أسرة بناء كلية التربية جامعة المنصورة

28/08/2014

26/08/2014

دورة حياة مواطن مصري في سنتين
الكهرباء تقطع
2012: الله يخرب بيتك يا مرسي
2014: غصب عنهم يا جماعة
البنزين هيغلى
2012: وربنا نولع لهم في البلد إلا البنزين
2014: واشمعني البنزين يعني اللي مش هيغلي
تذكرة المترو هتغلي
2012: طب خليهم يعملوها كدة وهنوريهم أيام سودة
2014: انت عارف المترو في لندن بكام؟ هم الـ2 جنيه دول فلوس؟
بنستلف
2012: مش عيب لما مصر الكبيرة تعيش على قفا قطر
2014: دي مسمهاش شحاتة ده العرب بيقفوا جنب مصر في محنتها
سد النهضة بيتبني:
2012: ما هو لو فيه رئيس دكر مكانوش قدروا يعملوا كدة
2014: سد النهضة خير لينا كلنا
مشروع قناة السويس
2012.مشروع قناة السويس خطر على الامن القومى
2014.المشروع جامد والتبرع ليه جهاد
وبين دول ودول ناس الاعلام قاعد ينشر بينهم الكذب والاشاعات
ومحدش سئل نفسه ؟؟
الكهرباء اللى كانت بتقطع فى عهد مبارك هى اللى كانت بتقطع فى عهد طنطاوى وعهد مرسى وعهد منصور وعهد السيسى والمشكله فى الشباكات ونقص مواد التشغيل بسب العجز اللى كان سببه المافيا اللى حكمت مصر 30 سنه
وان البنزين ماكنش بيروح فلسطين اللى هى مننا ودوله مسلمه زيننا ونسينا كلنا ان الغاز بيتصدر لا اسرئيل ببلاش ونسينا ان المشكله فى السوق السوده ومافيا البنزين الكبار وان الحكومه معندهاش خطه لمعالجة الفشل اللى سابه مبارك وعصابته
وان المترو 1جنيه ده كويس جدا ماهو الشعب لو معاه 2 جنيه كان ركب حاجه احسن وقعد بدل ماهو واقف متهان والحكومهات شغاله على الشعب
بنستلف بقالنا سنين طب فين الفلوس اللى دخلت مصر عملتو بيها ايه طب هنفضل نستلف والاجيال اللى جايه تشيل ذنب جهل عايشين فيه
سد النهضه فضل الاعلام يتكلم عنه 6 شهور ومصر هاتموت من العطش دلوقتى عادى بفى خير لمصر على اساس انه اتبنا فى مكان تانى
سد النهضه فعلا كارثه
قناة السويس ذى مشروع توشكا بالظبط ما يختلفوش شى عن بعض والشعب عادى فرحان ومحدش فكر لحظه اننا محتاجين اجهزة حفر ومجهود وعلماء فى المجال .اصلها مش عماره عاوزه مقاول شاطر وخلاص .اجهزة الحفر المطلوبه من اغلى الاجهزه فى العالم وطبعا احنا بنستلف بس
مش معنى كده ان الحياه وحشه وان مصر سوده .بس انا عاوزك لما تعقد قدام تلفزيون مش كل الكلام تصدقه وخلاص فكر وافهم ودور على الحقيقه هتلاقيها .عشان ربنا خلق لينا عقل نفكر مش حصاله نرمى فيها كلام الناس....

