22/06/2026
🇬🇧19 ივნისს Oxford School Georgia-ს კურსდამთავრებულთა გამოსაშვები საღამო - Oxford Graduation Gala 2026 გაიმართა, რომელსაც ჯიღაურას სოფლის მეურნეობის სამეცნიერო-კვლევითი ცენტრის ბაზამ უმასპინძლა.
🇬🇪საღამო საქართველოს სახელმწიფო ჰიმნით გაიხსნა, რომელიც ოქსფორდის სკოლის კურსდამტავრებულმა ანასტასია ჭოხონელიძემ შეასრულა. ღონისძიებამ ერთ სივრცეში გააერთიანა Oxford School Georgia-ს თბილისისა და ქუთაისის პროგრამების კურსდამთავრებულები, მათი ოჯახები, პარტნიორები, აკადემიური სფეროს წარმომადგენლები და საერთაშორისო სტუმრები, რათა ერთად აღენიშნათ მნიშვნელოვანი საგანმანათლებლო ეტაპის დასრულება.
👥დამსწრე საზოგადოებას მისასალმებელი სიტყვით მიმართა Oxford School Georgia-ს დირექტორმა, ქალბატონმა სოფიკო ქვარცხავამ, რომელმაც კურსდამთავრებულებს სწავლის წარმატებით დასრულება მიულოცა და მომავალ პროფესიულ თუ აკადემიურ გზაზე წარმატებები უსურვა. სიტყვით გამოსვლისას მან განათლების, ლიდერობისა და უწყვეტი განვითარების მნიშვნელობაზე ისაუბრა.
🎓ღონისძიების განსაკუთრებული და მნიშვნელოვანი ნაწილი საერთაშორისო სტუმრების გამოსვლები იყო. ახალგაზრდებს საკუთარი გამოცდილება და რჩევები აჰმედ ნავაზმა - Oxford Global Courses-ის დირექტორმა და Oxford School Georgia-ის თანადამფუძნებელმა, სებასტიან ბირდმა - Oxford Global Courses-ის პროგრამების ხელმძღვანელმა და კუბილაი აჰმედ კუჩუკმა - ოქსფორდის უნივერსიტეტის ფილოსოფიის დოქტორმა გაუზიარეს.
🌱აგრეთვე სიტყვით გამოვიდა ჯიღაურას სოფლის მეურნეობის სამეცნიერო-კვლევითი ცენტრის დირექტორი - ბატონი ლევან უჯმაჯურიძე, რომელმაც კურსდამთავრებულებს ეს მნიშვნელოვანი დღე და წარმატება მიულოცა და ჯიღაურას სამეცნიერო-კვლევითი ცენტრის მნიშვნელობაზე ისაუბრა. ღონისძიების დასასრულს სტუმრებს შესაძლებლობა ჰქონდათ დაეთვალიერებინათ ჯიღაურას სამეცნიერო-კვლევითი ბაზა - გამორჩეული სივრცე, რომელმაც Oxford Graduation Gala 2026-ს უმასპინძლა.
🔹საღამოს ერთ-ერთი ყველაზე ამაღელვებელი მომენტი კურსდამთავრებულთა ფიცის დადება იყო. სიმბოლური, ტრადიციული აქტი, რომელიც ცოდნის, პასუხისმგებლობისა და ლიდერობის ღირებულებებისადმი ერთგულებას გამოხატავს.
🔹დღის კულმინაციად კურსდამთავრებულთა დიპლომების გადაცემის საზეიმო ცერემონია იქცა. მომენტი, რომელმაც კიდევ ერთხელ გაუსვა ხაზი თითოეული მოსწავლის შრომას, განვითარებასა და მიღწეულ წარმატებას.
🔹Oxford Graduation Gala 2026 გახდა ღირსშესანიშნავი დღე, რომელმაც აღნიშნა კურსდამთავრებულთა მიღწევები, მათი შრომა და ახალი ეტაპის დასაწყისი. ეს საღამო კიდევ ერთხელ იქცა განათლების, ლიდერობისა და საერთაშორისო თანამშრომლობის სივრცედ, სადაც ახალგაზრდებმა საკუთარი წარმატება იმ ადამიანებთან ერთად იზეიმეს, რომლებმაც მათი განვითარების გზაზე მნიშვნელოვანი როლი შეასრულეს.
🚀ვულოცავთ თითოეულ კურსდამთავრებულს ამ მნიშვნელოვან მიღწევას და ვუსურვებთ წარმატებით, ცოდნითა და ახალი შესაძლებლობებით სავსე მომავალს.
