01/08/2025
اكيد في يوم من الايام كنتوا مترددين تدخلوا كلية اي خصوصاً لو درجاتكوا تحت ال 85%، لان بنسبه كبيره مبتكونوش وصلتوا لكليات القمه بعد ما حلمتوا وخططوا ورسمتوا حلمكوا عليها، ف بنتفاجأ بدرجه ممكن نقول إن هي بتمسح كل الاحلام دي، فيه ال حلم بطب لقي نفسه في صيدله وفيه ال حلم بصيدله لقي نفسه في علوم وفي ال اهله حلمه إنه دكتور او مهندس او او، بس هقولكوا حاجه، كله نصيب والله مش كلام، يعني كونك لسه بخير وموجود في الدنيا ده في حد ذاته حاجه لازم تحمد ربنا عليها، اه انا عارف ان كان عندك حلم بس ممكن تغيره، ممكن تحلم إنك تدخل كليه تربيه او اداب او تجاره او اي كليه تانيه وتجتهد وتبقي معيد وتجتهد وتبقي دكتور جامعه وتجتهد وتسافر وتشتغل شغل تلاقي فيه الخير ليك، المهم السعي والحلم، إسعي وإحلم وفي الاخر نصيبك مكتوبلك مهما كان لازم تكون راضي وتنزل وتعافر وهتوصل، والله مش كلام ياما ناس مكنتش متعلمه ودلوقت عندهم شركات بس مش بالسرقه لا بالخبره وبالاجتهاد وبالسعي..مش مهم هتدخل كلية اي المهم تجتهد فيها وتعمل ال عليك والاهم إنك تكون حاببها👋🏻
