Lunes 08:00 - 22:00 Martes 08:00 - 22:00 Miércoles 08:00 - 22:00 Jueves 08:00 - 22:00 Viernes 08:00 - 22:00

Campus Auga Universidade de Vigo

Casa
España
Orense
Campus Auga Universidade de Vigo

Conta oficial do Campus Auga, campus de especialización da Universidade de Vigo.

O Campus Auga é un proxecto da Universidade de Vigo, que conta co apoio da Xunta de Galicia e representa unha oportunidade para establecer no campus de Ourense un campus líder en temáticas da auga, con capacidade para expandir a súa plataforma de investigación e innovación e para obter novas fontes de financiamento que aseguren o seu papel na comunidade internacional de educación superior e garanta a súa sustentabilidade a longo prazo.

03/09/2026

📢 Xornada "Seguros agrarios e cambio climático: retos xurídicos para a protección do medio rural"

🌱 Como pode o sector asegurador responder aos novos riscos derivados do cambio climático?

O vindeiro 21 de setembro, a Facultade De Dereito Ourense acolle unha xornada na que se analizarán os retos xurídicos e as novas oportunidades que ofrecen os seguros para a protección do medio rural ante a inestabilidade climática.

Ao longo da xornada abordaranse, entre outras cuestións:

🌦️ Os seguros paramétricos como ferramenta innovadora para o sector agrario, capaces de ofrecer respostas máis rápidas e transparentes ante determinados fenómenos climáticos.

🌿 Os seguros medioambientais e a súa función na cobertura dos riscos derivados de danos ambientais e procesos de contaminación.

⚖️ As fortalezas, retos e capacidade de adaptación do sector asegurador ante un escenario marcado polo cambio climático e por sinistros de maior magnitude.

📅 21 de setembro de 2026
🕥 10.45 h
📍 Facultade de Dereito | Campus de Ourense
🎟️ Asistencia gratuíta e presencial, ata completar aforo.

👉 Para asistir é necesario inscribirse antes do 18 de setembro, enviando un correo electrónico a [email protected].

Este evento conta coa colaboración do Campus Auga da Universidade de Vigo, en virtude do convenio asinado entre a Consellería de Educación, Ciencia, Universidades e Formación Profesional da Xunta de Galicia e a Universidade de Vigo, con motivo da súa acreditación como Campus de Especialización do SUG para o período 2024-2027.

02/09/2026

II Concurso Fotográfico sobre Igualdade do IAA!

Baixo o lema «Enfocando a igualdade: mulleres, ciencia e diversidade», o Instituto de Agroecoloxía e Alimentación invita o seu estudantado e persoal a participar nun certame que busca visibilizar a igualdade de xénero, a diversidade e a equidade no ámbito científico.

As fotografías poderán reflectir, entre outros temas:

🔬 A igualdade de oportunidades na investigación
👩‍🔬 O papel das mulleres na ciencia
🌈 A diversidade de xénero
🤝 Iniciativas que promovan a equidade
📷 Situacións cotiás que representen a igualdade

Cada participante poderá presentar ata dúas fotografías orixinais e inéditas, en cor ou en branco e negro.

🏆 Premios: 🥇 Primeiro premio: 250 € e diploma
🥈 Segundo premio: 150 € e diploma
🥉 Dous terceiros premios: 100 € e diploma cada un

🗓️ Prazo de participación: ata o 30 de setembro de 2026 ás 23:59 h.

Consulta as bases completas da convocatoria aquí 👉 iaa.uvigo.gal/2026/07/o-iaa-convoca-o-ii-concurso-fotografico-sobre-igualdade/

Instituto de Agroecoloxía e Alimentación
Universidade de Vigo

29/08/2026

A través do Programa de Pulo, o Campus Auga apoiará cinco iniciativas de investigación orientadas á valorización e transferencia do coñecemento xerado no campus de Ourense 🌱🔬

Os proxectos están liderados por:

👩‍🔬 María Luisa Rúa e Ana María Torrado, do grupo TEZE, que investigarán a produción e validación de prebióticos a partir de macroalgas e palla de trigo.

👩‍🔬 Helena Raquel dos Santos Fernandes, do grupo BiotecnIA, que estudará un biofilm sostible de quitosano obtido de insectos.

👨‍🔬 Pedro Miguel Ferreira Santos, do grupo Bio2Val, que desenvolverá unha fariña funcional a partir de bagazo de uva do Ribeiro.

