Hawassa University College Of Medicine And Health Sciences

01/10/2026

HU-CMHS would like to congratulate consultant surgeons of our College
October 01/2026
*********//******
‎Congratulations to all consultant surgeons from our college who became fellow of the American College of Surgeons(FACS) :-
‎1 Dr.Belay Mellese, consultant General Surgeon & an Endocrine and Breast Surgery fellow
‎2 Dr. Yoseph Bedore, consultant General Surgeon & Hepatopancreaticobiliary Surgeon
‎3. Dr.Sisay Teshome, consultant General Surgeon
‎4.Dr.Zersenay Gebremeskel, consultant General Surgeon
‎

29/09/2026

ኮሌጁ አንድ አንድ የጤና ትምህርቶችን (courses) በበየነ-መረብ ኤሌክትሮኒክስ (e-learning) ዘዴ ለመስጠት የሚያስችል ውይይት ተካሄደ
መስከረም 19/2019 ዓም
******//********
በሀዋሳ ዩኒቨርሲቲ ህክምናና ጤና ሳይንስ ኮሌጅ አንድ አንድ የጤና ትምህርቶችን በበየኔ-መረብ (e-learning) ለመስጠት የሚያስችል ውይይት መስከረም 18/2019ዓም ተካሄዷል።

ዶ/ር ወንዱ በላይነህ የማዕፀንና ጽንስ ስፔሻሊስት ሀኪምና በኮሌጁ የኤሌክትሮኒክስ ትምህርት አስተባባሪ (e-learning coordinator) በመድረኩ ላይ ባቀረቡት የሥራ አፈጻጸም ሪፖርት እንዳስታወቁት አንድ አንድ የተመረጡ የጤና ትምህርቶችን (courses) በበየኔ- መረብ (Blended learning) ለመስጠት ዝግጅት መጀመሩን ገልፀዋል።

እስካሁን ድረስ ለ265 (61%) የህ/ጤ/ሳ/ኮ አካዳሚክ ሰራተኞች ለኤሌክትሮኒክስ ትምህርት መሠረት የሚሆን Master Class: Foundation for Excellence in Teaching online በሚል ርዕስ ተከታታይ ስልጠና መሰጠቱን እና 2019 ዓ.ም ተደራሽነቱን 80% ለማድረስ ማቀዱን ገልፀዋል ።

እነዚህ ስልጠናዎች የሰው ሀይልን በማብቃት ተጨማሪ የጤና እና ሕክምና ትምህርቶችን (courses) በበየኔ- መረብ (Blended learning) ለመስጠት የሚያስችሉ መሆናቸውን አብራርተዋል።

የኤሌክትሮኒክስ ትምህርት ዋነኛ ዓላማው የተለያዩ የመስመር ላይ ትምህርት (online learning, Blended learning) የማስተማሪያ መድረኮችን በመፍጠር እና ቴክኖሎጂዎችን በመጠቀም ግልጽ እና ወጪ ቆጣቢ በሆነ መንገድ የትምህርት ተደራሽነትን፣ ፍትሃዊነትን፣ ጥራትና ተገቢነትን በማረጋገጥ ትምህርትን ለሀገር ልማት ማዋል እንደሆነ ከዶ/ር ወንዱ ገለፃ ለመረዳት ተችሏል።

የኮሌጁ ዋና ስራ አስፈፃሚ ዶ/ር ፍጹም ወ/ገብርኤል በውይይቱ ማጠቃለያ ላይ በሰጡት ገለፃ ዩኒቨርሲቲው በሀገራችን ከሚገኙ አንጋፋ የከፍተኛ ትምህርት ተቋማት አንዱ እንደመሆኑ መጠን ቴክኖሎጅዎችን ቀድሞ በመጠቀም ዓለም አቀፍ ተወዳዳሪነትን በሚያጠናክሩ ስነ-ትምህርት ዘዴዎች ላይ ትኩረት ማድረጉን አብራርተዋል።

