Facultade de Bioloxía USC

Facultade de Bioloxía USC Información de contacto, mapa y direcciones, formulario de contacto, horario de apertura, servicios, puntuaciones, fotos, videos y anuncios de Facultade de Bioloxía USC, Avenida Lope Gómez de Marzoa, s/n, Santiago de Compostela.

🎓 A Facultade de Bioloxía celebra a graduación da XIV promoción do Grao en BioloxíaO pasado 6 de xuño, o Teatro Composte...
31/07/2026

🎓 A Facultade de Bioloxía celebra a graduación da XIV promoción do Grao en Bioloxía
O pasado 6 de xuño, o Teatro Compostela acolleu o acto de graduación da XIV promoción do Grao en Bioloxía da Universidade de Santiago de Compostela, nunha xornada chea de emoción, recoñecemento e celebración compartida coas familias, amizades e profesorado.
A cerimonia estivo presidida polo vicerreitor de Profesorado e Innovación Docente da USC, Pablo Taboada Antelo, acompañado polo decano da Facultade de Bioloxía, Jesús López Romalde; a madriña da promoción, a profesora Victoria González González; o padriño da promoción, o profesor Jaime Gómez Márquez; e o representante do Colexio Oficial de Biólogos de Galicia (COBGA), Pablo Fernandes Alonso.
Durante o acto interviñeron en representación do estudantado graduado Lucía Cascudo Fernández, Jorge López de León e Iago Martínez Fernández, que compartiron lembranzas da súa etapa universitaria e agradeceron o apoio recibido ao longo destes anos. A continuación, a madriña e o padriño da promoción dedicaron unhas palabras ás novas persoas graduadas antes da entrega das distincións académicas.
A celebración contou tamén coa intervención do representante do COBGA e do decano da Facultade, rematando coa clausura a cargo do vicerreitor.
Desde a Facultade de Bioloxía queremos trasladar os nosos máis sinceros parabéns a todas as persoas graduadas e desexarlles moito éxito nesta nova etapa persoal e profesional.
Parabéns á XIV promoción do Grao en Bioloxía! 🎉🔬🧬
🎓

📸 | Visita á Misión Biolóxica de Galicia e Lourizán🌳🚌 A cuarta e última sesión de “A Bioloxía das Pequenas e Grandes Cou...
30/07/2026

📸 | Visita á Misión Biolóxica de Galicia e Lourizán
🌳🚌 A cuarta e última sesión de “A Bioloxía das Pequenas e Grandes Cousas”, curso da Universidade de Verán 2026 da USC, desenvolveuse o 12 de xuño fóra das aulas para coñecer a Bioloxía directamente sobre o terreo.
Durante a xornada, as persoas participantes realizaron unha visita guiada á Misión Biolóxica de Galicia, á Praia de Aguete e ao Centro de Investigación Forestal de Lourizán, achegándose ao labor investigador e de conservación que se realiza nestes espazos de referencia.
A actividade permitiu complementar os contidos tratados durante o curso cunha experiencia directa en ámbitos clave para a investigación agraria, forestal e ambiental.
Con esta visita concluíu a cuarta edición dun curso organizado pola Facultade de Bioloxía coa colaboración da Vicerreitoría de Cultura, Lingua e Patrimonio, consolidado xa como unha cita destacada da Universidade de Verán da USC.
🙏 Grazas a todas as persoas participantes, relatoras, institucións colaboradoras e entidades patrocinadoras (CRETUS, Proquinorte, Gamacisa, Cienytech, Portomédica, Celta Ingenieros) por contribuír ao éxito desta edición.

