አማራ ክልል ፖሊስ ዩኒቨርሲቲ ኮሌጅ /Amhara Region Police University College/

22/09/2026

አማራ ክልል ፖሊስ ዩኒቨርስቲ ኮሌጅ የመሰረታዊ ፖሊስ ማሰልጠኛ ኢንስቲትዩቱ ለተማሪዎች የመማሪያ ቁሳቁስ ድጋፍ አደረገ።

አክፖዩኮ፦ መስከረም 12 ቀን 2019 ዓ.ም

በአማራ ክልል ፖሊስ ዩኒቨርስቲ ኮሌጅ የመሰረታዊ ፖሊስ ማሰልጠኛ ኢንስቲትዩት በዙሪያው ለሚገኙ በጓንጓ ወረዳ ስር ፂርጊ የመጀመሪያ ደረጃ ትምህርት ቤት እና በዳንግላ ወረዳ ስር በሚገኘው ጉዲ ሚካኤል የመጀመሪያ ደረጃ ትምህርት ቤት ለሚማሩ ድጋፍ ለሚያሰፈልጋቸው ተማሪዎች እገዛ አድርጓል።

የተሰጠውን ድጋፍ የመሰረታዊ ፖሊስ ማሰልጠኛ ኢንስቲትዩት ምክትል ዋና ዳይሬክተር ተወካይ ኮማንደር ይሰማ ተናኜን ጨምሮ የፖሊስ መኮንኖች የተገኙ ሲሆን ከሁለቱም ትምህርት ቤት ርዕሰ መምህራንና ሌሎች አካላት ባሉበት ለተማሪች ደብተር እና እስክርቢቶ ድጋፍ ተደርጓል ።

ኮማንደር ይሰማ ተናኜ ለተማሪዎች መልዕክት ሲያስተላልፉ እንደገለፁት እናንተ ለወደፊት በተለያዩ ተቋማት ላይ ገብታችሁ ሀገርን የምትመሩና ተኪ ትውልድ ስለሆናችሁ ትምህርታችሁን በትኩረት ተከታተሉ የምናደርገውም ድጋፉም ተጠናክሮ ይቀጥላል ብለዋል።

የመሰረታዊ ፖሊስ ማሰልጠኛ ኢንስቲትዩቱ የፖሊስ አመራርና አባላት ከማሰልጠን ስራ ጎን ለጎን ከዚህ ቀደም የአቅመ ደካማ ቤት ከደሞዛቸው በማዋጣት ሰርተው በማስረከብ እና በእየግዜው ልዩ ልዩ የበጎ አድራጎት ስራዎችን በማከናወን ማህበራዊ ኃላፊነታቸውን የተወጡ መሆናቸው የሚተወስ ነው።

ተማሪዎች በበኩላቸው የተደረገላቸው የመማሪያ ቁሳቁስ የቀጠይ የትምህርት ዘመን በተሻለ ሁኔታ ለመከታተል እንደሚያግዛቸው አስተያየታቸውን ሰጥተዋል ።

