¿Cuál es el horario de apertura?

Lunes 09:00 - 21:00 Martes 09:00 - 21:00 Miércoles 09:00 - 21:00 Jueves 09:00 - 21:00 Viernes 09:00 - 21:00

Escola de Enxeñería Industrial da Universidade de Vigo

Inicio
España
Vigo, Galicia
Escola de Enxeñería Industrial da Universidade de Vigo

Cómo llegar Página web Contactar con la universidad

Páxina web oficial da Escola de Enxeñería Industrial da Universidade de Vigo en Facebook

18/10/2026

Porque as mellores ideas tamén precisan ser contadas 💡

Este mércores recibimos na Escola o alumnado do IES As Barxas, participante nos proxectos STEMbach do bienio 2025-2027 🧪🔬

Durante a xornada, asistiron a unha sesión impartida polos nosos docentes José A. Alonso Rodríguez e José L. González Cespón, centrada nunha competencia fundamental para o éxito de calquera proxecto: a comunicación 🗣️

Ao longo da sesión abordáronse aspectos clave:

✍️ Mellorar a comunicación escrita e oral dos traballos.
💡 Transmitir ideas complexas de forma clara e eficaz.
🎤 Crear presentacións que teñan impacto.

Desenvolver un bo proxecto é importante, pero tamén o é saber explicar o seu valor, compartir o coñecemento e conectar coa sociedade 🌍

O noso agradecemento ao alumnado pola súa participación, ao IES As Barxas polo seu interese e aos nosos docentes polo seu compromiso coa formación das futuras xeracións STEM 👏🚀

08/10/2026

O pasado 4 de outubro concluíu o proceso de consulta á comunidade da EEI sobre a proposta de Plan Director para a sede Campus, un proxecto chamado a orientar a evolución e o desenvolvemento da Escola nos vindeiros anos 🏫🌱

Durante os últimos meses desenvolveuse un amplo proceso de información e participación que permitiu compartir a proposta coa comunidade da EEI, recollendo opinións, reflexións e suxestións nun exercicio de diálogo aberto, transparente e construtivo 💬🤝

Desde a Escola queremos agradecer sinceramente a implicación de todas as persoas que participaron neste proceso, contribuíndo coas súas ideas, opinións e achegas á reflexión colectiva sobre o futuro da nosa Escola e o papel que esta está chamada a desempeñar nos vindeiros anos 💡✨

Ábrese agora unha nova etapa na que se analizarán e valorarán as contribucións recibidas co obxectivo de seguir avanzando nun proxecto que responda ás necesidades, inquietudes e aspiracións da comunidade da Escola 📋🔍

Grazas por participar. Grazas por axudarnos a construír a EEI do futuro 💙🏫

07/10/2026

O talento da EEI segue deixando pegada 🏆

O pasado 2 de outubro celebrouse en Vigo a XI Gala da Enxeñería Industrial, un encontro que reuniu a preto dun centenar de profesionais, representantes de empresas e persoas vencelladas á enxeñería industrial. 🤝🏭

Durante o acto entregouse por primeira vez o recoñecemento ao «Talento Joven», unha distinción creada para pór en valor o talento, a innovación e a proxección das novas xeracións de profesionais da enxeñería industrial🚀

O galardón recaeu en Juan Manuel Veira Fuentes, egresado do Máster en Enxeñería Industrial da Escola de Enxeñería Industrial da Universidade de Vigo, en recoñecemento ao seu proxecto e á brillante traxectoria profesional desenvolvida dende o remate dos seus estudos na Escola 🎓

Para a EEI supón unha gran satisfacción comprobar como o talento formado nas nosas aulas continúa medrando, contribuíndo ao desenvolvemento da industria e levando os valores da enxeñería alí onde desenvolve a súa actividade profesional.

Desde a Escola de Enxeñería Industrial queremos trasladarlle os nosos máis sinceros parabéns por este recoñecemento e desexarlle moitos éxitos nos retos profesionais que están por vir 👏🌟

Parabéns, Juan Manuel! 🎉

O recoñecemento ao talento dos nosos egresados e egresadas é tamén un recoñecemento ao futuro da enxeñería industrial.

