29/03/2020
بما ان الاقبال على الكمامات أصبح تاريخي اليومين دول 🙆♀️
وده كان سبب رئيسي في رفع أسعارها خلونا نعرف هل وجودها ضروري من الأساس ولا لأ؟
ساعات كتير ممكن لبسنا للكمامة يكون بيسبب بشكل مباشر لانتشار فايروس كورونا!
-ازاي ياعم امال انا لابسها ليه؟! 🤔
بلبسنا ليها بطريقة مش صحيحة.
- طيب وازاي أعرف انا لابس الكمامة صح ولا غلط ؟؟
1) المفروض نحط كحول علي ايدينا ونفركها كويس أو نغسل ايدينا بالمية و الصابون لمدة متقلش عن 20 ثانية قبل اما البس الكمامة.
2)لازم نغطي منطقة الفم والانف كويس بالقناع ولازم نتأكد من عدم وجود أي فجوة ممكن تدخل لوشك من القناع.
3)اتجنب انك تلمس القناع وقت استعماله , ولو لمسته لازم تحط علي ايدك كحول او تغسل ايدك كويس.
4)مينفعش نستخدم اكتر من 3 ساعات لان ساعتها هتكون مصدر رئيسي للفيروسات عموما.
5)لو الكمامة اتبلت لازم نبدلها
-طيب هل ممكن استخدم الكمامة مرة تانية بعد اما اعقمها كويس ؟
-> لا , غلط كبير نستخدم الكمامة اكتر من مرة حته لو اتعقمت مش هتعمل أي نتيجة بل بالعكس ممكن تعرضنا للاصابة.
-طب ممكن البس الكمامة في أي حالة ف أي وقت ؟ طب ومين اللي المفروض يلبسه ؟
->لا , مش أي حد .. نكتفي بتعقيم ايدينا .. واللي المفروض فعلا يلبسه :
1)المريض أو ضعيفي المناعة.
2)المصابين بفايروس كورونا.
3)اللي علي اتصال مباشر بمرضي مصابين بكورونا.
4)اللي موجودين في منطقة منتشر فيها كورونا.
5) اللي عنده اعراض شبه الكورونا زي الرشح.
وأخيرا اهم نقطة وقت نزع الماسك :
مهم انك تشيل الماسك من منطقة الرباط من الخلف ( ومتلمسش مقدمته ) , واتخلص منه فورا في منطقة مغلقة .. وبرضو لازم نستخدم بعدها الكحول أو تغسل ايدك كويس
ولكن الأفضل لينا من كل ده اننا نفضل في البيت عشان منكونش عرضة للاصابة في أي وقت واننا نستخدم الكمامة وقت الحاجة القصوي ليها عشان متتقلبش بدل اما تكون وقاية لينا تكون عدوي لينا وللي حوالينا 🤗