ዘገባው ፦ የመሰረታዊ ፖሊስ ማስልጠኛ ኢንስቲትዩት ህዝብ ግንኙነት ክፍል ነው
ጥሩ-ብርሃን

10/09/2026

የአማራ ክልል ፖሊስ ዩኒቨርስቲ ኮሌጅ አቅም ውስንነት ያለባቸውን ህጻናት ተማሪዎች የትምህርት ቁሳቁስ ድጋፍ አደረገ፡፡
የአማራ ክልል ፖሊስ ዩኒቨርስቲ ኮሌጅ ከተቋቋመበት የትምህርትና ስልጠና ባሻገር በደብረማርቆስ ከተማ አስተዳደር ከአራቱም ክፍለከተማ ለተውጣጡ ዝቅተኛ የኑሮ ደረጃ ላይ ለሚገኙ ህፃናት ተማሪዎች የትምህርት ቁሳቁስ ድጋፍ ባለድርሻ አካላት በተገኙበት አካሄዷል።
በፕሮግራሙ ላይ የተገኙት የደብረማርቆስ ከተማ አስተዳደር ተወካይ ምክትል ከንቲባ አቶ መኮንን ሙላዳም እንደተናገሩት የአማራ ክልል ፖሊሲ ዩኒቨርሲቲ ኮሌጅ በቀውሱ የደረሰበትን ውድመት በአጭር ጊዜ ተቋቁሞ ወደ ስራ በመግባት ዛሬም ለደብረማርቆስ ከተማና አካባቢው የህዝብ አሌኝታነቱን ያስመሰከረ አኩሪተግባር መፈጸሙን ተናግረዋል ።
ሀገር እና ህዝብን የሚጠቅሙ ብዙ ታሪክ ሰሪ ጀግኖች በፈሩበት ግቢ ውስጥ ተገኝተን ድጋፍ እና እገዛችሁን ከማግኘት በላይ ህፃናት ስለ ሀገር ብዙ የህይወት ተሞክሮን የሚቀስሙበት መድረክም መሆኑን አስረድተዋል።
የአማራ ክልል ፖሊስ ዩኒቨርስቲ ኮሌጅ በርካታ የማህበረሰብ አገልግሎት ተግባራትን ያከናወነ እና በከተማችን ችግር በገጠመን ጊዜ ሁሉ ከጎናችን ለማይጠፋው ፖሊስ ዩኒቨርስቲ ኮሌጁ ህብረተሰቡ እንደ ቤቱ ሊንከባከበው እና ሊደገፈው እንደሚገባ ተናግረዋል ።
ዩኒቨርስቲ ኮሌጁ ለሚያከናውናቸው የማህበረሰብ አቀፍ አገልግሎትና ሌሎች ተያያዥ ተግባሮች የከተማ አስተዳደሩ አስፈላጊውን ድጋፍና እገዛ እንደሚያደርግ ቃል ገብተዋል ።
የአማራ ክልል ፖሊስ ዩኒቨርስቲ ኮሌጅ ፕሬዝዳንት ኮሚሽነር አበበ ደለለ በድጋፍ ፕሮግራሙ ላይ እንደተናገሩት የነገው ቀን ምክንያት በማድረግ ለነገ ሀገር ተረካቢ ትውልድ ለመፍጠር አንድ ደርዘን ለአንድ ተማሪ በሚል መርህ ትምህርት ለአገር ግንባታ ያለውን ሚና በመረዳት እና በትምህርት ቁሳቁስ እጥረት ተማሪዎች ትምህርታቸውን አቋርጠው እንዳይቀሩ በማሰብ መሆኑን ገልፀዋል ።
ህጻናት ተማሪዎች የነገ የፖሊስ መኮንኖች፣ የሀገር መሪዎች፣ ሳይንቲስትና ተማራማሪዎች በመሆናቸው በትምህርት ቁሳቁስ ችግር ህልማቸው እንዳይቀንጭር ከዚህ ድጋፍ ባሻገር ከከተማ አስተዳደሩ ጋር በመቀናጀት ጥናትን መሰረት አድርጎ እገዛው ተጠናክሮእንደሚቀጥል አስረድተዋል ።
ዩኒቨርስቲ ኮሌጁ በደብረማርቆስ ከተማ እና አካባቢው የአቅመ ደከማ ቤት መገንባት፣ የከተማ ጽዳት ፣በድርቅ ለተጎዱ የማህበረሰብ ክፍሎች መደገፍ፣ የእናት ደብረ ማርቆስ የህፃናት መንደርን በተለያዩ ቁሳቁስ መደገፍ ፣ የደም ልገሳ ፣ሰብል መሰብሰብ እና ሌሎች በርካታ የማህበረሰብ አገልግሎቶች የዩንቨርሲቲውን አመራሮች፣አባላት እና ሲቪል ሰራተኞችን በማስተባበር መሰራቱን ተናግረዋል ።
በመጨረሻም ህጻናት ተማሪዎች በትምህርታቸው የተሻለ ውጤት እንዲያስመዘግቡ ቤተሰብ፣ መምህራንና የሚመለከታቸው አካላት የድርሻቸውን ሊወጡ እንደሚገባ አሳስበዋል፡፡

