Ethiopian Defence University የኢትዮጵያ መከላከያ ዩኒቨርሲቲ

22/09/2026

የትምህርት ሚኒስቴር በመንግሥት ዩኒቨርሲቲዎች የተማሪዎች ቅበላ ፣ የትምህርት መስክ ምደባና ዝውውር በአንድ ወጥ ፣ ግልጽ ፣ ፍትሐዊና ተጠያቂነት ባለው አሠራር እንዲፈጸም አሰራር ዘርግቷል ።

22/09/2026

"ድል ቁርሱ" የተሰኘው በፊልድ ማርሻል ብርሃኑ ጁላ የወታደራዊ ሕይወት ጉዞ የሚያንፀባርቀው መጽሐፍ ተመረቀ

"ድል ቁርሱ" የተሰኘው በፊልድ ማርሻል ብርሃኑ ጁላ የወታደራዊ ሕይወት ጉዞ የሚያንፀባርቀው መጽሐፍ ተመረቀ

የኢፌዴሪ መከላከያ ሠራዊት መስከረም 12 ቀን 2019 ዓ.ም

"ድል ቁርሱ" የተሰኘው በኢፌዴሪ ጦር ኃይሎች ጠቅላይ ኤታማዦር ሹም ፊልድ ማርሻል ብርሃኑ ጁላ የሕይወት ታሪክ፣ ልምድ፣ አመራር እና ጀግንነት ላይ የሚያጠነጥነው መጽሐፍ በደማቅ ሥነ-ሥርዓት በዛሬው ዕለት ተመረቀ።

መጽሐፉ የግለሰብ ታሪክ ላይ ብቻ ሳይሆን፣ ከገጠሬዋ የኢትዮጵያ ክፍል ተነስቶ የወታደራዊ ሕይወትን በመቀላቀል ሀገር በፈተና ማዕበል በተናጠችበት ወቅት በፅናት የቆመ ታላቅ መሪን መንፈስ የሚያሳይ እና የሕይወት ውጣ ውረድን በጥልቀት የሚያስቃኝ ነው።

በዚሁ የመጽሐፍ ምርቃት ሥነ-ሥርዓት ላይ ፕሮፌሰር ዳኛቸው አስፋ፣ የአፍሪካ ልህቀት አካዳሚ አቶ ዛዲግ አብራሃ እንዲሁም አቶ ብርሃኑ ደቦጭ በመጽሐፉ ላይ ምሁራዊ ሂስ እና ዳሰሳ አቅርበዋል።

በመርሃ ግብሩ ላይ የቀድሞው የኢፌዴሪ ፕሬዝዳንት ዶክተር ሙላቱ ተሾመ በክብር እንግድነት የተገኙ ሲሆን፣ የተለያዩ ሀገራት ወታደራዊ አታሸዎች፣ ዲፕሎማቶች እና ጥሪ የተደረገላቸው ከፍተኛ የመንግሥት የሥራ ኃላፊዎች ተገኝተዋል።

የኢፌዴሪ መከላከያ ሠራዊት
https://dfmc.mod.gov.et/

https://youtube.com/-9629?si=Av-sDKCopw1FfTW2

https://t.me/+E_EOiTY9eq85ODI0

https://www.facebook.com/fdredefense.official

21/09/2026

መልካም የሥራ ሳምንት!

ዕለተ ሰኞ፣ መስከረም 11/2019 ዓ.ም

ለኢትዮጵያ መከላከያ ዩኒቨርሲቲ መምህራን፣ የአስተዳደር ሠራተኞች፣ የሥራ ኃላፊዎችና ተማሪዎች በሙሉ መልካምና ውጤታማ የሥራ ሳምንት ይሁንላችሁ!

