Lunes 09:00 - 19:00 Martes 09:00 - 19:00 Miércoles 09:00 - 19:00 Jueves 09:00 - 19:00 Viernes 09:00 - 19:00 Sábado 09:00 - 14:00

Campus Industrial Ferrol

Casa
España
Ferrol
Campus Industrial Ferrol

Perfil Oficial do Campus Industrial de Ferrol
(Universidade da Coruña)
e-mail: [email protected]
tfno.: +34 881 01 3621

O Campus Industrial de Ferrol está especializado principalmente no ámbito da Enxeñaría e ademáis, comprende estudos nas Ciencias do Artificial, Ciencias do Traballo, Ciencias da Saúde e as Ciencias Humanísticas. Conta con 6 centros onde se imparten 11 grados, 7 másteres e 6 programas de doutoramento e alberga multitude de actividades e servizos. Estudan ó redor de 2.600 alumnos e serve como motor da investigación, a innovación e o desenrolo conectando a universidade có entorno.

02/09/2026

O Campus Industrial Ferrol acolle, do 2 ao 4/SETEMBRO, o Encontro Ibérico de Reoloxía (IBEREO 2026), un econtro internacional no que se presentarán preto de 80 contribucións científicas, entre 40 comunicacións orais e 39 pósteres, e que reúne a case un centenar de persoas de 12 nacionalidades. A cita está organizada conxuntamente polo Grupo Español de Reoloxía (GER) e a Sociedade Portuguesa de Reoloxía (SPR), baixo a coordinación dos grupos de Polímeros e PROTERM do Centro de Investigación en Tecnoloxías Navais e Industriais - Citeni.

01/09/2026

O soldo xa non o é todo. Un TFG defendido o pasado mes de xullo na Facultade de Ciencias do Traballo estuda como o recoñecemento, o desenvolvemento profesional, a confianza no liderado e o sentimento de pertenza inflúen na decisión de permanecer nunha organización. Iván Montero Barros, graduado en Relacións Laborais e Recursos Humanos, aplica o concepto de employee journey e analiza as oportunidades e os retos éticos do uso da psicoloxía, a neurociencia, a análise de datos e a intelixencia artificial na xestión das persoas.

25/08/2026

A participación do Campus Industrial Ferrol no Abanca Pantin Classic Galicia Pro complétase cun stand divulgativo no que as persoas asistentes poderán coñecer a oferta académica da Universidade da Coruña na cidade departamental, así como varios dos proxectos de investigación e de transferencia desenvolvidos nos ámbitos da protección do medio mariño, da valorización de residuos, da economía circular, dos novos materiais sostibles e da conservación dos ecosistemas costeiros.

25/08/2026

O Campus Industrial Ferrol deseña e fabrica os oito trofeos da categoría QS 6000 Internacional do Abanca Pantin Classic Galicia Pro. As pezas, inspiradas nunha onda no momento de romper, foron creadas mediante impresión 3D con filamento PLA e incorporan area que simboliza a praia de Pantín, situada en Valdoviño (A Coruña). Detrás desta proposta están o profesor da Escola Universitaria de Deseño Industrial (EUDI), Pablo Fernández Galdo, e o técnico especialista en fabricación aditiva do Centro de Investigación en Tecnoloxías Navais e Industriais - Citeni, Juan Carlos Becerra Permuy.

07/08/2026

A Universidade da Coruña está a participar na 35ª edición de Equiocio Ferrol, do 6 ao 9/AGOSTO, no Campo das Cabazas en Covas, cun espazo expositivo propio no que amosa a súa oferta académica, a actividade investigadora e innovadora do Campus Industrial Ferrol, así como boa parte dos seus programas e servizos de responsabilidade social. O público asistente poderá coñecer iniciativas como a UDC Saudable, o programa Espazo Compartido, a Clínica Xurídica, o programa Afrontemos ou a Oficina de Cooperación e Voluntariado.

07/08/2026

O Centro de Investigación en Tecnoloxías Navais e Industriais - Citeni, situado no Campus Industrial Ferrol da Universidade da Coruña, investiga como xerar máis electricidade aproveitando a calor residual da industria. O estudo, publicado na revista Energy, está liderado pola doutoranda Ana Ortega e o profesor Alberto Arce, do Grupo de Investigación de Sistemas Térmicos (SISTER), e combina técnicas avanzadas de optimización inspiradas no comportamento dun enxame de abellas para identificar as condicións de funcionamento máis eficientes.

05/08/2026

A tese de doutoramento de Jesika Asatryan, desenvolvida no Centro de Investigación en Tecnoloxías Navais e Industriais - Citeni do Campus Industrial Ferrol da Universidade da Coruña, achega novas claves para comprender como o proceso de fabricación condiciona a estrutura e resistencia dos polímeros semicondutores. Os resultados permitirán avanzar no deseño de dispositivos electrónicos orgánicos máis fiables e duradeiros, con aplicacións en pantallas OLED, dispositivos fotovoltaicos, transistores orgánicos e outras tecnoloxías flexibles emerxentes.

03/08/2026

Buscas unha proposta divertida, educativa e que facilite a conciliación familiar ao rematar o verán? Campamento "Todas as Ideas Contan" impulsado pola Oficina de Igualdade de Xénero (OIX) da Universidade da Coruña ➡️ https://acortar.link/qMiI13
📆 do 31/AGOSTO ao 8/SETEMBRO 🕘 de 08:30 a 14:30 horas
📍 Campus Industrial de Ferrol 💰 95 € (xeral) 80 € (comunidade UDC)
☎️ 881 01 2312 📧 [email protected]

31/07/2026

Laura Castro Santos, investigadora do Centro de Investigación en Tecnoloxías Navais e Industriais - Citeni do Campus Industrial Ferrol da Universidade da Coruña, vén de ser distinguida co Premio Nacional Ángeles Alvariño na área de Ciencias e Tecnoloxías dos Recursos Naturais. É unha das dez persoas galardoadas nesta categoría na edición de 2026. O Ministerio de Ciencia, Innovación e Universidades (MICIU) recoñece así “a excelencia da súa traxectoria académica no desenvolvemento de tecnoloxías emerxentes”. Parabéns!!! 👏👏👏

31/07/2026

A Aula Magna da Facultade de Ciencias do Traballo do Campus Industrial Ferrol acolleu, este xoves 30/XULLO, a defensa da tese doutoral de Ignacio Picatoste, titulada “Fiscalidade, informalidade laboral e sustentabilidade social do traballo. Unha aproximación xurídico-económica desde o sector marítimo” e dirixida pola profesora Asunción L. Arranz. Esta investigación vén de converterse na segunda tese defendida no marco do Programa de Doutoramento en Relacións Laborais e Recursos Humanos e na primeira en obter a Mención de “Doutoramento Internacional”.

Dirección

R/Drive Vázquez Cabrera S/n
Ferrol
15403

Horario de Apertura

Lunes	09:00 - 19:00
Martes	09:00 - 19:00
Miércoles	09:00 - 19:00
Jueves	09:00 - 19:00
Viernes	09:00 - 19:00
Sábado	09:00 - 14:00

Teléfono

+34881013621

Página web

https://campusindustrial.udc.es/

Notificaciones

Sé el primero en enterarse y déjanos enviarle un correo electrónico cuando Campus Industrial Ferrol publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.