Campus Terra USC

02/06/2026

Profesor@s do Campus Terra chegando a final de curso: 🧘‍♀️🎤✨

02/06/2026

01/06/2026

🌾💚 Outro ano máis podemos dicir que a Feira de Primavera de Emprendedoras foi un auténtico éxito!

Dende o Campus Terra USC queremos celebrar a boa acollida que tivo esta nova edición da Feira de Primavera de Emprendedoras, que baixo o lema ‘Artesanía Innovadora no Rural’ reuniu na Praza Maior da nosa cidade a decenas de mulleres emprendedoras de referencia, representantes das administracións públicas e público en xeral.

Consolidada xa como un espazo de colaboración onde compartir valiosas experiencias, tecer redes de apoio e impulsar alianzas estratéxicas, a Feira converteuse nun excelente escaparate de proxectos sostibles e innovadores asinados por mulleres con profundas raíces no noso territorio.

Moitas grazas a todas as persoas que fixeron posible a Feira e á cidadanía por achegarse a desfrutar connosco dunha xornada inesquecible. Vémonos na próxima! 😉

01/06/2026

🌿🔬 Mañá, ás 12:00 horas na Facultade de Veterinaria, terá lugar a presentación oficial do iTERRA, o Instituto de Investigación en Saúde Global e Desenvolvemento Sostible do Campus Terra USC.

Presidido pola reitora da Universidade de Santiago de Compostela, Rosa Crujeiras, o acto institucional de presentación contará con varias microintervencións de persoal investigador deste centro, seguidas dunha conversa sobre retos científicos compartidos baixo o lema 'Ciencia conectada para retos complexos: microcharlas e conversa'.

A continuación, será a quenda da mesa de diálogo ‘iTERRA e a conexión coa sociedade’, na que participarán varios representantes de administracións, tecido empresarial e organizacións sociais.

Finalmente, trala clausura do acto por parte de Marta López Alonso, directora do iTERRA, habilitarase un espazo de encontro no que continuar co diálogo arredor dun aperitivo ofrecido coa colaboración de empresas innovadoras do sector alimentario.

👉 https://www.usc.gal/gl/xornal/eventos/presentacion-oficial-iterra

29/05/2026

🌿⌛ A Feira de Primavera de Emprendedoras está á volta da esquina!

En menos de 24 horas, a Praza Maior de Lugo estará ateigada de artesanía, gastronomía, música, demostracións e experiencias de altísimo valor compartidas por decenas de mulleres que innovan dende o rural, comprometidas co progreso sostible do noso territorio.

Hoxe continuamos coa presentación dalgunhas mulleres que mañá serán as protagonistas da Feira:

🪵 Estela Insua, fundadora da marca Pura Garra - Carpintería fotográfica, dende a que deseña pezas únicas de xoiaría en madeira

🏺 María Sánchez, que crea pezas moi especiais no seu obradoiro de cerámica Ceniza de papel

👜 Lucía Sánchez, a muller detrás da singular firma de complementos feitos a man Jerolas

🍶 Isabel Carril, que dende o proxecto Lanalutum dá forma a orixinais pezas de cerámica de autor

🎨 Cristina Vázquez, que baixo o nome de Crystilandia Art amosa a súa particular visión do mundo a través de obras pictóricas pintadas sobre táboas de madeira

💼 Ana Novo, cuxo proxecto TRES Caracoles ten como protagonista ao coiro na elaboración de complementos e accesorios exclusivos

🪆 Marga Portomeñe, que dende Portomeñekos. Arte en cartón/pedra. crea orixinais figuras artesanais personalizadas en cartón pedra

Lembramos que a entrada é libre e que a Feira terá lugar de 10:30 a 18:30 horas. Vémonos! 😉

28/05/2026

🤝 Hoxe tivo lugar a primeira xuntanza de traballo entre o novo equipo directivo do Campus Terra USC e a Xunta de Galicia.

Na reunión, o vicerreitor de Innovación e Transferencia de Coñecemento da Universidade de Santiago de Compostela, Marcelo Maneiro, a directora do Campus Terra, Marta Miranda, e o secretario xeral de Universidades, José Alberto Díez, analizaron os retos do noso campus nos próximos anos, que se realizarán no marco do novo convenio para desenvolver a súa estratexia de especialización no período 2026/29.

👉 https://www.usc.gal/gl/xornal/novas/primeira-xuntanza-traballo-equipo-directivo-campus-terra-xunta-galicia

28/05/2026

🦠 Sensibilizar e formar sobre o potencial das terapias avanzadas contra o cancro desde o enfoque dunha soa saúde.

Este é o obxectivo principal de ‘Terapias avanzadas contra o cancro baixo o enfoque dunha soa saúde’, o primeiro dos seminarios que se desenvolverán no vindeiro mes de xuño baixo o marco do Plan Formativo do Campus Terra USC.

Dirixida ao alumnado de Bioquímica e Nutrición, a acción formativa porá o foco na inmunoterapia e na nanomedicina como ferramentas innovadoras no tratamento do cancro, así como no enfoque ‘One Health’ na investigación oncolóxica.

O seminario, coordinado polas docentes do noso campus Saskia C. Flament Simon e Mª Dolores López Pedrouso, será impartido por Fernando Torres Andón.

📍 Onde? No salón de actos da Facultade de Ciencias

📆 Cando? O mércores 3 de xuño, de 12:00 a 14:00 horas

A inscrición pode formalizarse a través da seguinte ligazón: https://forms.cloud.microsoft/pages/responsepage.aspx?id=LEUNj6S3ZEm4EIw5c3RHe2pSadVNiD9Gu1ikK2v_Qr9UODA1VjU4WVlUSUVVQUlSNFhEVjBQQzk0QS4u&route=shorturl

👉 https://www.usc.gal/gl/campusterra/eventos/seminario-terapias-avanzadas-cancro-enfoque-soa-saude

27/05/2026

27/05/2026

🌿❤️ Xa queda menos para a Feira de Primavera de Emprendedoras!

Este sábado, 25 espazos expositivos, dúas mesas redondas, unha demostración artesanal e un espazo de degustación ateigarán o centro da nosa cidade neste encontro de mulleres emprendedoras que dende o rural crean proxectos de artesanía, auténticos motores de innovación e identificación cultural para o noso territorio.

Para ir quentando os motores, hoxe presentamos a catro das artesás que participarán na Feira:

🏺 Sandra González, que vén dende Rinlo co seu proxecto de creación de pezas de cerámica personalizadas Viva la Pepa creaciones.

🪡 Gabriela Pereiro, que dende ‘Una2Vida’ dálle unha segunda oportunidade a accesorios e produtos téxtiles para transformalos en pezas moi especiais

👜 Mercedes Buján, artista do coiro que crea complementos e pezas decorativas orixinais de forma completamente artesá co seu proxecto ‘Bolboretas de Coiro’

🪵 Keyla Jaimes, a muller detrás do proxecto de corte e gravado en madeira e papelería creativa totalmente personalizada, Manos inkietas.

Non o esquezas! A entrada é libre, e a Feira desenvolverase na Praza Maior de 10:30 a 18:30 horas. Agardamos por ti! 😉