Lunes 08:00 - 22:00 Martes 08:00 - 22:00 Miércoles 08:00 - 22:00 Jueves 08:00 - 22:00 Viernes 08:00 - 22:00

EPS de Enxeñaría

Casa
España
Lugo
EPS de Enxeñaría

Escola Politécnica Superior de Enxeñaría do Campus Lugo (Universidade de Santiago de Compostela) Todas elas permiten adquirir competencias profesionalizantes.

A Escola Politécnica Superior de Enxeñaría forma titulados dende 1993, ano da súa fundación. As nosas ensinanzas están fundamentalmente relacionadas coa xestión do territorio, e moi especialmente, co rural. Así poderás cursar con nós titulacións relacionadas coa agronomía, o forestal, a topografía, a enxeñaría civil e as industrias agroalimentarias e madeireiras. Somos un centro multidisciplinar c

on ampla experiencia formativa e investigadora onde poderás atopar cursos de especialización para posgraduados. A EPS é un centro internacionalizado que recibe habitualmente estudantes latinoamericanos e europeos. Coñécenos!!

27/08/2026

🏫🤝 𝗩𝗶𝘀𝗶𝘁𝗮 𝗶𝗻𝘀𝘁𝗶𝘁𝘂𝗰𝗶𝗼𝗻𝗮𝗹 𝗮́𝘀 𝗶𝗻𝘀𝘁𝗮𝗹𝗮𝗰𝗶𝗼́𝗻𝘀 𝗱𝗼 CRAEGA - Consello Regulador da Agricultura Ecolóxica de Galicia

Comeza unha rolda de visitas institucionais a empresas, administracións e outros organismos co obxecto de coñecer de primeira man as actividades desenvolvidas nestas entidades, darlle visibilidade ao noso centro e aos seus grupos de investigación e identificar eivas formativas que se poidan corrixir na formación dos nosos egresados, para adecuala ás necesidades actuais.

Así mesmo, búscase fomentar a realización de prácticas en empresas por parte do noso alumnado e avaliar a posibilidade de implantar a formación dual.

🌱 A primeira destas visitas realizouse ao Consello Regulador da Agricultura Ecolóxica de Galicia (Craega), na súa sede central en Lugo. Durante o encontro visitáronse as instalacións do Consello e intercambiáronse impresións con varios dos seus técnicos 📸

20/08/2026

🎓📢 Publicada a listaxe de prazas vacantes nos mestrados da USC!

O período de matrícula comeza este xoves 20 de agosto ás 10:00 h e as prazas ofertadas cubriranse por orde de matrícula 🗓️✨

Na EPSE aínda podedes optar, sempre que queden prazas dispoñibles, aos seguintes mestrados:

• Máster en Dirección de Proxectos
• Máster en Enxeñaría Agronómica
• Máster en Enxeñaría de Montes
• Máster en Enxeñaría da Paisaxe 🌿🆕
• Máster en Sistemas Aéreos non Tripulados
• Máster en Vehículos Autónomos 🤖🆕

Continuade a vosa formación nun centro conectado coa innovación, a tecnoloxía, o territorio e a realidade profesional 🚀

🔗 Máis información sobre as titulacións da EPSE:

https://www.usc.gal/es/centro/escuela-politecnica-superior-ingenieria

Campus Terra USC | Universidade de Santiago de Compostela

31/07/2026

🆕 𝕌́𝕃𝕋𝕀𝕄𝔸𝕊 ℕ𝕆𝕍𝔸𝕊 𝔻𝔸 𝔼ℙ𝕊! 🆕

💠Un estudio analizará el origen de la madera usada en el coro de la catedral de Lugo. La Escola Politécnica de Lugo aprovechará la próxima rehabilitación para estudiar el nogal, que es del siglo XVII.
➡️ https://acortar.link/bMT0kl

💠LIFE Timber for All leva a cabo o ensaio do primeiro prototipo a escala real dos sistemas ROD-TCC. Realizado no laboratorio de PEMADE, é un paso clave para validar estas solucións híbridas de madeira e formigón orientadas a reducir a pegada de carbono da construción.
➡️ https://acortar.link/ZNt9XS

💠USC e Bioflytech únense para deseñar un sistema de monitorización da humidade en cultivos de mosca soldado negra. Con este proxecto pioneiro buscan desenvolver un modelo estándar e escalable de apoio á toma de decisións que permita aumentar a produción de proteínas, graxas e fertilizante de forma máis eficiente e sostible.
➡️ https://acortar.link/qfG8E0

Campus Terra USC | Universidade de Santiago de Compostela

30/07/2026

📰 A profesora da EPSE Rosa Romero publica en El Progreso de Lugo o artigo de opinión “Conservar para seguir vivindo”, unha reflexión sobre a importancia de coidar o territorio, o medio rural e os recursos que sosteñen a nosa forma de vida 🌱🌍

Un texto que convida a mirar cara ao futuro desde a responsabilidade colectiva, poñendo en valor a conservación como unha ferramenta imprescindible para seguir avanzando como sociedade.

