University of Gondar

Call Directions Website Contact the university

University of Gondar The University of Gondar is an esteemed institution of higher learning in Ethiopia, founded in 1954.
(2)

በጎንደር ዩኒቨርሲቲና በእርካብ የክህሎት ማሰልጠኛ ድርጅት መካከል የሁለትዮሽ ውይይት ተካሄደ።*******************በጎንደር ዩኒቨርሲቲና በእርካብ የክህሎት ማሰልጠኛ ድርጅት መካከል...
15/10/2026

በጎንደር ዩኒቨርሲቲና በእርካብ የክህሎት ማሰልጠኛ ድርጅት መካከል የሁለትዮሽ ውይይት ተካሄደ።
*******************
በጎንደር ዩኒቨርሲቲና በእርካብ የክህሎት ማሰልጠኛ ድርጅት መካከል በጋራ ለመስራት በሚቻልበት ሁኔታ ላይ ዛሬ ጥቅምት 5 ቀን 2019 ዓ.ም. የጎንደር ዩኒቨርሲቲ የምርምር እና ትብብር ም/ፕሬዝዳንት ዶ/ር አይንሸት አዳነ፣ የጎንደር ከተማ ትምህርት ቢሮ ሀላፊ እና የድርጅቱ ተባባሪ መስራች አቶ ስንታየሁ ነጋሽ፣ መኖሪያቸውን በዋሽንግተን ዲሲ ያደረጉት ሌላኛው የድርጅቱ ተባባሪ መስራች አቶ ሃቢቡ ታከለ እና የድርጅቱ ስራ አስፈፃሚ ኢንጂነር አምበሉ እንዳለው እና ተጋባዥ እንግዶች በተገኙበት የሁለትዮሽ ውይይት ተካሂዷል።

የጎንደር ዩኒቨርሲቲና እርካብ የክህሎት ማሰልጠኛ ድርጅት በጋራ ሊሰሩባቸው የሚችሏቸውን ጉዳዮች የምርምርና ትብብር ም/ፕሬዝዳንት ዶ/ር አይንሸት አዳነ የጠቆሙ ሲሆን በተለይም በዩኒቨርሲቲው በኩል የሚጠበቁ አስፈላጊ ድጋፎችን እንደሚያደርጉ ገልጸዋል።

የጎንደር ከተማ አስተዳደር ትምህርት መምሪያ ኃላፊ አቶ ስንታየሁ ታከለ በበኩላቸው ሀገራችን ለማሳካት ላቀደችው ለዲጂታል ኢትዮጵያ 2030 ትልቅ ግብዓትና በእውቀትና ክህሎት የዳበሩ ወጣቶችን ለማፍራት በትብብር መስራት እንደሚገባ ተናግረዋል።

አቶ ሃቢቡም በአሜሪካም ሆነ በመላው ዓለም ያሉ የጎንደር ተወላጆችና ወዳጆችን በማስተባበር ወጣቶች ስራ ፈጣሪ የሚሆኑበትን ሁኔታ ለማመቻቸት እንደሚሰሩ አስረድተዋል::

በመጨረሻም የድርጅቱ ስራ አስፈፃሚ ኢንጅነር አምበሉ እርካብ የክህሎት ማሰልጠኛ ድርጅት የተቋቋመው በጎንደር ከተማ እና በአቅራቢያዋ ባሉ ወረዳዎች ለሚገኙ ስራ ለሌላቸው ወጣቶች በአጫጭር የስልጠና ዘርፎች የስኮላርሽፕ እድል በመስጠት በዲጂታል የስራ ዘርፎች ላይ እንዲሰማሩ ለማስቻል እንደሆነ አብራርተዋል:: እስካሁን ለነበረው የሁሉም አጋር አካላት ትብብር እና ድጋፍም ምስጋና አቅርበዋል።
*****************
ለልህቀት እንተጋለን!
የህዝብና ዓለም አቀፍ ግንኙነት ዳይሬክቶሬት
ጥቅምት 05/2019 ዓ.ም.