08/09/2026

ማስታወቂያ
ለትምህርት ፈላጊዎች የወጣ ማስታወቂያ
የአማራ ክልል ፖሊስ ዩኒቨርሲቲ ኮሌጅ ለ2019 ዓ.ም የትምህርት ዘመን ለ03(ሦሰት ዓመት) ”በአዲቫንስ ዲግሪ የወንጀል መከላከል የትምህርት ፕሮግራም” መስፈርቱን የሚያሟሉና ፍላጎት ያላቸውን አመልካቾች ተቀብሎ ማስተማር ይፈልጋል፡፡ ሥለዚህ ይህ ማስታወቂያ ከወጣበት ቀን ጀምሮ ለተከታታይ 10 ቀናት ውስጥ በ----------------------------------------------- ክፍል ------------------------------- ቢሮ ቁጥር ----------- በአካል በመገኘት የትምህርት ማስረጃችሁን ማለትም የ8ኛ ክፍል፣የ10ኛ ክፍል ወይም የ12ኛ ክፍል ማጠቃለያ ሰርተፊኬት እንዲሁም ለፕሮግራሙ እንደ መስፈርት የተዘረዘሩ የትምህርት ማስረጃዎችን ዋናውን ከማይመለስ አንድ አንድ ፎቶ ኮፒ ጋር ይዛችሁ በመቅረብ እንድትመዘገቡ እየገለጽን፤የመግቢያ ፈተና የሚሰጥበትን ጊዜና ቦታ በቀጣይ የሚገለጽ ሲሆን በተጨማሪም በተቋሙ ድህረ ገፅ ፔጅ መከታተል የምትችሉ መሆኑን እንገልጻለን፡፡
የመግቢያ መስፈርቶች
“ለአዲቫንስ ዲግሪ በወንጀል መከላከል ፕሮግራም” ብቁ ለመሆን፣ አመልካቾች የሚከተሉትን መስፈርቶች ማሟላት አለባቸው፦
ከታወቀ የፖሊስ ዩኒቨርሲቲ ኮሌጅ በፖሊስ ሳይንስ ማንኛውም ዲፕሎማ ያላቸው መሆን፤
በማንኛውም የፖሊስ ሳይንስ ዲፕሎማ ከተመረቁ በኋላ በፖሊስ ተቋማት ውስጥ ቢያንስ ለሁለት (2) ዓመታት ያገለገለ/ች፤
ዕድሜያቸው ከ45 ዓመት ያልበለጠ/ች፤
በዩኒቨርሲቲ ኮሌጁ የሚሰጠውን የመግቢያ ፈተና ቢያንስ 50% ውጤት ማምጣት የሚችል/ችል፤
ለሴት አመልካች ከእርግዝና ነፃ የሆነችና በዩኒቨርሲቲ ኮሌጁ የጤና ማዕከል ለምርመራ ፈቃደኛ የሆነች፤
ለፖሊሳዊ ስልጠና ብቁ የሚያደርግ የተሟላ አዕምሯዊ እና አካላዊ ጤንነት ያለው/ላት እንዲሁም ከማንኛውም ዓይነት ሱስ ነጻ መሆን ይኖርባቸዋል።
ለመመዝገብ አስፈላጊ የሆኑ የትምህርት ማስረጃዎች
የ8ኛ ክፍል መላቀቂያ ፈተና ሰርተፊኬት ዋናውን እና አንድ ኮፒ፣
አጠቃላይ የ2ኛ ደረጃ ትምህርት ቤት መልቀቂያ ሰርተፊኬት ዋናውን እና አንድ ኮፒ፣
ከ9-10 ክፍል ወይም ከ9-12ኛ ክፍል ትራንስክሪቢት ዋናውን እና አንድ አንድ ኮፒ፣
የፖሊስ ሳይንስ ዲፕሎማ መመረቂያ ሰርተፊኬት ዋናውን እና አንድ ኮፒ፡፡

08/09/2026

07/09/2026

በአማራ ክልል ፖሊስ ዩኒቨርሲቲ ኮሌጅ የመሰረታዊ ፖሊስ ማሰልጠኛ ኢንስቲትዩት የቀጣይ በጀት ዓመት የዕቅድ ትውውቅ ውይይት አደረገ።

አክፖዩኮ፦ ጳጉሜ 2 ቀን 2018 ዓ.ም

በአማራ ክልል ፖሊስ ዩኒቨርስቲ ኮሌጅ የመሰረታዊ ፖሊስ ማሰልጠኛ ኢንስቲትዩት የምክትል ዋና ዳይሬክተር ተወካይ ኮማንደር ይሰማ ተናኜ የ2019 ዓ.ም በጀት በዩኒቨርሲቲ ኮሌጁ በዕቅድ የተያዙ አብያተ ተግባራትን የሚገልፅ ዓመታዊ ዕቅድ ለሁሉም የፖሊስ አመራርና አባላት ሰፊ ገለፃ አድርገዋል።