🔗 Podedes ler o artigo completo na seguinte ligazón 👇
https://www.elprogreso.es/opinion/rosa-romero/conservar-seguir-vivindo/202607282230001988225.html

Campus Terra USC | Universidade de Santiago de Compostela

22/07/2026

🌾📚 Ao longo da súa dilatada traxectoria como docente na EPS de Enxeñaría, o profesor Mario Hernández reuniu unha valiosa colección de sementes de cultivos herbáceos, froito de anos de dedicación ao ensino e á agronomía 🌱✨

Unha parte desta colección, de interese práctico e patrimonial, pode visitarse na entrada do pavillón 1 da EPSE. A mostra complétase con coleccións elaboradas polo propio estudantado como parte dos traballos da materia, o que reflicte o rigor, a aprendizaxe aplicada e a dedicación que caracterizan a formación impartida na Escola durante décadas 👏

Campus Terra USC | Universidade de Santiago de Compostela

21/07/2026

🔬 𝘼 𝙞𝙣𝙫𝙚𝙨𝙩𝙞𝙜𝙖𝙘𝙞𝙤́𝙣 𝙙𝙖 𝙀𝙋𝙎𝙀 𝙨𝙚𝙜𝙪𝙚 𝙢𝙚𝙙𝙧𝙖𝙣𝙙𝙤 𝙚 𝙘𝙖𝙥𝙩𝙖𝙣𝙙𝙤 𝙩𝙖𝙡𝙚𝙣𝙩𝙤, 𝙛𝙞𝙣𝙖𝙣𝙘𝙞𝙖𝙢𝙚𝙣𝙩𝙤 𝙚 𝙤𝙥𝙤𝙧𝙩𝙪𝙣𝙞𝙙𝙖𝙙𝙚𝙨!

Os grupos de investigación da Escola acadaron un importante resultado na última convocatoria de 𝗣𝗿𝗼𝘅𝗲𝗰𝘁𝗼𝘀 𝗱𝗲 𝗫𝗲𝗿𝗮𝗰𝗶𝗼́𝗻 𝗱𝗲 𝗖𝗼𝗻̃𝗲𝗰𝗲𝗺𝗲𝗻𝘁𝗼 𝗱𝗮 𝗔𝘅𝗲𝗻𝗰𝗶𝗮 𝗘𝘀𝘁𝗮𝘁𝗮𝗹 𝗱𝗲 𝗜𝗻𝘃𝗲𝘀𝘁𝗶𝗴𝗮𝗰𝗶𝗼́𝗻 (𝗔𝗘𝗜), coa concesión de 𝗰𝗶𝗻𝗰𝗼 𝗽𝗿𝗼𝘅𝗲𝗰𝘁𝗼𝘀 𝗰𝗼𝗺𝗽𝗲𝘁𝗶𝘁𝗶𝘃𝗼𝘀 e unha captación de financiamento próxima aos 𝟵𝟬𝟬.𝟬𝟬𝟬 𝗲𝘂𝗿𝗼𝘀 👏

🌱 𝗖𝗢𝗦𝗢𝗜𝗟𝗦𝗘𝗗 estudará a transferencia de fármacos anticoccidiais desde os solos agrícolas ata ríos e zonas costeiras, buscando estratexias de mitigación para protexer solos, augas e sistemas mariños.

♻️ 𝗥𝗘𝗖𝗔𝗣𝗧𝗨𝗥𝗘 investigará novas vías para transformar xurros, dixestatos e residuos agroindustriais en fertilizantes circulares de alto valor agronómico, contribuíndo á rexeneración sostible dos solos.

🗺️ 𝗣𝗟𝗔𝗡-𝗘𝗔𝗦𝗘 desenvolverá ferramentas para mellorar a planificación agroforestal fronte ao cambio climático, integrando os servizos ecosistémicos na toma de decisións sobre os usos do territorio.

☀️ 𝗣𝗹𝗮𝗻𝗲𝗮𝗠𝗮𝗿𝗲𝘀 avanzará na planificación de plataformas fotovoltaicas flotantes no medio mariño, mediante unha ferramenta de análise espacial para identificar os emprazamentos máis axeitados.

🛰️ 𝗔𝗟𝗕𝗢𝗥 traballará na integración de datos de campo e tecnoloxía LiDAR para mellorar a monitorización forestal a grande escala e contribuír á resiliencia dos montes.

