Centro de Investigación en Tecnoloxías Navais e Industriais - Citeni

16/10/2026

🚢 Poden contribuír os reactores nucleares á descarbonización do transporte marítimo? Que retos de seguridade presentan?

⚛️ Unha investigación do Centro de Investigación en Tecnoloxías Navais e Industriais - Citeni, en colaboración coa Enidh Escola Superior Náutica, de Portugal, analiza os riscos dos reactores de sales fundidas e a súa posible aplicación á propulsión naval.

⚠️ O estudo aplica as metodoloxías e para identificar perigos e avaliar os posibles riscos para a seguridade a bordo.

🌍 Os resultados presentáronse na Conferencia Anual da International Association of Maritime Universities (IAMU) que tivo lugar en Split do 7 ao 10 de outubro. 📰❗ Velaquí a nova!

Nuevo Centro de Investigación en Tecnologías Navales e industriales (CITENI) de la Universidad da Coruña (UDC) está ubicado en el Campus Industrial de Esteiro, Ferrol.

08/10/2026

🔬 Por primeira vez, é posible rexistrar directamente e en menos dunha décima de segundo, como cristalizan os polímeros semicondutores.

🧪 É o resultado dunha investigación liderada polo Laboratorio de Polímeros Funcionais do Centro de Investigación en Tecnoloxías Navais e Industriais - Citeni e forma parte da tese de doutoramento que Josep Tent desenvolve, baixo a supervisión do investigador Jaime Martín.

⚡Esta nova forma de medir a cristalización permite seguir o proceso mentres ocorre e obter toda a información nun único experimento. No caso do polímero , prodúcese en apenas 0,025 segundos.

🌍 O traballo publicado no Journal of the American Chemical Society e impulsado desde a Universidade da Coruña conta coa colaboración da Université Grenoble Alpes, o Comisariado da Enerxía Atómica e das Enerxías Alternativas ( ), o CNRS Grenoble INP - UGA e o Instituto Catalán de Nanociencia e Nanotecnoloxía ( ), ademais do ALBA Synchrotron para os experimentos de difracción de raios X.

☀️ Comprender como se organizan estes materiais durante o procesamento pode axudar a coñecer mellor as súas propiedades e avanzar en aplicacións como a electrónica orgánica e as células solares. 📰❗Velaquí a nova.

O traballo, publicado no Journal of the American Chemical Society, desenvolve unha metodoloxía que permite medir nun único experimento un proceso clave para fabricar materiais destinados á electrónica orgánica e as células solares Un equipo internacional liderado por persoal investigador da Un...

24/09/2026

🫧 No Centro de Investigación en Tecnoloxías Navais e Industriais - Citeni xa quecen os motores para a de mañá... e parece que algún obradoiro vai de burbullas!

🧪 Os compañeiros e compañeiras do Laboratorio de Fluídos xa están a preparar unha das actividades poñendo a proba a tensión superficial dos líquidos cunha p***a de xabón xigante.

🔎 Porque detrás de pequenos fenómenos que vemos todos os días hai moita ciencia por descubrir. E esta é só unha pequena mostra de todo o que temos preparado para a esta nova .

🔬 Nos dez obradoiros que estamos preparando poderedes achegarvos á mecánica de fluídos, á enxeñaría mecánica, á robótica, ás matemáticas, aos polímeros, á enerxía, ao deseño de buques ou á radiación nuclear, entre outras propostas.

🤝 E facémolo tamén da man dos nosos compañeiros e compañeiras do CITIC Centro de Investigación TIC - Universidade da Coruña, do CITMAga e da Asociación Española Contra el Cáncer.

📅 Botádelle unha ollada ao programa, escollede os vosos obradoiros e reservade a vosa praza! E compartide... para facer que a chegue a máis xente.

👉 Toda a información na sección de novas da web do Centro de Investigación en Tecnoloxías Navais e Industriais - Citeni.