18/09/2026

ከኢፌዲሪ የትምህርትና ስልጠና ባለሥልጣን የከፍተኛ ትምህርት መግቢያ መስፈርቶችን በተመለከተ የተሰጠ ማሳሰቢያ
-------------------------------------------------------------------------------------------------------
✔ በቅድመ-ምረቃ እና በድህረ-ምረቃ መርሃ-ግብር ተመዝጋቢዎች የሚከተሉትን የከፍተኛ ትምህርት መግቢያ መስፈርቶች ማሟላት ይጠበቅባቸዋል፡-

✔ የትምህርት ሚኒስቴር ለትምህርት ዘመኑ ያሳውቀውን የከፍተኛ ትምህርት የመጀመሪያ ዲግሪ መግቢያ መስፈርት የመቁረጫ ነጥብ አሟልተው መገኘት አለባቸው፤

✔ ከቴክኒክና ሙያ ትምህርትና ሥልጠና ተቋም የተመረቁ ባለሙያዎች በከፍተኛ ትምህርት በቅድመ-ምረቃ ደረጃ ለመመዝገብ በሠለጠኑበት የሙያ መስክ በደረጃ 4 ወይንም በቀድሞ 10+3 ወይንም 12+2 ዲፕሎማ ያጠናቀቁ ሆነው በሙያው ደረጃ 4 የብቃት ማረጋገጫ ምዘና (COC level 4) ተፈትነው ያለፉበትን ማስረጃ ማቅረብ ይጠበቅባቸዋል፤

✔ ለ2ኛ ዲግሪ ተመዝጋቢዎች በባለሥልጣኑ ህጋዊነቱ የተረጋገጠ የመጀመሪያ ዲግሪ የትምህርት ማስረጃ ማቅረብ አለባቸው፤ እንዲሁም National Graduate Admission Test (NGAT) የማለፊያ ውጤት ያላቸው መሆን አለባቸው ፡፡

✔ ከውጭ ሀገር የተገኘ የትምህርት ማስረጃ ለመግቢያ መስፈርት የሚያገለግለው በባለሥልጣኑ የአቻ ግምት ሲሰራለት ብቻ ይሆናል፡፡

✔ ከተጠቀሱ መመሪያዎች ውጪ ገብተው ለሚማሩ ኃላፊነቱ የተመዝጋቢዎቹ እና የተቋማቱ ብቻ መሆኑን እናሳስባለን።

የኢፌዲሪ የትምህርትና ስልጠና ባለሥልጣን
በፊስቡክ -https://www.facebook.com/FDRE.ETA
በትዊተር- https://twitter.com/FDRE_ETA
በቴሌግራም -https://t.me/FDRE_ETA
በዌብሳይት www. neta.gov.et ይከታተሉ።

17/09/2026

Academic Calendar Announcement
Ethiopian Defence University

Academic Year 2019 E.C. (2026/2027 G.C.)
The Ethiopian Defence University would like to inform all concerned students of the following important dates regarding admission, registration, orientation, and the commencement of classes.

14/09/2026

2019 ዓ.ም የመጀመሪያው ሰኞ
መስከረም 04/2019 ዓ.ም
መልካም የሥራ ሳምንት ይሁንላችሁ!

አዲሱን የሥራ ሳምንት በተስፋ፣ በትጋትና በአዲስ ኃይል እንጀምር። የዛሬ ጥረታችን የነገን ስኬት ይገንባል፤ በእውቀት፣ በትብብርና በኃላፊነት ለላቀ ውጤት እንትጋ።

2019 ዓ.ም የስኬት፣ የልህቀትና የአዲስ ተስፋ ዓመት ይሁንልን!

10/09/2026

ውድ የኢትዮጵያ ህዝብ ፣ የመከላከያ ሠራዊታችን አባላት፣ የኢትዮጵያ መከላከያ ዩኒቨርሲቲ ማኅበረሰብ ፣ አመራሮች ፣ መምህራን ፣ ተመራማሪዎች፣ ተማሪዎችና ሠራተኞች ፣

የቀድሞ ተማሪዎቻችን፣ አጋሮቻችንና የዩኒቨርሲቲያችን ወዳጆች፣

እንኳን ለ2019 ዓ.ም. አዲስ ዓመት አደረሳችሁ!