Desde a EEI animamos ao noso estudantado e ás novas xeracións de profesionais a compartir as súas ideas, os seus proxectos e os seus logros. Visibilizar o talento tamén é unha forma de impulsar o futuro 🙌

01/10/2026

A EEI estivo presente nesta gran celebración da ciencia cunha ampla participación na que contamos con:

🔹 Persoal investigador do Departamento de Enxeñaría de Sistemas e Automática 🤖
🔹 Persoal investigador do Departamento de Enxeñaría dos Materiais 🧱
🔹 Delegación de Estudantes da EEI 🎓
🔹 Asociación CES UVigo 🤝
🔹 Asociación SpaceLab 🚀
🔹 Xanel, subdirectora de Alumnado e Relacións Institucionais da EEI 👩‍💼

A través de demostracións, proxectos e actividades, compartiron co público como a enxeñaría, a investigación e a innovación contribúen a mellorar o noso día a día💡⚙️

Pero o máis importante foi o encontro coas persoas: infancia, mocidade e público adulto que se achegaron para descubrir, preguntar e deixar espertar a súa curiosidade pola ciencia e a tecnoloxía. 👧🧒🔍

Grazas a todas as persoas que representaron á EEI e contribuíron a achegar a ciencia á sociedade e a espertar novas vocacións científicas e tecnolóxicas 💙👏🌟

26/09/2026

Os días 22 e 23 de setembro vivimos dúas intensas xornadas de aprendizaxe, colaboración e intercambio de coñecemento para seguir construíndo o futuro da saúde.
A Escola de Enxeñería Industrial converteuse nun punto de encontro entre estudantes, profesionais sanitarios, persoal docente e investigador e empresas, demostrando o enorme potencial da colaboración entre a enxeñería e a medicina, coa tecnoloxía como unha gran aliada.

🎤 Relatorios técnicos

🛠️ Obradoiros prácticos

🏢 Empresas referentes do sector

🤝 Networking

💡 Innovación aplicada á saúde

Ao longo destas xornadas abordáronse ámbitos tan diversos como a robótica, a intelixencia artificial, a neurocirurxía, a electrofisioloxía cardíaca ou a supercomputación en saúde.

E isto é só unha mostra do potencial dun sector en plena evolución!

Máis que unhas xornadas: unha comunidade que medra unida para transformar o futuro da saúde desde a enxeñería e a medicina.

🙏 Grazas a todas as empresas colaboradoras, relatores, institucións e participantes que contribuíron a facer posible esta segunda edición.

📸 Compartimos algunhas imaxes destes dous días de aprendizaxe, colaboración e innovación.

22/09/2026

Liderar o futuro da enxeñaría é tamén aprender a integrar a innovación e a tecnoloxía na aula e no laboratorio💡🔬🚀

Os pasados 15 e 16 de setembro, na EEI demos un novo paso adiante coa celebración do curso “Inteligencia Artificial Generativa en la Docencia y la Investigación” 🤖📚. O curso foi impartido pola profesora Ángela Oliveira (Instituto Politécnico de Castelo Branco), unha grande especialista nestes temas. 👩‍🏫

Esta acción formativa reflicte a nosa aposta continuada por facer fronte aos retos e oportunidades das novas tecnoloxías. 🌐✨ A irrupción da IA xenerativa transforma a forma de ensinar, investigar e traballar, e na EEI esforzámonos por estar na vangarda. 🔝

Por que é isto importante para a nosa xente —alumnado, PDI, PTXAS…? 👥

📖 Unha docencia máis dinámica e personalizada:
Aprendemos a usar a IA para deseñar mellores materiais, casos de estudo e metodoloxías máis activas, cunha maior interacción do alumnado. 🎓💬

🧠 Rigor e pensamento crítico:
Formar profesionais non é só ensinar a usar ferramentas, senón ensinar a avalialas e a coñecer os seus límites. Traballamos o uso responsable, a prevención de prexuízos e “sesgos”, a protección da propiedade intelectual e a defensa da autoría. ⚖️🛡️

🔎 Investigación de alto impacto:
Exploramos o potencial da IA na revisión bibliográfica, na análise de datos e na escrita científica, garantindo sempre a máxima calidade e un uso responsable sustentado en sólidos principios éticos. 📊📝

A Intelixencia Artificial non substitúe o talento nin o esforzo humano; súmase a eles como unha aliada para chegar máis lonxe, de xeito máis eficiente e rigoroso. 🤝🚀

Na EEI seguimos preparándonos para formar profesionais capaces de liderar os retos do futuro, combinando coñecemento, espírito crítico e as mellores ferramentas do presente. 🌟🎯

11/09/2026

Os días 14, 15 e 16 de setembro celebraranse as Eleccións a Delegado/a de Curso (2026/27). Ser delegado/a é unha grande oportunidade para seguir mellorando a túa Escola e tamén para seguir crecendo como persoa.
❓ Por que é tan importante que participes?

🔹 Elixes a persoa de enlace entre a túa clase, o profesorado e a dirección da Escola.

🔹 Representación real: Asegúrate de que as necesidades do teu grupo sexan escoitadas.

🔹 Impacto directo: Participas na resolución de problemas e na mellora da vida universitaria do teu curso e tamén da Escola.