ኮማንደር ይሰማ ተናኜ በዕቅድ ውይይቱ ላይ እንዳመላከቱት ዩኒቨርስቲ ኮሌጁ ተግባራዊ የሚያደርገውን ተቋማዊ ሪፎርም መሰረት በማድረግ ለቀጣይ በጀት ዓመት በክፍት የስራ መደቦች ላይ አሰፈላጊው የሰው ሃይል እንዲሟላ በማድረግ ጥራት ያለው ትምህርትና ስልጠና መስጫ ኢንስቲትዩት ለማድረግ በትኩረት እንደሚሰራ አስገንዝበዋል።

ኮማንደር አክለውም በቀጣይ የኢንስቲትዩቱን የግምባታ ስራዎችን ማስጀመር ፣ የቴክኖሎጅ አጠቃቀምን በማሳደግ የሚሰጡ ተልዕኮዎችን በሚገባ እንዲፈፀሙ ማስቻል ፣ በአመለካከቱ የጠራ ለክልሉ ህዝብ ሲል በቆራጥነት የሚሰራና የሚያገለግል እና ለሙያው ታማኝ የሆነ እስከ መሰዎትነት ዋጋ መክፍል የሚችል ሰራዊት አሰልጥኖ በማስመረቅ አበክረን ሁላችንም በትኩረት ልንሰራ ይገባል ጥብቅ ጉዳይ ነው ብለዋል።

የቀረበውን ዕቅድ መነሻ በማድረግ የስብሰባ ተሳታፊ የፖሊስ አመራርና አባላት በበኩላቸው የስራ መነቃቃትን የሚፈጥር ለወደፊት የምንሰራቸውን ተግባሮች በዝርዝር ያስቀመጠ ለፈፃሚው አካል ትልቅ ግብዓት የሚሆንና የሚጠበቅብንን ተግባር በጥራት ለመስራት የሚስችል ዕቅድ እንደቀረበ በሰጡት አስተያየት ለማረጋገጥ ተችሏል።

ዘገባው፦ የመሰረታዊ ፖሊስ ማሰልጠኛ ኢንስቲትዩት ህዝብ ግንኙነት ክፍል ነው።
ጥሩ-ብርሃን

06/09/2026

የአማራ ክልል ፖሊስ ዩንቨርሲቲ ኮሌጅ የ2018 በጀት ዓመት የተሻለ የስራ አፈፃፀም ያስመዘገቡ የፖሊስ አመራር እና አባላት፣ የሲቪል ሰራተኞች እና በቅርብ ግዜ በተቋሙ ደንብ እና መመሪያ በጡረታ የተሰናበቱ አመራሮች የእውቅና እና ሽልማት ፕሮግራም ተካሄደ ፡፡

በፕሮግራሙ ላይ በክብር እንግድነት የተገኙት የደብረ ማርቆስ ከተማ አስተዳደር ተቀዳሚ ምክትል ከንቲባ አቶ ተሾመ ዋለ እንደተናገሩት በበጀት አመቱ በተለይ ዩንቨርሰቲ ኮሌጁ በዕቅድ ከተያዙት ዋና ዋና ተግባራት መካከል ሀገር እና ክልሉን የሚታደጉ የሰው ሀይል ከማፍራት አኳያ በርካታ ተግባራት መከናወናቸውን ገልፀው ይህንን የበለጠ አጠናክሮ ማስቀጠል እንደሚገባ አስረድተዋል ።
ዛሬ ከገባንበት ውስብስብ ችግሮች ከፍ ብለን እንድንታይ እና ለበርካታ አመታት በተቋሙ በማገልገል በጡረታ የተገለላችሁ ጥብቅ ሚስጥር በመሆን ታሪክ የሰራችሁ የፖሊስ አመራር እና አባላት ምንም እንኳን በደንብ እና በአሰራር የተለያቹህ ቢመስልምሁሌም ከፖሊስ የማትለዩ መሆኑን በሂደት አረጋግጠናል በማለት ተናግረዋል።
በ2018 በጀት አመት የአከናወናችሁትን መልካም ተግባር እና የግብ ስኬቶች በማስቀጠል እንዲሁም ዩንቨርስቲው ከተቋቋመበት አላማ አኳያ እና ክልሉ ከገባበት ቀውስ ተላቆ ሰላም እንዲፈጠር ዩንቨርሲቲኮሌጁ የአበረከተው አስተዋጽኦ የላቀ መሆን አስረድተዋል ፡፡

