Ethio-Italy Polytechnic College-Dire Dawa

26/09/2026

እንኳን ለብርሃነ መስቀሉ በሰላም አደረሳችሁ!!

22/09/2026

በኮሌጁ የISO 9001:2015 QMS የመጀመርያው ሰርቪላስ ኦዲት (Surveillance Audit) ተካሄደ::

መስከረም 12. 2019 ዓ.ም ድሬዳዋ

የኢትዮ-ጣሊያን ፖሊቴክኒክ ኮሌጅ በምስራቅ ኢትዮጵያ የመጀመርያው የመንግስት ተቋም በመሆን የISO 9001:2015 የጥራት አስተዳደር ስርዓት ሰርተፍኬት ባለቤት መሆኑን ተከትሎ በየአመቱ በኢትዮጵያ የተስማሚነት ምዘና ድርጅት ኮሌጁ ያለበትን ደረጃ ለመገምገምና ቀጣይነቱን ለማረጋገጥ በሚደረገው የሰርቪላስ ኦዲት (Surveillance Audit) ከመስከረም 11-12/2019 ዓ.ም ለሁለት ቀናት ተካሂዶ በስኬት ተጠናቋል::

በሰርቪላስ ኦዲት (Surveillance Audit) ወቅት ኦዲተሮች በኮሌጁ የሚገኙ የስራ ሂደቶችን፣ ስልጠና ክፍሎችን እንዲሁም የማሰልጠኛ ወርክሾፖችን ጨምሮ አጠቃላይ የኮሌጁን ነባራዊ ሁኔታ የገመገሙ ሲሆን በዚህም ኮሌጁ በኢትዮጵያ የተስማሚነት ምዘና ድርጅት የተሰጠውን የISO 9001:2015 QMS ስታንዳርድ ትግበራ በማስቀጠሉ ረገድ ጥሩ የአፈፃፀም ደረጃ ላይ ያለ በመሆኑ የተሰጠው ሰርተፍኬት ቀጣይነት እንዲኖረው ማረጋገጫ ማግኘትም ችሏል::

ተጨማሪ መረጃዎችን በሚከተሉት አማራጮች ያግኙ፡-

በፌስቡክ -https://www.facebook.com/share/19wDiZAD7x/?mibextid=wwXIfr

በቴሌግራም -https://t.me/EIPC2001

በቲክቶክ -https://www.tiktok.com/?_t=ZM-90MxIrBN8qe&_r=1

በዌብሳይት - https://ethioitalypolytechniccollege.com/

22/09/2026

20/09/2026

የሀዘን መግለጫ

በኢትዮ-ጣሊያን ፖሊቴክኒክ ኮሌጅ የማኑፋክቸሪንግ ዲፓርትመንት ክፍል በአሰልጣኝ መምህርነት ሲያገለግሉ የነበሩት ባልደረባችን አሰልጣኝ መ/ር መለስ ታዬ ባደረባቸው ድንገተኛ ህመም መስከረም 10/2019 ዓ.ም ከዚህ አለም በሞት ተለይተውናል::

የኢትዮ-ጣሊያን ፖሊቴክኒክ ኮሌጅም በወንድማችን አሰልጣኝ መ/ር መለስ ታዬ ህልፈተ ህይወት የተሰማውን ጥልቅ ሀዘን እየገለፀ ለቤተሰቦቹ እንዲሁም ለወዳጅ ዘመዶቹ ልባዊ መጽናናትን ይመኛል።🙏🙏

የኢትዮ-ጣሊያን ፖሊቴክኒክ ኮሌጅ

18/09/2026

ክህሎት የዘላቂና የሁለንተናዊ ስኬት መሰረት!

17/09/2026

የኢትዮ-ጣሊያን ፖሊቴክኒክ ኮሌጅ የ2019 በጀት አመት የእቅድ ፊርማ ስነ-ስርዓት አካሄደ::

መስከረም 7. 2019 ዓ.ም ድሬዳዋ

በኢትዮ-ጣሊያን ፖሊቴክኒክ ኮሌጅ የሚገኙ የዋና እና ደጋፊ የስራ ሂደት ዳይሬክቶሬት ዳይሬርተሮች የ2019 ዓ.ም መሪ ዕቅዶቻቸውን ለኮሌጁ ማኔጅመንት አቅርበው ከኮሌጁ ዲን አቶ ታደለ አሰፋ ጋር የፊርማ ስነ-ስርዓት አከናውነዋል::