👨‍🔬 Diego Fernández, de EphysLab, que validará unha ferramenta para predicir riscos agroclimáticos e mellorar a planificación agrícola.

Con estas iniciativas, o Campus Auga impulsa a investigación aplicada, a innovación e o desenvolvemento dunha economía máis sostible e circular, a seguir avanzando! 🚀

25/08/2026

O profesor Alberto Vaquero asume a dirección do Campus Auga, relevando no cargo a Roberto Ignacio Fernández. O seu reto máis inmediato será acadar a reacreditación desta especialización por parte da Xunta de Galicia.

Con ampla traxectoria docente e investigadora na Universidade de Vigo, Vaquero coñece de preto o desenvolvemento do Campus Auga, no que participou desde os seus primeiros plans estratéxicos e nos comités científico e executivo.

Entre as súas prioridades están:

🔹 Conseguir a reacreditación do Campus Auga como campus de especialización do Sistema Universitario Galego.
🔹 Reforzar a colaboración entre as súas liñas de especialización: alimentación funcional, agricultura e medio ambiente e xestión da auga termal.
🔹 Potenciar áreas transversais como a intelixencia artificial, a economía circular e a lexislación agroalimentaria e ambiental.
🔹 Impulsar a investigación, a docencia e a transferencia de coñecemento desde unha perspectiva multidisciplinar.
🔹 Mellorar a colaboración con outros campus de especialización, empresas e institucións públicas e privadas.

“Campus Auga ten que ser o selo de calidade para o noso campus de Ourense”, afirma o novo director, que afronta esta nova etapa con ilusión, compromiso e espírito de equipo.

30/07/2026

O Campus Auga, como o resto da Universidade de Vigo, pecha as súas portas do 3 ao 17 de Agosto 😎

Aproveitaremos para repoñer forzas, e volveremos listos para comezar un novo curso, vémonos! 😉

24/07/2026

Auria Technologies brilla en Silverstone (FSUK-AI)! 🚗🤖🏁

O equipo Universidade de Vigo pechou este domingo a súa participación na Formula Student UK–Artificial Intelligence (FSUK-AI), celebrada no mítico circuíto de Silverstone. Nesta edición, o seu sistema de condución autónoma para un coche eléctrico con IA logrou cumprir os obxectivos e acadar o mellor resultado da súa historia:📍 Posto 12 na clasificación xeral con 358 puntos.

Entre os mellores fitos:

🏆 Top 4 en Real World AI
🏆 Top 10 en Simulation
🏆 Top 10 en Autonomous System Design

E ademais: 70 puntos máis nas probas estáticas respecto á pasada tempada.

🎯 Outro gran avance: por primeira vez, conseguiron completar dúas das dez voltas na proba de resistencia, mellorando así a fiabilidade e o desenvolvemento do vehículo autónomo.

O único representante galego nesta competición internacional, e o proxecto é froito do traballo de estudantes de Intelixencia Artificial e Enxeñaría Informática, Enxeñaría Aeroespacial e Turismo, coa colaboración de Xunta de Galicia, UVigo, CESGA e varias entidades e empresas.

Moitos parabéns, e a por todas! 💪🚀

22/07/2026

🌱🥔 O Grupo Operativo XIPrisco remata tres anos de traballo para impulsar un cultivo da pataca máis sostible.

O proxecto, no que participa o Campus Auga da Universidade de Vigo a través do Grupo de Investigación en Sistemas Agroambientais (GISA), desenvolveu ferramentas de apoio á toma de decisións para un manexo sostible das principais enfermidades da pataca: mildio e alternariose.

🤝 Contou coa colaboración de investigadores, técnicos e agricultores, permitindo trasladar o coñecemento científico á práctica agrícola.

📉 Os modelos conseguiron reducir un 40-50% os tratamentos fúnxicos sen perder rendibilidade nas dúas principais zonas produtoras de pataca de Galicia (A Limia e Bergantiños), e avaliouse a adaptación do cultivo ás condicións climáticas actuais.

O grupo GISA foi o responsable do deseño experimental e seguimento científico dos ensaios, a validación dos modelos de predición e a transferencia dos resultados ao sector.

Ademais, coa colaboración do grupo de Enxeñaría Informática do Campus de Ourense, desenvolveuse unha aplicación para consultar o risco en tempo real e facilitar a toma de decisións no campo.