በበጀት አመቱ ፖሊስ ዩንቨርስቲው በእቅድ ከያዛቸው በርካታ ተግባሮች መካከል በውጤታማነት መፈፀሙን የገለፁት የዩቨርሲቲው ፕሬዝዳንት ምክትል ኮሚሽነር አበበ ደለለ እንደተናገሩት የክልሉን የህግ ማስከበርስራዎች እና ሰላም እና ደህንነትን በአስተማማኝ ሁኔታ ለማስከበር የሚያስችሉ አመራር እና አባላት ማፍራት መቻሉን ተናግረዋል ።

የኋላው ከሌለ የለም የፊቱ እንደሚባለው ዩንቨርሲቲ ኮሌጁ ዛሬ ላይ ለደረሰበት ደረጃ ከፍተኛ አስተዋጽኦ ላበረከቱት በጡረታ ለተገለሉ አመራር እና አባላት ምስጋና አቅርበዋል፡፡

ዩንቨርሲቲ ኮሌጁ ችግር ባጋጠመው ወቅትም ከጎኑ በመቆም ከፍተኛ አስተዋፅኦ ላበረከቱ የህብረተሰብ ክፍሎች እውቅና እና ሽልማት ተበርክቶላቸዋል ።

31/08/2026

የአማራ ክልል ፖሊስ ዩኒቨርሲቲ ኮሌጅ ያሰለጠናቸውን የአድማ መከላከል ፖሊስ አባላት አስመረቀ።

የአማራ ክልል ፖሊስ ዩኒቨርሲቲ ኮሌጅ የመሰረታዊ ፖሊስ ማሰልጠኛ ኢንስቲትዩት ተቀብሎ ያሰለጠናቸውን የአድማ መከላከል ፖሊስ ሰልጣኞች በደማቅ ሁኔታ አስመርቋል።

በምረቃ ሥነ-ሥርዓቱ ላይ የአማራ ክልል ፖሊስ ዋና ጠቅላይ መምሪያ የሰው ሃብት አስተዳደርና ልማት ዋና መምሪያ ኃላፊ ረዳት ኮሚሸነር አብዮት ሽፈራው፣ የኢንስቲትዩቱ ምክትል ዋና ዳይሬክተር ተወካይ ኮማንደር ይሰማ ተናኜ፣ የኢንስቲትዩቱ የሎጀስቲክስና የሰው ሃብት አስተዳደር መምሪያ ኃላፊ ኮማንደር ሻምበል ዘመነን ጨምሮ ሌሎች የፖሊስ መኮንኖችና አባላት ተገኝተዋል።

በሥነ-ሥርዓቱ ላይ የሥልጠና ሪፖርት ያቀረቡት ኮማንደር ይሰማ ተናኜ፤ ተመራቂዎች በቀጣይ ክልላዊ ተልዕኮዎች ላይ በብቃት መሳተፍ የሚያስችላቸውን አስፈላጊ ወታደራዊ እውቀትና ክህሎት እንዲጨብጡ መደረጉን ገልጸዋል።

ኮማንደር ይሰማ አክለውም አባላቱ የተጣለባቸውን የሕዝብና የመንግሥት አደራ በብቃት እንዲወጡ የሚያስችላቸው የአመለካከትና የተግባር አንድነት መገንባቱን አስረድተዋል።

በምረቃው ላይ በመገኘት የሥራ መመሪያ የሰጡት ረዳት ኮሚሸነር አብዮት ሽፈራው በበኩላቸው፤ ተመራቂ አባላት በክልሉ ሕግን የማስከበር ሂደት ውስጥ ትልቅ ኃላፊነት የተጣለባቸው መሆኑን አሳስበዋል።

በሥልጠና ወቅት ያገኙትን እውቀትና ሙያዊ ሥነ-ምግባር በመጠቀም ሕዝብን በቅንነትና በታማኝነት ማገልገል እንዳለባቸውም አክለው ገልጸዋል።

