G.M.T

G.M.T نحن فريق عمل طلابى محب لكلية الزراعة جامعة الازهر مهتم

04/10/2021

ظهور تنسيق كلية زراعة أزهر لعام 2021

القاهرة 72% = 468
السادات 67.23% = 437
أسيوط 65.54% = 426

14/11/2020

قولنا شعورك ايه لما اتخرجت من الكليه وهل هو نفس شعورك لما دخلتها؟

بمناسبة الحظر والناس قاعدة في البيت وكده دي دورة مبسطة للتفسير فياريت الكل يشترك منها هتقضي وقتك في حاجه مفيدة ومنها هتا...
28/03/2020

بمناسبة الحظر والناس قاعدة في البيت وكده دي دورة مبسطة للتفسير فياريت الكل يشترك
منها هتقضي وقتك في حاجه مفيدة ومنها هتاخد ثواب وحسنات

📚 مع كثرة البرامج والدبلومات.. هناك ما لا يمكن الاستغناء عنه

📗 برنامج "مُدَّكِر".. ورد يومي من تفسير مختصر لآيات.. تنال أجر تلاوتها ولذّة فهمها..

🔔 اغتنم الفرصة وتهيأ لشهر رمضان بعلاقة أرقى مع القرآن العظيم

⬅️ للتعرف على البرنامج وللتسجيل:
www.moddaker.com

شباب الفرقة الثانية وشباب الفرقة الرابعة قسم البان ده كلام دكتور سامح من قسم الالبان
28/03/2020

شباب الفرقة الثانية
وشباب الفرقة الرابعة قسم البان
ده كلام دكتور سامح من قسم الالبان

السلام عليكم ورحمة الله وبركاتهاخباركم يا شباب ان شاء الله هنتكلم مع بعض ازاي تعرف الايميل الجامعي بتاعك وتسجل بيه على م...
28/03/2020

السلام عليكم ورحمة الله وبركاته
اخباركم يا شباب
ان شاء الله هنتكلم مع بعض ازاي تعرف الايميل الجامعي بتاعك وتسجل بيه على موقع ميكروسوفت اوفيس
طبعاً الكلام اللي جاي للناس اللي سجلت على الفورم اللي نزل على صفحة المركز الإعلامي بجامعة الأزهر على الفيس

ده رابط الاستعلام عن الايميل الجامعي
http://www.azu.edu.eg/QEmail

هتدخلوا عليه وتكتبوا الرقم القومي وتدوسوا تسجيل الدخول
بعديها يفتحلك الصفحة اللي فيها الايميل والباسورد والرابط اللي هتدخل تسجل من عليه على موقع ميكروسوفت
رقم واحد في الصورة تحت ده الايميل هتنسخه وتحتفظ بيه
وكذلك رقم اتنين وعادة رقم اتنين ده ثابت عند الكل اللي هو
P@ssw0rd
بردو انسخه واحتفظ بيه
والافضل تنسخه مش تاخد اسكرين لان الحروف الكابتل هتفرق معاك جدا في التسجيل وبسببها ممكن يقولك الرقم خطأ وكذلك الايميل
رقم ثلاثة ده بقى رابط ميكروسوفت اوفيس هتدخل عليه وهيفتح معاك صفحة جديدة هتلاقي فيها الحصول على اوفيس و تسجيل الدخول
هتدوس على تسجيل الدخول وهتفتح معاك صفحة عايز فيها بريد هتكتب فيها البريد اللي انت نسخته فوق وتدوس التالي
هيطلب كلمة المرور وهتكتب فيها بردو الباسورد اللي فوق اللي هو ده P@ssw0rd
وتدوس تسجيل الدخول
هيفتح معاك صفحة فيها اسمك وبيقولك مرحبا او welcome
هتدوس على السهم اللي موجود فيها وخلاص وبكده انت فتحت ايميلك على موقع اوفيس وبكده تكون خلصت اللي هتعمله حاليا
طب المحاضرات هتتبعت ازاي او هتنزل فين او او او
ده كله لسه مش معروف حاليا هنستنى لما الجامعة تحدد هتعمل ايه او الدكاترة عندنا يتكلموا ونشوف هنعمل ايه

* بعض المشاكل اللي ممكن تواجهك
١ - انه يقولك الرقم القومي غير مدرج في البيانات وده معناه انك يا اما مسجلتش في الفورم اللي نزل على المركز الاعلامي او انت سجلت بس لسه الايميل بتاعك متعملش فلازم تستنى شويه كمان لحد ما يتعمل .
٢ - هتيجي تسجل على موقع ميكروسوفت اوفيس هيقولك الايميل او الباسورد خطأ فدول لازم تنسخهم زي ما هما الكابتل بالارقام زي ما هما فحلها انك تنسخها مش تكتبها تاني .
٣ - ممكن تلاقي اسم غير اسمك ففي الايميل وده عادة خطأ في السيستم المفروض هيتم اصلاحه بس بردو ده مش هيمنع انك تدخل على المحاضرات اللي هتنزل عادي يعني ممكن تقول ان دي مشكلة يمكن تجاوزها .