25/08/2014

كان فى المدينة اسطبل كبير يجمع عدد كبير من الحمير
عاشوا ثلاث عقود من الذل والمهانة .. ويقابلون الذل بالخضوع والاستكانة
تحت سطوة حاكم الحمير ويدعى حسنى حمارك
ظلوا ينهقون له بان حكمه مبارك فهو الحاكم الرشيد لاسطبل الحمير
وكان يعى جيدا كيف يساق الحمير بين العصا وقليل البرسيم ياكلوه وينهقوا له
حااااااااا حاااااااااا اخترناك وباعيناك
الى ان جاء يوم قام خيرة شباب المدينة يلعنوا حكم حمارك وهم لذل الحمير رافضين ولحكم الحمير كارهين .... فخلعوه وهم فرحين ظنا منهم انتهاء حكم حمارك
وجاءوا برجل طيب أمير ليحكم الاسطبل الملىء بالحمير
وقال لهم انى لكم ناصح امين .. واشهد الله انى فيكم لن اخون .. نملك غذاءنا ودواءنا ولكم حياة أفضل مما تتمنون
وأنى لا أبغى سلطة ولا جاه .. فهو يعلم ان من ولاه سيتولاه
تعجب الحمير .. كيف لنا فى عيشة سوية ؟ نحيا حياة خالية من العبودية ؟
الن نساق بعد اليوم بالعصا ؟ وامنوا عقاب من عصى
فهو رجل أمير وأبى ان يساقوا فهو لا يدرى ان الاحترام اهانة فى حق الحمير
وامن علي حمايتهم سيسى .. فهو من جلدتهم ومن نفس نوع الحمير
وحسبه على خير ولكنه فى الحقيقة سيسى حقير
حمل من جينات الحمير اوسخها .. ومن الحقارة والخسة والنجاسة حظ وفير
فقال لهم انكم قوم النطاعة .. وهو ليس أميركم ولكنه يحكم بامر الجماعة
واستعان بعجوز الحمير ويدعى الاقرع ابن ابى بردعة
وجاء بحمارين صباحى وحمرو ابن موسى السكرى وشكلوا جبهة انقاذ الحمير
وظل ليل نهار يطرش عليهم فى شاشة المجارى التى اعتادوا عليها
بمصاحبة تلك التى تدعى لميس الحميرى وهى تبكى وتتباكى على حال الحمير
تقول ... الحقوا البلد يا جماعة .. هيبوعوها الجماعة .. اصحوا يا أهل النطاعة
فهبوا فى يوم النفير واصبح السيسى مشير
وكيف لا فــ هو سيسى وهم حمير
فخفطوا الامير وهم يعلنون ان اليوم يوم ثورة الحمير
وبعد الاستكانة وخطف الامير وفرحة الحمير بنهيقهم وهز ديولهم
جاءهم السيسى كبير ..
ليحكم بين الحمير ورقصت حميرهم النُـتى على بشرة خير
وبعد ان تمكن قصير الحمير السيسى على عرش اسطبلهم المجيد انتظروا منه ان يعطيهم البرسيم الوفير .. فهم جوعى منذ سنين
ولكنهم وجدوا الـــ **المتين .. والعذاب المهين
فكل من يجروء على فتح فاه الكبير لينهق غاضبا من سوء المعاملة
كان مصيره الذبح والسلخ ليقدمه غذاءا للكلاب ويقتلهم مجاملة
لاثبات اخلاصه ووفائه لاهله من القردة والخنازير فهم له عصب ونسب
وحينها علم الحمير انهم ظلموا الامير ولكن أبت حموريتهم الاعتراف
فأكملوا الاستحمار باحتراف .. فينقهوا لبنت الحميرى
وتناسوا الاقرع ابن أبى بردعة .. وحمارين صباحى .. وحمرو ابن موسى السكرى انهم السبب الاصلى فى غرس الخازوق .... ولكنها ...... !!!
مايستحقه الحميـــــــــــــــــــــــر
اعتذار خالص للـــ الحمير من / غاده الكيلانى

21/08/2014

الطالب "عمرو خروبة" الأول على علمي رياضة من دمياط | يرفع #رابعة في وجه المحافظ الانقلابي لحظة تكريمه ويرفض مصافحته

- عمرو هو اخو الشهيد " عبد الله خروبة "
- عمرو اعتقل وسجن شهرين بدون اي تهمة
- عمرو حكم عليه غيابيا بالسجن 6 اشهر