📸 | A Bioloxía na saúde humana🧬💙 A saúde humana foi a protagonista o pasado 10 de xuño da primeira xornada de “A Bioloxí...
30/07/2026

📸 | A Bioloxía na saúde humana
🧬💙 A saúde humana foi a protagonista o pasado 10 de xuño da primeira xornada de “A Bioloxía das Pequenas e Grandes Cousas”, curso integrado na Universidade de Verán 2026 da USC.
Organizado pola Facultade de Bioloxía coa colaboración da Vicerreitoría de Cultura, Lingua e Patrimonio, o curso reuniu especialistas de referencia para abordar algúns dos retos actuais da investigación biomédica, desde a medicina personalizada ata a xenética, a neurobioloxía do metabolismo ou as enfermidades respiratorias.
As persoas asistentes tiveron a oportunidade de coñecer de primeira man os avances científicos que se están a desenvolver no CHUS, IDIS, CiMUS e IARCUS, poñendo de manifesto o papel fundamental da Bioloxía na mellora da saúde e da calidade de vida.
👏 Grazas ao profesorado relator, ao alumnado participante, á Vicerreitoría de Cultura, Lingua e Patrimonio e ás entidades patrocinadoras polo seu apoio a esta cuarta edición.

📸| Biotecnoloxía, sustentabilidade e cambio climático🌱🔬 A segunda e terceira sesión (10—11 xuño) de “A Bioloxía das Pequ...
30/07/2026

📸| Biotecnoloxía, sustentabilidade e cambio climático
🌱🔬 A segunda e terceira sesión (10—11 xuño) de “A Bioloxía das Pequenas e Grandes Cousas”, dentro da Universidade de Verán 2026 da USC, estiveron dedicadas á biotecnoloxía e aos desafíos ambientais do presente e do futuro.
As conferencias abordaron cuestións tan relevantes como as aplicacións das microalgas, a valorización dos residuos orgánicos, a protección dos cultivos, a resistencia antimicrobiana, a restauración dos ecosistemas tras os incendios forestais, a sustentabilidade dos solos e o impacto do cambio climático.
A mesa redonda Diálogos climáticos: evidencias e impacto do quecemento global serviu ademais como espazo de reflexión e intercambio arredor dun dos maiores retos da nosa sociedade.
Esta actividade, organizada pola Facultade de Bioloxía coa colaboración da Vicerreitoría de Cultura, Lingua e Patrimonio, permitiu amosar como a investigación biolóxica contribúe a construír solucións innovadoras para un desenvolvemento máis sostible.
🤝 O noso agradecemento a todas as persoas relatoras, participantes e entidades patrocinadoras que fixeron posible esta nova edición.

🎓🧬 Graduación da V Promoción do Grao en BiotecnoloxíaO pasado 18 de xullo celebramos no Salón Nobre do Pazo de Fonseca o...
28/07/2026

🎓🧬 Graduación da V Promoción do Grao en Biotecnoloxía
O pasado 18 de xullo celebramos no Salón Nobre do Pazo de Fonseca o acto de graduación da V Promoción do Grao en Biotecnoloxía da USC, un momento moi especial para recoñecer o esforzo, a dedicación e os logros acadados polo noso alumnado ao longo destes anos.
Acompañados por familiares, amizades e profesorado, os novos graduados e graduadas puxeron o broche final á súa etapa universitaria nun acto que contou coa participación dos representantes da promoción, dos seus padriños, os profesores Pilar Arias Crespo e Carlos Rodríguez Osorio, e das autoridades académicas da USC e da Facultade de Bioloxía.
Desde a Facultade de Bioloxía queremos darvos os nosos parabéns e desexarvos moita sorte nos novos retos que vos agardan.
💚 Moitos éxitos na vosa traxectoria persoal e profesional. Esta sempre será a vosa casa.
🎓🌱🧪

📸 Toma de posesión do decano da Facultade de BioloxíaA Facultade de Bioloxía celebrou O pasado martes 14 as 13:00 tivo l...
16/07/2026

📸 Toma de posesión do decano da Facultade de Bioloxía
A Facultade de Bioloxía celebrou O pasado martes 14 as 13:00 tivo lugar o acto de toma de posesión do profesor Jesús Ángel López Romalde que renovou o seu cargo por 6 anos como decano do centro. A cerimonia estivo presidida pola reitora da USC, Rosa M. Crujeiras Casais, e contou tamén coa participación da secretaria xeral da Universidade, Alicia Villalba Sánchez.
Neste novo mandato, o decano reafirmou o seu compromiso cunha Facultade baseada na transparencia, a proximidade, a escoita activa e a procura do consenso, mantendo a ilusión e a responsabilidade de continuar impulsando un centro de referencia na docencia, na investigación e na transferencia de coñecemento.
Deixámosvos cunhas fotografías do acto!