ከፊርማ ሥነ-ሥርዓቱ በተጨማሪ ዳይሬክቶሬቶች በበጀት አመቱ ያቀዷቸውን ዕቅዶች በሚፈለገው ደረጃ እንዲፈፅሙ የሚያስችልና ቅንጅታዊ አሰራርን በመፍጠር ዙሪያ የኮሌጁ ማኔጅመንት አባላቱ በተገኙበት ውይይቶች ተድርገው የቀጣይ አቅጣጫ ማስቀመጥ ተችሏል።

ተጨማሪ መረጃዎችን በሚከተሉት አማራጮች ያግኙ፡-

በፌስቡክ -https://www.facebook.com/share/19wDiZAD7x/?mibextid=wwXIfr

በቴሌግራም -https://t.me/EIPC2001

በቲክቶክ -https://www.tiktok.com/?_t=ZM-90MxIrBN8qe&_r=1

በዌብሳይት - https://ethioitalypolytechniccollege.com/

15/09/2026

የደብረ ማርቆስ ፖሊቴክኒክ ኮሌጅ አመራሮችን ያቀፈ ልዑካን ቡድን በኢትዮ-ጣሊያን ፖሊቴክኒክ ኮሌጅ የስራ ልምድ ልውውጥ ጉብኝት አካሄደ፡፡

መስከረም 5.2019 ዓ.ም ድሬዳዋ

የደብረ ማርቆስ ፖሊቴክኒክ ኮሌጅ አመራሮችን ጨምሮ የተለያዩ የስራ ሀላፊዎችን የያዘ የልዑካን ቡድን በኮሌጃችን ያለውን የስራ እንቅስቃሴ ለመመልከት እንዲሁም በEASE ፕሮጀክት ትግበራ ያለውን ተሞክሮ ለመውሰድ የሚያስችላቸውን የስራ ልምድ ልውውጥ በኮልጁ አካሂደዋል::

ልዑካን ቡድኑ በኮሌጃችን በነበረው የልምድ ልውውጥ መርሃ-ግብር ወቅትም የኢትዮ-ጣሊያን ፖሊቴክኒክ የEASE ፕሮጀክት ትግበራን ጨምሮ ጠቅላላ በተቋም የተመዘገቡ የአፈፃፀም ውጤቶችን በዝርዝር የተመለከቱ ሲሆን በተጨማሪም ኮሌጁ ከምስረታው አንስቶ አሁን እስከደረሰበት ደረጃ የነበረውን ሂደት እና ያከናወናቸውን ዘርፈ ብዙ የለውጥ እንቅስቃሴዎችን በኮሌጁ ዲን አቶ ታደለ አሰፋ እንዲሁ በEASE ፕሮጀክት አስተባባሪ ኢንጂነር ፋሲል ማዘንጊያ አማካኝነት ሰፋ ያለ ገለፃና ማብራሪያም ተደርጎላቸዋል::

ልኡካን ቡድኑ በኮሌጁ በተደረገላቸው አቀባበልና በተመለከቱት የኮሌጁ እንቅስቃሴ መነሻ በማድረግ የኢትዮ-ጣሊያን ፖሊቴክኒክ ኮሌጁ እያከናወናቸው የሚገኙ ዘርፈ ብዙ የስራ እንቅስቃሴዎች አስደናቂ መሆናቸውን ጠቅሰው በዚህም በቀጣይ በተለያዩ ጉዳዮች ላይ ከኮሌጁ ጋር አብሮ የመስራት ፍላጎት እንዳሳደረባቸውም ገልፀዋል::

በተጨማሪም ልኡካን ቡድኑ በኮሌጁ የሚገኙ የተለያዩ የስልጠና ዎርክ ሾፖችን ተዘዋውረው የተመለከቱ ሲሆን በነበራቸው የልምምድ ልውውጥ መርሃ-ግብርም የተሳካ ቆይታን በኮሌጃችን ማድረጋቸውን በመግለፅ ለተደረገላቸው አቀባበልና የላቀ ትብብር የምስጋና ሰርተፊኬት ለኮሌጁ አበርክተዋል::

ተጨማሪ መረጃዎችን በሚከተሉት አማራጮች ያግኙ፡-

በፌስቡክ -https://www.facebook.com/share/19wDiZAD7x/?mibextid=wwXIfr

በቴሌግራም -https://t.me/EIPC2001

በቲክቶክ -https://www.tiktok.com/?_t=ZM-90MxIrBN8qe&_r=1

በዌብሳይት - https://ethioitalypolytechniccollege.com/

11/09/2026

🌼🌼🌼🌼🌼🌼🌼🌼🌼🌼🌼🌼

"አዲስ ዓመት፤ ከአዲስ ክህሎት እና ከላቀ ስኬት ጋር!"