የሕግ ትምህርት ቤት ለአዲስ ገቢ ሕግ ማስተርስ ተማሪዎች የእንኳን ደሕና መጣችሁ አቀባባል አደረገ፡፡*******************​በጎንደር ዩኒቨርሲቲ የሕግ ትምህርት ቤት ጥቅምት 05/201...
15/10/2026

የሕግ ትምህርት ቤት ለአዲስ ገቢ ሕግ ማስተርስ ተማሪዎች የእንኳን ደሕና መጣችሁ አቀባባል አደረገ፡፡
*******************
​በጎንደር ዩኒቨርሲቲ የሕግ ትምህርት ቤት ጥቅምት 05/2019 ዓ.ም. ለአዲስ ገቢ ሕግ ማስተርስ ተማሪዎች በሕግ ትምህርት ቤት አዳራሽ የእንኳን ደህና መጣችሁ አቀባበል ሥነ-ሥርዓት አከናውኗል።

ፕሮግራሙን የመሩት አቶ ኀይለ ማርያም በላይ ሲሆኑ የፕሮግራሙ ዓላማ የትምህርት አሰጣጥ ሂደቱን ቀድሞ በማሳወቅ እና ከተማሪዎች ጋራ መረጃ በመለዋዋጥ የመማር ማስተማሩን ተግባር በተያዘለት ጊዜ ለማሳካት ያለመ ነው፡፡

የሕግ ትምህርት ቤት ዲን አቶ መብራቱ ጥላሁን፣ የሕግ ትምህርት ቤት በዩኒቨርሲቲው ካሉ ጠንካራ ትምህርት ቤቶች መካከል አንዱ መሆኑን አውስተው፡- በመማር ማስተማር፣ በጥናትና ምርምር እና በማኅረሰብ አገልገሎት በጠንካሬው የሚታወቅ እንደሆነ በማስረዳት እንኳን ደህና መጣችሁ ብለዋል፡፡ አያይዘውም የዘንድሮው የትምህርት ዘመን ለየት የሚያደርገው በርካታ የማስተርስ ተማሪዎችን ያገኘንበት ወቅት ሲሆን እኛም ተማሪዎቻችን ለማርካት ተጨማሪ አሳይመንት የምንወስድበት ነው በማለት ገልጸዋል፡፡ አያይዘውም ተማሪዎች በሁለት ዓመት ቆይታቸው ውስጥ፣ ጥብቅ የአካዳሚክ ዲሲፕሊን፣ ጊዜን ማክበር፣ ንቁ ተሳትፎ ማድረግ፣ ጥናትና ምርምር ማካሄድ፣ የትብብር መንፈስን ማዳበር፣ ቴክኖሎጅን መጠቀም የማይታለፉ መርሖች መሆናቸውን አጽንዖት ሰጥተዋል፡፡ እንዲሁም ብቁ መምህራንን መመደብ እና ክትትል ማድረግ ደግሞ ከትምህርት ቤቱ የሚጠበቅ ኀላፊነት ሲሆን የሚከሰቱ ተግዳሮቶችን ከመምህራን፣ ከትምህርት ቤቱ እና ከተማሪዎች ጋር በትብብር መሻገር እንደሚገባ በመጥቀስ መልካም የትምህርት ጊዜ እንዲሆን ምኞታቸውን ገልጸዋል፡፡

በመቀጠል የዩኒቨርሲቲው የድኅረ ምረቃ ዳይሬክቶሬት ዳይሬከተር ፕሮፌሰር ዋሴ ሞላ በሥነ ሥርዓቱ ላይ ተገኝተው ለአዲስ ገቢ የማስተርስ ተማሪዎች በዩኒቨርሲቲ ልየታ ከ8ቱ የምርምር ዩኒቨርሲቲዎች አንዱ ወደሆነው እና በቀጣይ ወደራስ ገዝነት እየተንደረደረ ወደአለው የጎንደር ዩኒቨርሲቲ እንኳን ደህና መጣችሁ ብለዋል፡፡ ፕሮፌሰር ዋሴ አያይዘውም እናንተ የሕግ ሰዎች በመሆናችሁ መብትንም ግዴታንም እውን እንደምታደርጉ አምናለሁ፡፡ በተሰጣችሁ ኹለት ዓመት ቆይታ ውስጥ ትምህርታችሁን ማጠናቀቅ ያለባችሁ ሲሆን ለዚህም ቢሮአችን ለእናንተ ሁሌም ክፍት ነው በማለት የዩኒቨርሲቲው የድኅረ ምረቃ ዳይሬክቶሬት ዳይሬከተር ከድኅረ ምረቃ ተማሪዎች ጋር ያለውን ተቀራርቦ የመሥራት ባህል አስረድተዋል፡፡

