Facultade de Humanidades

Casa
España
Lugo
Facultade de Humanidades

Grao Xestión Cultural (presencial e semipresencial) e Máster Servizos Culturais (semipresencial).

Está ubicada en un entorno con abundantes instalaciones deportivas: Pazo dos Deportes, pistas de atletismo, piscina universitaria, y muy cerca de la Biblioteca Intercentros de Lugo. Grupos de las titulaciones que se imparten en la Facultad de Humanidades:

- Grado en Gestión Cultural:
- modalidad presencial: https://cutt.ly/T9tqQPw
- modalidad semipresencial: https://cutt.ly/A9tqG49
- Más

ter en Servicios Culturales:
http://goo.gl/Pw4XoT

+"Guía sobre a modalidade semipresencial para o alumnado da Facultade de Humanidades do Campus de Lugo, USC": https://cutt.ly/o9tq9WT

+ Guía sobre las salidas laborales y las competencias profesionales en las industrias culturales
http://goo.gl/7xuLYq

+ Enlace a buscadores web de emprego cultural: https://evemuseografia.com/2016/03/07/plataformas-de-busqueda-de-empleo-cultural/

Enlaces de interés:
http://xestoresculturais.gal/ - Asociación Galega de Profesionais da Xestión Cultural
https://www.wdl.org/es - La Biblioteca Digital Mundial pone a disposición en Internet, de manera gratuita y en formato multilingüe, importantes materiales fundamentales de culturas de todo el mundo.

28/08/2026

⏰ Lembra!

O vindeiro xoves, 3 de setembro a Cátedra en Xestión Cultural da USC organiza a mesa coloquio "O Arde Lvcvs a debate", un encontro para reflexionar sobre os desafíos de presente e de futuro dunha festa que este ano celebra o seu 25º aniversario e que xa é un referente como Festa de Interese Turístico Internacional.

Unha oportunidade para escoitar a representantes das asociacións do Arde Lvcvs e compartir unha conversa sobre o papel da participación cidadá, a identidade da festa e os retos que afrontará nos vindeiros anos.

📅 3 de setembro.
🕚 11:00 h.
📍 Casa do Saber (Pazo de Montenegro, Lugo).

Se che interesa a cultura, o patrimonio e a súa xestión, agardámoste 🙂.

21/08/2026

📄 Cada estudo, cada TFG, TFM ou tese achega novas ideas para comprender, conservar, innovar e transformar o sector cultural: investigar tamén é unha forma de construír o futuro da cultura 🙌.

Con ese obxectivo nace o I Premio de Investigación en Xestión Cultural "Ana Goy Diz", promovido pola Cátedra en Xestión Cultural da USC en colaboración coa Consellería de Cultura, Lingua e Xuventude da Xunta de Galicia, para recoñecer traballos inéditos que contribúan ao avance da investigación neste ámbito.

⏳ O prazo para presentar candidaturas remata o vindeiro 11 de setembro.

👉 Se defendiches un TFG, TFM ou tese sobre xestión cultural nunha universidade galega e obtiveches a máxima cualificación, consulta as bases e anímate a participar. As solicitudes presentaranse a través do rexistro electrónico da USC.

18/08/2026

🎶 Estamos en plena tempada de festivais, concertos e eventos culturais. Pero... algunha vez pensaches en todo o que hai detrás para que cada actividade chegue ao público?

A comunicación, a organización, a planificación, o traballo cos artistas, a coordinación de equipos, a creación de campañas ou a busca de financiamento tamén forman parte da xestión cultural.

Porque a cultura non só se crea: tamén hai que organizala, comunicala e facela chegar ás persoas 🙌.

🎓 Se estás pensando no teu futuro universitario, o Grao en Xestión Cultural prepárate para desenvolverte en ámbitos profesionais tan diversos coma estes.

📩 Se tes dúbidas ou queres máis información sobre as prazas dispoñibles, ponte en contacto coa Unidade de Xestión Académica de Lugo no correo [email protected]!

12/08/2026

Dende a Facultade de Humanidades queremos facervos unha recomendación para este mes de verán e de lecer 🙂: unha visita á exposición "Arde Lvcvs. 25 anos de festa, 2000 anos de historia".

A mostra propón un percorrido pola evolución dunha das festas de recreación histórica máis emblemáticas de Galicia, achegándose ao Arde Lvcvs desde diferentes perspectivas: histórica, cultural, artística, turística e social 🛡.

📸 Fotografías, carteis, documentación histórica, recreacións dixitais e contidos interactivos permiten descubrir como medrou a festa ao longo destes 25 anos e o papel que desempeña hoxe como referente do patrimonio e da identidade de Lugo.

📍 Sede da Delegación Territorial da Xunta de Galicia en Lugo.
📅 Ata o 19 de decembro.
🕘 De luns a venres, de 9:00 a 19:30 h.
🎟️ Entrada gratuíta e libre.

Unha oportunidade para redescubrir a historia do Arde Lvcvs a través dunha exposición organizada pola Cátedra en Xestión Cultural da USC, en colaboración coa Consellería de Cultura, Lingua e Xuventude da Xunta de Galicia e comisariada polas profesoras Miriam Elena Cortés López e Patricia Cupeiro López.

06/08/2026

📅 O pasado mes de xullo, inauguramos a Cátedra en Xestión Cultural, en colaboración coa Consellería de Cultura, Lingua e Xuventude da Xunta de Galicia.