በተለይም የጤና ትምህርት ፕሮግራሞችን ማዘመን ጊዜ የሚሰጠው ጉዳይ እንዳልሆነ የገለጹት ዶ/ር ፍጹም የኮሌጁ አመራር በቀጣዩ የትምህርት ዘመን ቅድሚያ በመስጠት ከሚሠራባቸው ጉዳዮች ዋነኛው መሆኑንና ሁሉም የትምህርት ክፍል ሃላፍዎች ትኩረት ሰጥተው ከወዲሁ ዝግጅት እንድያደርጉ አሳስበዋል።

26/09/2026

ለመለው የክርስቲና እምነት ተከታዮች :-
ሀዋሳ ዩኒቨርሲቲ የህክምናና ጤና ሳይንስ ኮሌጅ እንኳን ለብርሃነ መስቀሉ በሠላም አደረሳችሁ እያለ መልካም ምኞቱን ይገልፃል።
መልካም በዓል !

25/09/2026

የሀዋሳ ዩኒቨርሲቲ ህክምናና ጤና ሳይንስ ኮሌጅ በአዲሱ የትምህርት ዘመን 386 አዲስ ገቢ ተማሪዎችን ተቀበለ
መስከረም 15/2019ዓም
******//*******
ሀዋሳ ዩኒቨርሲቲ ህክምናና ጤና ሳይንስ ኮሌጅ በአዲሱ 2019 የትምህርት ዘመን 386 አድስ ገቢ ተማሪዎችን ተቀብሏል።

ለተማሪዎቹ በተዘጋጀው የአቀባበል ፕሮግራም ላይ የኮሌጁ ጤና ትምህርትና ህክምና አገልግሎት ኮርፖሬት ዳይሬክተር ዶ/ር ዘርሁን ተስፋዬ በእንኳን ደህና መጣችሁ ንግግራቸው ተማሪዎቹ ለአንድ ዓመት በዩኒቨርሲቲው ዋና ግቢ ትምህርታቸውን በሚገባ ሲከታተሉ ቆይተው ከፍተኛ ውጤት በማስመዝገብ በኮሌጁ ለመማር ስለመረጡ አመስግነው ኮሌጁ በጤናው ዘርፉ ከመጀመሪያ እስከ ሦስተኛ ዲግሪ በተለያዩ ትምህርት መስኮች ተማሪዎችን በብቃት በማሠልጠን ለረዥም ዓመታት ያካበተውን ልምድ ተጠቅሞ የተሻለ አገልግሎት ለመስጠት ዝግጁነቱን ተናግረዋል።

የህክምና ሙያ ጥብቅ ሥነ-ምግባርና ጠንካራ የቡድን ተግባቦት የሚጠይቅ ከመሆኑ ጋር ተዳምሮ ባለንበት ተለዋዋጭ ዘመን የዕውቀት ደረጃዎች በፍጥነት እየተቀያየረ እንደሚገኝ የገለጹት ዶ/ር ዘርሁን ተማሪዎቹ ብቁ ተወዳዳሪ ሆነው ለመገኘት ብዙ መ
ማንበብና ቴክኖሎጅዎችን መከታተል እንደሚገባቸው አጽንኦት ሰጥተዋል።

የኮሌጁ ማኔጅንግ ዳይሬክተር አቶ ዝናው ሰርሚሶ በበኩላቸው ባለፉት ዓመታት ተማሪዎችን በሚመለከቱ ማንኛውም ጉዳዬች እንደቤተሰብ ተቀራርቦ በማመካከርና በመወሰን የተሻለ ውጤት የተገኘበት መሆኑን ገልፀው ኮሌጁ በስሩ ባለው ኮምፕሪሄንስቭ ስፔሻላይዝድ ሆስፒታልና ሌሎች ተጨማሪ የማስተማር አገልግሎት ማዕከላት በሳምንት 7ቀናት ለ24 ሰዓታት ሙሉ ያለ ዕረፋት የሚሠራ መሆኑን ገልፀው ተማሪዎቹ ለየትኛውም ጫናና ድካም ሳይንበረከኩ የያዙትን ረዥም ዕቅድ ለማሳካት ጸንተው መስራት እንደሚገባቸው መክረዋል።