አዲስ ዓመት የዘመን መለወጥ ብቻ አይደለም። ያለፈውን በጥበብ መገምገም፣ ዛሬን በኃላፊነት መምራትና ነገን በዝግጁነት መገንባት ነው። ለአንድ ብሔራዊ ተቋም ደግሞ አዲስ ዓመት አዲስ ዘመን ብቻ ሳይሆን አዲስ የሥራ ጉልበት፣ አዲስ የአፈጻጸም ደረጃና የበለጠ ተጠያቂነት የሚጠይቅ አዲስ ምዕራፍ ነው።

የኢትዮጵያ መከላከያ ዩኒቨርሲቲ በሀገር መከላከያ ዘርፍ ልዩ ተልዕኮ የተሰጠው ብሔራዊ የከፍተኛ ትምህርትና የሙያ ብቃት ተቋም ነው። የሀገር መከላከያ አቅምን በዕውቀት፣ በምርምር፣ በአመራር፣ በሙያዊ ብቃትና በስትራቴጂክ አስተሳሰብ የሚደግፍ የዕውቀትና የብቃት ማዕከል ነው።

ስለዚህ ከእኛ የሚጠበቀው ብቻ የሚታወቀውን ማስተማር አይደለም፤ የሚመጣውን መተንበይ፣ ችግርን አስቀድሞ መለየት፣ መፍትሔ መፍጠርና ለሀገር የሚጠቅም ዕውቀት ማመንጨት ነው።

የዘመኑ የመከላከያና የደህንነት አካባቢ በፍጥነት እየተለወጠ ነው። የጦር ሜዳ በመሬት ብቻ አይወሰንም፤ የመረጃ፣ የሳይበር፣ የቴክኖሎጂ፣ የስትራቴጂ፣ የኢኮኖሚና የሀሳብ ውድድርም የብሔራዊ ደህንነት አካል ሆኗል።

ይህ ለዩኒቨርሲቲያችን አንድ ግልጽ ጥያቄ ያቀርባል፦ ነገን እንከተላለን ወይስ ነገን እንቀድማለን?

የእኛ ምላሽ ግልጽ ነው፦ እንቀድማለን!

2019 ዓ.ም. በዩኒቨርሲቲያችን የቃል ብቻ ሳይሆን የውጤት ዓመት መሆን አለበት። የምንናገረውን በሥራ እናረጋግጣለን፤ ያቀድነውን በአፈጻጸም እንለካለን፤ ያስጀመርነውን በውጤት እናጠናቅቃለን።

በዚህ ዓመት ትኩረታችን በተለይ በአካዳሚክ ጥራት፣ በወታደራዊ ሙያዊ ልህቀት፣ በምርምርና ፈጠራ፣ በቴክኖሎጂ ትስስር፣ በሰው ኃይል ልማትና በተቋማዊ ተጠያቂነት ላይ ይሆናል።

የምርምር ውጤቶቻችን ከሀገራዊ የመከላከያ ፍላጎት ጋር የበለጠ መተሳሰር አለባቸው። የምርምር ውጤቶች በቤተ-መጽሐፍትና በማህደር ውስጥ ብቻ የሚቀሩ ሳይሆኑ፣ ለውሳኔ አሰጣጥ፣ ለፖሊሲና ስትራቴጂ፣ ለሠራዊቱ ዝግጁነትና ለተቋማዊ ልማት ተጨባጭ አስተዋጽኦ ማድረግ አለባቸው።

ዕውቀት በተግባር ሊታይ ይገባል።ይህም የመከላከያ አቅም ተቋማችን እምቅ አቅም ይሆናል።

ለመምህራኖቻችን የምሰጠው ጥሪ፦ ተማሪዎቻችንን አስተሳሰብ ገንቡ።

ለተመራማሪዎቻችን፦ በምርምር ስራዎቻችሁ ለሀገር የሚጠቅም መፍትሔ ፍጠሩ።

ለአመራሮቻችን፦ ትዕዛዝ ብቻ አትስጡ፤ አቅጣጫ ስጡ፣ አርአያ ሁኑ፣ ውጤት አስመዝግቡ።

ለተማሪዎቻችን፦ ዲግሪ ለማግኘት ብቻ አትማሩ፤ ሀገርን ለማገልገል ብቁ ለመሆን ተማሩ።

ለሠራተኞቻችን፦ የተሰጣችሁን ኃላፊነት እንደ የዕለት ሥራ ብቻ አትመልከቱ፤ የተቋሙ ስኬት የሚጀምረው ከእያንዳንዱ ሰው ትጋት ነው።