🔹 Desenvolvemento persoal: Liderado, xestión de equipos e comunicación, competencias ‘top’ para o teu futuro profesional.

👥 Tanto se queres dar o paso e presentar a túa candidatura, como se vas votar a quen mellor vos represente: A túa participación marca a diferenza.

🔗 Toda a información, calendario e procedemento detallado na seguinte ligazón: https://eei.uvigo.es/gl/eleccions-a-delegado-a-de-clase-curso-2026-27/

10/09/2026

🏛️ O pasado 2 de setembro tivemos a oportunidade de dar a benvida ao alumnado de novo ingreso nas Xornadas de Acollida. Alí compartimos convosco os primeiros momentos dunha etapa que, estamos seguros, estará chea de aprendizaxes, retos e experiencias inesquecibles.
📚 Co inicio das clases, chega o momento de converter esa ilusión dos primeiros días en novos proxectos, novas amizades e retos que vos farán medrar tanto a nivel académico como persoal.

💡 Na EEI non só aprenderedes enxeñería. Aquí desenvolveredes capacidades, descubrirédesvos a vós mesmos e formaredes parte dunha comunidade que comparte a paixón por crear, innovar e transformar o mundo que nos rodea.

💪 Ao longo deste camiño haberá desafíos, pero tamén oportunidades para demostrar a vosa creatividade, o voso esforzo e o voso talento. Cada práctica, cada proxecto e cada logro serán un paso máis cara ao voso futuro profesional.

🌱 Agárdavos un curso apaixonante. Aproveitade cada experiencia, aprendede de cada reto e gozade dunha etapa que, sen dúbida, deixará pegada en vós.

As Xornadas de Acollida quedaron atrás. Agora é o momento de comezar a escribir a vosa propia historia na EEI. ⚙️🚀

💬 Que é o que máis ganas tedes de vivir neste novo curso?

E non o esquecedes, nos próximos días anunciaremos os gañadores do concurso...👀

04/09/2026

Tras o gran fito que supuxo a presentación do UM26 ao comezo do verán —un monopraza máis lixeiro, con motor renovado e un salto cualitativo en aerodinámica—, o equipo volveu a demostrar do que é capaz completando unha espectacular participación en Formula Student Austria 🇦🇹 (Red Bull Ring) e Formula Student Spain 🇪🇸 (Circuit de Barcelona-Catalunya) 🏎️✨

Detrás de cada proba superada (scrutineering, probas estáticas e rendemento en pista en aceleración, skidpad ou endurance) hai máis de 80 estudantes cuxa resiliencia, horas de taller e paixón pola enxeñería levan o nome da Universidade de Vigo todo o máis alto da competición internacional.

As nosos máis sinceros parabéns polos resultados conseguidos este verán! O esforzo sempre dá os seus froitos! 🏎️🔥🏆

A preparase para a seguinte tempada! 🚀🏁

📸

01/09/2026

SORTEO! 🎉
Chegou o momento de participar no noso novo sorteo! Teredes a oportunidade de conseguir un fantástico premio:

🎥 Unha cámara de vídeo deportiva CAM 1080 Full HD, resistente á auga ata 30 metros de profundidade.

🎁 Merchandising da EEI, composto por: libreta, bolígrafo e bolsa
Que tes que facer para participar?

1️⃣ Seguir a nosa conta.
2️⃣ Dar “Gústame” a esta publicación.
3️⃣ Etiquetar nos comentarios ás persoas coas que che gustaría compartir este sorteo. Cantas máis interaccións, máis posibilidades de participar!
4️⃣ Compartir esta publicación nas túas stories para aumentar a difusión do sorteo

📅 A persoa gañadora anunciarase proximamente a través dunha publicación ou story nesta conta.

⚠️ IMPORTANTE: Non se aceptará ningunha comunicación procedente de contas que non sexan a oficial. Non compartades datos persoais nin realicedes ningún pagamento a terceiros.

Moita sorte a todas e a todos, e benvidos á EEI! 🍀

Dirección

Sede Campus: Calle Maxwel, Campus Universitario Lagoas-Marcosende
Vigo
36310

Horario de apertura

Lunes	09:00 - 21:00
Martes	09:00 - 21:00
Miércoles	09:00 - 21:00
Jueves	09:00 - 21:00
Viernes	09:00 - 21:00

Página web

http://www.eei.uvigo.es/

Notificaciones

Sea el primero en enterarse: le enviaremos un correo electrónico cuando Escola de Enxeñería Industrial da Universidade de Vigo publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.

Contactar Con La Universidad

Enviar un mensaje a Escola de Enxeñería Industrial da Universidade de Vigo:

¿Quieres que tu universidad aparezca en primer lugar en la categoría universidad en Vigo?

Categoría

Universidad