በኮሌጁ የሴቶችና ማኅበራዊ ጉዳይ አካቶ ትግበራ ቡድን አስተባባሪነት በተካሄደው የአቀባበል ፕሮግራም ላይ ሁሉም የትምህርት ክፍል ኃላፊዎች ትውውቅና የትምህርት ክፍላቸውን የሙያ ባህርይ የስነ-ትምህርት አተገባበር ዘዴዎችን አስረድተዋል።

በኮሌጁ በአሁኑ ወቅት ከ2400 በላይ ተማሪዎች በተለያዩ ጤና ዘርፎች ትምህርታቸውን በመከታተል ላይ መሆናቸው ይታወቃል።

22/09/2026

በ2019 የት/ት ዘመን የመንግስት ዩኒቨርሲቲዎች የተማሪዎች ቅበላ :የትምህርት መስክ ምደባና የተማሪዎች ዝውውር አፈፃፀም አስመልክቶ ከኢፌዴሪ ትምህርት ሚኒስቴር የተሠጠ መመሪያ:-

21/09/2026

ሆስፒታሉ በአገልግሎት ሥርዓት ማነቆዎች ማሻሻያ(SBFR) አተገባበር ሀገር አቀፍ ዕውቅና አገኘ
‎መስከረም 11/2019ዓም
‎ * *****//******
‎የሀዋሳ ዩኒቨርሲቲ ኮምፕረሄንሲቭ ስፔሻላይዝድ ሆስፒታል በሥርዓት ማነቆዎች ማሻሻያ (SBFR) አተገባበር ከሆስፒታሉ አገልግሎት ስርዓት ጋር በማቀናጀት ባስመዘገበው የላቀ የፈጠራ አፈጻጸም ከኢፌደዴሪ ጤና ሚኒስቴር ሀገር አቀፍ እውቅና አግኝቷል ።
‎‎ይህ ታላቅ ስኬት በተሀድሶ የተተገበረውን የSBFR ማሻሻያ ከሆስፒታሉ አሰራር ጋር በተቀናጀ መልኩ ከመዋሃዱም በላይ የሆስፒታሉ ሠራተኞች ከአመራሩ ጋር ያሳዩት ከፍተኛ የስራ ተነሳሽነት ተጨባጭ ውጤት ማሳያ ነዉ።
‎
‎ውጤቱ የመጀመሪያውን ምዕራፍ ተደራሽ ያደረገ ሲሆን ለቀጣዩ ምዕራፍ (Next Phase Accreditation) ስራዎች ስኬት ትልቅ መነሳሳትን የሚፈጥር እንደሆነና ለተግባራዊነቱ ሙያዊ ግዴታቸውንና ኃላፍነታቸውን በአግባቡ ለተወጡ ሠራተኞችና አመራሮች እንዲሁም አጋር አካላት ሁሉ ልባዊ ምስጋና አቅርበዋል።
‎
‎ማህበረሰባችንን የሚገባውን ጥራት ያለው የጤና አገልግሎት በላቀ ቁርጠኝነት ማገልገላችንን እንቀጥላለን!

‎ሀዋሳ ዩኒቨርሲቲ የህክምናና ጤና ሳይንስ ኮሌጅ ኮምፕራሄንስቭ ስፔሻላይዝድ ሆስፒታል

20/09/2026

በእርግዝና ወቅት የእናቶችንና የፅንሶችን ጤና በተሻለ ሁኔታ ለመከታተል የሚያስችል የአልትራሳውንድ ስልጠና ተጀመረ
መስከረም 10/2019 ዓ.ም
**********//*********
የሲዳማ ክልል ጤና ቢሮ ከሀዋሳ ዩኒቨርሲቲ ሕክምናና ጤና ሳይንስ ኮሌጅ እና ከኢንጀንደር ሄልዝ ኢትዮጵያ ጋር በመተባበር በእርግዝና ወቅት የእናቶችንና የፅንሶችን ጤና በተሻለ ሁኔታ ለመከታተል የሚያስችል የአልትራሳውንድ ባለሙያዎች የብቃት ማጎልበቻ ስልጠና መስከረም 9/2019ዓም ተጀምሯል።

