اسرة فكرة علوم المنيا

15/04/2016

أجمل ما ف السجود أننا نهمس فى أُذن الأرض فيسمعنا من فى السماء :)
فلتكن #جمعتكم لا يكسوها إلاّ مددُ الإستغفار ،
و لا يضاعف حسناتها إلاّ جبينٌ يُلامسُ الأرض
:)

19/10/2015

#مستنينكوووو :D
:D

07/10/2015

#فكرة :D
#هنخربها :D
#استنوونااااا ^_^
:D
^_^

04/10/2015

الجداول الدراسية للفصل الدراسي الأول لعام 2016-2016 جميع المستويات بجودة عالية
#فكرة
https://www.mediafire.com/?5yqnnabhlkeb1fl

MediaFire is a simple to use free service that lets you put all your photos, documents, music, and video in a single place so you can access them anywhere and share them everywhere.

01/10/2015

الجدول الدراسي للفصل الدراسي الأول لعام 2015/2016

http://sci.minia.edu.eg/Arabic/Highlights/Pages/ttbale16.aspx

21/09/2015

#بالتوفيق :D

وحدة ضمان الجودة -كلية العلوم -جامعة المنيا
خاص بالطلاب الجدد
قرر مجلس كلية العلوم جامعة المنيا بجلستة الممتده اليوم الاثنين الموافق 21-9-2015

1- اعتماد نتيجة التنسيق الداخلى للكلية للعام الجامعى 2015-2016
2- الغاء جميع الاستثناءات الخاصه بابناء العاملين طبقا لمعايير الجوده ومبدأ المساواه بين جميع الطلاب والمفاضله بين الطلاب بالمجموع الكلى فقط.
3- ارسال الكشوف الخاصه بجميع البرامج لجميع الاقسام
4- ارسال جداول الفصل الدراسى الاول لجميع البرامج لجميع الاقسام العلميه.

