Academia de la Llingua Asturiana

30/04/2026

📣 ¡El segundo númaro de Viermo Carpinteiro chega ás llibreirías!

📚 Con motivo da Semana das Lletras Asturianas, á que se ye pon el ramo el 8 de mayo col Día del Llibro Asturiano y el Día das Lletras Asturianas nel Teatro Campoamor, xa ta dispoñible nas llibreirías el númaro dous de Viermo Carpinteiro, a revista de creación lliteraria en eonaviego da Secretaría Llingüística del Navia-Eo. A publicación ofrece un llugar pras voces consolidadas das nosas lletras, peró tamén un espacio de creatividá pras firmas más novas. As vente collaboracióis de poesía, narrativa y traducción dan fe d’ello.

Despós del ésito del primeiro númaro, del que xa se fexo úa reimpresión, el diseño da revista sigue reflexando el obra artística y cultural del Navia-Eo, esta vez cua reinterpretación xeométrica de dalgús motivos da industria hidráulica del territorio.

29/04/2026

La revista Lliteratura vuelve nel so númberu 42 con un dossier monográficu, dedicáu esta vez a «L’Asturies industrial». Al traviés de poesía, narrativa y ensayu faise un viaxe pel pasáu, presente y futuru d’un territoriu arraigonáu na industria y nos procesos complementarios al so desarrollu y desaniciu, too ello de la mano d’autores como Francisco Álvarez, Solinca Turbón, Ramón Lluís Bande o Blanca Fernández Quintana 🏭.

🖌️ El númberu, fuera yá del dossier, sigue coles seiciones a les que tán avezaos les y los llectores: poesía, narrativa, ensayu, traducción, entrevistes o crítica, desenvuelta enforma esta última con trabayos d’autores como Lourdes Álvarez, Raquel Fernández Menéndez, Pablo X. Suárez, Pablo Rodríguez Medina o Marta López.

Consigui’l to exemplar nes llibreríes asturianes y na de l’ALLA yá dende’l llunes 4 de mayu qu’abre la Selmana de les Lletres Asturianes.

28/04/2026

Güei, 28 d'abril, a les 18:30 h., preséntase nel Palaciu del Conde de Toreno (Uviéu) el primer volume de la obra «Pequeñu Atles Llingüísticu d'Asturies». Nella, los autores Claudia Elena Menéndez Fernández y David Guardado Diez, van falar de la conceición y metodoloxía del proyeutu, de la temática del primer volume y del formatu de la obra.

¡Vémonos ellí!

27/04/2026

📝Ábrese a inscripción na proba d’acceso al curso de capacitación en eonaviego.

🧑‍🏫Esta proba é necesaria pra poder matricularse nel curso de capacitación en eonaviego, destinao ás personas que queren dedicarse á docencia del eonaviego nas escolas y nos institutos del Navia-Eo.

23/04/2026

📍 Güei celébrase "San Xurde" con motivu del Día del Llibru n'Asturies.

La iniciativa, entamada pol Gremiu d'Editores d'Asturies y sacada alantre a comuña col Gobiernu d'Asturies, los gremios de llibreríes, comercios, confiteríes, panaderíes, biblioteques y productores de Miel d'Asturies IXP, fai la so segunda edición medrando n'establecimientos y actividaes al rodiu d'esta fecha.

Encamentámoste a que, nun día como güei, acompañes los llibros con una rosca de San Xurde duce o salada. ¡Tán volando! ¡Nun quedes ensin elles!

Más información nesti enllaz: https://cutt.ly/1tJBsPFi

22/04/2026

22/04/2026

🗓️El martes 28 d'abril, a les 18:30 h, preséntase’l primer volume (El mundu animal) del Pequeñu Atles Llingüísticu d'Asturies nel Palaciu Conde de Toreno d'Uviéu (Plaza Porlier, 9).

🗣️ Nel actu van intervenir Xosé Antón González Riaño, Presidente de l’Academia de la Llingua Asturiana; Claudia Elena Menéndez Fernández y David Guardado Diez, coordinadores de la obra, y Ana Vanesa Gutiérrez González, Conseyera de Cultura, Política Llingüística y Deporte del Gobiernu del Principáu d’Asturies.

L'accesu ye llibre hasta completar l'aforu.

21/04/2026

📍 Esti xueves, 23 d'abril, celébrase la segunda edición de San Xurde pa conmemorar el Día del Llibru n'Asturies.

La propuesta, frutu de la collaboración ente’l sector editorial, panaderu, confiteru, apícola y comercial d'Asturies, propón celebrar esta xornada con un xestu doble: regalar un llibru y una rosca de San Xurde, ellaborada artesanalmente en dos versiones —salada y dulce— por panaderíes y confiteríes de dellos puntos d’Asturies.

📚Una fecha pa compartir llectura, territoriu y cultura.

20/04/2026

🎉XLVII Día de les Lletres Asturianes
🎉XLVII Día das Lletras Asturianas

¡Acuta'l día!

🗓Vienres, 8 de mayu del 2026
🕖19:00 hores
📍Teatru Campoamor, Uviéu

08/04/2026

🎉XLVII Día de les Lletres Asturianes
🎉XLVII Día das Lletras Asturianas
🗓Vienres, 8 de mayu del 2026
🕖19:00 hores
📍Teatru Campoamor, Uviéu