23/09/2026

🎙️ Hoxe pasamos polos micrófonos para falar da G-Night: a Noite Galega das Persoas Investigadoras! A nosa directora Belén Montero contou na radio todo o que temos preparado no Centro de Investigación en Tecnoloxías Navais e Industriais - Citeni para o vindeiro venres 25 de setembro: dez actividades para experimentar, descubrir e achegarse á ciencia dun xeito diferente. E si, tamén falamos de todo o que hai detrás dos nosos laboratorios e das persoas que fan posible esta noite de ciencia.

🎧 Escoita a entrevista e achégate ao Campus Industrial Ferrol para g***r da G-Night!

Escucha este episodio de Voces de Ferrol - RadioVoz gratis en iVoox. La Universidade da Coruña participará este viernes, 25 de septiembre, en la sexta edición de la Noche Gallega de las Personas Investigadoras, G-Night,...

22/09/2026

☢️ Do diagnóstico á mitigación: como facerlle fronte ao radón nos edificios.

🏢 O radón está aí, aínda que non o vexamos. É un gas radioactivo de orixe natural que pode acumularse no interior dos edificios e, cando as súas concentracións son elevadas, convén saber como detectalo e, sobre todo, como actuar.

🔬 Precisamente sobre iso falou o investigador do Centro de Investigación en Tecnoloxías Navais e Industriais - Citeni e membro do grupo da Universidade da Coruña Saúl Beceiro, durante a III Xornada Divulgativa sobre o Gas Radón, que tivo lugar o pasado 11 de setembro na Facultade de Física da Universidade de Santiago de Compostela.

📏 Na súa intervención, «Radón en edificios: do diagnóstico á mitigación», Saúl partiu dunha idea sinxela pero fundamental: sen diagnóstico non hai mitigación. Primeiro hai que saber canto radón hai, onde se acumula e como se comporta no edificio. A partir de aí, pódense combinar diferentes técnicas para reducir a súa presenza.

💨 Unha das liñas nas que se está avanzando pasa por combinar medición e ventilación activas para conseguir sistemas máis intelixentes: en lugar de ventilar sempre do mesmo xeito, adaptar a ventilación ás condicións reais do edificio e aos niveis de radón. Máis control, máis eficiencia e, sobre todo, máis protección.

📚 Organizada polo Colexio Oficial de Físicos (COFIS) e a empresa derivada , a xornada permitiu tamén coñecer a Estratexia Galega Reduce Radón 2025-2030 e poñer sobre a mesa unha realidade que aínda cómpre mellorar: segundo os resultados preliminares dunha enquisa de percepción do risco presentados no encontro, o 64 % da poboación galega aínda descoñece a existencia do gas radón.

21/09/2026

🌃 O vindeiro venres, 25 de setembro, o Centro de Investigación en Tecnoloxías Navais e Industriais - Citeni e o Campus Industrial Ferrol da Universidade da Coruña participamos un ano máis na : a , unha iniciativa que forma parte da e que busca achegar a ciencia á cidadanía.

📅 Abriremos as nosas portas para vivir unha xornada de ciencia, experimentación e divulgación con 10 actividades, nas que poderedes:

🌊 Explorar o océano como fonte de enerxía do futuro.
🧪 Xogar coa ciencia dos biopolímeros e descubrir os plásticos biodegradables.
⚙️ Coñecer a relación entre o corpo humano e a enxeñaría mecánica.
🍳 Descubrir a mecánica de fluídos a través da cociña.
🧲 Visualizar a radiación nuclear e experimentar coa supercondutividade.
🖨️ Descubrir novos polímeros sostibles para a impresión 3D.
⚓ Poñer a proba os vosos coñecementos sobre deseño de buques.
🤖 Explorar a robótica intelixente e o papel dos sensores e da intelixencia artificial.
➗ Poñer a proba as matemáticas con materiais manipulables.
⚕️ Descubrir como iluminar o cancro para estudalo.

🤝 A programación, en Ferrol, contará tamén coa colaboración do CITIC Centro de Investigación TIC - Universidade da Coruña, do CITMAga e da Asociación Española Contra el Cáncer.

🟠 E como ven sendo habitual, a participación do Centro de Investigación en Tecnoloxías Navais e Industriais - Citeni esténdese tamén ata a A Coruña, a través do noso grupo , que se suma ás actividades programadas na cidade herculina, coa actividade «ROVs, simuladores e máis: visita á ETS Náutica y Máquinas (A Coruña)!».