30/08/2015

السﻻم عليكم
د بوست مشاركة من Omar Othman
ع الناس ال مش فاهمة نظام الكليه قوي او حابة تعرف حاجة قسم كيميا حيوي
#بالتوفيق
اولاً احب اعرفكم بنفسي انا عمر عثمان
قسم/Biochemistry المستوي التالت
نعرف بقي في البداية يعني ايه كيمياء حيوية ؟!
ده عبارة عن علم بيدرس الانظمة الحيوية في الكائنات الحية والنبات والحيوان والفيروسات والكائنات اللي ادق،من كدا كمان... وده بيدرسه بمساعدة او باستفادة العلوم التانية زي الكيمياء وعلم الحيوان وعلم النبات وغيره وبناءاً عليه بتعرف تدرس الانظمة الحيوية دي.
وده ع فكرة ادق واكتر تعريف مختصر ليه..
القسم ده ملئ بالمقررات السهلة والصعبة
وانت اللي بتحدد ايه سهل وايه صعب
طبعا بتدرس في البداية حيوان ونبات ورياضة كمان فيه مقررات بتدرسها في اول سنة كل اقسام البيو بتاخدها بلا استثناء ومن الترم التاني وسنة تانية بتبدء تدرس بقي الحجات الل تخص قسمك وبس عايزك متتوهش مني اهم حاجة لانك هتدرس ف القسم علم حيوان ونبات وكيمياء وكل العلوم اللي بتدرسها بتساعدك تعرف وتتعلم العمليات الحيوية اللي هتعملها بمساعدة العلوم اللي ذكرتها ع الكائنات الحية..
اما بقي من حيث مدي سهولة وصعوبة القسم ...انا هحكيلكم،تجربتي الشخصية قبل ما احكيها هيا مش قصة زي ما انتو متوقعينها بتجيب التقديرات الثابتة جيد جدا وكدا.. لا والله انا تقديراتي كانت سنة كدا وسنة غير كدا !
اول سنة ليا في الكلية مكنتش اعرف ايه قسم كيميا حيوي وكان ليا ابن خالي خريج 2012 الله يرحمه فسألته وقللي ان ده اعلي قسم ومستقبله جميل وكل الكلام اللي كلنا سمعناه انا بصراحة مكنتش اعرف اي حاجة عن القسم فطبيعي لا حبيته ولا كرهته عادي لكن لما سمعت عن مستقبل القسم وكنت بكتب ع النت عشان اجمع اكبر قدر معلومات عنه لاقيت انه مليان وظايف كتيير جدا وجميلة جدا هذكرهالكم في النهاية
اول سنة كنت مجتهد جدا بحضر كل المحاضرات انضميت لاسرة فكرة وشوفت فيها احلي واجدع ناس مش بس ساعدت نفسي لا كمان من البداية كنا ضايعين في موضوع المحاضرات واساليب الدكاترة وهنذاكر منين والبرمجة اللي هتحصللك طبيعي جدا لانك جاي من نظام ثانوي والدروس لنظام الكلية وكل دكتور وطريقته هتلاقي اللي قاعد بيكلمك واللي واقف بيشرح ع بروجكتور واللي بيكتب ع السبورة برضه
نظام الكلية عندنا كالاتي بعد اربع اسابيع من بداية الكلية الميد تيرم ودي امتحانات كدا عشان تسهل عليك المادة وتتوزع درجاتها المادة عليها 100درجة والميد فيه مواد عملية كانت تمثل في الميد 10درجات بس ومواد غير عملية عليها تلاتين درجة في الميد. ...المهم كنت بعدي المواد بسهولة وكانت الدنيا ماشية لان مكانش فيه حاجة صعبة وخللي بالك الحركة الكتير بتخللي عليك العين كتير والناس بتكون مراقباك اصلا وجاب كام ف الميد وجاب كام ف الفينال فلازم تخللي بالك
الحمد لله عدا اول ترم وجبت جيد مرتفع والترم التاني بنفس الطريقة وجبت جيد جدا طبعا الفارق ان اجتهدت اكتر واستفدت من خبراتي الترم الاول الدكاترة كانت بتحترمنا جداً بما فيهم المعيدين..
تعاملي مع الدكاترة كان كويس جدا وكنت من اللي بيحبو يشاركو بعض الدكاترة الي حد ما في حجات كتير..وهتلاقي بجد اول سنة دكاترة انا شخصيا اتمني يدرسولي تاني وهتلاقي برضه دكاترة صعبة شوية بس انا دايما اقول كل دكتور ليه مدخل خشله منه وباحترام هتلاقيه بيسمعك ويحترمك مسألة تعامل مش اكتر ومتصعبهاش ع نفسك... لانك طول ما انت ماشي كل خطوة في الكلية مش هقوللك حاببها وحابب القسم بتاعك ده لا ع الاقل ارضي بيه وبللي عطهولك ربنا عشان ربنا هيكرمك بعد كدا لان ده وعد من الوعود الربانية ((ولئن شكرتم لازيدنكم ))
اتعلمت اني احترم اي حد حتي لو اصغر مني لانك ممكن تلاقي واحد اصغر منك بس عقله يفوقك بمراحل وكذلك الناس الاكبر دولا عاملين زي اخواتي الكبار بالظبط خاصة انهم اغلبهم من الاسرة وفيه منهم خريجين دلوقت وكان مقرر الاسرة بتاعتي بيجي يسألني عملت ايه بعد الامتحانات مباشرة سواء الميد او الفينال وده اتخرج دلوقت وان شاء الله ربنا هيكرمه
ببساطة قسمك كيميا حيوي قسم متميز وفيه دكاترة كتير هتدرسلك من شتي العلوم هتكتسب في اقل من سنتين كمان خبرات اكتر مني يمكن انا مذكرتش غير كام موقف بس ..
طبعا انت اهم سؤال عندك وتلقاك بتشتم في سرك وتقولي انا مالي بكل ده ايه مستقبل القسم ده ؟!
فيه مقال كان معمول في مرة بيقول "الحياة ما بعد الكيمياء الحيوية" انا قريت ساعتها المقال وكمية تفائل ربنا يبعثها في كل واحد فينا دخلتلي يعني حب مجالك وسبها ع الله كنت ساعتها ناشره ع جروب القسم ومش بس فرحت انا لا كمان فرحت غيري وده الاجمل في الكلية انك لما تستفاد بمعلومة عن اي حاجة مش شرط في المادة او ف القسم.. في اي حاجة فيد بيها غيرك لاننا بجد بنكون في اشد الاحتياج للروح دي بيننا
اما من حيث المقال اللينك بتاعه اها http://www.okaz.com.sa/new/Issues/20121215/Con20121215555938.htm.
مش هقول اكتر من كدا عشان تقروا المقال
اخر حاجة عايز اقولها دايما وانت بتصلي ادعي ربنا دعاء واحد بس :اللهم اجعلني راض بما قسمته لي
والرضي اجمل نعمة ع الانسان ربنا يديمها عليكم

