Prifysgol Bangor

04/07/2025

Ydych chi'n mynychu'r Diwrnod Agored yfory? Dyma ychydig o awgrymiadau i chi! 👇

✔️ Nodwch eich cwestiynau – a gofynnwch bob un! 🖊️
✔️ Siaradwch â myfyrwyr presennol – maen nhw wedi bod yn eich sefyllfa chi. 🗣️
✔️ Dysgwch fwy am eich amgylchedd – ewch ar daith o amgylch y campws. 🗺️
✔️ A'r pwysicaf… mwynhewch y diwrnod! 🥳

Mae dal amser i fynychu'r diwrnod agored ➡️ https://bit.ly/4b8PdeB

03/07/2025

🗣️ Newyddion cyffrous! Mae Prifysgol Bangor wedi cael ei henwi'n arweinydd grant gan yr AHRC, sef y 'Doctoral Focal Awards', ac yn bartner ar ail un.

Fel prif sefydliad y 'Celtic Crescent Creative Economy Doctoral Focal Award', bydd Bangor yn cefnogi 20 myfyriwr PhD sy'n archwilio sut mae cymunedau dwyieithog a gwledig yn cyfrannu at yr economi greadigol - gan roi pwyslais ar ranbarthau sy'n aml yn cael eu hanwybyddu mewn strategaethau cenedlaethol.

Rydym hefyd yn falch o fod yn rhan o ail grant gan yr AHRC sy'n canolbwyntio ar iechyd a lles ac sydd dan arweiniad Prifysgol Abertawe, ar ran Cymdeithas Celfyddydau a Dyniaethau Cymru. Bydd y project hwn yn gweithio'n agos â Swyddfa Comisiynydd Cenedlaethau'r Dyfodol Cymru.

02/07/2025

🌟Content newydd!🌟

Mae Be' Nesa' yn mynd ar daith eto. Yn cynnal y bennod hon fel arfer mae Beth Edwards, ynghyd â chyd-gyflwynydd Busnes Cymru, Kerry Cohen.

Rydym yn dal i fyny gydag Awen Haf Ashworth o Sbarduno a Inspire. Mae Awen wedi graddio o Brifysgol Bangor ac yma i rannu ei stori am ei gyrfa a phrofiad.

Peidiwch â phoeni, rydym yn siarad am lawer mwy na dim ond dechrau busnes.

Gobeithio eich bod yn mwynhau gwrando ar y bennod a plîs rhannwch!

Cliciwch yma i wrando nawr - https://shows.acast.com/be-nesa

Ffrydiwch Be Nesa ar Spotify, Amazon Music, Amazon Audible, Deezer & Jiosaavn



Prifysgol Bangor Sbarduno

01/07/2025

Dewch i ddarganfod mwy am ein cyrsiau Nyrsio ac i weld ein cyfleusterau dysgu yn Fron Heulog! 🩺

Ymunwch â ni ar ddydd Sadwrn, 5 Gorffennaf, ar gyfer ein Diwrnod Agored.

🔗 Cyrsiau Nyrsio: https://bit.ly/44sbmDk
👉 I gadw eich lle ar y Diwrnod Agored: https://bit.ly/3omHd4K

30/06/2025

🏴󠁧󠁢󠁷󠁬󠁳󠁿🎓 Bydd Prifysgol Bangor yn dyfarnu graddau er anrhydedd yn yr haf hwn i naw unigolyn o feysydd gwasanaeth cyhoeddus, llenyddiaeth, etifeddiaeth, busnes, cerddoriaeth, gwyddoniaeth a chwaraeon, a hynny am eu cyfraniad i fywyd cyhoeddus.

Cynhelir y seremonïau graddio, sef uchafbwynt y flwyddyn academaidd i fyfyrwyr a’u hanwyliaid ac i staff y brifysgol, yn ysblander hanesyddol Neuadd Prichard-Jones yn y brifysgol rhwng dydd Llun 7 Gorffennaf a dydd Gwener 11 Gorffennaf.

Dyfernir Graddau er Anrhydedd i Cheryl Foster MBE – dyfarnwraig a chyn chwaraewraig i dîm pêl-droed rhyngwladol Merched Cymru, ac i Hanan Issa, Bardd Cenedlaethol Cymru.

Unigolion eraill a fydd yn cael Graddau er Anrhydedd eleni yw’r Athro Pedr ap Llwyd PLSW, Sharon Manning MBE, Gwyn Lewis Williams, Toby Dixon, yr Athro David T Jones, Dr Keith Hiscock MBE, ac Alison Field.

Mwy o wybodaeth: https://bit.ly/4lxXaQ3

30/06/2025

🎓 Rydym yn edrych ymlaen at Wythnos Graddio 2025, sy'n cychwyn ar 7 Gorffennaf!

Dyma gyfle i edrych nôl ar ddathliadau llynedd 🎥 wrth i ni baratoi i ddathlu ein graddedigion arbennig eleni.