የኮሌጁ ዲን አቶ ታደለ አሰፋ

ውድ የኮሌጃችን ሰልጣኞች፣ አሰልጣኞች፣ የአስተዳደር ሰራተኞች፣ የኢንዱስትሪ አጋሮቻችን እና መላው ኢትዮጵያውያን በሙሉ በቅድሚያ እንኳን ለ2019 አዲስ ዓመት በሰላም፣ በጤና አደረሳችሁ አደረሰን!!🌼🌼

እንደሚታወቀው በተጠናቀቀው የ2018 ዓ.ም የስራ ዘመን ኮሌጃችን በተግባር ተኮር ስልጠና ፣በቴክኖሎጂ ሽግግር ፣በምርምርና ፈጠራ እንዲሁም ብቁና በገበያው ተወዳዳሪ የሆኑ ባለሙያዎችን ለማፍራት በርካታ አበረታች ስራዎችን ሲሰራ የቆየ ሲሆን ለተመዘገቡት ውጤቶችም የአሰልጣኞቻችንና የአጠቃላይ ሰራተኛው ቁርጠኝነት፣ የሰልጣኞቻችን ጥረት እንዲሁም የኢንዱስትሪ አጋሮቻችን ድጋፍ ትልቅ አስተዋፅኦ እንደነበረው የሚታወስ ነው::

በአዲሱ 2019 ዓ.ም ደግሞ የስልጠና ጥራታችንን የበለጠ በማሳደግ፣ ከኢንዱስትሪዎች ጋር ያለንን ቁርኝት በማጠናከር እና ለሀገራችን የኢኮኖሚ ዕድገት ወሳኝ የሆኑ የሙያ ባለቤቶችን በማፍራት ረገድ የተጀመሩ የለውጥ ስራዎችን አጠናክረን እንደምንቀጥል ከወዲሁ እየገለፅኩ አዲሱ ዓመት የሰላም፣ የዕውቀት፣ የፈጠራ፣ የጤና እና የስኬት ዓመት እንዲሆንልን መልካም ምኞቴን መግለፅ እወዳለሁ::

አቶ ታደለ አሰፋ
የኢትዮ-ጣሊያን ፖሊቴክኒክ ኮሌጅ ዲን

🌼 🌼

10/09/2026

ዲጂታል ድሬን እውን በማድረግ ተስፋን የሚያጭሩ ፈጠራዎችንና ችግር ፈቺ የሆኑ ቴክኔሎጂን ማልማት ችለናል..የድሬዳዋ አስተዳደር ክቡር ከንቲባ ክቡር አቶ ከድር ጁሀር

ጳግሜ 5 "የነገው ቀን" ዲጂታል ኢትዮጵያ እውን ማድረግ" በሚል መሪ ሀሳብ በድሬዳዋ አስተዳደር የዲጂታል ትራንስፎርሜሽን ሽግግርን በሚያሳዩ የቴክኖሎጂ ውጤቶች እና በፓናል ውይይት ተከበረ።

በፓናል ውይይት ላይም የድሬዳዋ አስተዳደር ከንቲባ ክቡር አቶ ከድር ጅሀር በመልዕክታቸው አገራችን ገጥሟት የነበሩ ፈተናዎችና የቁልቁለት ጉዞዋን በመግታት በሁሉም ዘርፎች ወደ ላቀ የከፍታ ጉዞ በማንሰራራት ላይ ትገኛለች፡፡

ከለውጡ ማግስት ኢትዮጵያ የራሷን የዲጂታል ልማት ጎዳና በመቀየስ "የዲጂታል 2030 የአምስት አመት በየዘርፉ ብልጽግናን ስትራቴጂን ተግባራዊ መደረጉን ገልጸዋል።

በድሬደዋ የመንግስት አገልግሎትን ቀልጣፋና ተደራሽ በማድረግ ረገድ የመሶብ ድሬ የአንድ ማዕከል አገልግሎትን ተግባራዊ በማድረግ ቀልጣፋና ውጤታማነት የዲጂታል አገልግሎት መስጠት መጀመሩን እና በቀጣይም የማጠናከር ስራ እንደሚሰራ አብራርተዋል።

የብልጽግና ፓርቲ ድሬዳዋ ቅርንጫፍ ጽ/ቤት ኃላፊ ክቡር አቶ ኢብራሂም ይሱፍም በበኩላቸው ዓለማችን በቴክኖሎጂ አብዮት በፍጥነት እየተለወጠች ባለችበት በዚህ ወቅት፤ ዲጂታል ልህቀት ለድሬደዋ አስተዳደር የህልውና እና ፈጣን ዕድገት መሠረትነው::

