13/07/2013
الحلقة الرابعة: اعداد Grow up your mind
kid: هو انتى بتحسى ان ربنا قريب منك ؟؟
Merna: حاسة انه قريب او عارفه ده ومؤمنة بكده !! بس بيبقى نفسى اتكلم معاه واقول كل اللى جوايا بس مش عارفه !! زى ماتقولى الكلام اللى جوايا بيقولى مش هخرج ومش هتنطقى !!
kid: فكرتينى بقصة الملحد!! كان مش متأكد بوجود الله .. و لما بقى فى موقف ضيق و الدنيا قفلت فى وشه ... بنته مريضة و بتموت ....الدكاترة بيقولوا صعب تعيش ... حس انه محتاج لمعجزة الهية ....
وقف يدعى ... مش متأكد ان كان ربنا موجود و لا لأ .. بس كان بيناجيه ... و نذر انه لو خرج من الحالة دى هيدور عن الله و يتبعه
Merna: وخرج من الحالة دى ؟! ربنا ساعده ؟!
kid: اه .... ربنا هداه و لأن الله قريب منا كلنا على اختلاف ايماننا و طاعتنا ..
و ربنا قال: " وَلَكِنَّ اللَّهَ يَهْدِي مَنْ يَشَاءُ " .. هنا الملحد كان عايز يهتدى للحق ...
و ناجى الله و هو منكسر و عالم انه الله هو الحل الوحيد ...
Merna: وان كان الملحد عرف يناجى ربنا وربنا استجاب له ؟!! فى ناس بسيطة كتير مش عارفه تعمل كده ؟! :(
kid: ربنا قريب منا و عالم بعباده ... شوفى كدا اخر سورة البقرة
(( رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَآ أَنتَ ... )) ...
بيعلمك ازاى تدعى عشان يجيبلك ...
شايفة القرب ؟؟ مش بيقولك قربيلى و يسيبك ..
انتى لما تدبى القرآن هتلاقيه بيعلمك ازاى تقربيله و تناجيه
Merna: فعلا .. و انا بقرا الورد بتاع النهاردة فى سورة آل عمران كمان امرأة عمران بتقول :
" إِذْ قَالَتِ امْرَأَتُ عِمْرَانَ رَبِّ إِنِّي نَذَرْتُ لَكَ مَا فِي بَطْنِي مُحَرَّرًا فَتَقَبَّلْ مِنِّي ۖ إِنَّكَ أَنْتَ السَّمِيعُ الْعَلِيمُ "
حسيت انها بتتكلم وبتقول كل اللى جواها ، بتناجى ربنا ، الاحساس ده اللى بدور عليه .. انى اتكلم واقول اللى جوايا عشان اوصل للمعجزة !!
امرأة عمران وضعت السيدة مريم ، ومنها سيدنا عيسى عليه السلام. -المعجزة -
لكن اوصل للمناجاة ازاى !! الطريقة ؟ الحل؟!
kid: تفكرى فى الله ... اقرى القرآن و تدبرى و شوفى بيقولك ايه ... ربنا بيناجيكى من خلاله و يعلمك ...
استشعرى ربنا القريب المجيب .... زودى اليقين جواكى ... و انذرى نفسك و علمك و حياتك له وحده ... و تدبرى اياته و فكرى ..
فكرى فى انتى اتخلقتى ليه و هدفك ايه فى الدنيا و هل بدأتى تسعى ليها و بدأتى و لا لسا عالقة فى مرحلة التمنى ؟؟
اجمعى التلت محاور .. اليقين .. المناجاه و التدبر
و ربنا هيرشدك و يهديكى و هتوصلى اكيد :)
Merna: ياااااااه ^_^ حقًا
" رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَآ أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ "{البقرة/286}
Kid: لو عاوزة تفهمى اكتر .. شوفى الفيديو ده :
https://www.youtube.com/watch?v=BgxPR9IYK-U
رأيت ربي .. مع دكتور هشام مصطفى توفيق ^_^
