اتحاد طلاب كلية الطب البيطري جامعة المنوفية ورعاية الشباب

27/08/2024

تحت رعاية السيد الأستاذ الدكتور أحمد ف*ج القاصد رئيس جامعة المنوفية والسيد الأستاذ الدكتور صبحي شرف نائب رئيس الجامعة لشؤن خدمة المجتمع وتنمية البيئة
نظمت كلية الطب البيطري بقيادة الأستاذ الدكتور أحمد الفيومي عميد الكلية وإشراف ا. د. إيمان باظة وكيل خدمة المجتمع وتنمية البيئة قافلة بيطرية علاجية لقرية كفر سرسموس مركز الشهداء اليوم الثلاثاء ٢٧ أغسطس ٢٠٢٤
وحضور السادة أعضاء هيئة التدريس والهيئة المعاونة
ومشاركة مديرية الطب البيطري بالمنوفية - إدارة الإرشاد والرعاية البيطرية وإدارة مركز الشهداء البيطرية ومشاركة إدارة القوافل بالجامعة.
تم فحص وعلاج عدد ٥٠ حالة سونار، باطنة ومعدية
علاج ١٥٠٠ حالة طيور داجنة.

05/04/2024

02/04/2024

🇾🇪حفظ الله مصر 🇾🇪
🤲حفظ الله جامعة المنوفية

16/03/2024

(يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي.)
ببالغ الحزن و الأسي ننعي وفاة زميلتنا نورهان إبراهيم موسي رجب المقيدة بالفرقة الثانية
سائلين المولى عز وجل انا يتغمدها برحمته ويسكنها فسيح جناته.

19/01/2024

جاينلكم برحلتنا المعتادة كل سنة لمعرض الكتاب🤩🔥
عشان الناس اللي بتحب القراية و بتحب تشتري الكتاب بتوقيع الكاتب المفضل ليهم🔥
هنقضي يوم لطيف ف معرض الكتاب و نستمتع بالاجواء هناك وبعدها علطول نطلع علي شارع المعز و جماله المكان مبهر حقيقي و مش هتبقوا عاوزين تمشوا من هناك 🥰❤️❤️🔥
رحلتنا يوم الاربعاء ٣١ يناير التحرك الساعة ٧.٥ صباحا من أمام كلية الطب البيطري❤️
يومنا الجميل دا تكلفته ١٠٠ ج بس شامل تذكرة دخول المعرض🔥🔥🔥
يلا الحق مكانك عشان العدد محدود و الحجز بالأسبقية ومتاح ناس من برا الكلية عادي تنورونا ❤️
الحجز مفتوح في رعاية الشباب بالكلية
ولو عندك اي استفسار 01116351693

15/11/2023

تحت رعاية السيد ا.د/احمد صابر الفيومي عميد الكلية
والسيد ا.د/السيد جليلة وكيل الكلية لشئون التعليم و الطلاب
و السيد ا.د/ايمان باظة وكيل الكلية لشئون خدمة المجتمع و تنمية البيئة
وتحت إشراف رعاية الشباب بالكلية بقيادة أ/سماح البرماوي
يعلن اتحاد كلية الطب البيطري بالتعاون مع قطاع خدمة المجتمع وتنمية البيئة عن عمل دورة اسعافات اولية يوم الاحد الموافق ٢٠٢٣/١١/١٩ في تمام الساعة التاسعة و حتي الثانية عشر ظهرا 🔥
و يحاضر في هذه الدورة د.عبير السيد النحاس
كلية التمريض جامعة المنوفية❤️💪
📌علي من يرغب التسجيل ارسال اسمه علي الرقم 01116351693 نائب رئيس الاتحاد✨
❤️💪
❤️

