Mubarik Shetaju

29/09/2025

24/08/2025

Melaaniyaa Tiraamp (bitaarraan) fi Emiin Erdogaan (mirgaan) bara 2019 wayita abbootiin manaa isaanii Waayit Haawusitti mari'atan walarganii turan
Reuters
Giifti dureen Turkii Emiin Erdogaan giti isaanii kan US Melaaniyaa Tiraamp ijoollee Gaazaa haleellaa Israa'eliin dararamaa jiraniif sagalee akka ta'an gaafatan.
Haleellaa Raashiyaatiin ijoollee Yukireen dararamaa jiraniif gargaarsa isaan taasisaa jiran kan jajan Emii Erdogaan, Filisxeemotaafis tumsa walfakkaataa akka taasisan gitasaanii kana gaafataniiru.
Xalayaa waajjirri Pirezidantii Turkii Sambata kaleessaa maxxanse keessatti Emiin Erdogaan Gaazaan ''iddoo awwaalcha daa'immanii taateetti,'' jedhan.
''Sagalee tokkoon waa'ee haqa dabee dubbachuu qabna. Kanarratti humna waliif ta'uu qabna,'' jechuun Melaaniyaa Tiraampiif dhaaman.
Emiin Erdogaan iyyannoo kana dhiheessuuf kan dirqaman erga UN daa'imman Gaazaa miiliyoona walakkaa ta'an beelaaf saaxilamuu fi kuma 132 kan ta'an ammoo hanqina nyaataan dararamaa jiraachuu ibseeti.
''Daa'imman Gaazaa kumaan lakkaa'aman irratti kan barreeffame 'daa'imman eenyummaansaanii hin beekamin' kan jedhu arguun sammuu keenya keessatti godaannisa yoomuu hin dagatamne kaa'ee darba,'' jedhan Emii Erdogaan.
Xalayaan kun Melaaniyaa Tiraamp ''miira daa'imman Yukireen waraanaan dhumaniif agarsiisan daa'imman Gaazaa keessatti dararamaa jiraniif agarsiisuu,'' kan jedhu of keessaa qaba.
Giifti dureen Ameerikaa kun Ministirri Muummee Israa'el Beenjaamiin Neetaaniyaahuu ''dararaa Gaazaa keessatti uummatarra ga'aa jiru akka dhaaban,'' kallattiidhaan akka dhiibbaa uuman gaafataniiru.
Jalqaba ji'a kanaarratti Melaaniyaa Tiraamp Pirezidantiin Raashiyaa Vilaadimiir Puutin waa'ee daa'immanii akka yaadan xalayaa barreessanii turan.
Ijoollee kam akka ta'an garuu adda baasanii hin eerre.
Giifti dureen Turkii yeroo baayyee dhimma siyaasaa keessatti hirmaatanii hin beekan.

24/08/2025

Wantoota salphaa kurnan ganama ganama gochuun guyyaa kee tolchan

1. ⏰ Hirriibaa dursanii ka'uu

2. 🛏️ Siree irra rafan sirreessanii bahuu

3. 🚶‍♂️ Sochii qaamaa taasisuu, miilan deemuu illee ta’a

4. 📋 Karoora guyyaa baafachuu

5. 🚿 Qaama dhiqachuu

6. 🤝 Nama jaallattutti haasawuu

7. ✍️ Waan gaarii yaaddu guyyaa guyyaan katabuu fi hojjachuu

8. 💧 Bishaan gahaa dhuguu, garaa duwwaattis

9. 😊 Sammuu kee waan gaariin qulqulleessuu

10. 😴 Hirriiba gahaa fi qulqulluu qabaadhu

23/08/2025

"Tarsiimoo sirna barnootaa cimsuun dhaloota egeree ijaaruudha." - Obbo Yuusuf Shaaroo.
********
Godina Jimmaatti leenjiin barsiisotaa dandeettii barreessuu fi dubbisuu barattootaa cimsuu irratti xiyyeeffate kennamuu eegaleera.

Leenjiin kunis sirni barnootaa cimaan dhaloonni gahumsa, beekumsaafi dandeettii yeroon barbaadu akka horatan taasisu marsaa sadiin barsiisota kuma 5 fi 320 kennamu guyyaa har'aa mooraa Yuunivarsitii Jimmaatti eegaluu isaa Waajjirri Barnootaa Godina Jimmaa beeksiseera.

Kaayyoon leenjii kanaas barsiisota dandeettii barreessuu, dubbisuu barattootaa cimsuu irratti kan xiyyeeffate ta'uu Ittaanaa Ittigaafatamaan Waajjira Barnoota Godina Jimmaa obbo Anuwaar Abbaa Giddii himaniiru.

Barattootni Saayinsiif Teeknooloojiin akka dagaagan taasisuu keessatti leenjiin barsiisotaaf kennamu Kun gahee olaanaa akka qabus ibsameera.

Dhaloonni baratee beekumsa horate biyyaaf wabii ta’uun guddinni diinagdee, hawaasummaa, saayinsiif teknoloojiin akka dagaagu fi barsiisaan gahee olaanaa qaba jedhan Bulchaa Ittaanaan Godina Jimmaa.Obbo Yusuuf Shaaroo.

Barsiisaaf leenjii kennuun tarsiimoon barnoota beekumsaaf ogummaan akka hoogganamu taasisas jedhaniru.

Leenjiin Kun cabiinsa gama Barnootaa uumamuu danda'u hambisuu, yoo muudate suphuufi badhaadhina hunda galeessaafi itti fufiinsa qabu mirkaneessuun jiruuf jireenya lammiilee fooyyessuu keessatti barnootni sirna barnootaa cimaan hoogganama deemuun murteessaa ta'uu ilbsameera.

Bu'uuruma kanaan biyyi keenya yeroo ammaa cabiinsa sirna barnootaa keenya muudate sirreessuun misooma barnootaa bu’aan madaalamu mirkaneessu keessati leenjiin Kun gahee Ol'aanaa akka qabu ibsamera

Akka Godina Jimmaattis qulqullina barnootaa eegsisuuf manneen barnoota Bu'uura Boruu, Bultii Addaafi daree addaa ijaarsisuun dhaloota barnoota argateen gahoomee sadarkaa hundatti dorgomaa ta'uun ofirra darbee biyyaafi Addunyaa tumsuu danda'u horachuuf barsisaaf leenjii kennuun murteessaa akka ta'es ibsameera.