Facultade de Ciencias da Comunicación - USC

Casa
España
Santiago de Compostela
Facultade de Ciencias da Comunicación - USC

Benvidx á Facultade de Ciencias da Comunicación da Universidade de Santiago de Compostela 🗞📺🎥

03/06/2026

O estudantado da materia ‘Fundamentos da Produción Audiovisual’ (1º de Comunicación Audiovisual), impartida polo profesor Raúl García, estreou o venres 29 de maio os videoclips realizados como parte da materia.

📽️ Na gala, presentada por Irene Alba e Lucas Pérez, amosáronse os traballos dos grupos USC Records, ES3LA2, Prieto Producións Camera Films, Vivienn3, Bota Negra Producións, Compás Produción, Bendith Prod e MCA Productions, que levaron ao audiovisual temas de Ismael Cabaleiro, Gillamett, Marcos Flac, Xiro, Krug, Rookah ft 1Xenay, Why not?, m4n$$ e Xalundes.

🎼 9 videoclips que ilustran o moito e bo que pode facer esta nova xeración de CAV!

Parabéns polo voso traballo! 👏🏽

20/05/2026

A FaCom convértese estes días nun espazo para a memoria e a reflexión sobre o xornalismo 📰

🗞️ No corredor que vai do hall ao auditorio poderás visitar a exposición que percorre os 80 anos de traxectoria da Asociación de Periodistas de Santiago, poñendo en valor o papel da profesión na vida pública e social da cidade.

12/05/2026

💡 O estudantado de IV Ciclo Universitario de Vilagarcía de Arousa visitou as instalacións da FaCom para coñecer de primeira man como se forma as xornalistas e os comunicadores do futuro.

📺 Na mesma xornada, este grupo do Programa Universitario de Maiores da USC experimentou unha inmersión na Corporación de Servizos Audiovisuais de Galicia (CSAG) cunha entrevista en directo no programa 'A Tarde' da Radio Galega e a participación na gravación dun programa de Televisión de Galicia.

A actividade desenvolveuse no marco da materia 'Comunicación xornalística. Medios, mediacións e informacións', impartida polos profesores Miguel Túñez, César Fieiras e Tania Lombao.

Grazas pola visita e polo entusiasmo na aprendizaxe ao longo da vida. Sodes exemplo 🌱

11/05/2026

Luns de sementar 🌱

🎙️ Pauli González Díaz (Dobre Grao) é a autora do pódcast 'Nadie T Preguntó', un espazo de entrevistas a xente nova descoñecida con experiencias que merecen ser contadas.

Este proxecto contou máis de corenta historias dende 2023, tivo repercusión en medios radiofónicos e culminou a segunda temporada cun evento en directo no Fórum Metropolitano da Coruña. 👏

ℹ️ Para escoitar os relatos de 'Nadie T preguntó', fai clic no enlace da historia.

11/05/2026

💡 O estudantado das materias 'Industrias culturais' (2º CAV) e 'Documental contemporáneo' (4º CAV), impartidas polos profesores Cibrán Tenreiro e Mª Soliña Barreiro, realizou unha práctica de campo no , que celebrou a súa 22ª edición en Tui entre o 29 de abril e o 3 de maio.

🎬 O equipo do festival debullou a súa organización interna e as tarefas precisas para a dirección, programación e produción do evento, achegando ás persoas asistentes ao funcionamento dunha entidade clave na distribución cinematográfica no noso contexto. A maiores, o estudantado participante observou tamén a dinámica do Play-Doc asistindo ás proxeccións de 'Últimas conversas' (Eduardo Coutinho) e 'Pelo, papel e auga...' (Nicolas Graux e Trương Minh Quý).

🙌🏻 Moitas grazas ao equipo do festival pola acollida!

08/05/2026

📢 Nesta semana na que rematan as aulas temos que destacar unha especial: a última clase do profesor Xosé López.

🏛️ Vinculado á USC dende o 1992, foi decano e director de Departamento da FaCom, director do grupo de investigación Novos Medios e coordinador do Grao en Xornalismo.

🖋️ O 7 de maio impartiu a súa última clase ao estudantado de 4º de Xornalismo que cursa a materia de Movementos Xornalísticos. Uns días antes despediuse do estudantado de 1º curso da materia de Redacción Xornalística. Foi unha clase moi especial porque recibiu a homenaxe dos/as compañeiros/as da Facultade, que -por un momento- ocuparon o lugar dos seus estudantes.

Ben seguro que non imos esquecer nunca a súa retranca e tampouco esa maneira de entender o xornalismo coa mirada dun Balbino 📚.

Dende a FaCom sumámonos a todo o afecto que está recibindo a través dos medios de comunicación nestes días e queremos desexarlle moita sorte para esta nova etapa 🫂.

Feliz e merecida xubilación, profesor López! 👏🏼

07/05/2026

📢 O profesor Silvino Lopes Évora, presidente do Consello Científico e coordinador de Ciencias da Comunicación na Universidade de Cabo Verde, visítanos no marco do programa Erasmus+ e estará compartindo a súa experiencia en varias materias: Comunicación Cidadá (coa profesora Tania Forja), Movementos xornalísticos (co profesor Xosé López) e Dereito da comunicación e propiedade intelectual (co profesor José María Lorenzo).

Bem-vindo!

05/05/2026

📢 Este ano foron 18 as comunicacións presentadas polo alumnado de Métodos de Investigación en Comunicación (3º de Xornalismo), materia impartida pola profesora Sara Pérez Seijo, na cuarta edición do .

Os e as estudantes expuxeron en formato comunicación os artigos científicos que deben entregar como traballo final da materia ✅. O obxectivo do FaComgreso é replicar as dinámicas reais dun congreso científico e preparar ao alumnado para a defensa de traballos académicos, como o TFG 🗣️.

Parabéns a todas e a todos por superar este desafío! 👏🏼

30/04/2026

A xornalista Tamara Montero 🗞️ visitou as aulas de 'Movementos Xornalísticos' (4º curso do Grao en Xornalismo) para compartir co estudantado a súa forma de abordar a narración de historias factuais dende a práctica profesional.

Foi un pracer contar de novo na FaCom con talento da casa: Tamara Montero, que traballa en La Voz de Galicia, é alumni da .

Dirección

Avda De Castelao, S/n. Campus Norte
Santiago De Compostela
15782

Página web

https://www.usc.gal/gl/centro/facomusc

Notificaciones

Sé el primero en enterarse y déjanos enviarle un correo electrónico cuando Facultade de Ciencias da Comunicación - USC publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.