14/11/2023

حقق فريق كلية الطب البيطري فوز مستحق على فريق كلية الاقتصاد المنزلي حيث انتهى اللقاء بنتيجة 2-0 🔥
أحرز الهدفين اللاعب محمد وائل ⚽
كما شهدت المباره تألق كبير من حارس المرمي يوسف عبد العزيز بعد أن أبعد هدفين عن المرمي
أداء رجولي مشرف ومتميز من لاعبي الفريق♥️
شكرا خاص لرعاية الشباب بقيادة أ/ سماح البرماوي على الدعم الدائم والمساندة ❤
ومسئول النشاط الرياضي الكابتن بهاء الصعيدي ✨
💪❤️

09/11/2023

حقق فريق كلية الطب البيطري فوز مستحق على الجامعة الأهلية حيث انتهى اللقاء بنتيجة 3-0
أحرز اللاعب يوسف الكرنيب الهدف الاول وجاء الهدف التاني عن طريق عبدالحميد ياسر والهدف الثالث اللاعب علي طارق لتنتهي المباراه بنتيجه ٣ لا شئ لصالح كلية الطب البيطري
أداء رجولي مشرف ومتميز من لاعبي الفريق♥️
شكرا خاص لرعاية الشباب بقيادة أ/ سماح البرماوي على الدعم الدائم والمساندة ❤

💪❤️

30/10/2023

ازيكم يا شعب بيطري المنوفيه💃
جايبنلكم ايفينت جديد
-الشطرنج♟️♟️
لعبة الذكاء اللي معمولها كتب مخصوص و مسابقات دولية و حاجات كتييير اوي كده 😂❤️
الكليه عامله مسابقه جديده وهتبقي يوم الأربعاء ١١/١
⬅️طبعا عارفين ان اللعبه دي كبيره و ليها أنظمة كتيره بس هي هتتلعب بالنظام السويسري اللي هو ٧ جوالات 🌚
و بيكون كل لاعب ليه ساعه في اللعب يعني فكر براحتك يا عم😌😉❤️
كل اللي هتحتاج تعمله انك لو عايز تشترك تروح ل رعاية الشباب تسجل عندهم وخلي بالك التسجيل هيفتح من بكرا والمسابقه هتبدا من الساعه تسعه ونص يوم الاربعاء ف اسعي بسرعه عشان تلحق😉😂
و المهم في كل ده ان لو كسبت و خدت المركز الاول هتاخد جايزة 🔥
والتسجيل متاح لكل الفرق في الكليه من أولي لحد خامسة❤️
كل اللي عليك عليك بطاقتك يا معلم و كارنيهك🫣🫣
و تجري على رعاية الشباب و شرفنا بقى يا بطل💪💪💪
المهم الكلام ده كله هيبدأ التسجيل من بكرا ولازم تيجي من الساعه تسعه ونص يوم ١١/١ 🫡🫡
الحق قدم بقى و شرفنا💃💃❤️❤️❤️
________
نائب رئيس الاتحاد :دينا عاطف

29/10/2023

رحله🥳🥳
الميد قرب😢وعايز تنبسط قبل زنقه ميدترم؟ كل ماتتفق على خروجه مع صحابك تبوظ؟ الاتحاد ظبطلك خروجتك 🤌
رحله يعنى اسكندريه معروفه😌
☢️تعالوا نشوف بروجرام رحلتنا 👇
⬅️هنبدأ يومنا بالشط وهناك تقدر تاخد احلى صور مع احلى قعده قدام البحر❤️
⬅️تانى مكان هنروحه هو المتحف الروماني و لو اول مرة تسمع عنه ف خليها مفاجئة لحد م تروح و تنبهر بجماله وتشوف الابداع اللي فيه 🏰❤️
⬅️ تالت حاجه معانا المنتزه وطبعا حدائق قصر المنتزه من اجمل مواقع تاريخيه وسياحيه بسبب اطلالتها ساحره على البحر و بعد التجديد بقيت حاجة خطيرة وتقدر تأجر عجل وتستمتع مع صحابك وكمان تقدر تاخد اجمد صور ❤️
⬅️بعدها ياصديقى هنطلع علي محطة الرمل و هناك تاكل كبدة الفلاح و تتمشي ف شوارع اسكندرية و تقعد ف كافيهات وتعمل كل اللي تحبه بس وقت التجمع لازم نلاقيك قدامنا 😂❤️
انتوا مش عارفين ان انبساطكوا اهم حاجه عندنا ولا ايه؟ عشان كدا احنا بنضحى😂❤️
☢️تفتكروا كل دا بكام بقا؟! 🤔
200 ج بس🔥🔥🔥🔥🔥
👈👈👈 على أن يكون ميعاد الرحلة يوم الاثنين الموافق 11/6
يلا مستنين اي الحجز بأسبقية الدفع مع رعاية الشباب بالكلية❤️🤸🏻‍♀️