دي اغلب المشاكل اللي واجهت الناس لحد دلوقتي لو في اي حاجه واجهتكم غير دي اكتبوهالنا في التعليقات

شباب سنة تانية ده كلام الدكتور حسين الترباني اللي بيدرسلكم مادة فسيولوجي حيوان فيا ريت تتبعوا الكلام ده وتنفذوه
24/03/2020

شباب سنة تانية
ده كلام الدكتور حسين الترباني اللي بيدرسلكم مادة فسيولوجي حيوان
فيا ريت تتبعوا الكلام ده وتنفذوه

21/03/2020

إنا لله و إنا إليه راجعون
😢

ابشروا يا رجالة 😅الجامعة عندها نية إنها تفاجئكم بسبب الإجازة 😂
14/03/2020

ابشروا يا رجالة 😅
الجامعة عندها نية إنها تفاجئكم بسبب الإجازة 😂

"لما نزل قرار رئاسي بتعليق الدراسة لمدة أسبوعين" كتير مننا فرحان بالأجازة ، بس خلي بالك :1- متخليش فرحتك بالأجازة تنسيك ...
14/03/2020

"لما نزل قرار رئاسي بتعليق الدراسة لمدة أسبوعين"

كتير مننا فرحان بالأجازة ، بس خلي بالك :
1- متخليش فرحتك بالأجازة تنسيك سببها ... اللي هو (فيروس كورونا) .. افرح بالأجازة آه بس خد احتياطاتك .. ربنا يرفع عننا البلاء جميعاً
2- لو تعرف تذاكر اللي فات من المنهج خلال الأسبوعين دول هيفرقوا معاك جداً وقت ضغط الامتحانات ، دا غير أننا منعرفش المنهج هيتلغي منه حاجة ولا هيتشرح كله
3- حاول تساعد زمايلك لو معاك حاجة من المحاضرات والسكاشن ؛ بيضها واكتبها بشكل كويس ونزلها لزمايلك عشان يستفيدوا ويبقى مذاكرتهم في ميزان حسناتك إن شاء الله
4- متنساش إن عندك منهج قرآن محتاج تحفظه وتراجع عليه ، دول 5 أجزاء بمعدل 20صفحة في الجزء يعني لو راجعت 6 صفحات في اليوم هتلحق تخلص المنهج ، ولو مقدرتش تحفظ كل ده حاول تحفظ أكبر كمية من منهجك عشان متبقاش مضغوط وقت الامتحانات

*** لما يبقى عندك أجازة ووقت فراغ حاول تستغله في حاجة مفيدة ، وافتكر كلام الرسول عليه الصلاة والسلام "اغتنم خمساً قبل خمس ... واللي منهم فراغك قبل شغلك"

تنبيه هام: (كل الأسماء الموجودة أسماء رمزية فقط وكذلك كل التقديرات المذكورة) أحمد: 😤😡محمد: مالك يا هندسه متضايق ليه؟😊أح...
16/02/2020

تنبيه هام: (كل الأسماء الموجودة أسماء رمزية فقط وكذلك كل التقديرات المذكورة)

أحمد: 😤😡

محمد: مالك يا هندسه متضايق ليه؟😊

أحمد: 😢بص يا باشمهندس انا تقديري مش كويس في الترم الأول ومش عارف ايه الدنيا في مواد الترم التاني😵

محمد: 😊بسيطة خالص ركز معايا .... انت تقدير المواد بتاعتك عامل ايه؟😕

أحمد: 😩صراحة يا هندسه هو مش كويس في مقبول كتير وجيد وجيد جدا قليل ومش فاكر هل فيه امتياز ولا لا بس على ما اذكر كان 3 مقبول و2 جيد و1 جيد جدا و1 امتياز فممكن تقولي التقدير العام بتاعي ايه لو سمحت😇

محمد: 😊 بص يا هندسه التقدير العام ده بيتحسب اخر السنه علشان ممكن يكون تقدير المواد بتاعتك مرتفعه بس محتاجه درجات بسيطه والتقدير يعلى فممكن اخر السنه لو مش محتاج درجات الرأفة للنجاح ممكن تترفع درجات المواد دي مثلا لو انت جايب مقبول بنسبة 64وكسر وفاضل على الجيد حاجات بسيطة ممكن يترفع لجيد بدرجات الرأفة فهمت قصدي ولا تهت مني😵

