Sirna Gadaa Oromoo

19/12/2025

Dur warra Afaan hin beekneen Addis Ababaatti jijjiiramte.Maqaaleen bakkeewwan Finfinnee hedduunillee jijjiiramanii turan. Amma garuu maqaa isaanii duraatti deebi'aniiru. Ta'us, nu'umtis ta'e hooggantootni keenya olaanoon guyyaadhuma tokko jechumti Finfinnee jedhu afaanii bahee hin beeku. Fakkeenya, Istaadiyeemii Finfinnee jechuurra Istaadiyeemii Addis Ababaa, Kantiibaa Magaalaa Finfinnee jechuurra, Addis Ababaa Kantiibaa....Egaa warri hooggantootnillee hawaasa sodaachuu dhiisanii siyaasa haa sodaatanii, nu'umtimmoo ittiin waamaa jirraan gaaffiidha. Gabaabumatti, afaan keenya afaan federaalaa, kan barnootaa, kan teekinooloojii haa ta'u jennee hiriira ba'uu, wacuun....gaafachuun bu'aan isaa kisaaraatu caala. Eenyuunis gaafachuu hin qabnu. Amma mootummaan afaan kee hin fayyadamin jedhu hin jiru. Dhugaa dubbachuuf amma uummata keenyatu ofitti hin deebine malee, Oromiyaa keessatti afaan keenyatti akka fayyadamnu namni nu dhorkaa jiru hin jiru. Yoo jira ta'e mee nutti himaa. Afaan ilaalchisee jechuudha. Afaan ofii jalqaba abbaatu itti dhimma bahata malee, utuu ofii itti dhimma hin ba'in nama biraa afeeruun gowwummaadha. Karaan balbalarraa kaatiin dhaamsa barruu kanaati. Yeroo itti aanu qabiyyeewwan keenya jalqabne itti fufna. Afaan immoo waan kaan dursa waan ta'eef kun afaanii nu baate. Biyya Nagaa Oolaa! Gadaan Bulla!
https://www.facebook.com/share/1CfrwzbrQt/

18/12/2025

Akkam jirtu? 🖤❤️🤍

13/12/2025

Qophii Ittiyyaannee Torbee 2ffaa
👇

Enjoy the videos and music you love, upload original content, and share it all with friends, family, and the world on YouTube.

06/12/2025

👇Qophii Ittiyyaannee tuqaa dhaggeeffadhaa 👇

05/12/2025

Akkam jirtu? Hanqina tekinikaa nu mudatee tureef nu oofkashaa jechaa qophiin ITTIYYAANNEE bor/Sanbata Xiqqaa sa'atii 10:00 irraa kaasee torban torbaniin tamsa'uuf qophii xumureera. Namootni FM 95.6 isin hin qaqqabne kallattiidhaan(live) karaa 'facebook' kanaa fi karaa yuutuubii 'Sirna Gadaa Tube' jedhu dhaggeeffachuu dandeessu. Hubachiisa: Yuutuubichi kallattiin tamsaasuuf hordoftoota(subscribers) 1000 ol qabaachuu qaba. Garuu yuutuubichi namoota 945 wayii qofa qaba waan ta'eef namootni jaatamumti(60 ol) 'subscribe' godhaa.👇
https://www.youtube.com/
Yuutuubichis waa'ee Gadaa barsiisuu irratti xiyyeeffata malee daldalaaf akka hin taane kabajaan isin beeksifna. ITTIYYAANNEE dhaan waa'ee Gadaa, Afaan Oromoo, beekumsa hawaasaa, seenaa, aadaa, duudhaa, aartii fi kkf hayyoota, maanguddootaa fi qaamolee adda addaarraa dhaggeeffadhaa baradhaa, barsiisaa. Qeeqaa fi yaada keessan nuuf qoodaa.
Akkuma waadaa waliif seenne, yeroo dhihootti barnoota keenya itti fufna. Ammasitti nagaan nuuf turaa! Horaa Bulaa! Gadaan Bulla!

