمة الكهرباء بالمنشأ و ده ممكن يشتغل فى مستشفى او بنك او قرية سياحية او فندق او نادى او اى هيئة حكومية يعنى ممكن يتعين فى البريد او او الرى او الاسكان او التربية و التعليم او الصحة....الخ
- مهندس تصميم او انتاج او جودة فى المصانع
غالبا وظائف التصميم و التخطيط و الانتاج و الجودة فى المصانع هى خاصة بمهندسين ميكانيكا و غالبا ما يكون عمل مهندس الكهرباء فى المصانع فى الصيانة و لكن اذا كان المصنع ينتج منتجات كهربية مثل الكابلات او اللوحات...الخ فيكون المصنع بحاجة لمهندسين الكهرباء فى اعمال التصميم و البحوث و التطوير للمنتجات و الاشراف على انتاج المنتجات و ضبط الجودة و اجراء الاختبارات اللازمة..الخ.
- مهندس التحكم الآلى Automation
التحكم الآلى و أدواته مثل ال PLC & SCADA أصبحت من أهم سمات عصر التكنولوجيا فلا يخلو منها خط انتاج حديث او ماكينة او محطة مياة...الخ و مهندس التحكم الآلى قد يعمل فى التصميم و التصنيع او فى التركيب و الصيانة و الدعم الفنى.
- نظام إدارة المبانى BMS و البيوت الذكية
نظام إدارة المبانى هو نظام للتحكم الآلى فى أنظمة الكهرباء و الميكانيكا فى المنشآت و مجال تطبيقه يكون فى المشروعات الكبرى مثل الفنادق الكبرى او المستشفيات او المقرات الادارية الكبرى..الخ و هو من المجالات الحديثة و المتميزة التى يمكن ان يعمل بها مهندس الكهرباء
- الطاقة الشمسية
محطات طاقة شمسية تولد كهرباء سواء كانت ع نظام on grid او off grid او هايبرد
____________________________________
المواد ال هتدرسها ف اولى كهربا
الترم الاول
كهرومغناطيسيه - ماث 2 - ماتريل - لغات برمجة
الترم التانى
تقارير فنيه - سيركت - ثرمو - ماث 3 - اقتصاد هندسي
هو كل ترم 6 مواد
تانيه باور بتاخد : سيركت 2 و محطات قوى وبتاخد ماشين 1 و قياسات والكترونكس
عمتا ف اولى وتانيه بتاخد مواد بره القسم بتاعك شويه بتبقى زى تأهيل كدا ليك وبعدين ف تالته ورابعه بتبدأ تاخد مواد التخصص كلها بقى زى ماشين وباور الكترونكس وبروتيشكن وغيره من المواد
مستوى الدكاترة والمعيدين كويس وعندنا ورش ومعامل كويسة اووى والقسم كويس اووى
حاولت ع قد ما اقدر اقول كل حاجة ولو حد عنده سؤال يتفضل يسأل وهرد عليه ♥️🙏"

10/08/2024

10/08/2024

*كل ما تريد معرفته عن والوقاية الكهربية بهندسة حلوان *
تعلن كلية الهندسة بحلوان جامعة حلوان عن برنامج هندسة القوى والوقاية الكهربية المقام تحت رعاية الدكتور السيد قنديل رئيس الجامعة.
أكد الدكتور محمود المسلاوي عميد كلية الهندسة بحلوان أن البرنامج هو أحد البرامج المميزة بالكلية والذى يستهدف إعداد مهندسين مؤهلين للمساهمة الفعالة في إحداث تقدم في مجال هندسة القوى والوقاية الكهربية وتلبية متطلبات سوق العمل المحلي والإقليمي والعالمي في هذا المجال، ويتميز البرنامج بتقديم باقة من المقررات الدراسية التخصصية فى هندسة القوى والوقاية الكهربية مثل الآلات الكهربية والتحكم الآلى والقوى والشبكات الكهربية وتوليد واستخدام الطاقة المتجددة وتوليد ونقل وحماية الطاقة والأنظمة الكهربية وتصميم أنظمة الحماية الرقمية للآلات والشبكات الكهربية الذكية وإعداد قوائم المعدات والتجهيزات والتركيب والاختبار لأنظمة حماية الجهد العالى والمتوسط والمنخفض وأنظمة توزيع الطاقة الكهربية.
وتتلخص رسالة البرنامج في إكساب الخريج مخرجات تعلم معرفية وذهنية وحرفية متميزة وتعلم ذاتى مستمر مزودا بأحدث التقنيات التكنولوجية فى مجال القوى ووقاية معدات الشبكات الكهربية لمواكبة متطلبات سوق العمل المحلى والاقليمى والدولى مدركا مسئوليته الأخلاقية فى الحفاظ على البيئة ومستخدما لأدوات البحث العلمي فى تنمية وتطوير المجتمع.
وتكون مدة الدراسة فى البرنامج 160 ساعة معتمدة منهم 36 ساعة معتمدة فى المستوى الأعدادى ويحق للطالب التخرج عند استكمال 17 ساعة علوم اجتماعية وإنسانية، 68 ساعة علوم أساسية، 75 ساعة علوم تخصصية وتطبيقية بالإضافة لتدريب فى ورش الكلية لمدة 4 أسابيع فى نهاية المستوى الأول وتدريب ميدانى لمدة 4 أسابيع فى نهاية المستوى الثانى.
وتكون مجالات العمل للخريج في شركات التوليد والتوزيع الكهربي ، محطات القوى الكهربية، شركات النقل الكهربى ومراكز تحكم الطاقة، وزارة الكهرباء والطاقة والمؤسسات ذات العلاقة، مزارع الطاقة المتجددة، قطاعات البترول ومشتقاته، مصانع المعدات والمكونات الكهربية، الصناعات الإلكترونية، مؤسسات مترو الأنفاق والنقل الأخرى.
إدارة الإعلام جامعة حلوان

