ጎንደር ዮኒቨርስቲ የተማሪዎች ህብረት Gondar University Students Union

18/09/2026

Well Come

11/09/2026

Happy New Year, To all students! 🎉❤️
May this new year bring you happiness, peace, good health, success, and many beautiful moments. May all your dreams and plans come true. Wishing you and your family a blessed and amazing New Year! 🥂✨

11/09/2026

📢 ማስታወቂያ
ለጎንደር ዩኒቨርሲቲ ሕክምናና ጤና ሳይንስ ኮሌጅ እና አጠቃላይ ስፔሻላይዝድ ሆስፒታል የቅድመ-ምረቃ የ18ቱም ዲፓርትመንት ነባር ተማሪዎች በሙሉ
የ2019 ዓ.ም. የትምህርት ዘመን መስከረም 6/2019 ዓ.ም. የሚጀምር ሲሆን ከዚህ ጋር ተያይዞ የተማሪዎች ምዝገባ መስከረም 4 እና 5/2019 ዓ.ም ይካሄዳል።

ስለሆነም የ18ቱም ዲፓርትመንት ነባር ተማሪዎች በተጠቀሱት ቀናት በአካል በመገኘት ምዝገባችሁን እንድታጠናቅቁ ኮሌጁ በአክብሮት ያሳስባል።

📅 የምዝገባ ቀን
መስከረም 4 እና 5/2019 ዓ.ም

🎓 የትምህርት መጀመሪያ ቀን
መስከረም 6/2019 ዓ.ም

የጎንደር ዩኒቨርሲቲ
ሕክምናና ጤና ሳይንስ ኮሌጅ እና አጠ/ስፔ/ሆስ

10/09/2026

በጎንደር ዩኒቨርሲቲ በአይሲቲ ዳይሬክቶሬት ክፍል የአይሲቲ ባለሙያ የሆኑት ወ/ሮ ቅድስት የኔሁን በድንገተኛ ሕመም ምክንያት የሕክምና እርዳታ ሲደረግላቸው ቆይተው ሊሻላቸው ባለመቻሉ ጳጉሜ 04 ቀን 2018 ዓ.ም. ከዚህ ዓለም በሞት ተለይተዋል።ለቤተሰቦቻቸው እና ወዳጆቻቸው መፅናናትን እንመኛለን!

31/07/2026

ከጎንደር ዩኒቨርሲቲ ተማሪዎች ማኅበር የተላለፈ የክብርና የምስጋና መልእክት

​“ከወሬ ይልቅ በተግባር፣ በቃላት ይልቅ በታላቅ ሥራ የተቋሙን ታሪክ ያደሱ የመስክና የጽናት መሪ!”

​የጎንደር ዩኒቨርሲቲን ላለፉት ሰባት ዓመታት (ከ2011 እስከ 2018 ዓ.ም) በታላቅ ጽናት፣ በበሰለ አካዳሚካዊና አስተዳደራዊ አመራር ሲመሩ የቆዩትንና አሁን ደግሞ የአዲስ አበባ ሳይንስና ቴክኖሎጂ ዩኒቨርሲቲ (AASTU) ፕሬዚዳንት ሆነው የተሾሙትን ዶክተር አሥራት ዓፀደወይንን (PhD) የጎንደር ዩኒቨርሲቲ ተማሪዎች ማኅበር እና መላው የዩኒቨርሲቲያችን ተማሪዎች በታላቅ ኩራትና አክብሮት እናመሰግናቸዋለን።

​ዶ/ር አሥራት በዩኒቨርሲቲያችን ቆይታቸው ወቅት በቃላት ከሚገለጸው በላይ ዕውቀታቸውን፣ ጊዜያቸውንና ሙሉ አቅማቸውን ለተቋሙ እድገት የሰጡ፣ በበርካታ ሀገራዊና ተቋማዊ ፈተናዎች ውስጥ አልፈው ውጤት ያስመዘገቡ እውነተኛ የመስክና የተግባር መሪ ነበሩ።

