09/05/2026
DUBARTOOTA SAHAABOTA RASSUULAA (SAW) JANNATAAN GAMMACHIIFAMAN KANA BEEKTUU
Dubartoota Sahaabiyyoota Jannataan gammachiifaman
Muslimoonni baay’een dhiira jannataan gammachiifaman ni beeku.
Garuu dubartoota jannataan gammachiifaman hedduun hin beekan. Kanaaf as keessatti hayyama Rabbiitiin isaan ni baranna. Rabbiin isaan irraa haa jaallatu.
1. Haadha Mu’umintootaa Khadiijaa (R.A)
Ragaa jannataan gammachiifamuu ishee:
Jibriil (A.S) Nabiyyii ﷺ bira dhufee ni jedhe:
🌍💫““Ishee irratti nageenya Rabbii ishee irraa fi koo geessi; mana jannataa keessaa kan sagaleen keessa hin jirre fi dadhabbiin keessa hin jirre itti himi.”
(Bukhaarii fi Muslimtu gabaasan)
2. Faaximaa (R.A)
Ragaa jannataan gammachiifamuu ishee:
🌍💫“Nabiyyii ﷺ ni jedhan:
“Faaximaan dubartoota jannataa keessaa sayyidattiidha.”
3. Ummu Sulaym (R.A)
Ragaa jannataan gammachiifamuu ishee:
🌍💫“Nabiyyii ﷺ ni jedhan:
“Jannata seeneen sagalee tarkaanfii dhagahe; eenyu kana jedheen gaafadhe. Isheen Al-Ghumaysaa bint Milhaan, haadha Anas bin Maalik jedhan.”
🌍💫“Sahaabittiin tun yeroo Nabiyyiin ﷺ Madinaa hijraa godhanitti, Muslimoonni gammachuudhaan simatan. Isheen hiyyummaa cimaa irraa kaatee waan kennitu dhabde; ilma ishee Anas bin Maalik Nabiyyii ﷺ tajaajiluuf kennite.
4. Dubartii gurraatti (Ummu Zufar) (R.A)
Ragaa jannataan gammachiifamuu ishee:
Nabiyyii ﷺ bira dhuftee ni jette:
“Yaa Ergamaa Rabbii! Ani dubartii suuxxamtuudha, naa du’aayi.”
Nabiyyiin ﷺ ni jedhan:
🌍💫““Obsitee jannata argatta.”
Isheen ni jette: “Eeyyee, garuu yeroo suuxxamtu qaamni koo akka hin mul’anne naa kadhadhu.” Nabiyyiinis isheedhaaf du’aayi godhan.
5. Ummu Haraam bint Milhaan (R.A)
Ragaa jannataan gammachiifamuu ishee:
🌍💫“Nabiyyii ﷺ ni jedhan:
“Humni jalqabaa ummata koo keessaa kan galaana irratti duulu, jannanni isaaniif dirqama.”
Ummu Haraam ni jette: “Yaa Ergamaa Rabbii! Ani keessaa jirraa?”
Nabiyyiin ﷺ ni jedhan: “Ati keessaa jirta.”
6. Ummu Umaarah Nusaybah bint Ka’ab Al-Ansariyyah (R.A)
Guyyaa Uhud isheen fi ilmi ishee Nabiyyii ﷺ bira dhaabatanii ittisaa turan. Nabiyyiin ﷺ ni jedhan:
🌍💫““Yaa Rabbi! Isaan hiriyyoota koo jannata keessatti naa godhi.”
7. Rubayyi’ bint Mu’awwidh (R.A)
Dubartoota Ansaar keessaa turte. Dubartoota lama keessaa tokko tan Bay’ata Ridwaan irratti hirmaatte.
Nabiyyii ﷺ ni jedhan:
🌍💫““Namni muka jala bay’ate keessaa tokko illee ibidda hin seenu.”
8. Sumayyah bint Khayyaat (R.A)
Shahiidaa jalqabaa Islaamaa keessaa ishee ture. Haadha Ammaar bin Yaasir.
Ragaa jannataan gammachiifamuu ishee:
🌍💫“Nabiyyii ﷺ ni jedhan:
“Yaa maatii Yaasir! Obsaa, beellamni keessan jannata.”
9. Sayyidah Aa’ishaa bint Abii Bakr (R.A)
Ragaa jannataan gammachiifamuu ishee:
🌍💫“Jibriil suuraa ishee uffata hariiraa magariisa keessatti Nabiyyii ﷺtti fidee ni jedhe:
“Tun niitii kee addunyaatti fi aakhirattis.”
10. Ummu Rumaan (R.A)
Ragaa jannataan gammachiifamuu ishee:
🌍💫“Nabiyyii ﷺ ni jedhan:
“Namni dubartii Huurul’ayn keessaa argu fedhu Ummu Rumaan haa ilaalu.”
Isheen haadha Aa’ishaa fi Abdurrahmaan turte.
11. Faaximaa bint Asad (R.A)
Ragaa jannataan gammachiifamuu ishee:
🌍💫“Aliyy bin Abii Taalib irraa odeeffame; yeroo isheen duute Nabiyyiin ﷺ uffata isaanii keessatti kafanan, salaata irratti salaatan, qabrii ishee keessa seenuudhaan du’aayi godhan. Achiis ni jedhan:
🌍💫“Jibriil naaf himee isheen warra jannataa keessaa ta’uu.”
Isheen haadha Aliyyii, Ja’afar, Aqiiil fi Xaalib turte.
12. Hafsaa bint Umar (R.A)
Ragaa jannataan gammachiifamuu ishee:
🌍💫Jibriil Nabiyyii ﷺtti ni jedhe:
“Ishee hin hiikin; isheen baay’ee soomti, baay’ee salaatti; niitii kee jannata keessattis.”
🌍💫Akkasumas Nabiyyii ﷺ ni jedhan:
“Dubartoota jannataa keessaa caaltonni afur:
Khadiijaa bint Khuwaylid,
Faaximaa bint Muhammad,
Aasiyah bint Muzaahim (niitii Fir’awn),
Maryam bint Imraan.”
🌍💫Namni hojii isaa du’a booda akka hin citne fedhu beekumsa haa facaasu.
“Yaadachiisi; yaadannoon mu’umintoota ni fayyada.”
Rabbiin nuufi isin warra jannataa nu haa godhu 🥰
