Prifysgol Abertawe

17/06/2026

O India i Abertawe 🇮🇳🌍

Dewisodd Anna Brifysgol Abertawe oherwydd ei henw da, ei chyfleoedd ymchwil, a'i Hysgoloriaeth Cerddoriaeth. Ochr yn ochr â'i gradd Meistr mewn Iechyd Cyhoeddus a Hybu Iechyd, mae hi wedi gallu parhau â'i hangerdd am gerddoriaeth, dod o hyd i gymuned trwy gymdeithasau, a chael mynediad at gefnogaeth bob cam o'r ffordd.

“Mae yna gymorth ym mhobman, y cyfan sydd angen ei wneud yw gofyn.”
🔗 swan.ac/International

16/06/2026

Am ddiwrnod gwych yn Nigwyddiad It Flies UK 2026 yr wythnos diwethaf 🛬

O hediadau profi byw yn y Labordy Efelychu ar Gampws y Bae i gyflwyniadau technegol, roedd hi'n ysbrydoliaeth gweld dyfeisgarwch peirianneg yn dod yn fyw.

Fel y rhai a oedd yn cynnal y digwyddiad, gan gynrychioli ST Engineering Antycip, cawsom y pleser o groesawu timau o fyfyrwyr a goruchwylwyr ledled y DU ac Ewrop, gan gynnwys Prifysgol Abertawe, Prifysgol De Cymru, Prifysgol Dwyrain Llundain a Phrifysgol Gwyddorau Cymhwysol Amsterdam.

Cafodd pob tîm y cyfle i brofi eu dyluniadau gan ddefnyddio ein Hefelychydd Hedfan Merlin, gan brofi perfformiad yn y byd go iawn, a chael adborth gan arbenigwyr a mireinio eu cysyniadau mewn amgylchedd arbenigol tu hwnt.

Mae'r digwyddiad hwn yn amlygu'r ddawn anhygoel sy'n llywio dyfodol peirianneg awyrofod, ac yn Abertawe, rydym yn falch o gefnogi'r genhedlaeth nesaf o arloeswyr.

Diolch yn fawr iawn i bawb a gymerodd ran a chyfrannu at wneud y digwyddiad hwn yn gymaint o lwyddiant.

Mwy o wybodaeth am y cyrsiau Peirianneg sydd ar gynnig yn Abertawe: swansea.ac.uk/cy/awyrofod/

15/06/2026

Yr Athro Ann John Wedi’Ii Phenodi’n OBE yn rhestr Anrhydeddau Pen-blwydd y Brenin 🎉

Estynnwn ein llongyfarchiadau gwresog i’r Athro Ann John o Ysgol Feddygaeth Prifysgol Abertawe sydd wedi’i phenodi'n OBE yn rhestr Anrhydeddau Pen-blwydd y Brenin i gydnabod ei gwasanaethau i atal hunanladdiad ac arloesedd digidol.

Mae'r Athro Ann John arbenigwr rhyngwladol blaenllaw mewn atal hunanladdiad, cynnal ymchwil i hunan-niweidio a gwyddor data iechyd meddwl.

Mae ei hymchwil wedi gwella dealltwriaeth o'r achosion a'r ffactorau risg sy'n gysylltiedig â hunanladdiad a hunan-niweidio, gan herio rhagdybiaethau hirsefydlog ac ehangu'r ffocws y tu hwnt i seiciatreg arbenigol i leoliadau gofal sylfaenol a chymunedol. Mae gan yr Athro John rôl arweiniol hefyd wrth ddatblygu mynediad diogel ac sy'n cynnal preifatrwydd at ddata iechyd meddwl at ddibenion ymchwil ac arloesi.

🔗 Darllenwch fwy: swansea.ac.uk/cy/swyddfar-wasg/newyddion-a-digwyddiadau/newyddion/2026/06/academydd-o-brifysgol-abertawe-wedii-chydnabod-yn-rhestr-anrhydeddau-pen-blwydd-y-brenin.php

14/06/2026

Heddiw yw Diwrnod Rhoddwyr Gwaed y Byd 🩸

Ers mis Mehefin 2025, mae Prifysgol Abertawe wedi croesawu Gwasanaeth Gwaed Cymru i’r ddau gampws 10 gwaith, gan gymryd 431 o roddion. Gallai'r rhoddion hyn achub bywydau 1,293 o oedolion neu 2,586 o fabanod o bosibl.

Mae gan un rodd yn unig y pŵer i achub 3 bywyd!

🔗Trefnwch apwyntiad achub bywyd heddiw: https://wbs.wales/SwanseaUni

13/06/2026

Mae'n fraint gennym rannu y byddai 97% o'r myfyrwyr a atebodd yr arolwg yn argymell Prifysgol Abertawe (Uni Compare 2027) 🎉

Mae'r canlyniad bendigedig hwn yn adlewyrchu ein hymrwymiad parhaus i foddhad myfyrwyr, rhagoriaeth addysgu a chreu amgylchedd cadarnhaol cefnogol i'n myfyrwyr.

Diolch yn fawr i'n myfyrwyr, ein staff a'r gymuned ehangach am eich cefnogaeth amhrisiadwy, dyma eich cyflawniad chi hefyd 💙

Rhagor o wybodaeth am gyflawniadau yma: swansea.ac.uk/cy/y-brifysgol/gwobrau-ac-anrhydeddau/

12/06/2026

Ar ôl chwe blynedd heb ddefnyddio’r Gymraeg, ailgysylltodd Santhi â’r iaith wrth astudio Biocemeg ym Mhrifysgol Abertawe.

