Woldia University

25/09/2026

24/09/2026

Campus GYM

23/09/2026

የወልዲያ ዩንቨርሲቲ ከፍተኛ አመራሮች የኢትዮጵያ አርቲፊሻል ኢንተለጀንስ ኢንስቲትዩትን ጎበኙ፡፡

የወልዲያ ዩንቨርሲቲ ፕሬዝዳንት አነጋግረኝ ጋሻው (ዶ/ር) ጨምሮ የዩንቨርስቲው ከፍተኛ አመራሮች የኢንስቲትዩትን የስራ እንቅስቃሴ ጎብኝተዋል፡፡

በጉብኝቱ ወቅት የዩንቨርሲቲዉ ፕሬዝዳንት አነጋግረኝ ጋሻው (ዶ/ር) እንደገለጹት ኢንስቲትዩቱ በሰው ሰራሽ አስተዉሎት ቴክኖሎጂ ምርምር እና ልማት እያከናወናቸዉ የሚገኙ ስራዎች ሀገራዊ ጠቀሜታቸዉ ጉልህ ነዉ ብለዋል።

በመሆኑም ሁለቱ ተቋማት በጋራ መስራት እንዲችሉ እና ያላቸውን የስራ ግንኙነት በማጠናከር በትብብር ለመስራት የሚየስችላቸዉን ግንዛቤ በጉብኝቱ መገንዘባቸዉን ፕሬዝዳንቱ ጨምረዉ ገልፀዋል።

የወልድያ ዩኒቨርሲቲ ከኢንስቲትዩቱ ጋር የመግባቢያ ስምምነት በመፈራረም በጋራ ለመስራት በሂደት ላይ ይገኛል።

Source: EAII

23/09/2026

ዩኒቨርሲቲያችን በቦርድ ሰብሳቢነት የሚሳተፍበት በአማራ ክልል የሚገኙ ዩኒቨርሲቲወች ፎረም ከአማራ ብሄራዊ ክልላዊ መንግስት ትምህርት ቢሮ ጋር ሁሉም የዩኒቨርሲቲ ፕሬዚዳንቶች: የክልሉ ሀላፊወች እና የትምህርት ቢሮ አመራሮች በተገኙበት በክልሉ አጠቃላይ ትምህርት ዙሪያ ምክክር አደረጉ::
https://web.facebook.com/share/p/1Fg89PYk99/

23/09/2026

ወልድያ ዩኒቨርሲቲ ተማሪዎችን ለመቀበል ዘርፈ ብዙ ማሻሻያዎችን በማድረግ ላይ ይገኛል
- የተቋሙ አመራሮችም የመስክ ምልከታ አድርገዋል

መስከረም 13/2019 ዓ.ም
ወልድያ ዩኒቨርሲቲ ለተማሪዎች የተሳለጠ የመማር ማስተማር አገልግሎት ለመስጠት ያደረጋቸውን ሰፊ የቅድመ ዝግጅት እና የመሠረተ ልማት ማሻሻያ ስራዎች ለማረጋገጥ ጥልቅ የመስክ ምልከታና የግምገማ ውይይት አካሂዷል።

በምልከታው የዩኒቨርሲቲው ም/ፕሬዝዳንቶች፣ የጽ/ቤት ኃላፊዎች፣ ዲኖች፣ ዳይሬክተሮች፣ ስራ አስፈጻሚዎችና ሌሎች ባለድርሻ አካላት በንቃት ተሳትፈዋል። ይህም ዩኒቨርሲቲው ለተማሪዎች አገልግሎት ጥራት ከፍተኛ ትኩረት እየሰጠ መሆኑን አመላካች ነው።

በዚህ የመስክ ምልከታ የመማሪያ ክፍሎች፣ የምግብ ማብሰያና ግብዓት ማከማቻ ክፍሎች፣ የተማሪዎች መኝታ ቤቶችና ምግብ ቤቶች፣ ቤተ መጻሕፍት እንዲሁም ሌሎች ወሳኝ የአገልግሎት መስጫ ክፍሎች በአካል ተቃኝተው ዝግጁነታቸው ተረጋግጧል።

በተለይ የተማሪዎች ምግብ ቤት አገልግሎት ይበልጥ ምቹና ደረጃውን የጠበቀ እንዲሆን ተደርጎ በመጠናቀቅ ላይ መሆኑ በምልከታው ጎልቶ የታየ ሲሆን፣ ይህም ዩኒቨርሲቲው ለተማሪዎች የዕለት ተዕለት አገልግሎት ጥራት ምን ያህል ትኩረት እንደሚሰጥ ያሳያል።

የተማሪዎች መኝታ ቤቶች፣ የመማሪያ ክፍሎችና ላብራቶሪዎችን ጨምሮ መሰረታዊ አገልግሎት የሚሰጡ ሕንፃዎች የውሃ፣ የመብራትና ተያያዥ ጥገናዎች እንዲሁም አስፈላጊው የጽዳት ስራ ተከናውኖላቸው ተማሪዎችን ለመቀበል ዝግጁ እየሆኑ ነው።

