Academia de la Llingua Asturiana

13/10/2026

Pablo Rodríguez Medina, en nome de la institución, recoyó esti sábadu l'Enguedeyu de Bronce, gallardón concedíu pola agrupación del mesmu nome.

Pa l'Academia ye motivu del máximu arguyu ver reconocida la so xera dende la sociedá civil que defende y esparde la cultura tradicional del país. Munches gracies al Coleutivu de Baille y Música Tradicional «L'Enguedeyu» y norabona pol so trabayu.

08/10/2026

🏛 XLIV Congresu Internacional de Filoloxía y Cultura Asturianes

🗓 Los díes 3, 4 y 5 de payares del 2026

📍 Facultá de Filosofía y Lletres de la Universidá d'Uviéu. Salón d'actos del Edificiu Alministrativu.

L'accesu a les conferencies del Congresu ye llibre. Sicasí, les persones que s'inscriban van recibir un certificáu d'asistencia.

📝 Inscríbite en: https://cutt.ly/iyxP2RZd
➡️ Más información en: https://alladixital.org/cifca/

XLIV Congresu Internacional de Filoloxía y Cultura asturianes (CIFCA)[Antigües xornaes internacionales d'estudiu] El Congresu Internacional de Filoloxía y Cultura Asturianes (antigües Xornaes Internacionales d’Estudiu) ye l’actividá d’intercambéu de producción investigadora … Continue...

06/10/2026

📣 Les bases de los diez concursos que convoca l'ALLA pa esti añu yá tán asoleyaes na web de la institución.

Los que formen el certame d’investigación queden yá abiertos a la receición de propuestes hasta’l 31 de mayu del 2027. Los dos de la olimpiada escolar, anque yá convocaos, nun abren les inscripciones hasta'l 11 de xineru del 2027.

Consulta tola información nesti enllaz:

CONCURSOS [PÁXINA WEB EN CONSTRUCCIÓN]RECOYIDA DE MATERIAL TOPONÍMICO ORALConcursu de recoyida de material toponímico oral ensin asoleyar, qu’abarque la totalidá d’una parroquia, un grupu de parroquies o un conceyu. Les … Continue reading "Concursos"

30/09/2026

«Los cuentos de Ñuberu» presentáronse ayeri, nel Palaciu de Valdecarzana d’Avilés, con una asistencia bultable qu’arropó al autor Miguel Solís Santos. Esta obra abre Medría, la nueva coleición de lliteratura infantil y xuvenil de l'Academia.

Nel actu, Miguel Solís Santos y l’académicu Xosé Ramón Iglesias Cueva ufrieron un repás didáuticu y perentreteníu del entamu de la lliteratura infantil y xuvenil n’asturianu.

¡Gracies por acompañanos!

30/09/2026

📣 ¡Últimu día pa matriculase nel cursu d'asturianu nivel A1-A2!

🧑‍🏫 Esti cursu, empobináu a les persones que quieran tener un averamientu elemental a la llingua asturiana, va impartise nel llar de l’Academia los martes y xueves del 6 d'ochobre al 15 d'avientu del 2026 n’horariu de 17 a 20 h.

El preciu, de 150 euros, inclúi materiales y inscripción na Prueba de nivel final.

Matricúlate equí: https://forms.cloud.microsoft/e/E79uFHqHbw

27/09/2026

Hoi, Día Europeo das Llinguas, a Academia quer sumar el sou llabor diario polla dignificación, a investigación y el espardimento del asturiano y el eonaviego á celebración y os obxetivos d'esta xornada. Este 2026, ponse el acento en achegar y animar á xente al aprendizaxe d’idiomas a cualquer edá col fin de crear pontes de gran valir prá inclusión y el entendemento cultural y social entre personas d'orixe diverso.

Más información en: https://edl.ecml.at/fr/Home

25/09/2026

📣 ¡Últimos díes pa matriculate nel cursu d’asturianu A1-A2!

El 30 de setiembre zarra’l periodu de matrícula nel cursu presencial del programa Noyos, empobináu a persones adultes que quieran algamar un nivel elemental d’asturianu.

🗓️ Del 6 d’ochobre al 15 d’avientu
🕔 Martes y xueves, de 17 a 20 h
📍 Llar de l’Academia de la Llingua Asturiana (Uviéu)
📚 100 hores de formación
👥 20 places
✅ Ensin requisitos d’entrada

Al acabar el cursu va facese una prueba que permite certificar el nivel elemental d’asturianu a les persones que l’aprueben.

Más información y matrícula:
https://alladixital.org/programa-noyos/

23/09/2026

💻 El Congresu Mundial de Cultura Asturiana caltién activa la so páxina web, onde siguen pudiendo sentise y vese les ponencies y conferencies ufiertaes n'Uviéu en febreru del añu pasáu, amás de semeyes y muncha otra información.

➡️ https://alladixital.org/cmca25/

📚 Arriendes d'ello, el númberu 29 de Cultures, editáu en dos volúmenes, axunta bona parte d'aquelles contribuciones, agora en forma d'artículos. Dambos tomos tán a la venta y puen mercase xuntos o independientes.

17/09/2026

🗓 El martes 29 de setiembre, a les 19:00 h, preséntase’l llibru «Los cuentos de Ñuberu», de Miguel Solís Santos, nel Palaciu Valdecarzana d'Avilés.

☁️ Nesta edición remocicada recuéyense los cinco llibros espublizaos pola ALLA nos años 80: L’Arcu Iris y Ñuberu (1982); Les cuatro estaciones y Ñuberu (1983); Los cazadores, los llobos y Ñuberu (1984); Los árboles, l’ocalitu y Ñuberu (1985) y Ñuberu y la paz (1987).

L'actu va presentalu Xosé Ramón Iglesias Cueva y la entrada ye llibre hasta enllenar aforu.