Fundación Alexandre Bóveda

10/10/2026

A Fundación Alexandre Bóveda despedimos onte a un dos nosos patronos fundadores.

Un home que estudou en detalle a política económica de Bóveda e sempre contribuíu a espallar a súa memoria.

Onte despedimos a un bo e xeneroso. Descansa en paz, querido Beiras.

07/10/2026

A conferencia "Pintar a Galiza Mártir" examina o compromiso das administracións poñendo baixo a lupa a resposta institucional á memoria democrática

09/09/2026

Mañá, ás 19:30h temos un acto de homenaxe ás vítimas que, canda Bóveda, perderon a vida contra aquel piñeiro.

Unha merecida homenaxe, pública e aberta.

Esta semana no Museo de Pontevedra 👇



Con Fundación Alexandre Bóveda

09/09/2026

04/09/2026

15/08/2026

🍂⭐ As cascas do piñeiro, contra o que foron fusilados hai 90 anos Alexandre Bóveda, Víctor Casas, Amancio Caamaño, José e Germán Adrio, Telmo Bernárdez, Paulo Novás, Ramiro Paz, Luis Poza, Benigno Rey e Juan Rico, reuniranse por vez primeira coa "Derradeira leición do mestre".

Grazas, sempre, ao valor, á afouteza e ao profundo amor de Amalia Álvarez Gallego 💜💐.

O acto vai celebrarse este luns 17 de agosto ás 11.30 horas diante do cadro 'A derradeira leición do mestre', pintado por Castelao, que permanece temporalmente no Museo

14/08/2026

🌟 O vindeiro luns, 17 de agosto, temos unha programación completa para celebrar o Día da Galiza Mártir.

Un ronsel de actos en colaboración co Museo de Pontevedra, o Concello de Poio e o Concello de Pontevedra, e acompañados pola Fundación Castelao.

Sinalamos que o acto do Museo será pechado, só para autoridades, formacións políticas e prensa, debido ás condicións de acceso á Sala de exposicións temporais, ao aforo máximo establecido, e a que o Museo os luns non abre ao público.

Podes acompañarnos nos demais actos, para o que deixamos unha infografía con tódolos detalles 👇🏻

26/06/2026

🎉 Presentamos o cartel da VIII Semana cultural‼️

Baixo o título "Pensamento e innovación na Galicia da II República. Paralelismo coa situación actual", trataremos a situación do Ensino e as vangardas artísticas dos anos '30 e a renovación da política económica e da sociedade galega pola que traballou Alexandre Bóveda, no 90 aniversario do seu pasamento polas armas.

Contaremos con Amalia Bóveda e Valentín G. Bóveda para a apertura das sesións e pecharemos cunha visita guiada polos reloxos de sol de Igrexa de San Bieito de Fefiñáns e falando das eclipses solares deste ano e dos que veñen.

🎙️ Teremos tamén acompañamento musical de Erea Castro, Grupo Barahúnda e Francisco Castro.

Un programa completo, co que vos convidamos a acompañarnos:

🗓️ 1-4 de xullo
⏰ 20h
📍 Terraza baixo os Magnolios. Pazo de Fefiñáns.

23/06/2026

12/06/2026

💐 Onte o presidente e varias membros do Padroado da Fundación Alexandre Bóveda estivemos acompañando á nosa presidenta de honra, Amalia Bóveda, que agora tamén é Premio pontevedresa de honra 2026.

O seu férreo compromiso coa Memoria democrática e o legado de Alexandre Bóveda fíxoa merecente deste galardón, outorgado polo Diario de Pontevedra. 🏆