Biblioteca de Socioloxía e CC. da Comunicación da UDC

Cómo llegar Página web Contactar con la universidad

Biblioteca de Socioloxía e CC. da Comunicación da UDC Biblioteca Intercentros da Facultade de Socioloxía e da Facultade de Ciencias da Comunicación da Universidade da Coruña

O mércores tivemos a reunión do club de lectura para falar de “Punto de araña” de Nerea Pallares Falamos sobre unha nove...
16/10/2026

O mércores tivemos a reunión do club de lectura para falar de “Punto de araña” de Nerea Pallares

Falamos sobre unha novela que se le pero que tamén se escoita e ademais de ...
Que é mais forte, a vinganza ou a xustiza.
Que pasa cando o medo non chega
con sangue senón co silencio.
Palilleiras, redeiras, percebeiras, mergulladoras, mariñeiras e traballadoras das conserveiras e das peixarías.
Mulleres que sempre fixeron o que querían os demais e que, para a resistencia, xa tiveran toda unha vida por ensaio.
Un océano que garda segredos afundidos xunto a barcos cargados de acordeóns.
Como perder o fío, seguir ao fío ou fiar fino é tamén unha maneira de contar o mundo.
5000 voces mudas que deixan de fiar palabras e frases.
O caos que xurde sen gritos.

Agardámosvos
na próxima reunión o18 de novembro porque neste club de lectura seguiremos tecendo historias ❤️

Se che gusta ler e comentar libros nun ambiente distendido, apúntate á próxima sesión do Club de Lectura na Biblioteca d...
05/10/2026

Se che gusta ler e comentar libros nun ambiente distendido, apúntate á próxima sesión do Club de Lectura na Biblioteca de Socioloxía e Ciencias da Comunicación.
Nesta ocasión falaremos de Punto de araña de Nerea Pallares

📅 Mércores 14 de outubro
🕔 17:00 h
📍 Biblioteca de Socioloxía e Ciencias da Comunicación
Aberto a toda a comunidade universitaria. Non importa se vés por primeira vez ou se xa es unha habitual do club. O importante é compartir lecturas, impresións e unha boa conversa.
Apúntate cubrindo o formulario
https://forms.cloud.microsoft/e/AWrahwviWc

Volve o Club de Lectura da Biblioteca de Socioloxía e Ciencias da Comunicación!Un espazo para compartir lecturas, descub...
21/09/2026

Volve o Club de Lectura da Biblioteca de Socioloxía e Ciencias da Comunicación!
Un espazo para compartir lecturas, descubrir novas historias, intercambiar opinións e g***r dunha tarde de conversa en boa compañía.
Se xa participaches o curso pasado, estaremos encantadas de volver verte. E se aínda non te animaches ou acabas de chegar á universidade, este pode ser o momento perfecto para unirte.
🗓️ Reunímonos unha vez ao mes, os mércores ás 17:00 h.
📍 Primeira sesión: 14 de outubro de 2026
📚 Lectura: Punto de araña, de Nerea Pallares
🏛️ Lugar: Biblioteca de Socioloxía e Ciencias da Comunicación
👉 Inscríbete e forma parte desta comunidade de lectoras e lectores:
https://forms.cloud.microsoft/e/AWrahwviWc

As bibliotecas do campus de A Coruña da Universidade da Coruña tamén estivemos en , a xornada de benvida ao novo estuda...
17/09/2026

As bibliotecas do campus de A Coruña da Universidade da Coruña tamén estivemos en , a xornada de benvida ao novo estudantado da Universidade da Coruña.
Unha foto do equipo ❤️ Belén (Biblioteca Central), Raquel e Sofía (Biblioteca de Dereito) e Inma (Biblioteca de Socioloxía e CC. da Comunicación). Durante toda a mañá informaron ao estudantado sobre os servizos, recursos e espazos que as bibliotecas poñen á vosa disposición para acompañarvos ao longo da vosa etapa universitaria.
E, para agradecer a vosa visita, repartiron algúns agasallos entre quen se achegou ao noso posto: botellas de auga, pequenas carteiras, abridores e un “artefacto”antiestrés 😂
Grazas por achegarvos a saudarnos. Agardámosvos moi pronto nas bibliotecas para estudar, descubrir lecturas, traballar en grupo, participar nos club de lectura... ou simplemente facer unha paradiña nas nosas áreas de descanso.

Xa dispoñible na Biblioteca o catálogo da exposición A Coruña, porto negreiro.Onte clausurouse en NORMAL Normal da Unive...
17/09/2026

Xa dispoñible na Biblioteca o catálogo da exposición A Coruña, porto negreiro.