24/09/2023

تحت رعاية السيد الأستاذ الدكتور/ أحمد صابر الفيومي .. عميد كلية الطب البيطري ، السيد الأستاذ الدكتور/ السيد مصطفى جليله .. وكيل الكلية لشئون التعليم والطلاب باستقبال الطلاب الجدد للعام الجامعي 2023/2024 وبحضور الساده الوكلاء بالكلية وأعضاء هيئة التدريس والسيد امين الكلية ومديرين الإدارات والسادة العاملين بالكلية لاستقبال الطلاب الجدد
✍️✍️ حيث أقيم حفل استقبال للطلاب الجدد للعام 2023/2024 ، وقام الأستاذ الدكتور/ السيد مصطفى جليله .. وكيل الكلية لشئون التعليم والطلاب بالكلية بتهنئة الطلاب الجدد والقدامى بالعام الدراسي 2023/2024 م وحثهم على الاجتهاد والمثابرة ،
وقام الأستاذ الدكتور/ أحمد صابر الفيومي .. عميد كلية الطب البيطري جامعه المنوفية بالترحيب للطلاب الجدد وأولياء الأمور على الاهتمام بالحضور مع أبنائهم وهنئهم بالعام الدراسي الجديد وقام بتحفيزهم لاستقبال الدراسة بالكلية وحثهم على تحديد هدفهم من الكلية .. 👈👈 وشكر عميد الكلية عشيرة الجوالة بالتعاون مع إدارة رعاية الطلاب بقيادة الأستاذة سماح البرماوي على إخراج هذا اليوم الجميل وكان أكثر من الرائع لاستقبال الطلاب الجدد للعام الجامعي 2023/2024م
وقام الأستاذ الدكتور/ عبدالرحمن محمود الباجوري .. نائب رئيس الجامعة لشئون خدمة المجتمع وتنمية البيئة.. سابقاً بتهنئة أولياء الأمور والطلاب الجدد والقدامى والسادة العاملين بالعام الدراسي 2023/2024 وتكلم عن البرامج المميزة الخاصة بكلية الطب البيطري ومستبشرين بهم خيراً ، 👈👈 كما هنئ ورحب بالسيد الأستاذ /بلال الشقرفي امين الكلية وكما ذكر السيد الأستاذ/ ياسر غنيم امين كلية الطب البيطري سابقاً ، وأمين كلية الاقتصاد المنزلي بالشكر على وضع بصمته في الكلية وتهنئته على منصبه الجديد بكلية الاقتصاد المنزلي .
وقام الأستاذ الدكتور/جمال حماد .. أستاذ علم الاجتماع بكلية الآداب جامعة المنوفية بالتهنئة والترحيب بالطلاب الجدد والقدامى وحثهم على رفع روحهم المعنوية ورفع من شأن كلية الطب البيطري .
👈👈✍️✍️✍️ كما نشكر أيضاً طلاب فريق مسرح كلية الطب البيطري على استخراج اسكتش جميل جداً
واخص بالشكر
عشيرة جوالة الطب البيطري بالتعاون مع إدارة رعاية الطلاب بالكلية لتعبهم بمعسكر الاستقبال وإخراج هذا الحفل الكريم لاستقبال الطلاب الجدد
👈👈 مع تمنياتي بالتوفيق للجميع