በመቀጠል የድኅረ ምረቃ ፕሮግራም አስተባባሪ አቶ ደመወዝ ካሴ በእንኳን ደህና መጣችሁ ሥነ ሥርዓቱ ላይ ሥለ ትምህርት ቆይታ ማብራሪያ ሰጥተዋል፡፡ በዚህም ስለ ቆይታ ጊዜ፣ ስለ ክሬዲት ሀወር፣ ስለ ሴሚስተር፣ ስለ ተግዳሮት፣ ስለ ምዝገባ፣ ስለ ነበረው ችግር፣ ስለግዴታ እና ስለ መብት ጥልቅ ገለጻ አድርገዋል፡፡ በገለጻው ማደማደሚያ የትምህርት ሂደቱ መመሪያና ሂደት በተቀመጠለት ጊዜ ለማሳካት ተማሪዎች የራሳቸውን ኀላፊነት በተገቢው መንገድ እስከተወጡ ድረስ ትምህርት ቤቱ ኀላፈነቱን ለመወጣትና ተማሪዎችን ለማገዝ ሁሌም ዝግጁ እንደሆነ አስረድተዋል፡፡

በመጨረሻም ከትምህርት ቤቱ ነባር መምህራን የልምድ ልውውጥ ከተደረገና ከተሳታፊዎች የውይይት ነጥቦች ከተነሱ በኋላ የትምህርት ቤቱ ዲን አቶ መብራቱ ጥላሁን ለአዘጋጆች፣ ለተማሪዎችና ተሳታፊዎች ምስጋና በማቅረብ የመርሐ-ግብሩ ፍፃሜ ሆኗል።
*******************
ለልህቀት እንተጋለን!
የህዝብና ዓለም አቀፍ ግንኙነት ዳይሬክቶሬት
ጥቅምት 5/2019 ዓ.ም

የ2019 ዓ.ም. አዲስ ገቢ ተማሪዎች አቀባበል በጎንደር ዩኒቨርሲቲ***************ለልህቀት እንተጋለን!የህዝብና ዓለም አቀፍ ግንኙነት ዳይሬክቶሬትጥቅምት 5 ቀን 2019 ዓ.ም.
15/10/2026

የ2019 ዓ.ም. አዲስ ገቢ ተማሪዎች አቀባበል በጎንደር ዩኒቨርሲቲ
***************
ለልህቀት እንተጋለን!
የህዝብና ዓለም አቀፍ ግንኙነት ዳይሬክቶሬት
ጥቅምት 5 ቀን 2019 ዓ.ም.

ማስታወቂያ*********ከትግራይ ክልል ዩኒቨርሲቲዎች ወደ ጎንደር ዩኒቨርሲቲ ለተመደባችሁ ተማሪዎች በሙሉበ2019 ዓ.ም በትምህርት ሚኒስቴር ከትግራይ ክልል ዩኒቨርሲቲዎች በጊዜያዊነት ጎንደር...
14/10/2026

ማስታወቂያ
*********
ከትግራይ ክልል ዩኒቨርሲቲዎች ወደ ጎንደር ዩኒቨርሲቲ ለተመደባችሁ ተማሪዎች በሙሉ

በ2019 ዓ.ም በትምህርት ሚኒስቴር ከትግራይ ክልል ዩኒቨርሲቲዎች በጊዜያዊነት ጎንደር ዩኒቨርሲቲ ለተመደባችሁ ተማሪዎች በሙሉ ከጥቅምት 5-9 ቀን 2019 ዓ.ም በየግቢ ረ/ሬጅስትራር ጽ/ቤት በአካል በመገኘት ሪፖርት እንድታደርጉ እያሳወቅን፤

ለምዝገባ ስትመጡ

- የነበራችሁበትን ዩኒቨርሲቲ መታወቂያ
- የብሔራዊ (ፋይዳ) መታወቂያ
- ሁለት 3*4 መጠን የሆነ ፎቶግራፍ
- አንሶላ፣ብርድ ልብስ፣ እና የትራስ ልብስ

ከተጠቀሰው ቀን በኃላ ዘግይተው የሚመጡ ተማሪዎችን ዩኒቨርሲቲው የማያስተናግድ መሆኑን እንገልጻለን፡፡
************

የጎንደር ዩኒቨርሲቲ ሬጅስትራርና አልሙናይ ዳይሬክቶሬት

College of Business and Economics Opens First PhD Week of 2026/2027************The College of Business and Economics (CB...
14/10/2026

College of Business and Economics Opens First PhD Week of 2026/2027
************
The College of Business and Economics (CBE) at the University of Gondar officially opened its first PhD Week of the 2026/2027 academic year on October 13, 2026, at Negadras Hall, Tower 59, Maraki Campus. The three-day event will run through October 15.