🕔 Lembrade que pola mañá será o tempo para as visitas de centros escolares; e xa pola tarde, as actividades estarán abertas ao público xeral, de 17 a 20 h, con quendas de 20 min. e prazas limitadas. Reserva xa a túa e non quedes fóra!

👩‍🔬👨‍🔬 Ven, un ano máis, a experimentar, descubrir e aprender da man das persoas investigadoras do Centro de Investigación en Tecnoloxías Navais e Industriais - Citeni! 📰❗Velaquí a nova.

O Campus Industrial de Ferrol converterase o vindeiro 25 de setembro nun punto de encontro coa ciencia con motivo da G-Night 2026. O CITENI abrirá os seus laboratorios e espazos a centros educativos e público xeral cun programa de dez actividades prácticas arredor da enxeñaría, os materiais, a ...

14/09/2026

🌊 O recala por primeira vez en España e faino no Campus Industrial Ferrol.

👥 Máis de 80 persoas de arredor de 14 países reúnense esta semana en Ferrol para analizar como mellorar a estabilidade dos buques e reducir os riscos durante a navegación, especialmente ante situacións que poden comprometer a súa seguridade.

⚓ Na apertura da edición 21st International Ship Stability Workshop ( ), que tivo lugar esta mañá no Salón de Actos Concepción Arenal, interviron Marcos Míguez, director do Campus Industrial Ferrol; Vadim Belenky, presidente do International Standing Committee; Eduardo Dobarro, director de Navantia Ferrol; Ana Ares, vicerreitora do Campus de Ferrol, Igualdade e Responsabilidade Social, e Víctor Jiménez, presidente do International Maritime Organization - IMO.

🚢 Organizado polo Centro de Investigación en Tecnoloxías Navais e Industriais - Citeni, a través do Grupo Integrado de Ingeniería, o encontro conecta investigación, industria naval e regulación para abordar os retos da navegación e da seguridade marítima. 📰❗Velaquí a nova.

O Campus Industrial de Ferrol acolle do 14 ao 16 de setembro o 21st International Ship Stability Workshop (ISSW), que ten lugar por primeira vez en España e está organizado polo Centro de Investigación en Tecnoloxías Navais e Industriais (CITENI) a través do Grupo Integrado de Enxeñaría (GII)...

11/09/2026

🔧 Que ocorre nun mecanismo cando, co paso do tempo, aumenta o espazo entre os seus compoñentes?

⚙️ O uso e o desgaste poden xerar unha folgura mecánica, é dicir, un exceso de espazo ou movemento libre entre as pezas dun mecanismo que pode afectar ao seu comportamento dinámico. Detectala e caracterizala a tempo permite intervir antes de que os seus efectos comprometan o funcionamento de todo o sistema.

🔬 As folguras mecánicas son un dos ámbitos de investigación do Laboratorio de Enxañaría Mecánica ( ) do Centro de Investigación en Tecnoloxías Navais e Industriais - Citeni. Un exemplo é o estudo desenvolvido polo seu equipo xunto con investigadores de Ikerlan e LUT University (Finlandia) e que Fran González presentou na 22nd International Conference on Multibody Systems, Nonlinear Dynamics, and Control ( ), que tivo lugar en do 23 ao 26 de agosto.

📊 O estudo leva por título “Development of Data-Driven Methods for the Characterization of Mechanical Clearance” e aborda o desenvolvemento de métodos baseados en datos para detectar e caracterizar as folguras mecánicas.

🏆 Ademais, como vicepresidente do Technical Committee de Multibody Systems and Nonlinear Dynamics da American Society of Mechanical Engineers (ASME (American Society of Mechanical Engineers), Fran González fixo a entrega dos premios aos mellores traballos de investigación e codirixiu a reunión anual deste comité.

🌱 Atrás queda a época estival de congresos e encontros científicos. Chega setembro e toca volver aos laboratorios, con novas preguntas ás que buscar resposta. Porque algunhas investigacións poden mesmo comezar coa detección dunha simple folgura…