Drwy ein darpariaeth Gymraeg a’r gefnogaeth gan y Coleg Cymraeg Cenedlaethol, gan gynnwys mentora, cyfleoedd i astudio yn Gymraeg a chymuned gefnogol, llwyddodd i ailadeiladu ei hyder. Profiad sydd wedi newid ei bywyd.

Heddiw, mae hi’n dysgu gwyddoniaeth yn Ysgol Bro Dur ym Mhort Talbot, gan ysbrydoli’r genhedlaeth nesaf.

Mae ei stori’n dangos yn glir, mae’r Gymraeg yn perthyn i bawb, a does dim ots pryd rydych chi’n dechrau neu’n dychwelyd ati.

🎉 Llongyfarchiadau i’r Coleg Cymraeg ar ei ben-blwydd yn 15 oed - ymlaen at y 15 nesaf!

👏 Diolch am fod yn ysbrydoliaeth, Santhi.

Santhi wedi mynd i ddysgu gwyddoniaeth yn Ysgol Bro Dur ar ôl cefnogaeth y Coleg Cymraeg

10/06/2026

Ymuna â ni am ein Diwrnod Agored a darganfod popeth sydd gennym i'w gynnig!✨

✅Cer i sgyrsiau croeso
✅Archwilia ein campysau
✅Edrycha o gwmpas ein llety
✅Ymuna â'n sgyrsiau pwnc penodol a chwrdd â'n staff academaidd

Hefyd bydd gennym sesiwn galw heibio i siaradwyr Cymraeg neu'r rhai hynny sydd eisiau cael gwybodaeth drwy gyfrwng y Gymraeg.

👉 Cadwa dy le nawr: swansea.ac.uk/cy/diwrnodau-agored/

10/06/2026

Gallai robot anwes rhyngweithiol o'r enw Purrble wella iechyd meddwl i bobl ifanc LHDTC+.

Darganfu'r ymchwilwyr fod y rhai hynny sy'n defnyddio Purrble, dyfais ymatebol a llonyddol, yn profi llai o orbryder ac yn gallu rheoli eu hemosiynau'n well o'u cymharu ag offer cymorth traddodiadol.

Mae Purrble, a gafodd ei ddylunio ar y cyd â phobl ifanc mewn golwg, yn efelychu curiad calon cyflym drwy ddirgryniadau, gan annog ei ddefnyddiwr i’w anwesu a’i fwytho er mwyn ei dawelu. Mae’n newid o wichiau bach i ddechrau canu grwndi’n raddol, gan helpu i dynnu sylw’r person ifanc o emosiynau heriol a’i dawelu ei hun.

Gallai'r ymagwedd arloesol hon y gellir ei defnyddio gartref helpu i ehangu mynediad at gymorth iechyd meddwl ochr yn ochr â therapïau presennol i gyrraedd mwy o blant sy'n wynebu risg.

🔗 Rhagor o wybodaeth: swansea.ac.uk/cy/swyddfar-wasg/newyddion-a-digwyddiadau/newyddion/2026/06/cyflwyno-purrble---y-robot-anwes-syn-helpu-i-leddfu-gorbryder-ac-iselder-ymhlith-pobl-ifanc-lhdtc.php

05/06/2026

Ymchwil o Abertawe'n Helpu i Bweru’r Injan Awyren Hydrogen Gyntaf yn y Byd ✈️

Mae ymchwilwyr o Brifysgol Abertawe'n dathlu eu rôl mewn carreg filltir fawr ym maes hedfanaeth, yn dilyn cwblhau rhaglen ryngwladol pedair blynedd o hyd yn llwyddiannus dan arweiniad Rolls-Royce ac EasyJet.

Mae'r rhaglen wedi arwain at gyflawniad unigryw yn fyd-eang: injan awyren fodern sy'n defnyddio 100% hydrogen i bweru esgyniad.

Cafodd y cyfleusterau hyn eu datblygu drwy gydweithrediad agos rhwng yr ISM a Sefydliad Dur a Metelau'r Brifysgol (SAMI).

Meddai Louise Gale, Arbenigwr Deunyddiau yn Rolls-Royce: "Roedd Abertawe'n ddewis amlwg fel partner ar gyfer y rhaglen HYEST gan adeiladu ar ein perthynas gref a ddatblygwyd trwy sawl cydweithrediad llwyddiannus blaenorol ar brofi a nodweddu deunyddiau. I ddatblygu injan a bwerir gan hydrogen, mae angen galluoedd profi deunyddiau newydd i ddilysu ymddygiad deunyddiau mewn amgylcheddau hydrogen. Mae'r galluoedd profi a ddatblygwyd gan Abertawe wedi'n galluogi i greu data allweddol am ddeunyddiau i gynorthwyo wrth ddylunio cydrannau ac asesiadau diogelwch."

🔗Darllenwch fwy: https://www.swansea.ac.uk/cy/swyddfar-wasg/newyddion-a-digwyddiadau/newyddion/2026/06/ymchwil-o-abertawen-helpu-i-bweru-datblygiad-arloesol----injan-awyren-hydrogen-gyntaf-y-byd.php

*Injan Pearl 15 wedi'i haddasu. Cydnabyddiaeth: © Rolls-Royce plc 2026 • cedwir pob hawl.

03/06/2026

Ymuna â ni'n Fyw ar TikTok a 4 Mehefin✨

Byddwn yn siarad am lety a chymorth i fyfyrwyr💙

🔗Cofrestra nawr swan.ac/TikTokLive