Held three times each academic year alongside the college’s monthly seminar series, PhD Week provides a platform for strengthening research quality, peer review, and scientific debate. The program features PhD viva voce examinations, mock defenses, proposal defenses, progress reports, and academic seminars.

Dr. Yibeltal Walle, Vice Dean for Research and Postgraduate Affairs, welcomed participants, while Dr. Demis Alamirew, Dean of the College, officially opened the event.

In their remarks, both leaders commended the growing culture of academic debate at the college and emphasized the importance of strengthening research and knowledge-sharing platforms. They noted that as the University of Gondar advances its research university agenda and transition toward autonomy, such forums are essential for producing policy briefs, promoting scientific knowledge exchange, and developing future institutional leaders.
************
Devoted to Excellence!
Public and International Relations Directorate
October 14, 2026

የጎንደር ዩኒቨርሲቲ የ2019 ዓ.ም አዲስ ገቢ ተማሪዎችን መቀበል ጀመረ───የጎንደር ዩኒቨርሲቲ የ2019 የትምህርት ዘመን አዲስ ገቢ ተማሪዎችን ለማስተማር አስፈላጊውን ቅድመ ዝግጅት በማጠና...
14/10/2026

የጎንደር ዩኒቨርሲቲ የ2019 ዓ.ም አዲስ ገቢ ተማሪዎችን መቀበል ጀመረ
───
የጎንደር ዩኒቨርሲቲ የ2019 የትምህርት ዘመን አዲስ ገቢ ተማሪዎችን ለማስተማር አስፈላጊውን ቅድመ ዝግጅት በማጠናቀቅ፣ ጥቅምት 4 እና 5/2019 ዓ.ም ተማሪዎችን በፍቅርና በእንክብካቤ በመቀበል ላይ ይገኛል።

በመሆኑም ከአገራችን አራቱም ማዕዘናት ወደ ዩኒቨርሲቲው የተለያዩ ግቢዎች በመግባት ላይ ለሚገኙ አዲስ ገቢ ተማሪዎች፣ የዩኒቨርሲቲው መላው ማህበረሰብ ሁለተኛ ቤታቸው ወደሆነው አንጋፋው ተቋም እንኳን በደህና መጣችሁ እያለ፣ ተማሪዎች በቆይታቸው እርስ በእርስ በመከባበርና በመቻቻል ሰላማቸውን ጠብቀው፣ የመጡበትን ከፍ ያለ ዓላማ በስኬት እንዲያጠናቅቁ ይመኛል።

በመጨረሻም፤ እንግዳን በፍቅርና በክብር መቀበል መገለጫው የሆነው የጥንታዊቷና የታሪካዊቷ ጎንደር ከተማ እና የአካባቢው ማህበረሰብ፣ እንደተለመደው አዲስ ገቢ ተማሪዎችን ሞቅ ባለ አቀባበል እንዲቀበል ዩኒቨርሲቲው ቤተሰባዊ ጥሪውን አስተላልፏል።
───
ለልህቀት እንተጋለን!
የህዝብና ዓለም አቀፍ ግንኙነት ዳይሬክቶሬት
ጥቅምት 04/2019 ዓ.ም.

በጎንደር ዩኒቨርሲቲ ''የኦርቶዶንቲክስ'' ስፔሻሊቲ ፕሮግራምን ለመክፈት የውጭ ሥርዓተ ትምህርት ግምገማ ተካሄደ****በጎንደር ዩኒቨርሲቲ ሕክምናና ጤና ሳይንስ ኮሌጅና አጠቃላይ ስፔሻላይዝድ ...
14/10/2026

በጎንደር ዩኒቨርሲቲ ''የኦርቶዶንቲክስ'' ስፔሻሊቲ ፕሮግራምን ለመክፈት የውጭ ሥርዓተ ትምህርት ግምገማ ተካሄደ
****

በጎንደር ዩኒቨርሲቲ ሕክምናና ጤና ሳይንስ ኮሌጅና አጠቃላይ ስፔሻላይዝድ ሆስፒታል በሕክምና ትምህርት ክፍል አዘጋጅነት “Postgraduate Training Program in Orthodontics and Dentofacial Orthopedics” በሚል የድህረ ምረቃ ስፔሻሊቲ ፕሮግራም ለመክፈት የተዘጋጀውን ሥርዓተ ትምህርት የውጭ ግምገማ ወርክሾፕ ጥቅምት 3/2019 ዓ.ም በሆስፒታሉ ግቢ በሚገኘው በሕክምና ትምህርት ክፍል የመሰብሰቢያ አዳራሽ ተካሂዷል።