​ዶ/ር አሥራት ባለፉት ሰባት ዓመታት ያከናወኗቸው ታላላቅና ታሪካዊ ሥራዎች፦

​ተቋሙን በአፍሪካና በሀገር አቀፍ ደረጃ የልህቀት ማዕከል ማድረግ፦ ዩኒቨርሲቲያችንን በትምህርት፣ በምርምርና በማኅበረሰብ አገልግሎት የላቀ ደረጃ በማድረስ፣ ትምህርት ሚኒስቴር ካለያቸው 8 የምርምር ዩኒቨርሲቲዎች (Research Universities) አንዱ እንዲሆንና ወደ ራስ-ገዝነት (Autonomous) ለመሸጋገር የሚያስችለውን ፍኖተ-ካርታ እንዲቀርፅ መርተዋል።

​የተማሪዎች “የቃል ኪዳን አባት” እና አካታች ትምህርት፦

​የዩኒቨርሲቲውን ተማሪዎች መብት፣ ደኅንነትና ምቾት በመጠበቅ በቅርበት ያደምጡ የነበሩ አባታዊ መሪ ነበሩ።

​በተለይም የጎንደር የቃል ኪዳን ቤተሰብ (Foster Family Program) ፕሮጀክትን በማስጀመር እና አካታች የትምህርት ሥርዓትን (Inclusion) በማጠናከር የአካል ጉዳት ላለባቸውና ድጋፍ ለሚሹ ተማሪዎች ልዩ እንክብካቤ እንዲደረግ አድርገዋል።

​የፈተናና የጽናት ጊዜያትን በብቃት መሻገር፦ በኮቪድ-19 ወረርሽኝ ወቅትና በሰሜኑ ሀገራችን ክፍል በተከሰቱት ፈታኝ አገራዊ ሁኔታዎች መማር-ማስተማሩ እንዳይቋረጥ ቴክኖሎጂን (በይነ-መረብን) በመጠቀም፣ የድህረ-ምረቃ ተማሪዎችን በማስመረቅና የተስተጓጎለውን የትምህርት ጊዜ በማካካስ አስደናቂ የአመራር ብቃት አሳይተዋል።

​የታሪክና የትውልድ አሻራ (የ«ፅናት» መጽሐፍ ደራሲ)፦ ዩኒቨርሲቲያችን ከተመሠረተበት ከ1947 ዓ.ም ጀምሮ ያለፈባቸውን ታሪካዊ ውጣ ውረዶች፣ ፈተናዎችና የለውጥ ጉዞዎች የሚዳስስ «ጽናት፡ የጎንደር ዩኒቨርሲቲ ታሪካዊ የለውጥ ጉዞ» የተሰኘውን ታሪካዊ መጽሐፍ ጽፈው ለትውልድ ማቆየታቸው ትልቅ የዕውቀት አሻራቸው ነው።

​የመሠረተ-ልማትና የማኅበረሰብ አገልግሎት፦

​በዩኒቨርሲቲው አጠቃላይ ስፔሻላይዝድ ሆስፒታል ሥር የካንሰር ሕክምና ማዕከል፣ የሕክምና ኦክስጅን ማምረቻ ፋብሪካና ሌሎች የጤናና የምርምር ማዕካላት እንዲገነቡ አድርገዋል።

​በበረሃ አንበጣ ወረርሽኝና በተለያዩ የኅብረተሰብ ችግሮች ወቅት የዩኒቨርሲቲውን የበጎ ፈቃድና የማኅበረሰብ አገልግሎት ድጋፎች በግንባር ቀደምትነት መርተዋል።

​ለአዲስ አበባ ሳይንስና ቴክኖሎጂ ዩኒቨርሲቲ (AASTU) ማኅበረሰብ

​አዲሱ የተመደቡበት አዲስ አበባ ሳይንስና ቴክኖሎጂ ዩኒቨርሲቲ እንዲህ ዓይነታቸውን በተግባር የሚታመኑ፣ ውጤት ተኮር፣ የምርምር ሰውና ትልቅ ራእይ ያላቸውን መሪ በማግኘቱ እጅግ እድለኛ ተቋም ነው እንላለን!