የወታደራዊ ልህቀት መሠረቱ ዲሲፕሊን ነው፤ የአካዳሚክ ልህቀት መሠረቱ ጥራት ነው፤ የተቋማዊ ስኬት መሠረቱ ተጠያቂነት ነው። እነዚህ ሁሉ ሲጣመሩ የሚፈጠረው ብቁ፣ የሚያስብ፣ የሚመራና የሚፈጽም የሰው ኃይል ነው።

ስለዚህ 2019 ዓ.ም. የ“ብዙ ሥራ” ዓመት ሳይሆን የ“ትክክለኛ ውጤት” ዓመት ይሁን።
የ“ብዙ ቃል” ዓመት ሳይሆን የ“ተግባር” ዓመት ይሁን።
የ“መጠበቅ” ዓመት ሳይሆን የ“መምራትና መቅደም” ዓመት ይሁን።

ውድ የዩኒቨርሲቲያችን ማኅበረሰብ፣

የሀገር መከላከያ የሚጀምረው ከጦር ሜዳ ብቻ አይደለም። የሚጀምረው ከክፍል ውስጥ በሚሰጥ ትምህርት፣ ከምርምር ላብራቶሪ፣ ከተመራማሪው ጥያቄ፣ ከመምህሩ አስተሳሰብ፣ ከተማሪው ትጋትና ከአመራሩ ውሳኔ ነው።

እያንዳንዱ የምንሠራው ሥራ የሀገር መከላከያ አካል ነው።
እያንዳንዱ የምናመነጨው ዕውቀት የሀገር አቅም ነው።
እያንዳንዱ የምናሳድገው ብቁ ባለሙያ የነገ ኢትዮጵያ ጠንካራ ኃይል ነው።

ይህንን ኃላፊነት በጋራ እንሸከም። የሥራ ባህላችንን እናሳድግ፤ ተጠያቂነታችንን እናጠናክር፤ ዲሲፕሊናችንን እናስጠብቅ፤ ፈጠራችንን እናበረታታ፤ በዕውቀት እንመራ፤ በተግባር እንመዝን፤ በውጤት እንመስክር።

የሀገር ጥቅም ከፍ ብሎ ሲቆም፣ የግል ጥቅም ወደ ኋላ ይሄዳል።
ተቋም ከግለሰብ በላይ ሲቆም፣ ዘላቂ ውጤት ይፈጠራል።
ዕውቀት ከተግባር ጋር ሲገናኝ፣ አቅም ይሆናል።

ለሀገራችን ሰላምና ዕድገት፣ ለመከላከያ ሠራዊታችን ጥንካሬና ሙያዊ ልህቀት፣ ለዩኒቨርሲቲያችን ደግሞ ዘላቂ ተቋማዊ ስኬት እመኛለሁ።

ለእያንዳንዳችሁና ለቤተሰቦቻችሁ ጤና፣ ሰላም፣ ደስታና ብልጽግና ይሁን።

መልካም አዲስ ዓመት!
እንኳን አደረሳችሁ!