በመርሃግብሩ የህክምና ትምህርት ክፍል ዳይሬክተር ዶ/ር አገኘው ደርበው የእንኳን ደህና መጣችሁ መልዕክት ካስተላለፉ በኋላ
የጤና ትምህርት ኮርፖሬት ም/ዳይሬክተር አቶ ያደለው ይመር በመክፈቻ ንግግራቸው የፕሮግራሙን ጠቀሜታ ከወቅቱ ጋር በማስተሳሰር ገልጸዋል።

የፕሮግራሙን አስፈላጊነት ከወቅቱ የጤና ሙያ ፍላጎት ጋር ያለውን ተዛምዶና ለተሻለ የስፔሻሊቲ ሥልጠና የሚኖረውን አስተዋጽኦ በማስመልከት ሁለት ጽሑፎች ቀርበው ሰፊ የሀሳብ ልውውጥ ተካሂዷል።

የውጭ ገምጋሚ የሆነት ዶ/ር አሚት ቱልሻብሀይ ሲንግል(ስፔሻሊስት) ያነሷቸውን ሙያዊ አስተያየቶችና የማሻሻያ ሐሳቦች በመጠቀም የፕሮግራሙን ሥርዓተ ትምህርት የበለጠ ለማጠናከር አቅጣጫም ተቀምጧል።

ፕሮግራሙ ተግባራዊ ሲሆን በኦርቶዶንቲክስና በሌሎች የጥርስና የፊት አጥንቶች (''ኦርቶፔዲክስ'') ዘርፍ ልዩ ሙያ ያላቸውን ባለሙያዎች ለማፍራትና የሕብረተሰቡን የጤና አገልግሎት፣ ተደራሽነትና ጥራት ለማሻሻል አስተዋጽኦ እንደሚኖረው ይጠበቃል ተብሏል።
***
ለልህቀት እንተጋለን!
የሕዝብና ዓለም አቀፍ ግንኙነት ዳይሬክቶሬት
ጥቅምት 3/2019 ዓ.ም

13/10/2026

እንኳን ወደ ሰላሙና አንጋፋው ጎንደር ዩኒቨርሲቲ በደህና መጣችሁ!
*****************************
በ2019 ዓ.ም. በጎንደር ዩኒቨርሲቲ የተመደባችሁ አዲስ ተማሪዎች ወደ ሁለተኛ ቤታችሁ እንኳን በደህና መጣችሁ!

ጎንደር ዩኒቨርሲቲ በዲጂታል እና ብሌንድድ ትምህርት አሰጣጥ ላይ ያተኮረ ስልጠና ጀመረ******************ጎንደር ዩኒቨርሲቲ የ“Mathematics for Natural Science” እ...
12/10/2026

ጎንደር ዩኒቨርሲቲ በዲጂታል እና ብሌንድድ ትምህርት አሰጣጥ ላይ ያተኮረ ስልጠና ጀመረ
******************
ጎንደር ዩኒቨርሲቲ የ“Mathematics for Natural Science” እና “Emerging Technology” ኮርሶችን በብሌንድድ ትምህርት አሰጣጥ ዘዴ ለማስተማር የሚያስችል የአቅም ማጎልበቻ ስልጠና ዛሬ ጥቅምት 2 ቀን 2019 ዓ.ም. አስጀመረ።

ስልጠናው በኢንፎርማቲክስ እና በተፈጥሮና ቀመር ሳይንስ ኮሌጆች ስር የሚገኙትን ኮርሶች የሚያስተምሩ መምህራን የዲጂታል ኮርስ ይዘቶችን በብቃት እንዲጠቀሙና በዲጂታል ፕላትፎርም ላይ በተሻለ ሁኔታ እንዲያስተዳድሩ ለማስቻል ያለመ ነው።

ስልጠናው የዲጂታል ቴክኖሎጂን ከመደበኛ የክፍል ትምህርት ጋር በማቀናጀት የትምህርት ጥራትንና ተደራሽነትን ለማሳደግ የሚያግዝ ሲሆን፣ ተሳታፊ መምህራን ይህንን ስልጠናን አጠናቀው ወደ ተግባር እንዲገቡ አቅጣጫ ተሰጥቷል።
******************
ለልህቀት እንተጋለን!
የህዝብና ዓለም አቀፍ ግንኙነት ዳይሬክቶሬት
ጥቅምት 2/2019 ዓ.ም