25/06/2026

🎓የጎንደር ዩኒቨርሲቲ ተማሪዎቹን ዛሬ እያስመረቀ ነው።

ጎንደር ዩኒቨርሲቲ በተለያዩ የትምህርት መስኮች ያሠለጠናቸውን ተማሪዎች ዛሬ እያስመረቀ ነው።

ዩኒቨርሲቲው በቅድመ ምረቃ፣ በድኅረ ምረቃ ፣ በሰብስፔሻሊቲ እና በሦሥተኛ ዲግሪ ትምህርታቸውን ሲከታተሉ የቆዩ 4ሺህ 83 ተማሪዎችን እያስመረቀ ነው።

24/06/2026

24/06/2026

24/06/2026

ሰኔ 18 ቀን 2018 ዓ.ም. ለምትመረቁ የጎንደር ዩኒቨርሲቲ ተማሪዎች እንኳን ደስ አላችሁ!

በነገው ዕለት የሚካሄደው የዓመታዊ ምረቃ በዓል መድረክ ዝግጅት በከፊል ይህንን ይመስላል።
፥፥፥፥፥፥፥፥፥፥፥፥፥፥፥፥፥፥፥፥፥
ሰኔ 16 ቀን 2018ዓ.ም.

Congratulations to the University of Gondar students graduating on June 25, 2026!

This is partly what the stage preparation looks like for tomorrow's annual graduation ceremony.
፥፥፥፥፥፥፥፥፥፥፥፥፥፥፥፥፥
June 23, 2026

22/06/2026

ይነበብ ይነበብ ይነበብ!! 🎓 ለ2018 ዓ.ም የጎንደር ዩኒቨርሲቲ ተመራቂዎች በሙሉ የቀረበ ጥሪ! 🎓

ውድ የ2018 ዓ.ም. ተመራቂ ተማሪዎች፣

በመጀመሪያ እንኳን ደስ ያላችሁ እያልን በቅርቡ የትምህርት ጉዞአችሁን በስኬት አጠናቃችሁ ወደ አዲስ የሕይወት ምዕራፍ ለመሸጋገር በመዘጋጀት ላይ ትገኛላችሁ። ይህን አስመልክቶ የጎንደር ዪኒቨርሲቲ የቀድሞ ተማሪዎች ግኑኝነት ቢሮ ከስራ ዕድልና ፈጠራ ልማት ማዕከል ጋር መተባበር "ከካምፖስ ወደ ስራ ዓለም" በሚል መሪ ቃል የሙያ ልምድ ማካፈያ፣ የሥራ ዕድል አውደ ርዕይ፣ የሥራ ፈጠራ እና የኔትወርኪንግ መድረክ አዘጋጅቷል።
ይህ መድረክ ከግቢ ሕይወት ወደ ሥራ ዓለም የምታደርጉትን ጉዞ ስኬታማ ለማድረግ የሚያግዝ በመሆኑ እንዲሳተፉ ስንል በአክብሮት እንጋብዛችኋለን።

📅 ቀን: ሰኔ 16, 2018 ዓ.ም.
🕒 ሰዓት: ከጠዋቱ 2፡30 – 11፡30
📍 ቦታ: ቴዎድሮስ ግቢ፣ ፕሬዚዳንት ህንፃ
በዚህ መድረክ ላይ፦
🔹በተለያዩ ዘርፎች ስኬታማ የሆኑ የጎንደር ዩኒቨርሲቲ ቀድሞ ተማሪዎችን የሚያገኙበት እና ከልምዳቸው የሚማሩበት፤
ልዩ መድረክ ስለሆነ ሁላችሁም በሰዓቱ ተገኝታችሁ የፕሮግራሙ ተሳታፊ እንድትሆኑ እናሳውቃለን።
የጎንደር ዩኒቨርስቲ የተማሪዎች ህብረት ፅ/ቤት
"ከካምፓስ ወደ ሥራ ዓለም የሚደረገውን ጉዞ ስኬታማ ለማድረግ በአንድነት እንጓዝ!"