Grupo de Investigación Ecoagrasoc

24/09/2026

🐝 Como de resiliente é a apicultura galega ante os cambios e ameazas aos que se enfronta?

Esta é a cuestión central da tese de doutoramento de Mariam Ferreira, titulada O sistema socioecolóxico apícola de Galicia: descrición, caracterización e análise da resiliencia, e dirixida por Ana Isabel García Arias e Emilio R. Díaz Varela.

A investigación analiza a apicultura galega desde a perspectiva dos sistemas socioecolóxicos, integrando os factores ambientais, sociais e económicos que interactúan nesta actividade.

🔎 O traballo describe e caracteriza por primeira vez o sistema socioecolóxico apícola de Galicia e identifica os principais factores que condicionan a súa resiliencia. Entre eles están a perda de colonias, a dispoñibilidade e calidade da forraxe, os patóxenos e parasitos, a rendibilidade da actividade, a organización das persoas apicultoras e o patrimonio material e inmaterial ligado á apicultura.

Un dos resultados da tese é a constatación do papel relevante das propias persoas apicultoras, que poden influír directa ou indirectamente nestes factores e, polo tanto, favorecer a adaptación e resiliencia do sistema.

📌 A partir da análise, Mariam Ferreira formula 22 recomendacións para contribuír ao mantemento e á mellora da resiliencia socioecolóxica da apicultura galega.

🐝🌼 Unha investigación que achega coñecemento para comprender mellor a complexidade da apicultura en Galicia e afrontar os retos da súa conservación e adaptación.



Máis información:
https://www.usc.gal/gl/investigar-na-usc/grupos/ecoagrasoc/novas/mariam-ferreira-analiza-resiliencia-sistema-socioecoloxico-apicola-galicia-sua-tese-doutoramento

03/07/2026

O proxecto WELLMOBE, coordinado por Raúl Ríos e Helena Martínez (USC), presentou na Universidade de Florencia os primeiros resultados sobre equidade na participación do estudantado en programas de mobilidade internacional. Un paso máis para comprender as barreiras de acceso e avanzar cara a unha mobilidade universitaria máis inclusiva



Máis información 👇
https://www.usc.gal/gl/euniwell/novas/proxecto-wellmobe-comparte-florencia-primeiros-resultados-equidade-mobilidade-estudantil

11/06/2026

Raúl Ríos, membro do noso grupo de investigación, vén de participar esta semana nas XX Jornadas de Economía Crítica (Bilbao).
Alí presentou o traballo “La desigualdad de acceso del estudiantado al programa Erasmus+”, en coautoría con Adrián Dios e Helena Martínez, no marco do proxecto internacional WELLMOBE.
👉 Que sabemos ata agora? Os resultados mostran que o acceso a Erasmus+ non depende tanto da renda familiar como doutros factores clave:
•O nivel educativo das familias
•A experiencia previa de mobilidade internacional
•O nivel de inglés e o rendemento académico
📊 Ademais, identifícanse desigualdades importantes, destacando o menor acceso para estudantes de orixe non europea.
💡 Estes achados son fundamentais para deseñar políticas universitarias que garantan unha mobilidade máis xusta e inclusiva.
Parabéns ao equipo polo seu traballo e por contribuír ao debate sobre a equidade no acceso ás oportunidades educativas internacionais.

26/05/2026

A pasada semana a nosa compañeira Mar Pérez Fra participou no ciclo de divulgación científica Pint of Science en Palas de Rei, coa charla “Rachar valados para reinventar o rural en feminino”.

Pint of Science é un festival internacional de divulgación científica que leva a investigación aos bares, aproximando o coñecemento á cidadanía dun xeito accesible, próximo e participativo. Durante varios días, investigadoras e investigadores comparten o seu traballo en formatos dinámicos e abertos ao público.

🔗 Máis información sobre a iniciativa: https://pintofscience.es/

13/03/2026

A investigadora María do Mar Pérez Fra participa na Xornada Mulleres e Gandería da USC cunha análise socioeconómica do rural galego desde a perspectiva de xénero.

https://www.usc.gal/gl/investigar-na-usc/grupos/ecoagrasoc/novas/mar-perez-fra-participa-xornada-tecnica-mulleres-gandeiria-usc-analise-futuro-rural-galego

26/02/2026

📢 Nova publicación

Por que marchan os mozos e mozas das áreas rurais galegas?
No informe do Observatorio Galego de Dinamización Demográfica, Rocío Toxo e Ana I. García analizan as causas desta emigración xuvenil.

🔗 https://www.usc.gal/gl/investigar-na-usc/grupos/ecoagrasoc/novas/estudo-presenta-tendencias-emigracion-xuvenil-comarcas-galegas

18/06/2025

O noso compañeiro Raul Rios estivo este mes como profesor visitante na Universidade Jean Piaget de Cabo Verde, xunto a outros compañeiros da USC. Alí puido impartir aulas sobre economía da cultura e sobre innovación no sector mediático.

Moitas grazas pola fantástica acollida!

21/05/2025

Ana Isabel García participou esta semana no Pint of Science – ciencia nos bares. O Mesón do Forno de Lugo acolleu a súa charla sobre o impacto económico da vespa velutina na apicultura galega.
Pint of Science achega a ciencia á xente con charlas en bares nun ton distendido. Na sesión “Ecosistemas en perigo: Antibióticos, vermes e avispas” tamén participaron Rosario Panadero Fontán e Ana Isabel Barreiro Buján, da USC.

Una sesión en la que descubriremos que el problema de las resistencias antibióticas llega al suelo que pisamos, conoceremos unos curiosos gusanos que viven…

18/03/2025

🎓📚 As nosas compañeiras Mar Pérez Fra e Ana García Arias veñen de participar nos Seminarios Interdisciplinares no Programa de Doutoramento do Dpto. de Dereito Privado da Universidad de Burgos.
🤝💡 Compartiron a metodoloxía das Plataformas Multiactor – unha vía participativa de co-creación e co-xeneración de coñecemento aprendida no proxecto .
🙏 Un agradecemento especial á profesora Beatriz Izquierdo polo convite.
🔗 Descobre máis sobre : https://rural-interfaces.eu/

26/02/2025

🔍 Xornada sobre cooperativismo agrario

O grupo de innovación docente Ruralia organiza un encontro con representantes da Cooperativa Agraria Provincial da Coruña, unha entidade con máis de 45 anos de historia.

📅 Venres 28 de febreiro, 10h
📍 Sala de Xuntas da EPS (Lugo)

Falaremos sobre o papel das cooperativas de segundo grao no sector agrogandeiro, os servizos que prestan ás explotacións e a valorización dos seus produtos.

Anímate a participar!