🔗 Máis información:
https://www.uvigo.gal/universidade/comunicacion/duvi/grupo-operativo-xiprisco-desenvolve-modelos-predicion-capaces-reducir-metade-os-tratamentos-funxicos

17/07/2026

A Vicerreitoría do Campus de Ourense convoca a oitava edición dos Premios de Investigación, Transferencia e Divulgación Científica do Campus Auga. Unha oportunidade para recoñecer e estimular o traballo do PDI, persoal investigador e alumnado en liñas de especialización como alimentación funcional, agricultura e medio ambiente, xestión da auga termal, e áreas transversais de soporte (IA, economía circular e lexislación agroalimentaria e ambiental).

📌 Prazo de presentación: ata o 31 de xullo.

🏆 Modalidades:
* Mellor TFG/TFM
* Teses de doutoramento
* Mellor contribución científica de alto impacto
* Mellor resultado de transferencia
* Accións e actividades de divulgación científica

O total de premios ascende a 12.000 €, con recoñecemento público mediante certificación oficial e entrega nun acto institucional 🎉

Se desenvolves investigación, transferencia ou divulgación vinculada ao Campus Auga, esta é a túa 💡🌊

Máis información en: secretaria.uvigo.gal/uv/web/avisos/aviso/show/49816

Universidade de Vigo

16/07/2026

O Campus Auga, o proxecto de especialización do Campus de Ourense acreditado pola Xunta de Galicia, xa resolveu unha convocatoria de axudas para apoiar proxectos liderados por persoal investigador de traxectoria excelente pertencente aos grupos de investigación do Campus Auga da Universidade de Vigo.

A convocatoria, dotada con 80.000 euros, permitirá financiar catro proxectos con 20.000 euros cada un durante a anualidade 2026, co obxectivo de reforzar a captación e retención de talento investigador no marco do programa Ramón y Cajal.

Estos son investigadores/as beneficiarios:

▪️ Andrés Rodríguez
▪️ Pedro Miguel Ferreira
▪️ Jorge Eiras
▪️ Paula Pérez

Parabéns ás persoas seleccionadas e moito éxito no desenvolvemento dos seus proxectos! 👏🔬

Un paso máis para seguir avanzando cara a unha investigación aplicada e con impacto real!
Noticia completa en: https://www.uvigo.gal/universidade/comunicacion/duvi/campus-auga-apoia-catro-proxectos-investigacion-persoal-traxectoria-excelente

13/07/2026

🚀 Digital_Expo xa é unha realidade!

A Universidade de Vigo participa nun proxecto Interreg-POCTEP para impulsar a dixitalización dos recintos feirais e centros expositivos da Eurorrexión Galicia-Norte de Portugal.

💡 Cun orzamento de arredor de 1 millón de euros, financiado con fondos FEDER da UE, o proxecto aposta por unha tecnoloxía intelixente e conectada para mellorar a eficiencia dos espazos expositivos e ofrecer unha mellor experiencia a expositores e visitantes.

O proxecto, lanzado o pasado venres 26 de xuño en Ourense, desenvolverase durante 2026 e 2027. Está liderado pola Dirección Xeral de Comercio e Consumo da Xunta de Galicia, e conta coa colaboración da UVigo, de Expourense-Fundación de Feiras e Exposicións de Ourense, e das cámaras municipais de Viana do Castelo, Arcos de Valdevez e Ponte de Lima.

Por parte da UVigo participa un equipo multidisciplinar integrado por persoal docente e investigador de catro centros do Campus Auga: a Escola Superior de Enxeñaría Informática - ESEI, a Facultade De Dereito Ourense, a Facultade de Ciencias Empresariais e Turismo e a Escola de Enxeñaría Aeronáutica e do Espazo. Este equipo achegará a súa experiencia na validación de solucións tecnolóxicas, no desenvolvemento de proxectos piloto con tecnoloxías dixitais avanzadas e na transferencia de coñecemento e formación para as pemes.

🌍 Un exemplo máis de colaboración entre universidade, empresas e territorio para avanzar cara á transformación dixital.

Dirección

Campus Sur
Orense
32004

Horario de Apertura

Lunes	08:00 - 22:00
Martes	08:00 - 22:00
Miércoles	08:00 - 22:00
Jueves	08:00 - 22:00
Viernes	08:00 - 22:00

Página web

http://campusauga.uvigo.es/

Notificaciones

Sé el primero en enterarse y déjanos enviarle un correo electrónico cuando Campus Auga Universidade de Vigo publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.