أحمد: ايوه فهمت كمل يا هندسه😃

محمد:😊 ده غير إنك متعرفش انت جايب كام في كل تقدير فزي ما هو معروف الجيد يتراوح من 65 ل 74.99 % فكل نسبة موجوده بينهم هتخلي التقدير العام يختلف باختلافها فعلشان الاسباب دي متقدرش تحدد مجموعك الكلي او تقديرك العام

😉 بس خلي بالك ان درجات الرأفة علشان تاخدها في المواد اللي عندك دي لازم يبقي انت مش شايل اي مواد وجايب فيها ض لانك لو جايب في مادة ض هيبقى الأولى انك تاخد درجات الرأفة في المادة اللي فيها ض عن المادة اللي فيها مقبول وطبعًا علشان تاخد درجات الرأفة في المواد اللي فيها ض لازم يكون درجتك فيها فوق ال ٤٠

معايا ولا ايه شكلك كده سرحت مني 😴

أحمد: 😕لا مسرحتش ولا حاجه بس لما قلت ض افتكرت واحد زميلي عنده مادة جايب فيها ض وواحد تاني جايب مادتين ض وغيرهم كتير وفي بردو ناس جايبه ضج مش ض بس فدول ايه الدنيا عندهم 😨

محمد: مبدأيًا اللي جايب ضج ده صعب انهم يرفعوا المادة دي عنده فده هيشيل المادة دي معاه السنه اللي جايه😩
انما اللي معاه ض بس ده ممكن يرفعوا المادة دي ويخلوها مقبول 😃
وممكن يرفعوا اكتر من مادة واحد يعني لو حد عنده 3 ض او 4 ض ممكن يرفعوا فيهم لو هو محتاج فيهم درجات بسيطة ولو بردو محتجش الدرجات دي الترم التاني فده عنده امل انهم يرفعوا مواده في اخر السنه😃
اما لو معاه مثلا 3 ض ومادة ضج فاللي ممكن يترفع ال 3 ض انما الضج دي صعب الصراحة😥
بس زي ما قلتلك كده لازم يكون معدي ال ٤٠ درجة في المادة علشان يستحق درجات الرأفة

أحمد: بجد يا هندسه الكلام ده 😀
طب يعملوا ايه علشان يرفعوا درجاتهم في المواد دي 😕

محمد: 😊 يشدوا حيلهم في الترم التاني على قد ما يقدروا وزيادة كمان علشان يعدوا منه باعلى تقديرات فميحتاجوش الدرجات دي الترم التاني ويخدوها في مواد الترم الاول 😊
وكذلك انت بردو شد حيلك علشان المواد اللي تقديرها قليل وممكن تترفع تترفع ويبقى تقديرها عالي
يعني مثلا مادة تقديرك فيها ٨٤ ومحتاج درجات بسيطة علشان تبقى امتياز تاخد درجات الرأفة دي وترفع المادة من جيد جدا لامتياز 😁
تمام كده يا هندسه

أحمد: تمام يا باشمهندس 🥰
متشكرًا جدًا يا هندسه 😁😁
طب ايه بقى الدنيا في مواد الترم التاني 😕

محمد: العفو يا هندسه لا شكر على واجب 😁
وبالنسبة لمواد الترم التاني فركز بقى معايا😊😊......

😊😊يتبع بإذن الله في منشور تاني😊😊
شير ومنشن لزمايلكم علشان يعرفوا زيكم

هي الرموز بتاعت النتيجة معناها إيه ؟!الرمز ده يا بشمهندس بيبقى اختصار لتقديرك في المادة وهو كالآتي:(م) امتياز = 85% أو أ...
13/02/2020

هي الرموز بتاعت النتيجة معناها إيه ؟!

الرمز ده يا بشمهندس بيبقى اختصار لتقديرك في المادة
وهو كالآتي:
(م) امتياز = 85% أو أعلى
(ج ج) جيد جداً = من 75% لحد 85%
(ج) جيد = من 65% لحد 75%
(ل) مقبول = من 50% لحد 65%
(ض) ضعيف = أقل من 50% يعني مش ناجح فيها
(ض ج) ضعيف جداً = مش ناجح فيها بردو

طيب إيه الفرق بين (ض) و (ض ج)
(ض) احتمال تترفع لمقبول بدرجات الرأفة بس ده في النتيجة النهائية للسنة كلها آخر السنة ودي الدرجة بتاعته اقل من ٤٨ لحد ٣٠ وبالنسبة لدرجات الرأفة والرفع بيكون من اول ٤٠

أما (ض ج) مش بتترفع بدرجات الرأفة لأن بتكون أقل من إنها ينفع معاها رأفة ودي درجته اقل من ٣٠


Address

Nasr City

Website

Alerts

Be the first to know and let us send you an email when G.M.T posts news and promotions. Your email address will not be used for any other purpose, and you can unsubscribe at any time.

Shortcuts

Share

Category