ብርጋዴር ጄኔራል ከበደ ረጋሳ
የኢትዮጵያ መከላከያ ዩኒቨርሲቲ ፕሬዝዳንት

10/09/2026

10/09/2026

እንኳን አደረሳችሁ!
**መልካም አዲስ ዓመት!**

2019 ዓ.ም. ለሀገራችን ኢትዮጵያና ለህዝባችን የሰላም፣ የፍቅር፣ የአንድነት እና የስኬት ዓመት እንዲሆን እየተመኘን፣ የኢትዮጵያ መከላከያ ዩኒቨርሲቲ ለመላው የዩኒቨርሲቲው ማኅበረሰብና ለመላው የኢትዮጵያ ሕዝብ ከልብ የመነጨ የአዲስ ዓመት መልካም ምኞቱን ያቀርባል።

አዲሱ ዓመት የሰላም፣ የተስፋ፣ የአንድነት እና የላቀ ስኬት ይሁንላችሁ!

********************************************

Happy New Year!

As we welcome 2019 E.C., the Ethiopian Defense University extends its warmest wishes to the people of Ethiopia and to the entire university community.

May the New Year bring our beloved country and its people peace, love, unity, prosperity, and success. May it be a year of renewed hope, meaningful achievements, and continued progress for all.

Wishing you and your loved ones a peaceful, prosperous, and successful New Year!

10/09/2026

ዩኒቨርሲቲ ለሞጆ ከተማ አስተዳደር ተማሪዎች ከ170 ሺህ ብር በላይ የትምህርት መርጃ ቁሳቁስ ድጋፍ አደረገ
****************************************
ቢሾፍቱ ፣ ጳጉሜ 05፣ 2018(ኢመዩ)የኢትዮጵያ መከላከያ ዩኒቨርሲቲ የቢዝነስና ማህበራዊ ጥናት ኮሌጅ (ሞጆ ካምፓስ) በሞጆ ከተማ አስተዳደር ሥር ለሚገኙ ተማሪዎች ከ170 ሺህ ብር በላይ የሚያወጡ የትምህርት መርጃ ቁሳቁሶችን ድጋፍ አድርጓል።

ድጋፉ ደብተር፣ ቦርሳ፣ እስክሪብቶ፣ እርሳስ፣ ለሴት ተማሪዎች የንጽህና መጠበቂያ እና ሌሎች የመማሪያ ቁሳቁሶችን ያካተተ ነው።

የኮሌጁ ዋና ዳይሬክተር ኮሎኔል መላኩ ደመላሽ ድጋፉ የትምህርት መርጃ ቁሳቁሶችን መግዛትና ትምህርታቸውን መከታተል ያልቻሉ ተማሪዎች በትምህርታቸው ላይ በተሻለ ትኩረት እንዲያደርጉ፣ ትምህርታቸውን በትጋት እንዲከታተሉና ለማገዝ ያለመ መሆኑን ጠቁመዋል።

ኮሌጁ በሞጆ ከተማና በአካባቢው የህዝብ አለኝታነቱን በተግባር እያሳየ መሆኑንም ዋና ዳይሬክተሩ ገልፀው በተለይም የትውልዱን የትምህርት ዕድል ለማሻሻል የሚደረጉ ድጋፎች የተቋሙን ማህበራዊ ኃላፊነት የሚያሳዩ መሆናቸውን አስረድተዋል።

የድጋፍ ርክክቡ በተካሄደበት ዕለት የሞጆ ከተማ ከንቲባን ጨምሮ የተለያዩ የመንግስት የሥራ ኃላፊዎች በመርሃ-ግብሩ ተሳትፈዋል።

የትምህርት መርጃ ቁሳቁሶቹ በተማሪዎች የትምህርት ሂደት ላይ የሚኖረውን ተጨባጭ አስተዋጽኦ በማጎልበት፣ ተማሪዎች የተሻለ የትምህርት ውጤት እንዲያመጡና የወደፊት ሀገራዊ ኃላፊነታቸውን በብቃት እንዲወጡ የሚያበረታታ መሆኑ ተገልጿል።

ለመከላከያ ሰራዊታችን ልህቀት እንተጋለን!
telegram channel
👇👇👇👇
https://t.me/EthiopianDefenceUniversity
📌website 🌍
👇👇👇👇
http://www.etdu.edu.et
📌Facebook
👇👇👇👇
https://www.Facebook.com/ethdefuni
📌tiktok
👇👇👇👇
https://www.tiktok.com/