02/10/2023
ليه تشترك في الجوالة؟ ⛺
طب يعني اي جواله الاول
عارف الكشافه زمان هي ديه
في مرحله الجامعه بتهتم أنها تكونلك علاقات عامه وتعرفك سوق العمل بره عامل ازاي
غير أن فيها جزء فني " اشغال يدوية "هتتعلمها وتدخل بيها مسابقات وتكون بعد كده حرفه ليك تشتغلها جمب شهادتك
طب تعال كدا واحدة واحدة
يعني ايه جوالة ؟
* حركة تربوية تطوعية غير سياسية .. مفتوحة للجميع دون تمييز في الأصل او الجنس اوالعقيدة .. وفقاً للهدف والمبادئ والطريقة التي عبر عنها ، مؤسسها ..اللورد الإنجليزى / بادن باول
نعرف بقي ايه هي مجالات الجوالة دي بقي بتعمل ايه و هستفاد منها ايه
يلاااا نعرف..
1️⃣المجالات الدينية : وفيها بنعمل مسابقات حفظ القرآن والأحاديث النبوية وأبحاث دينيه وإنشاد و نعرف اكتر عن الدين و اصوله و في ندوات بيحاضرها شيوخ كبار و طبعاً مش مقتصرة على الدين الإسلامي في مسابقات حفظ و تسميع أجزاء من الإنجيل لأن الكشافة ما بتفرقش بين أصل و دين و لون.
2️⃣المجال الكشفي “وسع بقي دي لعبتي 😂🤍” : ده بقي الأساس بتاعنا ولعبتنا اللي بنتعلمه من أول يوم ليك في الجوالة👌 واللي من خلاله بنقدر نعمل العقد والربطات وعمل الكادجات (السرير المعلق ..دولاب ..جزامه ..منشر) وازاي تقدر تعمل كرسي من خشب وأحبال بس 💪 وأكيد طبعا الغزل والحلواني و هنعرف نعمل بالحبل دا اشكال كتيرررررر اوي
وتتعلم ازاي تقدر تعمل بوصله وتحدد الاتجاهات باستخدم النجوم و ظل الشمس وتحدد اتجاه القبله وتقيس المسافات من غير أي أجهزة..
3️⃣المجالات الثقافية : وفيها بنهتم بعمل المجلات والملصقات🗺 ومسابقات الشعر والقصص القصيرة 🗣ومعرض كتاب والندوات والمؤتمرات وورش العمل والكورسات و ازاي تقدر تعرض شغلك دا و تبقي توب في المجال دا..
4️⃣النشاط الفني :
بنقدر من خلاله نتعلم ازاي نرسم علي الزجاج🍶 ونرسم علي الجلد (الحرق) والطباعه علي القماش ونشتغل أركت (النحت علي الخشب😉 ) و طبعا الكروشيه وشغل المكرمية وطبعا شغل الخرز من عقد وسلاسل وميداليات وخواتم وأساور
5️⃣مشاريع الخدمة العامة والمشاركة المجتمعية :
ده بقي ياسيدي الشغل الطبي بتاعنا بنعمل قوافل طبية وغير حملات التبرع بالدم ❤ وزيارات دار الأيتام و مستشفي 75375 لمرضي السرطان وحملات تجميل الكلية والجامعة و الشوارع و الحفاظ علي نظافة البيئة..
6️⃣السمر بقي يعني وقت الراحة و الاستمتاع بالسمر واغانيه وحركاته:
يعني تمثيل .. غنا .. حركات.. تأليف اغاني واسكتشات وفرحه وتفريغ لكل همومك و تعب يومك و بجد هتفضل مبسوط و الابتسامة و الضحكة موجودين 🤍..
و بعدين بردو معلش هستفاد اي؟!
_ حقك يعم 😂
انا هقولك هتستفاد اي بالظبط هتستفاد كتير من خلال المجالات دي او انك هتقدر تكسب ناس جديده كويسة بتساعدك في اي حاجه سواء جوة الكليه او برة وصحاب في ضهرك ع الحلوة والمرة💪 ده غير الحاجات الجديده اللي هتتعلموها و تعرفوا تعملوها بعد كدا علي طول...
طب كدا انت عرفت يعني ايه جوالة و ايه دورهم هنا ف الكلية
جااااي دورك انت بقي يا بطل 🤍🤌
لو انت عندك اي مواهب فنية او معلومات ثقافية و عندك معلومات كتيرة من علوم الدين و اصوله تقدر تفيد بيها غيرك ممكن تقدر تتواصل معانا بسهولة جدا و في اي وقت احنا موجودين و نشاطنا هو ال هيتكلم عننا 🤍🤍⚜️
لو حابب تتعلم حاجه جديده لو عندك موهبه وعايز تنميها املى الفرورم دي
It's time to be leader