ረዳት ኮሚሸነሩ አክለውም አባላቱ የተቀላቀሉት ተቋም የተሰጠውን ሕገ-መንግሥታዊ ኃላፊነት ለመወጣት አቅሙን በቴክኖሎጂ፣ በሠለጠነ የሰው ኃይልና በሎጀስቲክስ አቅርቦት እያደራጀ የሚገኝ፣ እንዲሁም ለሠራዊቱ ምቹ የሥራ አካባቢን ለመፍጠር ከመቼውም ጊዜ በላይ በከፍተኛ ትጋት እየሠራ ያለ ተቋም ነው ብለዋል።

በመሆኑም በርካታ ጀግና የሕዝብ ልጆችን ያፈራና በፈጣን የለውጥ ጉዞ ላይ በሚገኝ ተቋም ውስጥ መቀላቀላችሁ የኩራትና የጀግንነት ስሜት ሊፈጥርባችሁ ይገባል ሲሉ ተናግረዋል።

በመጨረሻም ረዳት ኮሚሸነር አብዮት ሽፈራው ተመራቂዎች ያገኙትን እውቀትና ክህሎት ወደ ተግባር በመለወጥ፣ በአሁኑ ወቅት በሥራ ላይ ከሚገኙ የአድማ መከላከልና ሌሎች የጸጥታ ኃይሎች ጋር በመቀናጀት የተጣለባቸውን ሕገ-መንግሥታዊ ኃላፊነት በውጤታማነት እንዲወጡ ጥሪ አቅርበዋል።

ተመራቂ የአድማ መከላከል ፖሊስ አባላት በበኩላቸው በቆይታቸው የወሰዱት የአቅም ማጎልበቻ ሥልጠና የተሰጣቸውን ኃላፊነት በብቃት ለመወጣት ከፍተኛ መነሳሳትና ዝግጁነት እንደፈጠረላቸው ገልጸዋል።

