31/01/2022
Ani asii fiffiladheen bareedeen suuraa ka'aa
Nyaadhee dhuges kuufees natti toleen gad-ba'aa
Akka yaadamu ta'uu baatuus hallii hunduu akka yaadame
Akkin eegee fi akkin argees yoo wal jala fuudhame
Jira jiraadheen jira hanga har'aattii dhaabadhee
Inuman jira jiraadheera yeroo kanas isaan argadhee.
Maal ta'a hiyyeessi rabbii hagabuyyuu quufee bulaa
Hin yaadda'u hin rakkatuu abdiisaatu isa bira
Argachuukoon dhabuukoon ani uumaakoo hin madaluu
Waan harka koorra jiruunis takka ani isa hin tilmaamuu
Inni uumaa maraati uumaa uumama hundumaaa
Kan tures kan jiraatuu isakaa bara hundumaa
Galanarra kan deemuu gaarotarra qaari'ee
Urjootas kan lakkaa'u dangaa lafaas isa baree
Uumaa uumana hundumaa hundaa dursee kan ture
Akkamiin faalla goree waaqayyoo wal dhabure
Nan eyyamu sammuun koo lakki naan kennu faara
Isan argadheef dhabeen hin madaluka gaara
Inni gaara gaarotaatii olba'e kan mul'atuu
Mootii mootota hundaatii aangoosan kan mul'atu
Ulfaadhu yaa uumaakoo galatakee nan hima
Mee takkaa na dhageeffadhu yaaddookoos sitti hima
Na dhageessaa uumaakoo gurrikee hin qabu didaa
Naaf deebista gaaffiikoos ato hin jettu maal fiddaa
Ijjikee kan ilaaluu gara ilmaan harka keetii
Maaloo na dhagahimee ano siittan iyyadheeti
Qubeeffachuu wallaluus yaadakoo toora galchee
Sitti himachuuf rakkadhus eessaa kaaseen eessa akkan galchee
Ni argita atoo keessakoo isa dhokatee jiru
Ni argita garaa nama qiliilee fagoos jiru
Meemee! ani akkamiin kokkolfee jiraadhaa gagamadee burraqee
Rakkinni fi gadadoonoo sabakoorratti wal argee
Fanxoo irratti cophxoo maaf baata sabni kiyyaa
Ni argita waaqayyookoo furmaanni isaa sibira
Eyyeen,ani nyaadheen dhugees inuman jira akkasaatti
Qileessa uumaan naaf kennee inuma hargana hammasaattii
Homaa akka jaraa sanii yoo ta'uudha baatee madaalliin jiraachuukootii
Jirraa inuma jedhamna akka biyya kanaattii(?)
Garuu lammiinkoo gara sanii gad bahee ol hin galuu
Hidhameera qaallittii hin seenne malee mirgi namoomaasaa hin eegamu
Sarbameera dhugaadhumatti waanti inni qabu hunduu
Gad- bahee olgaluuf meeqa bir'ataa deemaa
Kan gad bahee achiin hafes lakkoofsa hin qabu jamaa hunduu du'aaf eegamaa
Haadhakootu mirga dhabee,abbaakootu hidhamee
Obboleessi hidhaa jira manni cuufatti eegamee
Qabeenyaan lammiinkoo qabu gubateera akka baalaa
Maaloo yaa rabbii hin argituu falli isaahoo sibira
Akkamiinii???? Saba aannaan sii kennuuf deebistaree summii hadhaa
Baatee ol sibaasee teessoo keerrattii deebite itti gamtaa?
Maaloo uumaan maal siin jedha yaa isaa dabaa hojjettuu