ድሬደዋ የታሪክ፣ የንግድ፣ የባህል ማዕከል እና በሀገራችን በከተሜነት ግንባር ቀደምነት የሆነችበትን በማስቀጣል በዲጂታል ትራንስፎርሜሽን በሀገራችን የፊት መሪ እንድትሆን በተሰራ ዘርፈ ብዙ ስራዎች አያሌ ስኬቶች እና ውጤቶችን ማስመዝገብ ችለናል ብለዋል፡፡

በዲጂታል ትራንስፎርሜሽን ጉዟችን የአስተዳደራችንን የአገልግሎት አሰጣጥ ዘመናዊ፣ ቀልጣፋ፣ ከሙስና የጸዳ ለማድረግ እና የዜጎችን ጊዜና እንግልት የሚቀንሱ ግልጽነትን የሚያረጋግጡ ዘርፈ ብዙ ስራዎች መስራታቸውን ገልጸዋል።

በመርሃ ግብሩም የኢትዮጵያ ማንሰራራት በሚል የተዘጋጀ ጽሁፍ በክቡር አቶ ኢብራሂም ይሱፍ ቀርቦ ሰፊ ውይይት ተደርጎበታል።

በተያያዘ ዘገባም በእለቱ በተዘጋጀው የቴክኖሎጂዎች አውደርእይ ላይ የድሬዳዋ ፖሊ ቴክኒክ ኮሌጅን በመወከል የተለያዩ የማህበረሰቡን ጫና መቀነስ የሚችሉና ዘመናዊነትን ለማሳደግ የሚረዱ የተለያዩ ቴክኖሎጂዎችን ማቅረብ የተቻለ ሲሆን በዚህም መሰረት ለክቡራን እንግዶች ኮሌጁን ማስተዋወቅ ተችሏል፡፡

| ጳጉሜ 5/2018

09/09/2026

የኢትዮ-ጣሊያን ፖሊቴክኒክ ኮሌጅ አዲስ አመትን አስመክክቶ በተቋሙ ዝቅተኛ ገቢ ላላቸው ሰራተኞቹ ማዕድ የማጋርት መርሃ-ግብር አካሄደ::

ጳጉሜ 4.2018 ዓ.ም ድሬዳዋ

የኢትዮ-ጣሊያን ፖሊቴክኒክ ኮሌጅ አመራሮችና ማኔጅመንት አባላት ጳግሜ 4 የሚከበረውን "የህብር ቀን" ምክንያት በማድረግ በኮሌጁ ዝቅተኛ ደመወዝ ለሚያገኙ ሰራተኞች ለአዲስ አመት ማዕድ አጋርተዋል::

በማዕድ ማጋራት መርሃ-ግብሩ ላይ ለአዲስ አመት የእንኳን አደረሳችሁ መልዕክት ለሰራተኛው ያስተለለፉት የኮሌጁ ዲን አቶ ታደለ አሰፋ ሲሆኑ በዛሬው እለት ጳጉሜ 4 የሚከበረውን "የህብር ቀን" አስመልክቶ ይህ ድጋፍ ለማድረግ ስናስብ አዲሱን አመት በአዲስ መንፈስ መጀመር እንዲያስችለን በቂም ባይሆን ተቋሙ እናንተን ሰራተኞቹን እንደሚያስባችሁ ለማሳየትና በሚችለው አቅም ድጋፍ ለማድረግ ያለመ መሆኑንም ገልፀዋል::

የኮሌጁ ዲን አክለውም ተቋሙ ላከፋት ወራት መሰል ሰው ተኮር የክረምት በጎ ስራዎች ላይ በሰፊው መንቀሳቀሱን አስታውሰው በዚህም የችግኝ ተከላ፣ የአቅመ ደካሞችን ቤት ማደስ ፣ ለወጣቶች ነፃ የክረምት ሙያ ስልጠና ማሰልጠን የመሳሰሉ ውጤታማ ተግባራትን ማከናወን መቻሉንም ገልዋል::

ተጨማሪ መረጃዎችን በሚከተሉት አማራጮች ያግኙ፡-

በፌስቡክ -https://www.facebook.com/share/19wDiZAD7x/?mibextid=wwXIfr

በቴሌግራም -https://t.me/EIPC2001

በቲክቶክ -https://www.tiktok.com/?_t=ZM-90MxIrBN8qe&_r=1

በዌብሳይት - https://ethioitalypolytechniccollege.com/