26/08/2026

የአማራ ክልል ፖሊስ ዩኒቨርሲቲ ኮሌጅ አመራሮች እና አባላት እንዲሁም ሲቪል ሰራተኞች የ2019 በጀት ዓመት የዕቅድ ውይይት መድረክ አካሄደ
ነሐሴ 20/2018 ዓ.ም ደብረማርቆስ
የአማራ ክልል ፖሊስ ዩኒቨርሲቲ ኮሌጅ አመራሮችና ሁሉም ሠራተኞች በተገኙበት የ2019 በጀት ዓመት የዕቅድ ትውውቅ መድረክ ተካሄዷል፡፡
የዕቅድ ውይይት ሰነዱን ያቀረቡት የዩኒቨርሲቲ ኮሌጁ ልዩ ጽ/ቤትና ስታፍ ዋና መምሪያ ኃላፊ የሆኑት ኮ/ር መልሰው ሞላ በበጀት ዓመቱ ትኩረት የሚደረግባቸው ዋናዋና ግቦችና ተቋማዊ አቅጣጫዎችን አብራርተዋል፡፡
ለዩኒቨርሲቲ ኮሌጁ ስራ ውጤታማት አስፈላጊውን የሰው ሃይል በማሟላት የተቋሙን የመፈጸም አቅም ማሳደግ፣ በክልሉ ያለውን የፖሊስ የሰው ሃይል አቅም የባለሙያና የአመራር እጥረትን ለመፍታት የሚያስችል ስልጠና መስጠት፣ ለዩኒቨርሲቲው ኮሌጁ አስፈላጊ የሆኑ ግብዓቶችን በማሟላት ፈጣንና ተደራሽ አገልግሎት መስጠት ሁለተናዊ አቅሙን በማሳደግ የሚሰጠውን የትምህርትና ስልጠና አቅምና ጥራትን ማሳደግ፣ ተቋማዊ ለውጥ ሊያመጡ የሚችሉና ችግር ፈች የሆኑ ጥናትና ምርምሮችን በማድረግ ተቋማዊ አሰራሮችን ማሳደግ
የቴክኖሎጂ አጠቃቀምንና ሽግግርን በማሻሻል ተግባሮችን ቀልጣፋና ውጤታማ ማድረግ የተቋሙን የመካከለኛ የአጭር ጊዜ ዕቅዶችን በማቀድ አፈጻጸሙን በተገቢው መንገድ መከታተል፣ የተጠናከረ ቅንጅታዊ ትስስር በመፍጠር የዩኒቨርሲቲ ኮሌጁን ገጽታ መገንባትና የመፈጸም አቅሙን ማሳደግ፣ በህግ ማቀፎች ላይ የሚታዩ ክፍተቶችን በመለየት እንዲሻሻሉ ማድረግና ማስተግበር፣ የሠራዊቱን ደህንነት እና ጤንነት የጠበቀ እንዲሆን የህክምና አገልግሎቶች አሰጣጥ ጥራትና አቅምን ማሻሻል፣ የሪፎርም ስራዎችን በማከናወን ተቋማዊ አገልግሎት አሰጣጥ ማሳደግ፣ የበጀት አጠቃቀምና የንብረት አያያዝን በማሻሻል ውጤታማ ማድረግ፣ የኢንስፔክሽንና የውስጥ ኦዲት ስራን በማጠናከርና በማሻሻል የፋይናንስ እንቅስቃሴ እንዲሻሻል ማድረግ የበጀት ዓመቱ ዋነኛ የትኩረት አቅጣጫዎች ናቸው ሲሉ አብራርተዋል፡፡ኮማንደር መልሰው አክለውም በአጠቃላይ ወቅታዊ ሁኔታውን ተረድቶ ያሉብንን ፈተናዎች መወጣት የሚችል የሰው ሃይል ማፍራትና እና የመምህራንና አሰልጣኞች አቅም ማሳደግ እንደሚገባ ገልጸዋል፡፡
በዕቅድ ውይይቱ ላይ የተሳተፉ የዩኒቨርሲቲ ኮሌጁ አመራርና አባላት በኩላቸው ዕቅዱ ለመፈጸም የሚያችልና ለውጤታማነቱ ሁሉም በጋራና በቅንጅት መስራት እንዳለበት አንስተዋል ፡፡
በውይይቱ ላይ በተሳታፊዎች በኩል ተጨማሪ አስተያየትና ጥያቄዎች የተነሱ ሲሆን የተጣለብንን ኃላፊነትና የታቀዱ ግቦች ለማሳካት በቅንጅት ለመስራት ዝግጁ ነን ሲሉ አረጋግጠዋል፡፡
የአማራ ክልል ፖሊስ ዩኒቨርሲቲ ኮሌጅ ፕሬዝዳንት ም/ኮሚሽነር አበበ ደለለ በዕቅድ ውይይት ማጠቃለያ ላይ ባደረጉት ንግግር የታቀዱ ግቦችን ወደ ተግባር እንዲቀየሩ በአጠቃላይ የአመራሩና የዩኒቨርሲቲ ኮሌጁ ሁሉም ሰራተኞች የተቀናጀ ጥረት ወሳኝ መሆኑን አሳስበዋል፡፡
እንደ ፕሬዝዳንቱ ገለጻ የተያዙ የትኩረት አቅጣጫዎች በዩኒቨርሲቲ ኮሌጅ ደረጃና ይህንን በሚመጥን መንገድ እያንዳንዱ አመራርና አባል መፈጸም አለበት ብለዋል፡፡ ፕሬዜዳንቱ አክለውም ሁሉም የዩኒቨርሲቲ ኮሌጁ አመራርና አባላት ዩኒቨርሲቲ ኮሌጁን ተወዳዳሪ ለማድረግ የዩኒቨርሲቲ ኮሌጁን ተልዕኮዎችን አውቆ በሚችለው ልክ ተግባሮችን ማከናወን እና ከፍተኛ አስተዋጽኦ በማድረግ ትኩረት ተሰጥቶ መሰራት አለበት ብለዋል፡፡
የህዝብ ግንኙነት ስራዎችን በማጠናከር በኩል በክልሉ ውስጥ ያሉ መንግስታዊ እና መንግስታዊ ያልሆኑ ተቋማት ስለዩኒቨርሲቲ ኮሌጁ ሰፊ ግንዛቤ በመፍጠር ማስተዋወቅና ገጽታውን መገንባት እንዲሁም የዩኒቨርሲቲ ኮሌጁን ሙዝየም በማዘጋጀት የፖሊስን ታሪክ ሊያሳይ በሚችል መልኩ ማደራጀት እና የዩኒቨርሲቲ ኮሌጁን የሥራ እንቅስቃሴዎች ለአጋር አካላት እና ለአጠቃላይ ለማህበረሰቡ በሚሳይ መልኩ ማዘጋጀት እንደሚገባ አስገንዝበዋል፡፡
በመጨረሻም በአመራሮች መካከል የታቀዱትን ሥራዎች በውጤታማነት ለማስፈጸም የሚያስችል የዕቅድ ስምምነት ፊርማ እና የዕቅድ ርክክብ ስነ-ስርዓት ተፈጽሞ ስብሰባው ተጠናቋል፡፡
`በጀግንነት መጠበቅ በሰብዓዊት ማገልገል`
ዘገባው ፡ የየኒቨርሲቲ ኮሌጁ የህዝብ ግንኙነት መምሪያ ነው፡፡