🔬🌿 ÚLTIMOS DÍAS PARA MATRICULARSE!!! na 4ª edición de“A bioloxía das pequenas e grandes cousas”📍 Facultade de Bioloxía (...
25/05/2026

🔬🌿 ÚLTIMOS DÍAS PARA MATRICULARSE!!! na 4ª edición de
“A bioloxía das pequenas e grandes cousas”
📍 Facultade de Bioloxía (USC)
📅 10–12 de xuño de 2026
🎓 Recoñecido con 1 crédito ECTS
🗓️ Matrícula aberta do 14 ao 29 de maio
👉 Inscríbete escaneando o QR e non perdas esta oportunidade de achegarte á bioloxía de forma práctica e inspiradora.

🔬🌿 A bioloxía está en todas partes… descúbrea connosco! Volve a Universidade de Verán 2026 coa 4ª edición de: “A bioloxí...
18/05/2026

🔬🌿 A bioloxía está en todas partes… descúbrea connosco! Volve a Universidade de Verán 2026 coa 4ª edición de: “A bioloxía das pequenas e grandes cousas” 📍 Facultade de Bioloxía (USC) 📅 10–12 de xuño de 2026 🎓 Recoñecido con 1 crédito ECTS 🗓️ Matrícula aberta do 14 ao 29 de maio 👉 Inscríbete escaneando o QR do cartel e non perdas esta oportunidade de achegarte á bioloxía de forma práctica e inspiradora.

Defensa de Tese Doutoral na Facultade de BioloxíaA Facultade de Bioloxía da USC acolle a defensa da tese internacional:“...
18/05/2026

Defensa de Tese Doutoral na Facultade de Bioloxía
A Facultade de Bioloxía da USC acolle a defensa da tese internacional:
“Validation and Discovery of Different Biomarkers in T2high asthma”
Doutorando: Pablo Miguéns Suárez
Directores: Francisco Javier Salgado Castro e Francisco Javier González Barcala
Programa: Doutoramento en Medicina Molecular
Idioma: Inglés
Data: 22 de maio de 2026
Hora: 11:00
Lugar: Salón de Graos, Facultade de Bioloxía
Un traballo centrado na identificación e validación de biomarcadores en asma T2alta, con potencial impacto na mellora do diagnóstico e tratamentos personalizados.
👉 Aberto ao público interesado

🔬 Curso de Verán USC – 4ª edición🧬 A bioloxía das pequenas e grandes cousas📅 10–12 de xuño de 2026🎓 1 crédito optativo📍 ...
12/05/2026

🔬 Curso de Verán USC – 4ª edición

🧬 A bioloxía das pequenas e grandes cousas

📅 10–12 de xuño de 2026

🎓 1 crédito optativo

📍 Facultade de Bioloxía · Campus Vida

📣 Presentamos o programa do xoves 11 e venres 12 de xuño, correspondente ás sesións 3 e 4. Neste caso están centradas no eído da bioloxía ambiental, con relatorios a cargo de persoal docente e investigador de referencia, así como un programa de visitas á Misión Biolóxica de Galicia, a Praia de Aguete e tamén ao Centro de Investigación Forestal de Lourizán.

📝 Prazo de matrícula:

👉 Do 14 ao 29 de maio de 2026

Un curso para achegarte á bioloxía desde múltiples perspectivas: saúde, medio ambiente, biotecnoloxía e divulgación científica.

ℹ️ Máis información na web da USC.

Dirección

Avenida Lope Gómez De Marzoa, S/n
Santiago De Compostela
15782

Horario de Apertura

Lunes 09:00 - 20:30
Martes 09:00 - 20:30
Miércoles 09:00 - 20:30
Jueves 09:00 - 20:30
Viernes 09:00 - 20:30

Teléfono

+34881813308

Página web

Notificaciones

Sé el primero en enterarse y déjanos enviarle un correo electrónico cuando Facultade de Bioloxía USC publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.

Atajos

Compartir