በሲዳማ ክልል ጤና ቢሮ የእናቶችና ሕፃናት ዳይሬክቶሬት የእናቶች ጤና ፕሮግራም ተጠሪ አቶ ብልብሎ ቂጤሳ EngenderHealth በክልሉ ጤ ቢሮ ጋር በመተባባር የአእናቶቸና ጨቅላ ህጣናተ ጤና መሻሻል ላይ እያድርገ ያለውን ድጋፍ አድንቀዉ የክልሉ ጤ ቢሮ ከወሊድ ጋር ተያይዞ የሚከሰተውን የእናቶች ሞት ለመቀነስ በመንግስት የታቀዱ ግቦችን ለማሳካት መጠነ ሰፊ ስራዎች በመከናወን ላይ ይገኛል ።

በተለይም ሕፃናት ሳይወለዱ በእናት ሆድ ውስጥ ያላቸውን አቀማመጥ፣ ብዛት፣ ጾታ፣ የልብ ጤንነትና ሌሎች ሁኔታዎችን በጥንቃቄ መረዳት በወሊድ ወቅት ሊያጋጥሙ የሚችሉ ችግሮችን ቀድሞ ለመለየትና ለመከላከል ወሳኝ ሚና አለው።

ለዚህም በየጤና ተቋማቱ የሚሰሩ የአልትራሳውንድ ባለሙያዎችን አቅም ማጎልበት ወሳኝ መሆኑን አቶ ብልብሎ ገልጸዋል።

የሀዋሳ ዩኒቨርሲቲ ሕክምናና ጤና ሳይንስ ኮሌጅ የብቃት ማረጋገጫና ስልጠና ማዕከል ዳይሬክተር ዶ/ር ናና ጬአ በበኩላቸው፣ ስልጠናው ለጥራት ልዩ ትኩረት የሚሰጥ መሆኑን ገልጸዋል። ሰልጣኞች በቆይታቸው በተግባራዊ ልምምድ የተደገፈ ስልጠና ከወሰዱ በኋላ ደረጃውን በጠበቀ ፈተና ውጤት የሙያ ፈቃድ እድሳት እንደሚደረግላቸውም አብራርተዋል።

በኢንጀንደር ሄልዝ የሲዳማ፣ ደቡብና ማዕከላዊ ኢትዮጵያ አስተባባሪ አቶ ተስፋዬ ኦርደሎ እንዳብራሩት፣ የስልጠናው ዋነኛ ዓላማ በየጤና ተቋማቱ በአልትራሳውንድ ላይ ተመድበው የሚሰሩ የጤና ባለሙያዎች ከተወሰደው የአልትራሳውንድ ምስለ-ቅርጽ የፅንሱን የጤና ደረጃ በትክክል እንዲረዱና ተገቢዉን ዉሳኔ መስጠት እዲቸሉ ማስቻል ነው ።

የአልትራሳውንድ ብቃትን ማሳደግ የፅንሱን ጤና ብቻ ለመከታተል ሳይሆን፣ የእናትና የሕፃን ደህንነትን በእርግዝና ወቅት በተገቢው ሁኔታ ለመከታተል፣ ሊከሰቱ የሚችሉ ችግሮችን ቀድሞ ለመለየትና ተገቢውን የጤና እርምጃ በወቅቱ ለመውሰድ የሚያግዝ መሆኑ ተገልጿል።
ስልጠናው ለዘጠኝ ተከታታይ ቀናት የሚሰጥ ሲሆን፣ ከሲዳማ ክልል ከፍተኛ የወሊድ ቁጥር ከሚመዘገብባቸው የመንግስት የመጀመሪያ ደረጃ ሆስፒታሎችና ጤና ጣቢያዎች የተውጣጡ የጤና ባለሙያዎች ተሳታፊ ሆነዋል።
የእናትና የሕፃን ጤና ከእርግዝና ጀምሮ ይጠበቃል ።