Estes proxectos, vinculados aos grupos 𝗣𝗥𝗢𝗲𝗣𝗟𝗔 (Proxectos e Planificación USC), 𝗨𝗫𝗔𝗙𝗢𝗥𝗘𝗦, LaboraTe 𝗲 𝗖𝗜𝗚𝗘𝗢, reforzan o compromiso da EPSE coa investigación aplicada, a sostibilidade, a innovación e a xeración de coñecemento para afrontar os grandes retos actuais 🚀🌍

Campus Terra USC | Universidade de Santiago de Compostela

20/07/2026

📰🌲 La Voz de Galicia (Somos Agro) publicou unha noticia sobre Ainoa Míguez, que estudou na nosa escola o dobre grao en Exeñaría Agrícola e Agroalimentaria e en Enxeñaría Forestal e do Medio Natural. Neste artigo, Míguez explica os retos actuais da xestión forestal e a necesidade de aproveitar todas as posibilidades do monte 🌿

Tamén destaca que hoxe xa non abonda con “plantar e esquecerse”, senón que cómpre planificar, xestionar e diversificar os usos forestais, tendo en conta oportunidades vinculadas á produción de madeira, aos dereitos de carbono ou aos novos aproveitamentos do territorio 💡🌍

Un exemplo do papel das persoas formadas na EPSE na innovación, na xestión sostible e no futuro do sector forestal 👏

Campus Terra USC | Universidade de Santiago de Compostela

17/07/2026

🔥🌿 Na EPSE despedimos o curso compartindo a nosa tradicional churrascada en comunidade 🎉

Un momento para facer pausa, celebrar o traballo feito ao longo destes meses e desfrutar dun encontro distendido 🤝✨

Grazas a todas e todos e, especialmente, a Enrique Tacón, Enrique Comesaña, Carlos Núñez e Efrén 👏

Agora toca coller forzas para o que vén. Bo verán! ☀️

Campus Terra USC | Universidade de Santiago de Compostela

14/07/2026

👏 Unha gran nova para a EPSE, o Campus Terra e Lugo!

A próxima edición do Congreso Anual de AEIPRO-IPMA celebrarase en 2027 na nosa Escola e será organizada por Proxectos e Planificación USC 🎉

Un recoñecemento ao traballo que se desenvolve desde a EPSE no ámbito da dirección e xestión de proxectos, a innovación e a transferencia de coñecemento, e unha oportunidade para converter Lugo nun punto de encontro para profesionais, investigadores, empresas e institucións 🤝✨

📍 Vémonos en Lugo en 2027!

Campus Terra USC | Universidade de Santiago de Compostela

13/07/2026

🎓✨ O pasado sábado 11 de xullo celebramos na EPSE os actos de graduación do alumnado do Dobre Grao en Enxeñaría Agrícola e Agroalimentaria e en Enxeñaría Forestal e do Medio Natural, do Grao en Enxeñaría Forestal e do Medio Natural, do Grao en Enxeñaría Agrícola e Agroalimentaria e do Grao en Enxeñaría Civil 👏

Foi unha xornada moi especial para recoñecer o esforzo, a dedicación e o talento dunha nova promoción de tituladas e titulados, que inician agora unha nova etapa como profesionais chamados a contribuír ao futuro do sector agrario, forestal, civil e do medio rural 🌱🌲🏗️

O acto contou coa participación de Roberto Bande, vicerreitor de Coordinación do Campus de Lugo; Carlos Amiama, director da EPSE; Elena Candia - Alcaldesa de Lugo, Concello de Lugo; Alfonso Villares, delegado territorial da Xunta de Galicia en Lugo; Miguel Fernández Méndez, deputado de Formación, Ensino e Economía do Coñecemento; Xaime Óscar Iglesias, decano do Colexio Oficial de Enxeñeiros Técnicos Forestais de Galicia; José Manuel Piñeiro, tesoureiro do Colexio Oficial de Enxeñeiros Técnicos de Obras Públicas de Galicia, e Marcos Vázquez, vicepresidente do Colexio Oficial de Enxeñeiros Técnicos Agrícolas de Lugo 🤝

Parabéns a todas e todos! Desde a escola desexámosvos moito éxito nos retos profesionais que están por vir 🚀💚

Campus Terra USC | Universidade de Santiago de Compostela

Dirección

Rúa Benigno Ledo S/n, Campus Universitario
Lugo
27002

Horario de Apertura

Lunes	08:00 - 22:00
Martes	08:00 - 22:00
Miércoles	08:00 - 22:00
Jueves	08:00 - 22:00
Viernes	08:00 - 22:00

Página web

http://www.usc.es/eps

Notificaciones

Sé el primero en enterarse y déjanos enviarle un correo electrónico cuando EPS de Enxeñaría publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.