- عمرو دخل امتحانات الثانوية العامة وهو مطارد ومع ذلك تفوق وحصل على المركز الاول في دمياط شعبة علمي رياضة

عمرو في نظر سلطة الانقلاب #ارهابي ولكن ارهابي متفوق

24/07/2014

لما مذيعة روسية تبكي بمرارة وحرقة على الهواء مباشرة نتيجة المشاهد الدموية في غزة ..
ومذيعة مصرية تضحك بشماته لمشهد دماء أطفال غزة ..
فأنت تشاهد الخسه والوضاعه فى ازهى عصورها
لما شوارع تشيلي والاكوادور والارجنتين وفرنسا وانجلتر وامريكا تعج شوارعها بالمظاهرات التضامنية مع غزة ..
وفي مصر والدول العربيه لا يشغلهم غير فطورهم وسحورهم
فأنت فى انتظار طاعون يصيب بطونهم ليستبدلهم الله بقومآ غيرهم

15/06/2014

اروع صوت ينشد النفس تبكي علي الدنيا

21/05/2014

لا الدموع تكفي ولا الأيام تنسي..رحيل صديق مخلص

15/04/2014

قال ابن أسباط ، علامات حسن الخلق :
١- قلة الخلاف
٢- حسن الإنصاف
٣- ترك طلب العثرات
٤- لطف الكلام
٥- التماس المعذرة
٦- احتمال الأذى
٧- طلاقةالوجه

13/03/2014

صديقي العزيز اللي بتسأل عن مواقع تتعلم منها و بالغة العربية :
انصحكم بمتابعة هذه المواقع دول :

1- رواق : http://www.rwaq.org/
2- اكادمية دارين : http://www.aldarayn.com/
3- وقف اون لاين: http://www.waqfonline.com/

اللي شايف البوست دة مفيد ياريت يشيره

02/03/2014

: #الإخوان مصريون .. وسيظلون كذلك 💡 أوه ماي قاد .. أنا مش مصدق .. بجد ياوزير

ده اكتشاف ...ولا اختراع ..

01/03/2014

الواحد ساعات من كتر الزهق بيبقى نفسه يتّصل بالأرقام إللي إتصلت عليه بالغلط ويقول لهم هو يعني علشان قلت لكم النمرة غلط ما تسألوش عليّا؟

25/02/2014

بسم الله الرحمن الرحيم
الموضوع ده نازل عشان الفرقة الاولى وهو عن التقديرات
اولا انت فى الترم الاول النتيجة مش هتظره بالتقدير وعشان كده لزم تبق عارف مجموع الدرجات المواد بتعتك وده هنزله على الصفحة ان شاء الله
وثانيا تبق عارف نظام التقديرات فى الكلية الى انت فيها طبعا احنا فى كلية تربية عندنا اخنتلاف شوية عن باقى الكليات وهى كتالى
ـــ ممتاز من 90% الى 100%
ـــ جيد جدا من 80% الى 90%
ـــ جيد من 70% الى 80%
_ مقبول من 60% الى 70 %
ــ ضعيف من 30% الى 60%
ـــ ضعيف جدا من اقل من 30%
ملحوظة هامة جدا لا يعتبر الطالب ناجحا فى اى مقرر الا اذا حصل على 60%على الاقل من النهائية العظمى لدرجة هذا المقرر
مع العلم بوجود درجات الرئفة والتى تطبق عند النجاح بالورقة والحصول على 30% من درجة الورقة ويبدا الرفع من 45% من الدرجة الكلية للمقرر حتى يصل الى 60% اذا تجاوزالطالب رصيده من درجات الرئفة لا يعتبر الطالب ناجحا فى اى مادة من مواد التى تطلب درجات الرئفة وتحسب درجات الرئفة الخاصة بكل شعبة بنسبة 2% من المجموع الكلى للمواد