19/09/2026

ከወረቀት ንክክ ነፃ የሆኑ ድጅታል ጤና አጠባበቅ ጣቢያዎችን ቁጥር ለመጨመር የሚያስችል ስልጠና እየተሰጠ ነው

መስከረም 09/2019ዓም
*******//*********
ሀዋሳ ዩኒቨርሲቲ ህክምናና ጤና ሳይንስ ኮሌጅ ከሲዳማ ክልል ጤና ቢሮ እና ከኢፌዴሪ ጤና ሚኒስቴር ጋር በመተባበር ከወረቀት ንክኪ ነፃ የሆኑ ሞዴል ድጅታል ጤና አጠባበቅ ጣቢያዎችን ቁጥር ለመጨመር የሚያስችል ስልጠና መስከረም 08/2019 ዓ/ም በኮሌጁ የስልጠና ማዕከል ተሰጥቷል።

በሀዋሳ ዩኒቨርሲቲ ህክምናና ጤና ሳይንስ ኮሌጅ የጥናት ምርምርና ማኅበረሰብ አገልግሎት ኮርፖሬት ዳይሬክተር ዶ/ር ረቂቁ ፍቅረ ለሠልጣኞች እንደገለጹት ዓላማው የታካሚዎችን ጤና ታሪክ በአግባቡ በመያዝ ከክልሉ አልፎ በሀገር ደረጃ ለሚካሄዱ ማናቸውም ጤና ነክ ምርምሮች አስተማማኝ የመረጃ ግብአት ከማድረግም በላይ የታካሚዎች ጊዜ በመቆጠብ ፈጣን ህክምና አገልግሎት እንዲያገኙ የሚያግዝ መሆኑን አብራርተዋል።

ኮሌጁ ከሲዳማ ክልል ጤና ቢሮ እና ከኢፌዴሪ ጤና ሚኒስቴር ጋር በመተባበር በተመረጡ ወረዳዎች በሀገር አቀፍ ደረጃ ምሳሌ ሊሆኑ የሚችሉ ከወረቀት ንክኪ ነፃ የጤና አጠባበቅ ጣቢያዎችን ቁጥር ለመጨመር የግብአት አቅርቦትና ተከታታይ የአቅም ግንባታ ስልጠናዎችን እንደሚሰጥ ከዶ/ር ረቂቁ ገለፃ ለመረዳት ተችሏል።

የስልጠናው አስተባባሪ እና ኤፕድሞሎጅ ተመራማሪ ዶ/ር ያደሳ ተገኔ በበኩላቸው ፕሮግራሙ ከተጀመረ ገና ሁለት ዓመታት ቢሆንም በተፈጠረው የግንዛቤ ማጎልበት ስራ በየገጠሩ የሚገኙ በርካታ የጤና አጠባበቅ ጣቢያዎች ስራዎቻቸውን ከወረቀት ንክኪ ነፃ ለማድረግና ሙሉ የህሙማን መረጃዎችን በኮምፕዪቴር ብቻ ሠንዶ ለመያዝ እያሳዩ ያለው ጥረት አበረታች መሆኑን ገልፀዋል።

18/09/2026

17/09/2026

የሐዘን መግለጫ
መስከረም 07/2019
******//*******
በሀዋሳ ዩኒቨርሲቲ ህክምናና ጤና ሳይንስ ኮሌጅ ኮምፕሪሄንስቭ ስፔሻላይዝድ ሆስፒታል የሜድካል ላቦራቶሪ ክፍል ባልደረባ ወ/ሮ ጽዮን ማቴዎስ ድንገተኛ ሕልፈት የኮሌጁ ማኀበረሰብ የተሰማውን ጥልቅ ሐዘን ይገልጻል።

ለቤተሰቦቻቸው : ወደጅ ዘመዶቻቸውና ሥራ ባልደረቦቻቸው መጽናናትን እንመኛለን።