22/11/2025

2ffaa
Jalqabarratti Qophiin Ittiyyaannee FM 95.6 irratti har'a sa'atii 10:00 irraa eegalee waa'ee beekumtaa, Gadaa, afaan, aadaa, duudhaa fi aartii irratti xiyyeeffate beeksisni isaa torbee tokko kan jalqabe waan ta'eef har'a qilleensarra ooluu dhiisuu isaaf nu oofkashaa jechaa torban har'aatti abdiin eegaa jenna. Kutaa darbe keessatti irreessi hafuurummaan isaa maallaqaan kan madaalamu kan hintaane ta'uurra geenyeerra. Kana jechuun, irreessi tokko jiidhinni isaa hormaata, araara, galata, eebbaa fi misooma kan agarsiisudha. Akkuma, jabana kana nama galateeffachuu barbaadaniif waraqaa galataa ykn beekamtii qopheessan, hawaasni keenya gara ciibsata ykn galata isaa onneerraa yommuu namaaf ibsuu barbaadan coqorsa jiidhaa namaaf kennu. Dabalataanis, akka kaffaltiitti kennama. Fakkeenyaaf, dhidhiibduu fi deessiftuun yommuu nama wal'aanan namootni wal'aanaman yoo midhaanis ta'u maallaqa kennaniif dhaban coqorsa/irreessa kennuuf. Isaanis, silumayyuu ogummaa Waaqni kenneefiin hawaasa tajaajiluudha malee namarraa akka dhaloota amma narsiis ta'u dooktara barnoota achii asii baratanii nama saamaa jiran miti. Kana yeroo jennu doktoorota ykn narsoota hunda jechuu miti. Inni biraan haalli irreessi amma ittiin irreeffatamuu fi inni ganamaa tokko miti. Inni Abba Malkaa, Abbaa Lagaa wanti jedhamu hin jiru. Hangafummaan akkuma jirutti ta'ee, jaarsa mataa arrii fi garaa arrii jedhamutu jira. Abbaan Gadaa, hayyuun ykn ayyaantuun Oromoo hunda garuu kan Oromoo hundi nu dura bu'i/nuun deemi jedhetu ittiin deema. Malee akka ammaa kana miti. Haalli raawwii duudhaalee Gadaa keessa jiran ammaa hedduun isaanii amantiilee biroo wajjin wal fakkeessuu ykn ittiin dorgomuuf waan deeman fakkaatu. Walumaagalatti, waa'een irreessaa muraasni kana fakkaatu. Bal'inaan immoo hayyootaa fi maanguddootarraa yeroo dhihootti waan hedduu sagalee isaaniin akka dhageenyu abdii qabna. Kutaa itti aanutti, ayyaanota/jiloota biroo qabannee dhihaanna. Gaafadhaa, qeeqaa... Adda argadhaa! Gadaan bulla!

21/11/2025

Akkam jirtu? Yeroo darbe waa'ee Seenaa Gadaa barreeffamaan isiniif qoodaa kan turre bor/Sanbata Duraa/13/3/6419/2018 sa'atii 10:00 irraa eegaluun FM 95.6 irratti yaada hayyootaa dhaggeeffadhaa jechaa, amma torbee darbe waa'ee Jiloota Gadaa ilaalaa kan turre kan hafe muraasni kunooti.
Akkuma beekamu, Gadaan ykn Oromoon utuu sirnootni dhufaa darbaa, amantiileen alaa fi teekinooloojiin warra Dhihaa biyya kana hin seenin akkasumas hawaasni keenya gowwoomuu fi faayidaan bitamuu hin eegalin aadaa fi duudhaa, siyaasa, dinagdee, hawaasummaa kalaqaa fi barnoota ofii isaatiin wal bulchaa, wal dhaga'aa umrii dheeraa qanani'ee jiraachaa turuun isaa ni yaadatama. Duudhaalee ykn Amantii Waaqeffannaa Oromoo keessaa Irreessi kan galata Waaqaaf ayyaaneffatamu keessaa isa tokko. Irreessi hiika dhalootni ammaa muraasnii fi qorattootni achii as baratan akkasuma sabboontotni akka dirree siyaasaatti itti fayyadaman tokko tokkoo fi amantiilee alaa keessa taa'anii aadaa keenya jedhaniin hiikni kennamu miti. Irreessi kan gaafuma waggaan gahu uffata aadaa jedhanii faayamuu qofaan deeman miti. Irreessi yaadrimeen isaa bal'aadha. Irreessi meeshummaa/mallattummaa fi hafuurummaa kan qabudha. Mallattummaan namootni hedduun coqorsaa fi keelloo qofa se'u. Garuu Irreessi kanneen akka Saardoo, Abbayii, Ulaagaa fi Urgeessaanillee Irreessa jedhamu. Gara Maccaatti Dhaabata jedhamaniis ni beekamu. Kun hundi, haala adda addaa keessatti itti dhimma bahamu. Hafuurummaadhaan immoo fakkeenyaaf, Dhaabatni(Abbayii, Ulaagaa fi Urgeessaa) qabatanii yeroo dubartiin ciniinsifattu dubartootni sabbata hiikkatanii, dhiirotni immoo saqqii hiikkatanii "Hiiki yaa Waaq" jedhu. Dubartiin ciniinsifattus, isa akka amma fuudhanii hospitaalatti fiigan utuu hintaane, haala kanaan Waaqni hiika . Saardoon immoo gurbaa fuudhuuf intala ittiin kadhatu. Hiyyeessillee Saardoo qabatee durba yoo kadhate Gadaan ni eeyyama. Yoo didanis ni gaafachiisa. Coqorsi immoo hafuurummaan isaa maallaqa ammaa caala. Itti Fufa....