16/08/2023

*كل ما تريد معرفته عن والوقاية الكهربية بهندسة حلوان *

تعلن كلية الهندسة بحلوان جامعة حلوان عن برنامج هندسة القوى والوقاية الكهربية المقام تحت رعاية الدكتور السيد قنديل رئيس الجامعة.

أكد الدكتور محمود المسلاوي عميد كلية الهندسة بحلوان أن البرنامج هو أحد البرامج المميزة بالكلية والذى يستهدف إعداد مهندسين مؤهلين للمساهمة الفعالة في إحداث تقدم في مجال هندسة القوى والوقاية الكهربية وتلبية متطلبات سوق العمل المحلي والإقليمي والعالمي في هذا المجال، ويتميز البرنامج بتقديم باقة من المقررات الدراسية التخصصية فى هندسة القوى والوقاية الكهربية مثل الآلات الكهربية والتحكم الآلى والقوى والشبكات الكهربية وتوليد واستخدام الطاقة المتجددة وتوليد ونقل وحماية الطاقة والأنظمة الكهربية وتصميم أنظمة الحماية الرقمية للآلات والشبكات الكهربية الذكية وإعداد قوائم المعدات والتجهيزات والتركيب والاختبار لأنظمة حماية الجهد العالى والمتوسط والمنخفض وأنظمة توزيع الطاقة الكهربية.

وتتلخص رسالة البرنامج في إكساب الخريج مخرجات تعلم معرفية وذهنية وحرفية متميزة وتعلم ذاتى مستمر مزودا بأحدث التقنيات التكنولوجية فى مجال القوى ووقاية معدات الشبكات الكهربية لمواكبة متطلبات سوق العمل المحلى والاقليمى والدولى مدركا مسئوليته الأخلاقية فى الحفاظ على البيئة ومستخدما لأدوات البحث العلمي فى تنمية وتطوير المجتمع.

وتكون مدة الدراسة فى البرنامج 160 ساعة معتمدة منهم 36 ساعة معتمدة فى المستوى الأعدادى ويحق للطالب التخرج عند استكمال 17 ساعة علوم اجتماعية وإنسانية، 68 ساعة علوم أساسية، 75 ساعة علوم تخصصية وتطبيقية بالإضافة لتدريب فى ورش الكلية لمدة 4 أسابيع فى نهاية المستوى الأول وتدريب ميدانى لمدة 4 أسابيع فى نهاية المستوى الثانى.

وتكون مجالات العمل للخريج في شركات التوليد والتوزيع الكهربي ، محطات القوى الكهربية، شركات النقل الكهربى ومراكز تحكم الطاقة، وزارة الكهرباء والطاقة والمؤسسات ذات العلاقة، مزارع الطاقة المتجددة، قطاعات البترول ومشتقاته، مصانع المعدات والمكونات الكهربية، الصناعات الإلكترونية، مؤسسات مترو الأنفاق والنقل الأخرى.

إدارة الإعلام جامعة حلوان

15/08/2023

01/12/2022

تمت الموافقة النهائية الخاصة بطلبة المؤهلات العليا و التعليم الصناعي وتم قبول الطلبة الاتي اسمائهم
برجاء التوجهة الي شئون الطلبة ل استكمال باقي الاجراءات

29/09/2022

جدول برنامج هندسة القوي والوقاية الكهربية بهندسة حلوان
للخمس فرق كامله
الحضور بدايه من الاسبوع القادم ان شاء الله تعالي بدايه من يوم ١/١٠/٢٠٢٢ لكن كل فرقه حسب المواد المخصصه لها

24/09/2022

جدول مستوي أَول