25/08/2026

20/08/2026

ለአማራ ከልል ፖሊስ ዩኒቨርሲቲ ኮሌጅ አመራሮች እና መምህራን የከፍተኛ ትምህርት ምዝገባ እና ፈቃድ አሰጣጥ ዙሪያ ስልጠና እየተሰጠ ነው፡፡
አማራ ከልል ፖሊስ ዩኒቨርሲቲ ኮሌጅ /ደብረ ማርቆስ / ነሀሴ 2018 ዓ.ም
ለአማራ ከልል ፖሊስ ዩኒቨርሲቲ ኮሌጅ የከፍተኛ ትምህርት ምዝገባ እና ፈቃድ አሰጣጥ ዙሪያ ስልጠና እየተሰጠ ይገኛል፡፡
ስልጠናዉን ያዘጋጀዉ የአማራ ከልል ፖሊስ ዩኒቨርሲቲ ኮሌጅ ከኢፊዲሪ ከፍተኛ የትምህርትና ስለጠና ባለስልጣናት ጋር በመተባበር ሲሆን በስልጠናዉ ላይ የመክፈቻ ንግግር ያደረጉት የአማራ ከልል ፖሊስ ዩኒቨርሲቲ ኮሌጅ ፕሬዝዳንት ምክትል ኮሚሽነር አበበ ደለለ የአማራ ከልል ፖሊስ ዩኒቨርሲቲ ኮሌጅ ወደ ዩኒቨርሲቲ ኮሌጅነት ሲያድግ የከፍተኛ የትምህርት ተቋም ደረጃን በማሟላት ከሌሎች ከፍተኛ የትምህርት ተቋማት ጋር ተወዳዳሪ መሆን እንዳለበትም አንስተዋል፡፡
ፕሬዝዳንቱ የስልጠናውን አስፈላጊነት ሲገልጹ ዩኒቨርሲቲ ኮሌጃችን ከስም ለውጥ ባለፈ በተግባር እንደስሙና ደረጃው ሆኖ ለመገኜት የኢፊዲሪ ትምህርትና ስልጠና ባለስልጣንን መስፈርቶች አሟልቶ መገኜት ያለብን በመሆኑ በቀጣይ ለምናዘጋጀው የፈቃድ ጥያቄ ሰነድ በቂ ዕውቀትና ግንዛቤ ለማግኜት ታስቦ የተዘጋጀ ስልጠና ነው ብለዋል፡፡ የኢፊዲሪ ትምህርትና ስልጠና ባለስልጣንም ላቀረብነው ጥያቄ ፈጣን ምላሽ በመስጠቱ ምስጋና አቅርበው በቀጣይ በምናዘጋጀው ተቋማዊና ህጋዊ ሰነድ ድጋፋችሁ እንዳይለዬን ብለዋል፡፡
ከኢፊዲሪ ትምህርትና ስልጠና ባለስልጣን ስልጠናውን ለመስጠት የመጡ ባለሙያዎች እንደገለጹት ዩኒቨርሲቲ ኮሌጁ ያቀረባቸውን ጥያቄዎች ለማሟላት ስልጠናው አስፈላጊ መሆኑን ገልጸው ዩኒቨርሲቲ ኮሌጁን ለማገዝ ዝግጁ መሆናቸውን ገልጸዋል፡፡
በመጨረሻም ም/ኮሚሽነር አበበ ደለለ እንደገለጹት የኢፊዲሪ ትምህርትና ስልጠና ባለስልጣን የከፍተኛ ትምህርት መስፈርቶችን ለማሟላት ሰነድ የሚያዘጋጁ መምህራን ስልጠናውን በአግባቡ በመከታተል በሰለጠኑበት መንገድ ማዘጋጀት እንዳለባቸው ጠቁመዋል ፡፡
ስልጠናዉ በተከታታይ ሁለት ቀናት እንደሚቀጥል ይገመታል፡፡

በጀግንንት መጠበቅ መሰባዊነት ማገልገል!