16/11/2025

Akkam jirtu? Turtiin keessan akkami? Warri barsiiftan, warri barattan, warri barreessitan akkasumas warri dubbiftan jirtuu?...Maal ammammoo namni gaaffii gaafatus, namni yaada dhiheessus, .... hin jiruhoo... Akkam asii achimoo achii as barachuutu caala? Lamaan isaa barachuun hoo?... Gabaabumatti, calluma jennee barreessuun yoo namni dubbise malee akkuma nama bishaan dhagaa irratti naqee ta'a. Egaa namootni tokko tokko kan nama taajjabanis jiru. Kanimmoo dubbisanii waan fudhatan fudhatanii kan hin fudhannes callisan ni jiru. Nutis kan barbaannu cophumti wayii yoo dubbistoota keenyaaf sammuutti cophe booda haroo akka caalu ni abdanna. Walumaagala, like, comment.... dhabnee utuu hin taane yaada nama lamallee haataatu, yaada fooyya'uu, hafuu/dabalamuu.... qaban akka nuuf kaastan feena. Barnootni eenyu akka taane, maal akka taane, eessa akka jirru, eenyuu wajjin akka jirru, maal gochaa akka jirru, maalirraa akka maqne, fuulduratti immoo maal ta'uu akka qabnu gabaabumatti biyyi keenyallee yoo maal goote akka milkoofu kan nu barsiisu toora galanii dhufaa jiru. Isin yaadaa fi qalbii qofaan nu faana bu'aa.

15/11/2025

Raadiyoo FM 95.6 https://youtube.com/shorts/6ahL3cFt0sg irratti Yuunivarsiitiin Mattuu namoota aadaa, duudhaa, afaan, walumaagalatti beekumsa hawaasaa fi Gadaa irratti hojjetan yeroo qilleensaa kennuun hojii eegaleera. Sanbata Xiqqaa Waaree booda sa'atii 10:00 irraa eegalaa dhaggeeffadhaa. Baradhaa, barsiisaa, gaafadhaa....https://youtube.com/shorts/6ahL3cFt0sg

09/11/2025

: Akkuma kanaan dura caqasuuf yaalle, yaadotni tokko tokko falaasamoota dhuunfaa ykn kan nama burjaajessan fakkaachuu malu jennee turre. Oromoon immoo akka sirnoota kaanii falaasama nama tokkoo qofaan hin hoogganamu. Akkuma Gadaan Oromoon kalaqame jedhamee beekama malee nama dhuunfaa Badhaasaa ykn Badhaatuu nama jedhamu/tuun miti. Waan Oromoon qabu marti, Oromoon waamama. Aadaan, duudhaan....nama dhuunfaa tokkoon kan kalaqamu miti. Kanaafimmoo, jalqabarratti of ta'uu, lammaffaarratti maanguddoota argaa dhageettii beekan(warra mataa harrii qofa utuu hin taane garaa harrii), hayyootaa fi seenaa sirriitti barreeffaman dubbisaa jenneerra. Fakkeenyaaf, waa'ee Masqalaarratti akkuma obboleessi keenya kaase keessaan namoota hedduutu nu gaafachaa jira. Gabaabumatti, Oromoon dhugaa/haqa warra biroos hin barbaadu, kan isaa immoo gatuu hin barbaadu. Ayyaana Ammas Qalaa jedhu Masqalaa wajjin walitti hidhuun dogoggora. Oromoon kan beeku Hulluuqqoo isa Inquxaaxashii jedhan bakka buufatee waan fayyadamaa ture fakkaata. Goobee fi Shinooyyeenfaallee yommuudhuma sirnootni alagaa biyya kana ittiin bituuf, aadaa, aartii fi duudhaa Oromoo ittiin balleessuuf jedhan tooftaadhaan ittiin ergaa, aadaa, eenyummaa... isaa ittiin tikfataa turedha. Kunis, sababa kan ta'u fakkeenyaaf Goobeen gara Tuulamaa fi Macca bakka muraasatti beekama ture. Shinooyyeenis akkasuma garuu Ingiccaa jedhamee Macca bakka muraasatti ni beekama. Gannii kan jedhamu ammoo kan akka Goobertti manarra deemamee sirbamu ammoo Mudde 29 akka lakkoofsa biyya kanaatti naannoo Macca Dhihaatti beekama. Mudde 29 ammoo Ayyaa Dhalachuu Yasuus Dallaa Loonii Keessatti jedhu kan Amantii Kiristaanaa(Ortidooksii) biratti kabajamudha. Kun hundi kan agarsiisu, ayyaanotni/jilootni Oromiyyaa bakka hundatti adda adda ta'uu fi Gadaa keessatti kan hin beekamne akkasumas sirnoota biroo keessaa as cehuu mul'isu. Oromoon akka tokkotti yaada, sirna tokko qaba, ayyaana walfakkaatu, aadaa wal fakkaatu...qaba. Walumaagala, sirnootni hedduun Oromoon amma akka aadaa isaatti fayyadamu kan isaa miti. Kan isaati kan jettan nutis isinirraa baruuf qophiidha waan ta'eef ragaa waliin nu amansiisaa. Akkuma waadaa isiniif seenne seenaawwan dhugaa isiniif qabannee itti fufna. Ammas, yaada, qeeqaa fi gaaffii yoo qabaattan hin qusatinaa. Horaa Bulaa! Gadaan Bulla!