06/04/2026
Aínda hoxe seguimos celebrando a apareción da «primeira muller» en espazos onde deberiamos falar de presenza habitual, non de excepcións.
A primeira reitora dunha universidade do SUG é un fito importante, pero tamén un recordatorio de que as mulleres seguen atopando barreiras para chegar aos postos de poder. E o mesmo acontece cando algunhas tradicións se usan como escusa para manter a exclusión, como no caso da Confraría da Purísima Sangue de Cristo de Sagunt, que decidiu preservar a prohibición da presenza feminina nas súas procesións baixo a idea de que «a tradición é a tradición».
A igualdade non pode seguir quedando fóra, por costume.
A imaxe da portada amosa a Katharine Graham, primeira editora de The Washington Post, co consello de administración do xornal en 1975.
