Instituto de Agroecoloxía e Alimentación

08/10/2026

🌍 Visita da UMCS á Facultade de Ciencias do Campus de Ourense

O 7 de outubro recibimos na Facultade de Ciencias do Campus de Ourense unha delegación da Uniwersytet Marii Curie-Skłodowskiej w Lublinie (UMCS), Polonia, no marco da rede europea ATHENA.

🤝 No encontro participaron representantes do IAA, e dos grupos Food and Health Omics, TEZE, Bio2Val, e BV1, xunto coa delegación da universidade polaca.

A xornada permitiu poñer en común actividades académicas e liñas de investigación e identificar áreas de interese compartido entre as dúas universidades.

29/09/2026

♻️ Compartimos esta actividade do proxecto europeo BIOTRANSFER, que terá lugar o mércores 14 de outubro

♻️ BIOTRANSFER | Economía circular e valorización de recursos

📅 Mércores, 14 de outubro
🕐 13:00-14:00 h
📍 Salón de Graos Vicente Risco · Edificio de Ferro · Campus Auga

No marco do proxecto europeo BIOTRANSFER, financiado polo programa Interreg España-Portugal (POCTEP), celebrarase unha xornada de presentación do Mapa de Recursos para a Economía Circular en Galicia e Portugal.

Presentarase unha ferramenta baseada en intelixencia artificial para identificar oportunidades de acción en economía circular a partir dos subprodutos da cadea de valor alimentaria.

🌱 Un espazo para coñecer novas posibilidades de valorización de recursos, innovación e aproveitamento de subprodutos no sector alimentario.

25/09/2026

🍺 Cervexa artesá con auga termal de Ourense

O TFG de Arturo Dorelle Rodríguez, tutorizado pola investigadora do IAA Inmaculada Franco Matilla, analiza o efecto da auga termal de Ourense na elaboración de cervexa artesá.

📰 Faro de Vigo:

El estudio científico realizado por la UVigo destaca la buena acogida de los consumidores hacia la ce***za elaborada con agua termal, que presenta un amargor más persistente y una coloración característica

24/09/2026

🌱 Comeza SoilPATH!

O proxecto europeo SoilPATH – SOIL Practices Assessment and Transition for Health iniciou a súa andaina coa xornada de lanzamento celebrada os días 22 e 23 de setembro en Gante (Bélxica).

🔬 Coordinado pola Universiteit Gent, SoilPATH é un proxecto de Horizon Europe que estudará como as prácticas agrícolas inflúen na saúde do solo e no rendemento das explotacións agrarias.

🌱 A Universidade de Vigo e o IAA participan no consorcio a través do grupo BV1. Na reunión participaron os IP da UVigo, Antía Gómez Armesto e Daniel Arenas Lago, xunto con David Fernández Calviño, líder do WP2, e Manuel Conde Cid.

🤝 Estas primeiras xornadas permitiron aos socios definir prioridades e establecer as bases do traballo para os próximos cinco anos.

21/09/2026

🌱 A Universidade de Vigo destaca en agroalimentación no Shanghai Ranking GRAS 2026

✔ Posto 25º do mundo e 3º de Europa en Food Science & Technology
✔ Rango 151-200 a nivel mundial en Agricultural Sciences

🔬 Estes resultados poñen de manifesto a forte proxección internacional da investigación en agroalimentación da Universidade de Vigo e están estreitamente relacionados co traballo desenvolvido polo Instituto de Agroecoloxía e Alimentación (IAA), con sede no Campus Auga, que desempeña un papel destacado na investigación nestes ámbitos.

17/09/2026

🌱 O IAA no Soils For Europe Conference

Os investigadores María Jesús Iglesias Briones e Andrés Rodríguez Seijo (BV1) participaron no Soils For Europe Conference, celebrado do 7 ao 11 de setembro en Coimbra (Portugal).

O encontro reuniu arredor de 500 investigadores para compartir avances sobre a saúde do solo.

🔬 O IAA estivo representado na feira aberta ao público, con máis de 40 proxectos, a través de SOB4ES, InBestSoil, BIOservicES e AGROSUS.

👩‍🔬 María Jesús participou na organización dunha mesa redonda sobre políticas de solo e presentou resultados sobre pesticidas e biodiversidade do solo.

👨‍🔬 Andrés participou nunha mesa redonda do proxecto IMPACT e presentou resultados de InBestSoil no Cluster de Contaminación do Solo da Comisión Europea.

🤝 Unha oportunidade para compartir resultados e experiencias coa comunidade investigadora europea.

l

16/09/2026

🌱 O IAA na ###IV Reunión Nacional de Suelos

Do 1 ao 4 de setembro celebrouse en Alcoi (Alacant) a RENS 2026, organizada pola Sociedad Española de la Ciencia del Suelo e a Universidade Miguel Hernández de Elche, xunto con outras entidades.

O IAA participou a través do grupo Planta, Solo e Aproveitamento de Subprodutos (BV1), con 13 comunicacións sobre saúde e calidade do solo, contaminación, fertilización, solos forestais e viticultura.

🔬 As contribucións incluíron resultados dos proxectos VITI-VALMO, InBestSoil e AGROSUS.

👉 Máis información nas webs do IAA e do BV1.

08/09/2026

🚀 Tes un proxecto innovador no sector alimentario? Esta é a túa oportunidade!

Xa está aberta a convocatoria da IX edición da Business Factory Food (BFFood), a aceleradora do sector alimentario galego, impulsada pola Xunta de Galicia e dinamizada polo Clúster Alimentario de Galicia, en colaboración con Igape e Xesgalicia.

BFFood busca potenciar startups alimentarias e axudalas a converterse en empresas viables, escalables e innovadoras, favorecendo o seu crecemento e a xeración e retención de talento no sector.

Que ofrece BFFood?

✔️ Mentoría personalizada con empresas referentes no sector
✔️ Formación especializada para fortalecer o teu modelo de negocio
✔️ Acceso a infraestruturas e servizos técnicos
✔️ Networking e conexión co ecosistema agroalimentario
✔️ Apoio financeiro, con subvencións de ata 25.000 € e posibilidade de préstamos participativos

Se tes un proxecto en fase inicial, cun produto ou servizo mínimo viable e un modelo de negocio aliñado cos retos do sector alimentario, esta pode ser unha boa oportunidade para impulsar o seu crecemento.

📅 Infoday online: 11 de setembro, ás 13:00 h
📅 Demoday da VII edición: 23 de setembro, pola mañá

👉 Consulta a convocatoria e as bases:
bffood.gal/convocatoria

03/09/2026

📸 Xa está aquí a segunda edición do concurso fotográfico «Enfocando a igualdade: mulleres, ciencia e diversidade»!

O Instituto de Agroecoloxía e Alimentación (IAA) convoca unha nova edición deste certame co obxectivo de promover a igualdade de xénero, a diversidade e a equidade a través da fotografía.

Se formas parte do estudantado ou do persoal do IAA, anímate a participar presentando unha ou dúas fotografías que reflictan a igualdade, a diversidade e a equidade no ámbito científico, académico ou laboral.

🏆 Premios:
🥇 250 €
🥈 150 €
🥉 Dous premios de 100 €

📅 Prazo de presentación: ata o 30 de setembro de 2026.

📄 Consulta as bases da convocatoria na nosa páxina web.