Ese día, o profesor Gonzalo Francisco Fernández Súarez, director da Cátedra e a profesora María Dolores Fernández Tilve, co-directora da Cátedra, fixeron fincapé en que naceu cunha vocación clara: impulsar a investigación, a formación e a innovación ao servizo da cultura 🙂.

🗣En palabras de Gonzalo: "Esta cátedra nace como un claro recoñecemento a un ámbito profesional e académico que vén acaparando un crecente protagonismo dentro do Estado español", e que, como indicou Dolores, ten un claro obxectivo: "Potenciar o sector da cultura na sociedade lucense e, por extensión, en Galicia, tanto na súa vertente social como formativa e económica".

Un proxecto que reforza o compromiso da Facultade de Humanidades da USC coa investigación, a transferencia de coñecemento e a profesionalización da xestión cultural 🙌.

📸 El Progreso de Lugo.

29/07/2026

🗣️ O Arde Lvcvs a debate.

A Cátedra en Xestión Cultural, en colaboración coa Consellería de Cultura, Lingua e Xuventude da Xunta de Galicia, organiza unha mesa de coloquio para reflexionar sobre o presente e o futuro do Arde Lvcvs, Festa de Interese Turístico Internacional, coincidindo coa conmemoración do seu 25 aniversario.

📅 3 de setembro
🕚 11:00 horas
📍 Casa do Saber (Pazo de Montenegro, Lugo)

O coloquio estará moderado por Gonzalo Francisco Fernández Suárez, director da Cátedra Institucional de Xestión Cultural da USC, e contará coa participación de representantes de catro das asociacións que dan vida á festa:

👉 Julio Severino Montero Barcala, da Asociación Mercenarios Galaicos.
👉 Pilar Rey Fernández, da Asociación Asamblearias Lucus Augusti.
👉 Teófilo García Rodríguez, da Asociación Caetra Lucensium.
👉 Alejandro Barrio Arias, do Grupo Vindicta Recreación Histórica.

Un encontro pensado para seguir construíndo, entre todas e todos, o futuro do Arde Lvcvs 🙂.

24/07/2026

O 17 de xullo celebramos o acto de graduación da segunda promoción do Grao en Xestión Cultural da USC 🥰.

É xusto agradecer ao alumnado a súa participación e o seu esforzo neste tempo de aprendizaxes compartidas 💚.

🎭🎻 Nós estamos felices de ver a novas persoas profesionais integrarse nun sector, o da , que camiña con paso firme cara ao futuro.

22/07/2026

🗓️ O prazo para a participación no "I Premio de Investigación en Xestión Cultural Ana Goz Diz" está aberto ata o vindeiro 11 de setembro.

👩🏻‍💻 Está dirixido a persoas que defendesen unha tese de doutoramento, TFG ou TFM nunha universidade galega antes do curso 2025/2026, relacionados coa xestión cultural, que obtivesen a máxima cualificación e que non fosen premiados nin publicados previamente.

🎖️ O premio para a persoa gañadora son 3.000€. As solicitudes deben presentarse no rexistro electrónico da USC, no que están dispoñibles as bases da convocatoria.

ℹ️ É unha iniciativa da Cátedra Institucional de Xestión Cultural da USC, en colaboración coa Consellería de Cultura, Lingua e Xuventude da Xunta de Galicia.

👉 Máis información:

14/07/2026

📅 O pasado venres, día 10 de xullo, inaugurouse a exposición "Arde Lvcvs. 25 anos de festa, 2000 anos de historia", impulsada pola Cátedra en Xestión Cultural da USC e en colaboración coa Consellería de Cultura, Lingua e Xuventude da Xunta de Galicia.

🖼 Esta exposición propón unha mirada diferente sobre unha das grandes celebracións da nosa cidade, declarada de Interese Turístico Internacional. A través da historia, a fotografía, a investigación e a innovación, a mostra percorre a evolución da festa e pon en valor o traballo das asociacións e das persoas que a fan posible ano tras ano.

Comisariada polas profesoras Miriam Elena Cortés López e Patricia Cupeiro López, a exposición poderá visitarse de balde na Sede da Delegación Territorial da Xunta de Galicia en Lugo ata o mes de decembro, en horario de 9:00 a 19:30 horas.

No acto, tamén participaron o delegado territorial da Xunta de Galicia en Lugo, Alfonso Villares; a alcaldesa, Elena Candia; e a vicepresidenta do Parlamento, Raquel Arias xunto cos directores da Cátedra, Gonzalo Francisco Fernández e Dolores Fernández.

🏛️ Unha mostra de que o Arde Lvcvs tamén se pode contar desde a investigación, o patrimonio e a universidade. Isto tamén supón unha oportunidade para descubrir como a xestión cultural contribúe a conservar, interpretar e transmitir o noso patrimonio ás xeracións presentes e futuras 🙂.

Dirección

Complexo Docente Do Campus De Lugo S/n
Lugo
27002

Página web

https://www.usc.gal/gl/centro/facultade-humanidades

Notificaciones

Sé el primero en enterarse y déjanos enviarle un correo electrónico cuando Facultade de Humanidades publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.

Contacto La Universidad

Enviar un mensaje a Facultade de Humanidades:

¿Quieres que tu universidad sea el Universidad mas cotizado en Lugo?