የአካል ጉዳተኞችን ማኅበራዊ ተሳትፎ ለማሳደግ የግንዛቤ ማስጨበጫ ትምህርት ተሰጠ*******በጎንደር ዩኒቨርሲቲ ህክምናና ጤና ሳይንስ ኮሌጅና አጠቃላይ ስፔሻላይዝድ ሆስፒታል በሚገኘው “Bala...
11/10/2026

የአካል ጉዳተኞችን ማኅበራዊ ተሳትፎ ለማሳደግ የግንዛቤ ማስጨበጫ ትምህርት ተሰጠ
*******
በጎንደር ዩኒቨርሲቲ ህክምናና ጤና ሳይንስ ኮሌጅና አጠቃላይ ስፔሻላይዝድ ሆስፒታል በሚገኘው “Balancing Act” ፕሮጀክት አማካኝነት የአካል ጉዳተኞችን ማኅበራዊ ተሳትፎና መስተጋብር ለማጠናከር ያለመ የግንዛቤ ማስጨበጫ ትምህርት በጎንደር ከተማ አስተዳደር ጥቅምት 1/2019 ዓ.ም ተሰጥቷል።

በዚህ ፕሮጀክት በአካል ጉዳተኞችና በቤተሰቦቻቸው ላይ በተካሄደ ጥናት መሠረት የተዘጋጀው ይህ የግንዛቤ ማስጨበጫ ትምህርት በጎንደር ከተማ በተለምዶ “ገንፎ ቁጭ” ተብሎ በሚጠራው አካባቢ ''በቡና ጠጡ'' ፕሮግራም ላይ በአካል በመገኘት የተከናወነ ሲሆን በአካል ጉዳተኞችና በቤተሰቦቻቸው ዙሪያ ያለውን ግንዛቤ ለማሳደግና ማኅበራዊ ተሳትፏቸውን ለማበረታታት ዓላማ ያደረገ ነው።

ትምህርቱን የሰጡት በጎንደር ዩኒቨርሲቲ ተመራማሪና የዚህ ፕሮጀክት አስተባባሪ ፕ/ር ሰለሞን መኮንን እና በኩዊንስ ዩኒቨርሲቲ (Queen's University) የሦስተኛ ድግሪ (PhD) ተማሪ የሆኑት አቶ ጌታቸው ገበያው ናቸው።

በመሆኑም እንዲህ ያሉ የግንዛቤ ማስጨበጫ ትምህርቶች በመሰጠታቸው አካል ጉዳተኞች በማኅበረሰቡ ውስጥ በእኩልነት እንዲሳተፉ፣ ማኅበራዊ ግንኙነታቸው እንዲጠናከርና ቤተሰቦቻቸው ተገቢውን ድጋፍ እንዲያደርጉላቸው ጉልህ አስተዋጽኦ ያላቸው መሆኑን ተገንዝበናል።

በተጨማሪም አካታችነትን በማሳደግና አካል ጉዳተኞች በማኅበረሰቡ ውስጥ ንቁ ተሳታፊ እንዲሆኑ በማበረታታት ረገድ የቡና ጠጡ ፕሮግራም የራሱ የሆነ ሚና እንደሚኖረውም ከአካል ጉዳተኞች ቤተሰቦችና ከአካባቢው ማህበረሰብ መረዳት ችለናል ። በሚቀጥሉት ቀናቶችም አራት ተመሳሳይ የቡና ጠጡ ፕሮግራሞች በተለያዩ ክፍለ ከተሞች እንደሚካሄድ ተገልጿል።
********
ለልህቀት እንተጋለን!
የህዝብና ዓለም አቀፍ ግንኙነት ዳይሬክቶሬት
ጥቅምት 1/2019 ዓ.ም

Address

Maraki Street
Gondar

Opening Hours

Monday 08:00 - 17:00
Tuesday 08:00 - 17:00
Wednesday 08:00 - 17:00
Thursday 08:00 - 17:00
Friday 08:00 - 17:00
Saturday 08:00 - 17:00
Sunday 08:00 - 17:00

Telephone

+251581141232

Website

Alerts

Be the first to know and let us send you an email when University of Gondar posts news and promotions. Your email address will not be used for any other purpose, and you can unsubscribe at any time.

Contact The University

Send a message to University of Gondar:

Shortcuts

Share

Category