22/08/2015

لطﻻب المستوي الاول
التقديم من بكرة باذن الله
لطلاب المستوى الاول بعلوم المنيا ( الطلاب الجدد هذا العام ) :
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تستقبل الكلية الملفات من الطلاب الجدد وتسجيل الرغبات للبرامج الدراسية هذا العام على اساس المجموع النهائي للثانوية العامة .
وتقرر يوم الثلاثاء 1/9/2015 موعد الكشف الطبي لطلاب الكلية وستحصل على استمارة الكشف الطبي عند تسليم الملف لشئون الطلاب وكذلك استمارة تسجيل الرغبات . علما بانه وكالعادة كل عام عقب انتهاء الكشف الطبي يعقد لقاء طلابي بمدرج رقم (1) بالكلية في تمام الساعة الثانية عشر ظهرا في نفس يوم الكشف الطبي وذلك بحضور عميد الكلية والوكلاء ورؤساء الاقسام العلميه بغرض التعريف بنظام الدراسه بالكليه والرد على جميع تساؤلاتكم برجاء عدم التخلف للاهمية .
#بالتوفيق

18/08/2015

الثلاثاء 1-9 موعد الكشف الطبي لكلية العلوم والحاسبات والمعلومات.

18/08/2015

بناءا على الخطاب الوارد اليوم من الاستاذ الدكتور / نائب رئيس الجامعه
تم تأجيل استلام الاوراق وكتابة الرغبات الى الاسبوع القادم

الخبر نازل من ساعه التقديم اتاجل للاسبوع ال جاي حتي انتهاء الطﻻب من التحويﻻت المناظرة و تقليل الاغتراب حتي يتم تقييد الطﻻب الجدد

17/08/2015

علوم واقسامها وكل شوية تسمع من واحد من اصحابك قسم مختلف عن التاني وتايهه ريح دماغك واقري دول وشوف انت رغبتك وانت عايز اية
:D

17/08/2015

هاااام للطلاب الجدد

من غدا الثلاثاء يمكنك تقديم اوراقك لكلية علوم جامعه المنيا
وكتابة رغباتك في تنسيق الداخلي للاقسام

خاص بالطلاب الجدد
قرر مجلس كلية العلوم جامعة المنيا بتاريخ 17-8-2015

1- طرح 12 برنامج دراسى للعام الجامعى الجديد (6 علمى علوم+ 4 علمى رياضيات + 2 للشعبتين)
2- تكليف الدكتور/ شيمى شعراوى محمد، مدير وحدة ضمان الجودة والاعتماد، رئيسا للجنة التنسيق الداخلى للكليه للعام الجامعى 2015-2016م
3- تجميد برنامج جيولوجيا البترول وبرنامج الكيمياء وعلم الحيوان وعدم فتحهم للطلاب الجدد
4- السماح لطلاب شعبة العلمى علوم بدخول برنامج الفيزياء
5- استلام الاوراق وكتابة الرغبات ابتداءا من الثلاثاء 18-8-2015 الى موعد اقصاه الخميس 17 سبتمبر 2015