ዩኒቨርሲቲው ከጊዜ ወደ ጊዜ በተማሪዎች ዘንድ ተመራጭነቱ እየጨመረ በመምጣቱ፣ ይህንን አዝማሚያ ይበልጥ ለማጠናከርና ተወዳዳሪነቱን ለማሳደግ ሁሉም የስራ ክፍሎች ተቀናጅተው እየሰሩ ይገኛሉ።

ከመስክ ምልከታው በኋላም ኃላፊዎች ካለፉት ዓመታት ልምድ በመነሳት በአጭር ጊዜ ሊስተካከሉ ስለሚገባቸው ጉዳዮች ላይ ጥልቅ ውይይት አካሂደዋል።

የዩኒቨርሲቲው ም/ፕሬዝዳንቶች በበኩላቸው፣ ከዚህ ቀደም ከነበረው በላቀ ሁኔታ አሰራሮችን በማዘመን ለተማሪዎች ፈጣን፣ ቀልጣፋና ጥራት ያለው አገልግሎት ለመስጠት ትኩረት ተሰጥቶ እየተሰራ መሆኑን ገልጸዋል።

በመካሄድ ላይ ያሉ የእድሳትና ጥገና ስራዎች እንዲሁም ሌሎች ተያያዥ ቅድመ ዝግጅቶች ተማሪዎች ወደ ግቢ ከመግባታቸው በፊት እንዲጠናቀቁ አጽንኦት ሰጥተው እንዲጠናቀቁ አቅጣጫ ተቀምጧል።

ወልድያ ዩኒቨርሲቲ ይህንን መሰል ተከታታይ ማሻሻያና ዝግጅት በማድረግ ነባርና አዲስ የተመደቡ ተማሪዎችን እንዲሁም አቅም ማሻሻያ ተማሪዎችን ከመስከረም 26-27/2019 ዓ.ም ጀምሮ ለመቀበል ጥሪ አቅርቧል።

ዘገባው የወልድያ ዩኒቨርሲቲ የህዝብና አለም ዓቀፍ ግንኙነት ነው፡፡
-------------------------------------------
‹‹አእምሮ ሲከፈት፤ ዓይኖች ማየት ይችላሉ!›› ‹‹ Open Mind, Open Eyes!››
For latest updates, please follow the university official pages: Web site: https://www.wldu.edu.et/
Facebook፡ https://www.facebook.com/WoldiaUniversity
Telegram Channel =https://t.me/Woldia_University
Linkedin = https://t.me/Woldia_University/2985
Tiktok = https://www.tiktok.com/.university?_r=1&_t=ZS-95j0halspeP
P.O.Box = 400
Woldia Town, Amhara Region, Ethiopia.

23/09/2026

Partial View of Mersa Campus - Agriculture College

22/09/2026

የሞሪንጋ (ሽፈራው) ተክልን ያካተተ የምግብና የእንስሳት መኖ ስርዓትን በመተግበር የተመጣጠነ ምግብ እጥረትን መቀነስ የሚያስችል የግንዛቤ ማስጨበጫ ስልጠና እና የምክክር ጉባዔ ከባለድርሻ አካላት ጋር ተካሄደ

መስከረም 12/2019 ዓ.ም
‎የወልድያ ዩኒቨርሲቲ የቴክኖሎጂ ሽግግርና ማህበረሰብ ጉድኝት ዳይሬክቶሬት ከግብርና ሳይንስ ኮሌጅ ጋር በመቀናጀት ከሰሜን ወሎ፣ ወልድያ ከተማ አስተዳደርና ዋግኸምራ ዞን ለተውጣጡ የስነ-ምግብና የመኖ ባለሙያዎች እንዲሁም የሚመለከታቸው አጋር አካላት የሞሪንጋ (ሽፈራው) ተክልን በምግብ ስርዓት ውስጥ በማካተት የተመጣጠነ ምግብ እጥረትን ለመቀነስ የሚያስችል የግንዛቤ ማስጨበጫ ስልጠናና የምክክር ጉባኤ በመርሳ ግብርና ሳይንስ ኮሌጅ ተካሂዷል።

የእንኳን ደህና መጣችሁ መልዕክት ያስተላለፉት የወልድያ ዩኒቨርሲቲ የምርምር ህትመት ስነ-ምግባርና ስርዓት ዳይሬክተር ዶ/ር እንዳልካቸው ፈቃዱ ባለፉት ዓመታት በዩኒቨርሲቲው በሞሪንጋ ተክል ዙሪያ በርካታ የምርምር ስራዎች ሲከናወኑ መቆየታቸውን ገልጸው የዚህ መድረክ ዋና ዓላማ እስካሁን የተሰሩ ስራዎችን ለባለድርሻ አካላት ማስተዋወቅና በቀጣይ ተክሉን ይበልጥ ለማስፋፋት የሚያስችል አቅጣጫ መፍጠር እንደሆነ አስገንዝበዋል።