Angen gwybod mwy am Graddio 2025? Gweler ein gwefan 👉 https://bit.ly/4km9fqy

27/06/2025

Wedi bod yn meddwl am y drefn Glirio? 👀

Mwy o wybodaeth ar ein gwefan! 📚

👉 bangor.ac.uk/clirio

26/06/2025

🚨 Mattel x OpenAI: Dylai Rhieni Boeni? 🤖🧸

Mae Mattel, sy'n adnabyddus am Barbie, Hot Wheels, Fisher-Price a mwy, yn partneru ag OpenAI i ddod â deallusrwydd artiffisial i deganau.

Ond wrth i AI ddod yn rhan o amser chwarae… beth mae hyn yn ei olygu i breifatrwydd, dysgu a lles eich plentyn?

🔎 Darllenwch yr erthygl gan yr Athro Andrew McStay (Ysgol Hanes, y Gyfraith a'r Gwyddorau Cymdeithasol).

Mattel may seem like an unchanging, old-school brand. Most of us are familiar with it – be it through Barbie, Fisher-Price, Thomas & Friends, Uno, Masters of the Universe, Matchbox, MEGA or Polly Pocket.But toys are changing. In a world where children grow up with algorithm-curated content and voi...

26/06/2025

🎶 Yn ystyried astudio Cerddoriaeth? 🎶

Ymunwch â ni ar gyfer ein Diwrnod Agored ar ddydd Sadwrn, 5 Gorffennaf 🎓🎵

Dewch i gwrdd â’n darlithwyr ac i brofi sut beth yw astudio ym Mangor. 🏴󠁧󠁢󠁷󠁬󠁳󠁿

👉 I arbed eich lle ar ein Diwrnod Agored: https://bit.ly/2XTtozD

25/06/2025

📽️ Bydd Sinema Pontio yn dangos ffilm ddiweddaraf Danny Boyle, 28 Years Later, o ddydd Gwener, 27 Mehefin.

Graddiodd Danny Boyle o Brifysgol Bangor ym 1978 gyda gradd mewn Saesneg a Drama, cyn mynd ymlaen i gyfarwyddo'r ffilm Slumdog Millionaire a enillodd Oscar, Seremoni Agoriadol Gemau Olympaidd Llundain 2012, a chlasuron modern megis Trainspotting, Yesterday, a 28 Days Later.

🎟️ Archebwch eich tocynnau yma: https://tickets.pontio.co.uk/Online/default.asp

25/06/2025

🌿 Hyrwyddo canolfan ddatgarboneiddio arloesol yn y Senedd

Cafodd canolfan ddatgarboneiddio arloesol ym Mhenygroes - y cyntaf o'i fath yn y Deyrnas Unedig ei hyrwyddo mewn digwyddiad arbennig a gynhaliwyd ar gyfer Aelodau'r Senedd ym Mae Caerdydd ddoe (dydd Mawrth, Mehefin 24).

Mae Tŷ Gwyrddfai yn brosiect cydweithredol rhwng Adra, Prifysgol Bangor a Busnes@LlandrilloMenai ac mae wedi trawsnewid hen safle Northwood Hygiene Products yn ganolfan ddatgarboneiddio sy’n sicrhau bod gogledd-orllewin Cymru ar flaen y gad o ran yr agenda ddatgarboneiddio drwy barhau i weithio gyda chymunedau.

Mae Tŷ Gwyrddfai yn brosiect cydweithredol rhwng Adra, Prifysgol Bangor a Busnes@LlandrilloMenai ac mae wedi trawsnewid hen safle Northwood Hygiene Products yn ganolfan ddatgarboneiddio sy’n sicrhau bod gogledd-orllewin Cymru ar flaen y gad o ran yr agenda ddatgarboneiddio drwy barhau i weithio g...

23/06/2025

🏳️‍🌈 Mae’r Brifysgol yn falch o gyhoeddi ei haelodaeth o Raglen Hyrwyddwyr
Amrywiaeth Stonewall, gan ailddatgan ei hymrwymiad i greu amgylchedd diogel,
cynhwysol a chroesawgar i staff a myfyrwyr LHDTC+.

Drwy bartneru â Stonewall, sefydliad hawliau LHDTC+ blaenllaw'r Deyrnas
Unedig, mae'r Brifysgol bellach wedi cael mynediad at hyfforddiant arbenigol,
adnoddau, rhwydweithiau a chefnogaeth wedi'i theilwra i gryfhau ei
hymdrechion cynhwysiant.

Bydd y cydweithrediad hwn, a ariennir gan Medr, yn grymuso staff gyda
chanllawiau ar bolisïau cynhwysol, yn helpu i sicrhau arferion recriwtio teg a
pharchus, ac yn darparu cefnogaeth ddilys i rwydweithiau staff LHDTC+. I
fyfyrwyr, mae'n golygu gwell cefnogaeth fugeiliol, modelau rôl LHDTC+
gweladwy, a diwylliant campws lle mae amrywiaeth yn cael ei ddathlu.