Onte clausurouse en NORMAL Normal da Universidade da Coruña a exposición A Coruña, porto negreiro. Unha mostra que nos convidou a descubrir e reflexionar sobre o papel da cidade no tráfico transatlántico de persoas escravizadas e sobre as pegadas que este pasado colonial deixou na nosa arquitectura, economía e memoria colectiva.
Comisariada por Cristina Botana e Zinthia Álvarez Palomino
a mostra forma parte do proxecto A Coruña entre memorias: historia, colonialismo e identidade, unha iniciativa que promove a recuperación e revisión crítica de documentos, historias e memorias vinculadas ao pasado colonial da cidade.
Se non puideches visitar a exposición, ou se queres afondar nos seus contidos, podes consultar o catálogo na biblioteca ou a páxina web do proxecto A Coruña entre memorias. https://acorunaentrememorias.com/

Descobre unha historia que segue interpelándonos no presente. Le, investiga e participa na construción dunha memoria máis crítica e completa da nosa cidade e lembra que como dixo onte María Reimóndez no acto de clausura “os dereitos son unha leira que se traballa cada día”

A partir de hoxe recuperamos o horario habitual da biblioteca.🗓️ Luns a venres: 8:30 – 21:30hVen a estudar, investigar o...
07/09/2026

A partir de hoxe recuperamos o horario habitual da biblioteca.
🗓️ Luns a venres: 8:30 – 21:30h

Ven a estudar, investigar ou simplemente a desfrutar dun bo libro, película, videoxogo, … desconectar e descansar nunha das nos áreas de descanso.
Agardámoste! 💙

Na biblioteca tamén temos días de spa!E non, por se alguen está pensando outra cousa 😉 …nin masaxes, nin aromaterapia ni...
28/07/2026

Na biblioteca tamén temos días de spa!
E non, por se alguen está pensando outra cousa 😉 …nin masaxes, nin aromaterapia nin cadeiras de praia para o persoal.
Este verán os clientes VIP son os libros.
Durante unhas horas as mesas de estudo transfórmanse nunha curiosa partida bibliotecaria. Formas que semellan ao dominó con ringleiras de libros agardando vez para voltar á casa logo da súa sesión de spa.
Do estante á mesa – Aspirado – Limpeza de andéis – E volta á casa: Libros e Andeis limpos!
Este é un deses traballos pouco visibles pero esencial que facemos nas bibliotecas.
Porque unha biblioteca no só presta libros: tamén os protexe e coida ❤️📖

Novo centro de interés que te convida a mirar a tecnoloxía con novos ollos: Desconectados? O verán invítanos a parar, re...
17/07/2026

Novo centro de interés que te convida a mirar a tecnoloxía con novos ollos:

Desconectados?

O verán invítanos a parar, respirar e g***r do tempo con máis calma. Un momento perfecto para saír da rutina e volver ao que nos fai sentir ben.

Vivimos conectados, a tecnoloxía acompáñanos cada día: achéganos ás persoas, á información e ao entretemento. É unha gran aliada se sabemos atopar o equilibrio.

Porque aínda que é complicado intenta decidir o teu ritmo e escolle cando conectar… e cando desconectar.

Escolma bibliográfica.: https://www.calameo.com/books/003161053e331f2c81355

Na universidade do século XXI non é suficiente con acceder á información hai que saber avaliarla, utilizala de maneira c...
14/07/2026

Na universidade do século XXI non é suficiente con acceder á información hai que saber avaliarla, utilizala de maneira crítica pero tamén aproveitar a tecnoloxía. Agora que cada día aparecen máis aplicacións baseadas na IA é bo lembrar que a IA non substitúe ás bibliotecas senón que as complementa. Detrás das bibliotecas hai persoas e detrás da IA algoritmos 😉

Así que un curso máis as persoas que traballamos no servizo de biblioteca da UDC acompañamos a investigadoras e investigadores na aprendizaxe de ferramentas para buscar, avaliar, xestionar e dar maior visibilidade ao coñecemento científico. E non podemos estar máis contentas co resultado dos dous cursos que organizamos en colaoración con

📚 Como buscar e usar a información para elaborar a tese de doutoramento (PFBU/017)

📈 Estratexias para incrementar a visibilidade e o impacto dos resultados da investigación (PFBU/018)

Nas vosas valoracións cualitativas destacades o gran aforro de tempo grazas ao uso de xestores bibliográficos e, sobre todo, a atención persoal e titorización do noso persoal, ao que cualificastes de "maravilla" e "implicado". Grazas infinitas!

Recollemos tamén as vosas suxestións para mellorar e adaptarnos aínda máis ás vosas necesidades o vindeiro ano.

E seguimos empeñadas en darlle unha segunda oportunidade aos libros expurgados e agora tamén aos deteriorados que estamo...
10/07/2026

E seguimos empeñadas en darlle unha segunda oportunidade aos libros expurgados e agora tamén aos deteriorados que estamos dando de baixa na biblioteca.

Así que este ano para rematar a tempada do club de lectura, deseñamos e creamos de maneira artesanal uns marcapáxinas con moito significado para nós e agardamos que tamén para vós.

Están feitos con fieitos que prensamos e secamos e logo combinamos con páxinas de libros que un día formaron parte da nosa colección. Cremos que o resultado visibiliza o que intentamos facer a diario unindo lectura, creatividade e sostibilidade.

Poida que consigamos que estes marcapáxinas conten unha historia propia ademáis de que sirvan para sinalar a páxina na que deixastes a vosa lectura.

Felices lecturas e feliz verán!!!

Dirección

Campus De Elviña, S/n
A Coruña
15008

Página web

Notificaciones

Sea el primero en enterarse: le enviaremos un correo electrónico cuando Biblioteca de Socioloxía e CC. da Comunicación da UDC publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.

Contactar Con La Universidad

Enviar un mensaje a Biblioteca de Socioloxía e CC. da Comunicación da UDC:

Atajos

Compartir