የዩኒቨርሲቲው የቴክኖሎጂ ሽግግርና ማህበረሰብ ጉድኝት ዳይሬክተር ዶ/ር አማረ ቢሆን በበኩላቸው በአካባቢው ያለውን ከፍተኛ የምግብ እና የንጥረ-ነገር እጥረት ለመቅረፍ እንደ ዩኒቨርሲቲ ምርምሮችን ማካሄድ ብቻ ሳይሆን የተገኙ የምርምር ውጤቶች ወደ ማህበረሰቡ የምግብ ሰንሰለት ውስጥ እንዲገቡ ማስተማርና ማሳየት ትልቅ ኃላፊነት እንደሆነ ገልጸዋል።

ለዚህም ላለፉት ከአንድ ዓመት በላይ በዩኒቨርሲቲው መርሳ ካምፓስ ውስጥ የሞሪንጋ ማሳ በማዘጋጀትና በመንከባከብ ተክሉን ወደ ተለያዩ የምግብ አይነቶች (ፓኬጆች) የመቀየር ስራ በስፋት እየተሰራ መሆኑን ጠቁመዋል።

አክለውም ዋናው ችግር የአመለካከት በመሆኑ ማህበረሰቡ ተክሉን እንዲለምደውና በየአካባቢው እንዲያለማው ባለሙያዎችና አጋር አካላት በጋራ መስራት እንዳለባቸው አሳስበዋል።

ስለ ፕሮጀክቱ አጠቃላይ ገለጻ የፕሮጀክቱ መሪና አስተባባሪ በሆኑት በዶክተር አይቸው ይታይህ አማካኝነት ቀርቧል።

የሞሪንጋ ተፈጥሯዊ ባህሪያትና አመራረት በዶክተር ብሩክ ማስሬ፤ የስነ-ምግብ እና የአመጋገብ ሁኔታው ደግሞ በስነ-ምግብ (Nutrition) መምህርትና ባለሙያ ሙሉመቤት ካሳ አማካኝነት ሰፊ ማብራሪያ ተሰጥቷል። እንዲሁም ኢኮኖሚያዊ ጠቀሜታና የገበያ ሰንሰለቱ ምን ይመስላል የሚለው በመ/ር ስሜነህ ጌቴ ቀርቦ ሰፊ ውይይት ተደርጎበታል።

የመስክ ምልከታና ተግባራዊ ማሳያ (Field Demonstration) በመርሳ ካምፓስ የሚገኘውን የሞሪንጋ ማሳ፣ የማድረቂያና የመፍጫ ማሽኖችን (Processing site) በአካል ተገኝተው እንዲጎበኙ እንዲሁም ተሳታፊዎች በሞሪንጋ የተዘጋጁ ምግቦችንና ሻይን እንዲቀምሱ ተደርጓል።

በመጨረሻም ዩኒቨርሲቲው ምርምሩንና ማሳያውን (Demonstration) የመስራት ኃላፊነቱን ቢወጣም ተክሉን ይበልጥ የማስፋፋትና የማስረፅ ስራ (Extension System) የመንግስት ግብርና መዋቅርና በየደረጃው ያሉ ባለድርሻ አካላት ኃላፊነት መሆኑን አሳስበዋል።

ለዚህም በአጭር ጊዜ ውስጥ (በአንድ ወይም በሁለት ወራት ጊዜ ውስጥ) በወልድያ ዩኒቨርሲቲና በሰቆጣ ተቋማት መካከል የተቀናጀ የጋራ እቅድ ተዘጋጅቶ እቅዱን ወደ ስራ ለማስገባት የአጋር አካላት ሁሉ ቅንነት፣ ትጋትና ንቁ ተሳትፎ እንደሚያስፈልግ በመግለጽ መርሃ-ግብሩ ተጠናቋል።

ዘገባው የወልድያ ዩኒቨርሲቲ የህዝብና አለም ዓቀፍ ግንኙነት ነው፡፡
----------------------------------------------
‹‹አእምሮ ሲከፈት፤ ዓይኖች ማየት ይችላሉ!›› ‹‹ Open Mind, Open Eyes!››
For latest updates, please follow the university official pages:
Web site: https://www.wldu.edu.et/
Facebook ፡ https://www.facebook.com/WoldiaUniversity
Telegram Channel ፡ https://t.me/Woldia_University
Linkedin = https://t.me/Woldia_University/2985
YouTube: https://www.youtube.com/
Tiktok ፡ https://www.tiktok.com/.university?_r=1&_t=ZS-95j0halspeP
P.O.Box = 400
Woldia Town, Amhara Region, Ethiopia.

22/09/2026

One Day, This will be you!

21/09/2026

Woldia University, Home of Diversity!

20/09/2026

One road. A thousand memories. 💙🎓
Some roads take you to class. Others take you back in time.